أمير الرجال ( مكتمله)

البارت الثالث والثلاثون (الاخير)

#امير_الرجال #البارت_الثالث_والثلاثون #الاخيره

ليلا في شقه سهي ، تحديدا في غرفه النوم .
ينام عمرو بجوار سهي علي السرير.
تتسحب سهي من جانب عمرو الذي يدعي  انه نائم ، فتفتح سهي  الدولاب وتاخذ المظرف وتذهب الي اليفنج  بالخارج وتتصل علي مراد وبصوت منخفض ( ايوه يامراد..  انا معايا المظرف خلي الراجل يطلع علشان نبدل المظاريف ..... تمام وتغلق الهاتف)  وتتلصص مره اخري علي عمرو فتجده نائم ، وتذهب لتفتح باب الشقه وتنتظر الرجل تبع مراد الذي خرج من الاسانسير امامها ، فشاورت له سهي وقد ابدلو المظاريف فدخلت سهي الشقه  واغلقت الباب بهدوء وذهبت الي غرفه نومها ووضعت المظرف المزيف في الدولاب ورجعت الي السرير ونامت مره اخري بجانب عمرو. 

#######

مراد في شقته ويتصل علي هيثم حتي يطمئنه .
مراد : المظاريف اتبدلت خلاص وعمرو هيقدم بكره المظرف المزيف واحنا هنقدم المظرف بتاعهم  بكره .
هيثم : هعدي عليك بكره علشان نقدمه مش هطمن الا لو قدمته بنفسي.
مراد : تمام عدي عليا نروح نقدمه سوا.
هيثم : تمام.

########

في فيلا فايد الصاوي.

