أمير الرجال ( مكتمله)

البارت الثالث والعشرون

#امير_الرجال #البارت_الثالث_والعشرون

في فيلا جمال الصباغ.
جمال وشروق ونيللي ، يجلسان في الريسبشن .
نيللي : بجد يابابا انا مش مسدقه ، معقول امير جاي دلوقتي.
شروق : طبعا وهو يعرف يلاقي زيك فين بعد ماالسنكوحه بتاعته طفشت قبل ماتنفضح.
جمال : بسعاده غامره ،اومال هو انا بلعب ، هتلاقيه داخل علينا دلوقتي.
نيللي :باابتسامه خبيثه وصوت واطي ، اخيرا جه راكع ، وعرف قيمه بنات الناس من الزباله بتاعته .

جرس الفيلا يرن .
شروق تنادي علي الخادمه الفلبينيه كيدي افتحي الباب .
كيدي : تاتي مسرعه ، حاضر مدام .

يدخل امير ومعه والده احمد ووالدته نور .
يستقبلهم جمال وشروق بالترحاب ويدخلا الليفنح.
جمال : اذيك يااحمد ، اذيك امير.
احمد : تمام اذيك انت.
امير : الحمدلله ياعمي وينظر لنيللي اذيك يانيللي .
نيلي : بسعاده وتكبر، الحمدلله اذيك انت.

شروق : تستقبل نور بالاحضان ، وحشتيني يانينو اوعي تكوني لسه زعلانه مني من المره اللي فاتت.
نور : تنظر باشمئزاز وضحكه ، لا متقليش كده ، ثم تنظر لنيلي اذيك يانيللي .
نيللي : تحتضنها، وحشتيني ياطنط.

ويجلسا في الليفنج.

امير : الحقيقه وقبل اي حاجه ، انا عايز اعتزر ل نيللي عن اللي حصل مني ، وطالب منها تسامحني .

شروق : مسرعه وبسعاده ، دا كلام ياامير اكيد هي مسمحاك دا شيطان ودخل بينكو.
امير : معلشي ياطنط محتاج اسمعها من نيللي .
نيللي : بتكبر : يعني عرفت قيمتي دلوقتي ياامير ، عامتا خلاص مسمحاك..
امير : طبعا عرفت قيمتك ايه ، ثم ينظر لجمال علشان كده انا جاي ويسعدني اني اطلب ايد نيللي ياعمي.

نيللي : ابتسمت ابتسامه عريضه وبعجرفه ترفع حاجب.
شروق : باابتسمه ، طبعا موافقين واحنا هنلاقي احسن منك فين .
جمال : ينظر ل احمد ، ايه رايك يااحمد في الكلام دا.

احمد : احنا مش هنلاقي احسن من نسبكوا ياجمال
جمال: بس انا عندي شروط.
امير : ينظر لوالده ، بعد اذنك يا بابا ، ثم ينظر لجمال انا موافق علي كل شروطك.
جمال : منشكحا ، مش لما تعرف ياامير ايه هي الشروط الاول.
امير : اي حاجه هتقولها انا موافق عليها.
جمال : بتكبر يضع رجل علي رجل ، تجيب لنيللي فيلا لو حدها وتكتبلهالها بااسمها (امير : يهز راسه بالموافقه ، تمام) ومؤخر خمسه مليون وزيهم شبكه .
امير : يتمتم ، دا غير الشبكه اللي لهفتوها ، بصوت عالي انت و نيللي تؤمروا ياعمي .
جمال : يبقي كده موافقين
امير : حيث كده ، يبقي نحدد ميعاد الجواز .
احمد وشروق ونيللي مبتسمين وبنظرات بينهم وبين بعض
وامير يشاهدهم بخبث.
شروق : بسرعه كده ، دا انت باين عليك مستعجل ههههه
جمال : شوف الميعاد اللي يناسبك ونحدده .
احمد: ايه رائيكو الجمعه الجايه.
نيللي : دا فاضل تلات ايام مش هلحق اعمل فيهم حاجه.
امير : بمكر، وانتي عايزه تعملي ايه يانيللي.
نيللي : متوتره ، اجيب الفستان واحجز كوافير وحاجات كتير ناقصاني ومش هنلحق نعزم حد.
نور : الفستان وهنجيبه من احسن اتيليه ، والبيوتي سنتر نحجز بيوتي سنتر كامل ليكي ، واي حاجه نقصاكي نبعت نجيبها
شروق : تنظر ل نيللي ، اه نور معاها حق واي حاجه لزماكي ابقي هتيها بعدين.
احمد : وبخصوص المعازيم انا هكلف مكتب في الشركه مخصوص يكتب قايمه رجال الاعمال والسياسين والفنانين ، دا ابن امير ابو الدهب هيبقي فيه صفوه المجتمع وهيكون في احسن واكبر قاعه في مصر ، ثم ينظر ل لجمال ، ولا ايه ياجمال.
جمال : بسعاده ،طبعا وانا هكتبلك اسامي قرايبنا علشان تبقوا تبعتوا الدعاوي .
امير : بنظر ل نيللي ، كده كويس يانيللي، ولا عايزه حاجه تاني.
نيللي : خلاص اللي تشوفوه.