أمير الرجال ( مكتمله)

البارت الواحد وعشرون

#امير_الرجال #البارت_الواحد_والعشرون

قد شاهد  الرجاله  العماره التي صعد بها محسن وبها شقه نورها قد اضاء فجأه عندما صعد محسن  .
صعدوا اليها وطرقوا الباب بشده .
ايمن : مستغربا مين بيخبط  .
محسن : انت مستني حد .
الباب يطرق بشده .

محسن هقوم افتح.

ايمن : لا استني مش هنفتح .
محسن : هيكسروا الباب.
ايمن : وقد بدا يتصبب عرقا ، افتح يامحسن وانا هدخل الاوضه ( وقد دخل ايمن غرفته ليتخبا بها) 
محسن : ذهب ليفتح الباب وبصوت مرتفع ، طيب..  طيب..
وقد فتح الباب وشاهد الرجاله وقد قاموا بإبعاده بقوه  ودخلوا الشقه ليفتشوا بها.
محسن : انتوا مين وعايزين ايه..
قد عثر احد الاشخاص علي ايمن .
ايمن : في ايه انتوا مين..
فشاهد ايمن شخص اخر وقال ايوه هو ده هاتوه.
وقد لكموه بعض اللكمات القويه علي وجهه و جسده و قد نزف دما من وجهه ، ثم قاموا بسحله من الشقه الي السلم.
محسن : انتوا واخدينه فين ، وبتضربوه ليه ، انتوا مين .....  ونزل وراهم .

نزلوا وركبوا العربيه ، وقد وضعو ايمن في شنطه العربيه بعد ان ضربه احد الاشخاص  علي راسه وفقد الوعي.
محسن ورائهم ، ولكن قد اوقفه شخص وهدده لو مبعتدش هناخدك معاه ،ومحدش هيعرف طريقك.
محسن : ابتعد عنهم فورا.
وقد تحركت  العربيه بعيدا.
محسن  : بصوت واطي ، معلشي ياصاحبي العمر مش بعزقه

##################

في احدي شوارع شرم الشيخ .
تتمشي مي ونادر.
نادر : وحشتيني اوي.
مي : وانت كمان.
نادر : كده تغيبي عني الفتره دي كلها مشفكيش .
مي : ظروف يانادر ماانت عارف ، غصب عني.
نادر : ولا يهمك المهم انك معايا دلوقتي ، هتقعدوا كام يوم هنا.
مي : معرفش لسه ، انت مستعجل وعايز تنزل مصر  ولا ايه..
نادر : بالعكس احنا هنا نعرف نطلع ونتكلم براحتنا انما في الجامعه مبعرفش اقعد معاكي  .
مي : انت اللي عايز كده..
نادر : تاني يامي ، خلاص مبقاش فاضل الا شهر.
مي : ولا تاني ولا تالت ، ان جايه اروق دماغي هنا ، مش طالبه نكد .
نادر : قولي لنفسك بقي انا سايب كل حاجه ورايا وجايلك وانتي تقابليني كده.
مي : تتفاجأ باامير ، امير..

امير : مين دا يامي.
مي : تتلعثم بالكلام دا..  دا..
نادر : يرد اذيك ياامير ، انا نادر الصباغ زميل مي في الجامعه
امير : وزميلها جاي يعمل ايه هنا..
مي : انا قابلته صدفه ياامير..
امير :  ينظر لها ثم ينظر ل نادر ، صدفه .
نادر : ينظر ل امير  الحقيقه هي مكنتش بالنسبالي صدفه.
امير : يعني ايه .
نادر : ممكن نقعد ونتكلم
امير : مش لما اعرف انت مين وجاي هنا ليه  .
نادر : انا وائل فايد الصباغ
امير : انت  ابن المهندس فايد الصباغ صاحب شركه الانشاءات.
نادر : اه ، بالظبط..
امير : وايه علاقتك ب مي.
مي : تنظر الي امير بإحراج ، مفيش حاجه ياامير .
امير : ينظر ل مي ، ممكن تسكتي انتي علشان عايز اسمعه..
نادر : الحقيقه انا بحب مي ، وكنت مستني اما اخلص امتحانات علشان اجي اتقدملها .
امير : لما انت بتحبها ايه يمنعك تيجي تخطبها وتبقوا ماشيين قدام الناس من غير ماتسببلها وتسبب لنفسك احراج بالشكل دا ، وكمان تخليها تكدب علي اختها انها لوحدها وهي معاك.
نادر : بااحراج ،انا اسف ، لكن هي مساله وقت مش اكتر.