أمير الرجال ( مكتمله)

البارت السادس والعشرون

#امير_الرجال #البارت_السادس_والعشرون

في فيلا فايد الصاوي (داخل غرفه نادر ).
مي متكأه علي السرير تتصفح هاتفها ، يدخل عليها نادر
نادر : اذيك يامي .
مي : تنظر له ، الحمدلله .
نادر : ياتي و يجلس بجوارها،  قاعده لوحدك ليه ، منزلتيش تقعدي معاهم تحت ليه. 
مي : تترك هاتفها وتنظرله ، مرتاحه هنا.
نادر :يقترب منها، مش عايزك تزعلي مني يامي انا مضغوط طول النهار في الشغل  زي ماانتي شايفه، حتي الساعتين اللي باجي اقعدهم هنا ببقوا مشاكل وخلافات ، وان مببقاش متحمل .
مي : تنظر له ، يعني انا السبب في المشاكل دي.
نادر: هدي امورك مع ماما وحاولي تريحيها في الكلام .
مي : مامتك مبتدنيش فرصه اني اتكلم او اعمل اي حاجه ، طول النهار اوامر وتحكمات وكل مااعمل حاجه تنتقضني فيها ، وانت في الشغل ومبشفكش والشويه اللي بشوفك فيهم لاما نايم لاما بتاكل او قاعدين معاهم تحت ، انا حتي مبعرفش اقعد معاك براحتي .
نادر : يحتضنها ، حقك عليا يامي انا عارف اني مقصر معاكي ، لكن غصب عني سامحيني ياحببتي.
مي : تبتسم وتهز راسها بالمسامحه .
نادر : انا هحاول اخد  اسبوع اجازه نروح نغير جو في المكان اللي تقولي عليه.
مي : بسعاده ، بجد يانادر ، احنا مخرجناش لوحدنا خالص ، ياريت بس ياريت نبقي لوحدنا مش زي سفريه الساحل لما مامتك وماهي جم معانا.
نادر : هههههههه ان شاء الله نبقي لوحدنا متقلقيش .
مي : ماانت قلتلي كده المره اللي فاتت وبرضوا جم معانا .
نادر :متقاطعيش بقي ، ويلا علشان نتغدا ، انا جعان اوي 
مي : مبتسمه اوكي يلا.
ويبداءوا بالنزول
نادر ومي ينزولوا علي السلم وصوت ضحكاتهم تدوي مسمع نيجار وماهي وفايد في الليفنح ، فتشاهدهم نيجار وتكتظ غيظا من ضحكات مي وتنظر لماهي ، وماهي ايضا قد اشتاظت غيظا ولكن في تكتم..

نادر : ايه ياجماعه مش هنتغدي ولا ايه .
مي : هدخل المطبخ اقول لسوناكو تحضر الغدا ياحبيبي
نادر : ماشي ياحببتي ، بس بسرعه .
ماهي : في غيظ تنظر لهم وتمسك هاتفها .
فايد : انا كمان جعت  ولا ايه يانيجار.
نيجار : تطرد زفيرا ، اه هقوم استعجلهم في المطبخ ،
تدخل نيجار المطبخ وبه سوناكو  ومنال (يحضران الطعام)  ، ومي تقف معهم .
نيجار : خلصتوا الاكل ولا لسه.
مي : اه ياطنط  بجهزوا الغدا.
منال : سوناكوا بتسخن الاكل وانا بعمل السلطه ياهانم.
نيجار : تنظر ل مي ، وانتي مبتعمليش معاهم ليه .
مي: بااستغراب ، انا اعمل معاهم ليه ، من امتا وحد فينا بيعمل معاهم .
نيجار : وانتي ايه لزمتك هنا اصلا ساعدي الخدامين يامي .
مي :  هو في ايه ياطنط ، منال قالت هتعمل السلطه  وسوناكو بتسخن الاكل ، انا اساعدهم في ايه بقي .

نيجار : انتي تسمعي اللي اقولك عليه وانتي ساكته .
مي : بعصبيه وبصوت مرتفع قليلا ، لا مش هعمل وانتي وماهي مبتعملوش معاهم ليه .
نيجار : بصوت مرتفع ، انتي بتزعقيلي يامي ، وكمان بتعلي صوتك عليا.

يسمع نادر وفايد وماهي صوتهم ، فيااتي نادر وماهي مسرعين الي المطبخ. 
نادر : بتزعقي ليه ياماما ، في ايه يامي.