أمير الرجال ( مكتمله)

البارت الثلاثون

#امير_الرجال #البارت_الثلاثون

في الساحل الشمالي تحديدا في الفندق .
بعد ان جذبها نادر والقاها ارضا. مي تحاول ان تلمم نفسها بعد ان القاها ارضا خارج الغرفه وبعض الماره بطرقه الفندق شاهدوها وفي عينيهم الشفقه عليها ، تقف مي وتستعيد نفسها فتذهب الي التواليت وتغسل وجهها وتذهب الي نيجار وماهي علي الشاطئ.

مي : تجلس امامهم والدموع تملاء عينيها واثار قلم نادر واضحه علي وجهها.
نيجار : بمكر ، مالك يامي في ايه ونادر فين .
ماهي : وقد لاحظت اثار ايدي نادر علي وجهها ، وشك مبهدل ليه كده انتي حد ضاربك .
مي : وقد انفجرت من البكاء نادر لقي شريط حبوب منع الحمل في الكومدينو جمب السرير افتكره بتاعي واني مش عايزه اخلف منه ضربني وطردني من الاوضه
نيجار : بخبث ،لا لا لا معقول يامي كنتي بتاخدي حبوب من ورانا ومش عايزه تخلفي من نادر .
ماهي : بمكر ، ليه كده يامي تحرمي نادر من الخلفه دا بيحبك ، حرام عليكي بجد .
مي : بااستغراب والدموع منهمره في عينيها وعلي خدودها ، حبوب ايه اللي انا بخدها انا مخدتش حاجه ، مايمكن تكون بتاعت الناس اللي كانوا في الاوضه قبل مننا .
نيجار : وقد وقعت بلسانها من الشماته في مي ، ومشفهاش ليه قبل كده جمب الباور بانك.
ماهي : تنظر لوالدتها ، حتي تصلح ما وقعت هي فيه من خطأ فادح ، فتقريبا افصحت انها من فعلت هذا.
مي : بدهشه ، وانتي عرفتي منين ياطنط ان الشريط كان جمب الباور بانك.
نيجار : تتلجلج بالكلام ، اصلك قلتي الشريط في الكومدينوا وانا عارفه نادر بيحط الباور بانك في الكومدينو فستنتجت يعني..
مي : وقد شكت بها انها هي من اوقعها في الخطأ ، ولكن ايعقل ان نادر يصدق مي ويكذب والدته خصوصا انه لا يوجد دليل وانتي عرفتتي منين برضو انه كان بدور علي الباور بانك .
ماهي : حتي تصلح ماافسدته والدته ، تنظر لمي ، هو نادر اللي ضربك كده وعلم علي وشك بالمنظر دا.

مي : بدموع وخجل ، اه وطردني من الاوضه قدام الناس.
نيجار : بخبث ايه دا معقول نادر يعمل كده .
ماهي : مااهو من اللي انتي عملته حد يعمل اللي عملته ده تاخدي حبوب منع الحمل ليه ، ايه ناقصك، مش عايزه تفرحيه ولا تخلفي منه ليه.

نيجار : تنظر لماهي ، بس يامي مش لدرجه الضرب ايه هي مي معندهاش احساس جايبها يضربها ويهينها وكمان يطردها ويفرج الناس عليها بالشكل دا ، مش لدرجادي يعني ، مفيش حد يستحمل الاهانه دي ، الا لو واحده يعني معندهاش دم ولا كرامه ولا اهل تتسند عليهم .

مي : وقد شعرت بالاهانه فكلام نيجار وماهي كان كالصفعه التي ادواها نادر علي وجهها ولكن كم من كلام يذبح مثل السكين ،لو سمحتي ياطنط انا ممعيش موبايل اتصل علي ساره او امير ولا معايا فلوس اعرف اسافر ، كل حاجتي في الاوضه ومش هعرف اروح اجيب حاجه ، حتي مش حافظه رقم ساره ولا امير كنت عيزاكي تكلمي عمو فايد يديني رقم امير اكلمه يبعت حد ياخدني.
نيجار : ياخدك فين.
مي : القاهره عند ساره ، خلاص مبقاش ليا مكان هنا .
ماهي : طيب استني نسافر سوا.
نيجار : بخبث.، تنظر لماهي ، انتي عيزاها تركب مع نادر علشان لو شافها تاني ياعالم هيعمل فيها ايه ثم تنظر لساره انا موبايلي فاصل شحن .
ماهي : اه فعلا معاكي حق ، دا اتجنن خلاص وممكن يتهور ويضربها تاني لو شافها .
نيجار : انا مقدرش اديكي فلوس ، نادر لو عرف ممكن يزعق ويقولي اني اديتك الفلوس علشان تمشي ، دا حتي موبايلي فاصل كنت اتصلت علي عمك فايد يكلم امير يبعتلك عربيه ، لكن للاسف موبايلي فاصل شحن .
مي : تنظر لماهي ، وانتي كمان موبايلك فاصل ياماهي .
ماهي : باابتسامه سخريه لا انا موبايلي فوق في الاوضه .
مي : وقد شعرت بالذل والانكسار، طيب ماشي ، وتبدا بالنهوض وتذهب.
نيجار : رايحه فين .
مي : تذهب ولا ترد علي احد .
ماهي : مي.. مي....
نيجار : تشاور لماهي ان تصمت ولا تنادي عليها .
وقد ذهبت مي .
ماهي : انتي مدتهاش فلوس ليه وخلتيها تمشي.
نيجار : تروح تتصرف ، اخوكي لو عرف اني ساعدتها تمشي ، ممكن يشك فينا.
ماهي : طيب وهي هتروح فين دلوقتي ، دي متعرفش حد هنا ولا تعرف حاجه هنا ، وممكن ترجع تاني لنادر .
نيجار : لا بعد ماضربها وبعد مااحنا سوناها بالكلام مستحيل ترجعله الفندق ، تروح تتصرف هي بقي ملناش دعوه علشان كل ماتذل ، تكره نادر اكتر ومترجعلوش خلينا نخلص منها بقي.
ماهي : طيب مش هنقوم نرجع القندق ونطمن علي نادر.
نيجار : لا طبعا انتي اتجننتي ، احنا لو رجعنا هو هيعرف ان مي مش معانا وممكن ينزل يدور عليها ، انما طول مااحنا هنا علي البحر، هو فاكر انها قاعده معانا ، احنا مش هنتحرك من هنا الا بالليل.
ماهي : بضيق هنفضل طول النهار علي البحر ، طيب مانروح وهو مش هيحس بينا واحنا في الاوضه .
نيجار : لا انا مش عايزه اديله فرصه واحده حتي انه يشك ان مي مش معانا.
ماهي : اوووف ، انا موبايلي فوق.
نيجار : احلي انك سبتيه.