..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
خرج عصام يوصل هاجر لدارهم بحكم باها عيط عليه هاد صباح ودا معاه ختو اسماء يدوزها لطبيب فطريقو ومن يكون راجع يجيبها معاه..خلاو دراري بوحدهم حاضياهم الياقوت.. وحاتم ملصقش فهاجر لانه عارف اليوم مهم بالنسبة ليها....وزيد صحابو جايين من افريقيا الجنوبية خاص يمشي لمطار هو وباه يجيبهم ...
جالسين فجردة وياسر كيهضر مع حاتم كانت تصرفاتو مع حاتم عكس تصرفاتو مع ختو كأن حاتم هو لي خوه شي لي خلا االبنت تزيد تشوف فحاتم بكره....
حاتم شاف فطابلو لي محطوط فوق العشب مكمش حجبانو...
-هدا هو لي جبتي معاك من صين....
ياسر حرك راسهو: اه كنت مشيت باش نشارك فمسابقة ديال الحساب في رياضيات ....
حاتم كيشوف فصندوق و نطق بشوي : و ربحتي...
ياسر حط يدو على حنكو: وصلت لنهائي ولكن خسرت غلبني واحد من صين ...
حاتم هز عينو : بشحال من نقطة....
ياسر هز جوج صباع: غلبني بجوج نقط و لكن مكيهمش حيت مثلت فرنسا ماشي المغرب ....
حاتم بفهم: اه نتا كتقرا فمدرسة تابعة لفرنسا....
ياسر صغر عينو و حط الكاس ديال عاصير فوق طبلة وركز مع حاتم : نتا هاد العام ادخل لمدرسة نتا و هادي "شار بصبعو لختو "... علاش مدخلش لمدرسة لي كنقرا فيها وانا متأكد ايقبلوك دغيا حيت اولا كتعرف تهضر باللغات و عندك جنسية المانية مزال ما ختاريتي لجنسية المغربية.....
حاتم صغر عينو كيفكر و ببساطة حرك راسو : لا بغيت ندخل فمدرسة عادية بحالي قرا فيها بابا بغيت ناخد تجربة بحال ديالو....
ياسر سكت بدون ما يرد لأن المدرسة لي كيقرا فيها قراو فيها كل ابناء عائلة لوزير لدا هادشي عادي عندو بينما عصام كان من عائلة فقيرة و قرا فمدرسة شعب و كبر راسو بيديه لهادا ياسر كيشوف عصام بمنضور مختلف ودايرو هو القدوة ديالو....
كانت علاقة ياسر و حاتم واضحة بيناتهم معزة بحال لخوت و متقاربين فالافكار ياسر تربية ديالو كانت صارمة لدا المشاعر ديالو مكيضهروش على ملامحو كشخص جامد اما حاتم انسان مختلط يقدر يكون طفل و فنفس الوقت يقدر يهضر كشخص بالغ..عايش سنو ولكن من منضورو الخاص وعصام عاطيه حرية تصرف و مداغطش عليه انه هو لي ايحمل الشركة من بعدو و يتقلو وهو طفل باغيه يكبر و يختار لميدان لي يناسبو اما ياسر فهو من تولد لقا كل الاعين متوجهة ليه ودايرين عليه امل اكبر من عمرو لدا شخصيتو كانت مختلفة على كل الاطفال....
فنفس طبلة جالسة طفلة بهدوء كتشوف خوها كيهضر مع حاتم بحرية و احيانا كيضحك بينما هو معمرو هضر معاها و لا تبسم..هبطات راسها بحزن مكرهاتش تكون فمكان حاتم و يضحك معاها خوها بلطف و يعاود ليها منجزات و المبراياة لي دارهم فصين..فكل ما كتفكر هكذا كيزيد ينمى واحد الحقد تجاه حاتم بشكل خطير جدا....
تقابل حاتم و ياسر كيحلو رموز فاللعبة لي جابها ياسر من صين..كان كل واحد واخد طبلة ديالو و كيتاسبقو شكون لي ايكمل الاول ...اللعبة كان فيها عدة قطع مبعثرة وخاص على الاقل اربع ساعات باش تكمل كل قطع بالنسبة لشخص ناضج اما طفل فهي اتكون صعيبة على القدرات العقلية ديالو..
اما بالنسبة لياسر و حاتم هدا كان ساهل كشرب لماء لانه بكل اختصار عباقرة و خصوصا حاتم كان متفوق فالحساب الدهني....فخمس دقائق وصل حاتم لاخر جزء ايحطو فطابلو باش يعلن فوزو ونهاية لعبة لكن الطفلة لي كانت مراقبة اللعبة ما بين الاثنين شافت خوها مزال واحل بينما حاتم بقا ليه جزء واحد وهي تحر بزربة طلعات فوق طبلة و ضربات طابلو ديال حاتم برجليها رماتو من فوق طبلة و تزلعو كل الاحزاء فالارض وفهاد اللحضة هز ياسر راسو بفرح واعلن انه هو الفائز....
حاتم بقا جامد فمكانو واخر جزء مزال ما بين صبعو ..كيرمش عويناتو بشوي و ببطئ هزهم فطفلة لي واقفة فوق طبلة و فنضراتها كان نوع من صرامة و الكره بينما تحولات نضراتها الى حمل الوديع تجاه خوها ياسر....
طفلة حطات يديها على المكان لي ضربها فيه وهزات رجليها ضرباتو بركلة لوجهو و نطقات بعصبية : حمااار قصحتيني ....
حاتم بضربة لي عطاتو ولا نيفو حمر و حيت مكيتحاملوش معقلش عليها جرها من رجليها طيحها فوق طبلة وطلع فوق منها شد ليها شعرها كينتفها وهي عطاتو غير لقميش و العضان و خا تقصحو واحد ما بغى يطلق الاخر .....
ياسر بغى يدخل بيناتهم ما عرف منين يفك وهو يدخل كيجري يعيط على الياقوت و فهاد اللحضة حاتم بغى يبعد وهي طير عليه لبنت بعضة فشحمة الادن ديالو خلاتو يغوت ربي لي خلقو وما بعدات تا خلات دم فودنو وفمها كان عامر بالدم ديالو.....
#بونوي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