نادر : قد طأطأ راسه واستشعر خجلا بعدما داوي  مسمعه كلام  والدته الذي نزل عليه كالصاعقه .
ثم اقتربت نيجار قليلا من نادر ، اصل لو كانت بتحبك ربع الحب اللي انت بتحبهولها علي اقل كان ردت عليك في التليفون او منعت جوز اختها انه يأذي جوزها وحبيبها في شغله ويخسره هو وابوه ملايين ،  ومش بس كده لا ، دا ابوك رايح يتنزل وينكسر لجوز اختها في قلب شركته ، يبقي دي واحده يتبكي عليها ياابن ابوك  (وبصوت مرتفع قليلا ) ياراجل يا اللي المفرض انك راجل .
نادر : يتطرق النظر لوالدته ثم والده ثم يبدي راسه بالوافقه لوالده . فتنزل ماهي من علي السلم الداخلي للفيلا فكانت تستمع لكل كلمه يقولها من اعلي السلم  تتحرك بخطوات مسموعه وتنزل علي السلم وتقول ، طبعا نادر راجل ياماما علشان كده وهيرجع لمي .
فينظر نادر ونيجار وفايد لماهي بااستغراب ،
ماهي : تنظر الي نادر وتقول ولا ايه يانادر ،ثم تطرق النظر الي نيجار وتنظر لها بعند
نيجار : بحده ، اسكتي انتي ياماهي متدخليش .
##
في المطبخ يوجد سوناكو ومنال  يتلصصان ويستمعان لما يحدث في الليفنج فيدخل عليهم ادهم .
ادهم : اذيك ياسوناكو اذيك يامنال .
سوناكو ومنال : يشهقان بخضه من دخول ادهم.
منال : بدهشه ، ادهم  ايه دا انت رجعت تاني .
ادهم : انا جيت علشان ارجع مفاتيح العربيه كانت معايا وسبتها مع الامن بره وقلت ادخل اسلم عليكوا قبل ماامشي .
منال : فيك الخير ياادهم.
سوناكو : انت واحد محترم ياادهم .
منال : متزعلش من نيجار هانم هي كده كلامها سم ، واهو ربنا بياخد حقك .
ادهم : ليه في ايه .
يعلو صوت ماهي في الليفنج فيتطرق كل من سوناكو ومنال مره اخري ليستمعان ما يحدث وادهم يستمع ايضا لماهي .
ماهي :  اسكت ليه ياماما انتوا مش اديتوا نادر حريه التفكير المفروض يعرف بقي ايه اللي حصل مع مراته.
فايد  : في ايه ماهي ، انتي عايزه تقولي حاجه.
نيجار : بحده وصوت مرتفع ، ماهي اطلعي علي اوضتك.
نادر : بأستغراب ،في ايه ياماهي ، وايه اللي حصل مع مي .
نيجار : بتسرع وتنظر الي ماهي  ، بقولك اطلعي علي اوضتك ياماهي حالا.
ماهي : لا مش هطلع وزي ما عايزه تدمري حياتي انا هكشف حقيقتك لنادر وبابا ، ماما هي اللي حطت شريط منع الحمل في اوضتكو بعد ما خلت العامله اللي في الفندق تفتح اوضتكوا
نيجار : بتسرع ، كدب...  كدب متسدقهاش يانادر  ، دا كله علشان رفضت جوازها من الصايع بتاعها ادهم ، قال ايه عايزه تتجوز ادهم السواق.
فايد : ينظر لنيجار بقرف.  
نادر : غير مستوعب مايحدث ثم نظر الي نيجار ، الكلام اللي بتقوله ماهي دا حقيقي ياماما
ماهي : ومش بس كده يانادر ، هي كانت السبب في كل المشاكل اللي بينك وبين مي و كانت بتحطلها حبوب منع الحمل كل يوم في العصير اللي بتشربه علي الفطار ، وانا كنت عارفه وكنت بساعدها في كل اللي بتعمله واللي كانت بتحط الحبوب سوناكو .
(في المطبخ ادهم ومنال ينظروا الي سوناكوا بدهشه واستحقار ) 
نادر : بصدمه ، انتي ياماما تعملي كده فيا.  
فايد : بحده ،وصلت بيكي الحقاره انك تحرمي ابنك من. الخلفه وتأذي البنت المسكينه بالشكل دا .
ماهي : زي ما عايزه تحرمني من الشخض الوحيد اللي حبيته وحبني .
فايده : بصوت مرتفع وحده ،  انتي ايه الجبروت اللي انتي فيه دا ، عايزه تتحكمي في حيات ابن بالشكل دا  ومين يتجوز مين ، ومين يخلف ومين ميخلفش ، تعرفي يانيجار انا كنت مش مسامح نفسي اني اتجوزت عليكي، لكن بعد اللي انتي عملتيه ، انتي تستاهلي فعلا اني اتجوز عليكي  لان كان مستحيل اعيش مع انسانيه انانيه ومتكبره زيك
نيجار : تعقد حاجبيها وبضيق وصوت مرتفع هي الاخري ، انت اتجوزت عليا ، انا نيجار هانم تتجوز عليا.
فايد : بعند وضيق يقاطعها فايد ، اه وعارفه مين كمان ، انتصار اللي كانت بتشتغل هنا ، ست بتفهم وبتعرف تقدر الراجل اللي معاها ، وهي الوحيده اللي حسستني برجولتي وكياني .
نيجار :وقد بدأت تنهار ، تجلس علي الاريكه من اثر الصدمه ، لا مستحيل الخدامه ، اتجوزت علي نيجار هانم الخدامه .
فايد: يقاطعها بضيق وحده ، الخدامه اشرف منك ومن تفكيرك القذر في اذيه عيالك ، ثم ينظر لنادر وانت يابني قرارك في ايدك انا مش هظلمك كفايه امك ظلمتك ، خد القرار اللي انت عايزه ، ثم يتطرق النظر مره اخري الي نيجار انتي طالق..  طالق..  طالق يانيجار...   ويتركها ويذهب خارج الفيلا.
نيجار : وقد امتلاءت عيونها بالدموع وخارت قواها تنظر الي  فايد وبصوت عالي مليء بالجشه والحده  ، في ستين داهيه ماانت متعود علي الرمرمه .
نادر : وقد صدم من هول ما سمعه من ماهي ينظر لوالدته في اسف ، انتي ... انتي تعملي في ابنك وحيدك كده تحطي لمراتي حبوب منع الحمل لمي من غير ماتعرف علشان متخلفش مني ، في الوقت اللي كل ام بتتمني تشوف عيال ابنها انتي تحرميني بأيدك من الخلفه ، وانتي شيفاني كل يوم بتعذب عن اليوم اللي قبله ونفسي في حته عيل.
نيجار : تقاطعه وهي تبكي ولكن تحاول استعاده مكرها  ، دا لمصحتك يانادر مي مش من مستواك ، هتجيب عيال من واحده بيئه .
نادر : يقاطعها بصوت عالي وحده ، كفايه بقي حرام عليكي ظلمتيني وظلمتي مراتي ودمرتي حياتي ، كنتي بتشوفيني بتعذب كل يوم بسببك ، وانتي واقفه بتتفرجي عليا انتي ام انتي ، انتي مستحيل تكوني ام ، انا هروح دلوقتي اتاسف واتحايل علي مي ترجعلي ولو وصلت اني ابوس رجليها علشان ترجعلي هبوس رجليها يا ماما ، عارفه ليه ، ثم يقترب منها وهي جالسه علي الاريكه ويطأطأ راسه قليلا اتجاه نيجاره علشان امي ذلتني وكسرتني وهي شيفاني بتعذب وواقفه بتتفرج عليا ، ثم يرجع للوراء ، حرمتيني وحرمتي مراتي من اني اشوف ابني بين اديا حرام عليكي خططتي ونفذتي ولا كأني عايش في مافيا ، اثق فيكي ياامي ازاي ولا اعيش معاكي تاني  ازاي ، انتي لا يمكن تكوني ام لا يمكن ....ثم يتطرق النظر تجاه ماهي ، وانتي ياماهي كنتي بتشوفي اخوكي بتعذب قدام عنيكي وواقفه بتتفرجي( تنظر له ماهي بخجل واسف  وهي واقفه بعيدا قليلا بجوار ترابزين السلم الداخلي للفيلا ) بدل ماتقوللها كده غلط لا ، غيرتك العميا من مي واللي انا كنت شيفها في عنيكي ، عمتك عن الحقيقه وكنت دايما اجي علي مي علشان خاطركوا انتوا ، انتوا اللي دمرتوا حياتي ومستقبلي دمرتوا نادر وحرمتوني اني اكون اب وحرمتوا مي من فرحه الامومه اللي اي ست بتستناها لكن هقول ايه ، ثم ينظر لنيجار ما انتي متعرفيش يعني ايه حنان وعطف الام ، وينظر الي ماهي وانتي مجربتيش احساس انك تكوني ام ربنا يسامحكو.