أمير الرجال ( مكتمله)

البارت العشرون

#امير_الرجال #البارت_العشرون

عمرو يتصل علي امير ، وقد نسي امير هاتفه في الغرفه
عمرو : رد بقي ياامير ، هو دا وقته .

##########
امير يجلس مع ساره في مطعم الفندق يتعشوا ، وقد اتت مي وشاهدتهم .
مي : انتوا لسه بتاكلوا.
امير : تعالي ، اه ، ويشاور للجارسون ان يااتي ، وينظر ل مي ها تاكلي ايه.
ساره : هاتلها زينا ،الاكله دي طعمها حلو اوي يا مي.
مي : دا سمك ، مبحبوش.
امير : دا سي فود علي الطريقه الايطاليه بس طعمه هيعجبك.
مي : لا مبحبش الاسماك ، هاكل بيتزا.
امير : هههه بيتزا سي فود .
ساره : ههههه انت كده هتخليها متكلش .
مي : انتوا شاكلكوا رايقين وهتفوقوا عليا ، ثم نظرت للجرسون بيتزا شاورما وبطاطس.
ساره : تنظر ل مي دا كله نوم ، انتي جايه تنامي..
مي : نمت محستش بنفسي ، انتي نسيتي موبايلك واتصلت علي امير مردش .
امير : فعلا انا سيبته فوق في الاوضه. حد يبقي معاه ساره ويمسك الموبايل.
ساره: هههههه ، علشان لو في مكالمات مهمه ترد عليها.
امير : مفيش اهم منك ويمسك يدها ويقبلها.
مي : هو انا نزلت في الوقت الغلط ولا ايه...
امير : ينظر ل مي ، اسكتي دا انتي فاتك كتير اوي.
ساره : تنظر ل امير ، وبعدين.
مي : في ايه.
امير : خلاص مش هقولها انك حضنتيني واحنا في البحر .
ساره : تخجل ووجهها يحمر .
مي : ههههههه انتوا حضنتوا بس.
ساره : مي عيب كده..
امير : اه تخيلي .
مي : هههههه عيب ، دا جوزك.. ، وقد اتت البيتزا وبدات تاكل.
امير : ايوه قوليلها ،اصلها كسوفه اوي...
ساره : انا شكلي هسيبكوا واقوم.
امير : تسبينا فين ، انا لسه مفرجتكيش علي شرم لسه هننزل نتمشي .
مي : أه ،انا عايزه اتفرج علي كل مكان هنا .
ساره : لا انا كده خلاص فصلت عايزه اطلع انام..
امير : و مي هتسبيها لوحده وانا هتسبيني البنات يعكسوني كده. .
ساره : هههههه روح انت ومي.

امير : انتي الخسرانه ،متزعليش بقي لو لقيتي واحده بتوقفني تكلمني وتقولي تعالا ياميرو فسحني .
مي : هههههه من كتر الضحك كادت ان تقف قطعه البيتزا في فمها ، وهي تشاهد ساره وقد برقت لامير بضيق.
ساره : والله ، ابقي اعملها ياامير وشوف ايه اللي هيحصل.

امير : وانا مالي هما اللي هيعكسوني ،وانتي شايفه كلهم اجانب اهو ، يعني عادي بالنسبالهم..
مي: تنظر لساره ، ماتسيبه ياساره متقطعيش عليه .
ساره : شكلك هتطلع تنام ياامير قبل مني.

امير : ههههه حاضر ، شوفتي انا مؤدب ازاي ، بس ايه ذنب مي تبقي لوحدها ، انا رايي تطلعي انتي تنامي وتسبينا نتفسح انا ومي..
ساره : اه علشان تروح تسرمح .

امير : هههههه اسرمح ،دي غيره بقي.
مي : اتكشفتي ياساره هههه
ساره : يلا ياامير علشان تطلع تنام .
امير : طيب ومي .
مي : لا ، هي تفرض رائيها عليك انت ،انت جوزها..
امير : ههههه بقي كده ،ماانتي اختها برضو.
ساره : ولا انت ولا هي كلنا هنخلص ونطلع ننام .
مي : لا ياساره حرام كده ، انا لسه صاحيه ونفسي اتفرج علي المكان.
ساره : بس كده هتبقي لوحدك ،وانتي متعرفيش حاجه هنا..
مي : متقلقيش هتمشي حوالين المكان مش هبعد شويه وهطلع..
ساره : طيب ، يامي بس متبعديش .
مي : منحرمش منك ياقلبي.
امير : طب وانا مش جيلي نوم انا كمان ..
ساره : لا انت هتطلع تنام ، كفايه علينا كده .
امير : هههه حاضر ياروحي انتي.. ،ثم ينظر ل مي خدي السواق معاكي علشان لو احتجتي حاجه .
مي : لا انا هتمشي حوالين المكان مش هبعد .
امير : وايه يعني ،علشان يبقي واخد باله منك.
ساره : اه يامي ، خديه معاكي.
مي : لا انا كده مش هبقي مرتاحه ، سبوني براحتي..
ساره : تنظر ل امير خلاص ياامير سيبها براحتها علشان متضايقش..
امير : حاضر، اللي انتوا شايفينوا .