أمير الرجال ( مكتمله)

البارت الرابع والعشرون

بعد مرور خمس سنوات.

في فيلا امير ابو الدهب .
عباره عن بوابه خارجيه للفيلا يليها حديقه صغيره لدخول العربيات ثم الفيلا المكونه من دورين ثم حديقه داخليه كبيره بالبسين .
ساره في حديقه فيلتها تنادي علي اولادها ، مازن اربع سنوات ، و يزيد ، ثلاث سنوات ، وملك سنتين ، الذين يلعبوا في حديقه الفيلا .
ساره : بصوت مرتفع قليلا مازن ، يزيد ، ملك ، يلا ادخلو علشان نتغدا، بابا جه.

يأتي امير : من الفيلا الي الحديقه بصوت عالي ، حبايب بابا وحشتوني ، يجري عليه اولاده مازن ويزيد ويحتضنوه فيقبلهم ، وتاتي بخطوات صغيره ملك ، فيقترب منها امير ويحتضنها ثم يحملها وحشتني ياكوكي ويبدأ في تقبيلها
ملك : وثحتني ياميرو.
ساره : ملك ، اسمه بابا .
ملك : لا ، ازمه ميرو، نانا تقول تده
امير : ههههههه ، خلاص طالما نانا اللي قالت كده منقدرش نتكلم.
ساره : ههههههه يلا يامازن انت ويزيد نتغدي، اصل انا مش هسلك مع بابا وملك .
مازن ويزيد : لا احنا عايزين نلعب بالكوره ، ويتركوها ويجروا بعيدا .
ساره : بصوت مرتفع قليلا ، يزيد ، مازن تعالوا هنا .
امير : هههههه سبيهم براحتهم.
ساره : هو دا اللي قدرت عليه ، بدل ماتزعقلهم وتخليهم يغسلوا ايدهم ويجوا يتغدوا.
امير : اومال انا وكوكي هنروح نلعب مع مين ، صح ياكوكي
ملك : ثح ، ياميرو
ساره : لا ، انتوا هتجننوني.
امير : يتركها ويجري مع اولاده حاملا ملك ، ويبدا باللعب الكره معهم .
ساره : تتمتم، انا اللي عملت في نفسي كدا ، انا اللي استاهل ،امير ومامته كل شويه عايزين عيال ، عايزين عيال ، وانا اللي اجري ورا العيال ، وتجلس علي الكرسي وتنظر لهم وهم يلعبوا ، وتبتسم ، ماشاء الله ربنا يباركلي فيكم ياحبايبي ، شكلهم قمرات.

ثم يجري الاولاد تجاه باب الفيلا التي دخلت منها نور وتحمل معها بعض الالعاب.

يزيد ومازن : نانا جت ، نانا جت ويجروا عليها ويحتضنوها
نور : تحتضنهم وتقبلهم وحشتوني اوي ياروحي انتوا ، شفتوا جبتلكوا ايه .
مازن ويزيد يلتقطوا منها شنط الالعاب ويجلسا يفتحاها
ياتي امير حاملا ملك ، وبجواره ساره.

ساره :باابتسامه اذيك ياطنط وحشتيني وتقبلها.
نور : اذيك ياساره وحشتيني انتي والاولاد.
امير : اذيك ياماما ، وانا موحشتكيش.
نور : ههههه لا انت راحت عليك خلاص ، في مازن ويزيد وكوكي ، وتمد يدها لكي تحمل ملك .
ملك : وثحتيني يا نانا.
نور : كوكي قلب نانا .
ساره: طيب يلا بقي نتغدا سوا ياطنط ، الاكل جاهز .
نور : لا انا عامله دايت ، اتغدوا انتوا.
امير : ههههه ، ينظر لساره ، اتعلمي الرشاقه والشياكه .
ساره : تنظر له بضيق ، يعني انا مش رشيقه ولا شيك.
نور : لا متقلش كده ياامير ، ساره جميله وجسمها متناسق جدا ، انت متعرفش تلاقي زيها .
امير : ينظر لساره ويرفع حاجب ثم ينظر لنور ، لا لا ياماما انتي مفيش في شياكتك وجمالك حد.
ساره : تنظر له ، يعني انا مبقتش عجباك وعينيها تبدا تغرغر الدموع.
امير : يحتضنها ، يامجنونه بهزر معاكي ،ويقبلها من خدها.
ساره : لا ابعد عني وتبتعد عنه ، ملكش دعوه بيا ، علشان انت السبب اللي خلتني كده .
نور : ليه كده ياامير ، انا جايه علشان تزعلها بالشكل دا.
امير : ينظر لساره السبب في ايه بقي .
ساره : انت اللي كل مااولد تقولي عايزين نجيب اولاد يملوا عليا الدنيا ، انا كنت وحيد ومش عايز عيالي يبقوا زيي، وانا زي الهبله اخلف واولد واتخن وفي الاخر مش عجباك .