أمير الرجال ( مكتمله)

البارت الثامن عشر

#امير_الرجال #البارت_الثامن_عشر

مي : وتضع صينيه القهوه علي الطاوله وتشاهد ساره فتقترب منها وبصوت واطي ، في ايه .

تاخذها ساره ويدخلا ويجلسا في الريسبشن .

ساره : بدموع كان نفسي ماما تكون معايا اوي ، ماما وحشتني حاسه اني وحيده من غيرها ومليش حد ، احساس صعب ، ميتوصفش.
مي : ربنا ينتقم من اللي كان السبب ، معلشي ياساره هي كمان وحشاني ، وانا معاكي وامير معاكي .

ساره : حببتي مستكملتش الصدمه وماتت في لحظه، كان نفسها تفرح بيا ، كانت مستنيه يوم فرحي ، زي مايكون دا يوم فرحها هي.
مي : بدموع ربنا يرحمها .

ساره : انا تعبانه اوي يامي ، ومش قادره بجد .
مي : معلشي ياساره ربنا يصبرك ويصبرني والحمدلله ان امير طلع راجل وبحبك بجد.

ساره : امير دا مفيش زيه ، انا لحد دلوقتي مش مسدقه كل اللي حصلي،   كاانه حلم ، لا لا ، دا كابوس ونفس اصحي منه.
مي : ربنا يعوضك ياحببتي ويصبرنا علي فراق ماما .

ساره : انا حاسه اني مكسوره اوي وتعبانه وضعيفه اوي ، حاسه ان الدنيا استكترت عليا الفرح يامي ، وترتمي في حضن مي.
مي : تطبطب عليها اهدي ياحببتي ، حاولي تنسي اللي حصل بقي.

ساره : بدموع صعب يامي…  صعب اووي.
مي : اهدي شويا ياساره . النهارده كان كتب كتابك قومي اغسلي وشك ومتخليش امير يشوفك كده .

ساره: امير ، انا لحد دلوقتي مش عارفه هتعامل معاه ازاي
مي : يعني ايه ، دا خلاص بقي جوزك ، تقومي تغسلي وشك وتغيري الاسود اللي انتي لبساه ، وتضحكي معاه .

ساره : بسهوله كده عيزاني اتعامل معاه كان مفيش حاجه حصلت ليا .
مي : امير ملوش ذنب ياساره ، حاولي ، تعالي علي نفسك .

ساره : اجي علي نفسي !! ، انا هاجي علي نفسي علي ايه... ولا ايه ... ولا ايه ، نفسي مبقتش مستحمله كسره اكتر من كده ، ولا هقدر اراضي حد ولا ادادي حد ، ثم تاخذ نفس ، مبقاش فيا حيل لاي حاجه.

يدخل امير وعمر في الليفنج ،بعيدا بعض الشيء ، قصاد ساره ومي وهما جالسان في الريسبشن.

عمرو : يشاور لمي وساره هستاذن انا.
مي: اتفضل .
ساره : تمسح دموعها ، وتهز راسها.
عمرو يذهب .
وامير دخل وجلس مع ساره ومي في الريسبشن ، لساره انا اول مره في حياتي اشوف حد بيعيط وببقي قمر كده .
ساره : ابتسمت .

امير : لا بجد انتي بتعملي كده ازاي ، ايه القمر دا ، داانتي كده هتخليني اقول عيطي كل شويه.
ساره : تضحك . بتتريق عليا.

امير ،: لا بجد ، ينظر ل مي طيب بصي يامي كده شايفه خدودها حمرا ازاي وجميله زي التفاح ، ولا مناخيرها صغيره زي السكره ازاي ، ولا الشفايف حمرا وفرولايه ازاي
مي : تضحك هي وصلت للفراوله وتبص لساره يارتني انا اللي بعيط.
ساره: تضحك .