أمير الرجال ( مكتمله)

البارت الواحد والثلاثون

#امير_الرجال #البارت_الواحد_والثلاثون

في الساحل الشمالي تحديدا  في الفندق ، في غرفه نادر  .
نادر : يتصل علي والدته نيجار ، ايوه ياماما قولي لمي لو عايزه تيجي تنام هنا خليها تيجي  .
نيجار : بمكر ، هي مي مش عندك .
نادر : بااستغراب ، لا  هي مش معاكي  مجتلكيش وانتوا علي البحر
نيجار : اه جت  وحكتلنا علي اللي حصل وقالتلي انها راجعه القاهره .
نادر : غريبه، هتسافر ازاي  ، دي معهاش الموبايل ، حتي شنطتها هنا يعني ممعهاش فلوس علشان تسافر .

نيجار : معرفش قلتلها مينفعش خليكي نسافر سوا زعقت وقالت انا لايمكن اقعد دقيقه واحده هنا ولا هركب معاكو  وبعدها مشيت وسبتنا بقولها رايحه فين مردتش عليا لا انا ولا ماهي ، افتكرتها رجعت تاني الفندق .
نادر :معقول تكون مشيت ، دا الوقت متاخر اوي  مدتهاش فلوس طيب .
نيجار : مطلبتش يانادر ، انا اصلا افتكرتها بتقول اي كلام وقت زعل ، بس معقول تكون سافرت فعلا .
نادر : انا هنزل ادور عليها  .
نيجار : ننزل ندور معاك...  الو...  الو.. نادر. ، ثم تنظر لماهي قفل السماعه في وشي.
ماهي : قالك ايه .
نيجار : نزل يدور عليها ، يارب تكون مشيت ، يارتني ادتها الفلوس.
ماهي : ماقلتلك اديها ، خليها تغور ، اهو هيروح يجبهالنا تاني. 

############
في فيلا امير ابو الدهب .
يجلس امير وساره ومي.
مي : قد روت بالتفصيل ماحدث ،  هو دا كل اللي حصل علشان كده انا شاكه في حماتي.
ساره : دي حيزبونه فعلا ربنا يزلها اللي كانت السبب في اللي حصلك .
امير : العيب مش من نيجار العيب علي اللي اداها فرصه تلعب بيه وبمراته كده ، هو اللي فاتحلهم الباب ومعملش لمراته كرامه ، لا عرف يحافظ علي بيته ولا عرف يحافظ علي مراته بس انا لازم اعلمه الادب علشان يستقوي علي بنات الناس كده.
مي : هتعمل ايه ياامير.
امير : هربيه.
ساره : هتعمل ايه يعني.
مي : امير هو بردوا ميعرفش مين اللي وقع بينا كده.
امير :بدهشه  انتي بدافعي عنه بعد اللي عمله فيكي ، لازم يشرب من نفس الكاس اللي شربهولك يامي وإلا هتبقي ملطشه ليه ولامه دا لو رجعتيله اصلا ، ثم ينظر لساره باتي مع مي النهارده ، واطلعوا ريحوا يلا اكيد مي جايه تعبانه..
ساره : تمام يلا يامي علشان تطلعي ترتاحي ثم تنظر لامير لكن انت مقلتليش ايمن كان بشكرك علي ايه.
امير : هو دا وقته ياساره خليكي مع اختك وبكره هحكيلك  .

#########

مع بدايه صباح يوم جديد تحديدا في الصحراء يقف عمرو ومعه اربع رجال اقوياء البنيه وامامهم نادر عاري الملابس بالبوكسر فقط وبه بعض الكدمات علي جسده ووجهه .
عمرو : ليه كده يانادر مش لاقي غير امير اللي تشبك معاه ما انت عارف امير مش سهل ، ومبسبش حقه.
نادر : يتلعثم ببعض الكلام ، ان اش ،لا ، عم .
عمرو : يشاور للرجاله ان تكمل ضرب في نادر ، بقي تستقوي علي البت الغلبانه وتضربها وكمان تطردعا قدام اللي يسوي وميسواش ، مي يانادر ، مي دي آيه تتحط علي الجرح يطيب ، تسيبها لوحدها كده من غير تلفون تستنجد بيه ولا حتي فلوس تعرف تتصرف بقي مرات نادر الصاوي ممعهاش فلوس ، دي هزلت ياولا ، لا وكمان في بلد متعرفش فيها حد ، وامك مترضاش تديها فلوس ولا تخليها تتكلم في التليفون ، يضحك بااستهزاء انت واخدها تفسحها ولا تعذبها  ، ثم ينظر للرجاله ، كفايه عليه كده يارجال .
نادر : ما ،م ، اي .
عمرو  : ينظر للرجاله يلا اركبوا خلينا نمشي ، وانت يانادر هدومك ومحفظتك وموبايلك دول هخدهم ذكري منك ، هسيبك بقي هنا في الصحرا دي علشان تحس باللي مي حست بيه وانت سيبها لوحدها في مكان متعرفوش ، سلام ياندور .
يركب عمرو السياره مع الرجال وقد ترك نادر عاري الملابس في صباح يوم قاسي الحراره ، ونادر مغشي في الصحراء بالقرب من الطريق ، عسي ان ينجده احد كما امر امير.
عمرو : يتصل باامير ، كله تمام.....  زي ماامرت بالظبط.
صوت امير : تمام خليه يتربي .... اسمعني بقي كويس هتطلع دلوقتي علي الشركه تجهزلي فايل بااسماء المقاولين اللي فايد بشتغل معاهم وتعرفلي الشركات الي بتعاملوا مع شركته.
عمرو : يقاطعه ، انت عايز تعمل ايه ياامير ، اوعي يكون اللي بفكر فيه.
امير : طبعا وهي دي محتاجه كلام .
عمرو : وهو فايد ماله ومال اللي ابنه عمله واحنا هندخل في شغله ليه ، هو مجال شغله غير مجال شغلنا 
عمرو : بعصبيه وحده ،فايد ماله .... لا دا ماله ومال ابنه ومال مراته ومال اخته كمان ، واي حد يشددله هقفله وزي مازلوا مي وكسروها لازم كلهم يتزلوا من غير استثناءات ، مي دي مسؤليتي واما ايجو طلبوها طلبوها مني انا ، واما حطوا ايدهم في ايد حد كانت ايدي انا ، واستلموها مني انا ، يقوموا يهونوها ويبهدلوها كده ، يبقي بهدلوني وهانوني انا ياعمرو ، وان كان علي الشغل فاانا راجل اعمال وبوسع شغلي وادخل في اي مجال انا عايزه.
عمرو : كفايه اللي حصل لنادر وخلاص احنا ورانا عمليه كبيره لازم نركز فيها ، ومحتاجه فلوس كتير.
امير : بحده ، نفذ اللي بقولك عليه ياعمرو.
عمرو : يطرد زفيرا ، حاضر ياامير.