أمير الرجال ( مكتمله)

البارت التاسع عشر

#امير_الرجال #البارت_التاسع_عشر
وجلسوا علي البحر ، واخذوا المناشف وبداوا ينشفوا .
اخذ امير منشفه اخري وبدا يساعد ساره في تنشيف ظهرها وشعرها.

ساره : انا هطلع اغير هدومي وننزل ناكل انا جعانه اوي.
امير : وانا كمان جعت جدا .
'بدوا بالصعود الي الفندق .

امام غرفه باب ساره .
امير : اجهزي ياقلبي بسرعه هاخد دش واجيلك جري .
ساره : تبتسم حاضر.
امير : حاضر ، يالهوي عليا يا ناس ، متعرفيش اول ما بتقولي كلمه حاضر دي بحس ان في زلزال اتحرك جوه قلبي .
ساره: مستغربه ، ليه يعني .
امير : اصل ان مش متعود انك تحترميني كده.
ساره : ههههههه مش لدرجادي
امير : لا بجد ، دا انتي مفروض تاخدي شهاده خبره في الرد.
ساره : طيب يلا بقي علشان الحق اخد دش وننزل نتغدا .
امير : مش عيزاني ادخل اليفك.
ساره: بتكشيره ، انت قليل الادب .
امير : بااماره البحر ، اما كنتي بتحضيني ومتعلقه فيا ههههه
ساره : ياسلام ، اومال اغرق يعني .
امير : بهزاز ، بطلي تماحيك وحجج بقي ، يلا... يلا.. علشان الحق اخد الدش بتاعي انا كمان.
ساره : انا بتمحك ،طيب ، مش هنزل البحر معاك تاني ، واتقمصت ودخلت غرفتها .
امير : ههههه قمر ياربي حتي في قمصتها ، ويدخل غرفته ويخرج ملابسه والمنشفه من الدولاب ، ثم ينظر للهاتف يجد خمس مكالمات لم يرد عليها من لارا ،فيتصل عليها.

( امير : الو اذيك يالارا.
لارا : الحمد لله ، اذيك انت ، اتصلت عليك كتير مردتش عليا.
امير : الحمدلله ،كنت مشغول شويا ، اول ماشفت مكالمتك اتصلت عليكي.
لارا : انت اخبارك ايه طمني عليك .
امير: اهو ماشيه ، مش محتاجه اي حاجه اعملهالك.
لارا : ميرسي ياامير ، انا منساش موضوع كريم لما كشفتهولي واتاكد انه كان بيلعب بيا وواخدني رهان مع صاحبه عليا .
امير : متقوليش كده يالارا ، انتي زي اختي واخاف عليكي من اي حد وربنا يعوضك مع ياسر.
لارا : فعلا ياسر شخص محترم ويعتمد عليه ، زيك كده.
امير: ربنا يوفقك يالارا .
لارا : هو صحيح اللي سمعته دا ، بخصوص البنت اللي بتحبها
امير : سمعتي ايه..
لارا: انك سبتها. .
امير : مستغربا. مين قالك الكلام دا.
لارا : في حاجه انا مستغرباها وكنت عايزه اقولك عليها.
امير : في ايه يا لارا ، اتكلمي.
لارا : نيللي في حاجه غريبه بينها وبين وائل الليثي.
امير : الله يسهلها ،يمكن هيرتبطوا.
لارا : لا ياامير ، دي حاجه بخصوصك انت وبخصوص خطيبتك.
امير : مستغربا ، ازاي وضحي.
لارا : انت عارف ان وائل صاحبنا لكن من بعيد ملناش علاقه بيه.
امير : ها
لارا : فجاه كده بشوفه كتير مع نيللي وبينهم اسرار انا معرفهاش ، واتفاجات انها قالتلي انك هترجعلها وانك خلاص سيبت خطيبتك ، انا معرفش ايه اللي حصل لكن حسيت ان علاقتها بوائل فيها حاجه غلط ، وانا خايفه عليها وائل مش سهل وممكن يوقعها في الغلط.

امير : تمام يالارا ، تلاقي نيللي فقدت الامل فيا، وداخله علاقه مع وائل مفهااش حاجه يعني .
لارا : معرفش احتمال بردوا ، المهم كنت عايزه اعزمك علي فرحي الاسبوع الجاي لازم تيجي
امير :الف مبروك فرحتلكوا جدا ، وسلميلي علي ياسر.
لارا : الله يسلمك ، وعقبالك.
امير : ان شاء الله ،باي