أمير الرجال ( مكتمله)

البارت الثاني والعشرون

#امير_الرجال #البارت_الثاني_والعشرون

هاتف عمرو يرن.
عمرو يرد علي الهاتف ( الو..  وبصوت عالي ازاي..  وانتوا كنتوا فين .. ويغلق الهاتف)  .
امير : في ايه .
عمرو : ينظر ل امير اللي انت كنت قلقان منه حصل  ، مخزن الشروق بتاعنا  اللي فيه صفقه الادويه  اتحرق  ) .

امير : تمام ، المهم دلوقتي تعرفوا مين اللي راح ل ايمن وخلاه يعمل كده في ساره .
عمرو : واحنا هنعرفه ازاي دا ايمن نفسه ميعرفش اسمه.

امير : شغل عقلك ياعمرو ، مالك في ايه ، طلع تلفونه ورقم الشخص اللي كان بكلمه واستعلم عنه في الاتصالات .
عمر : يقاطعه ، هو اكيد الخط مش مسجل .

امير : انت عقلك حصل في ايه  ، اهي محاوله وحتي لو مجبتش نتيجه هتجمع صور اللي شاكين فيهم كلهم ، واللي مش شاكين فيهم حتي ابويه نفسه ،  وتجيبهم  تورهومله وهو اكيد هيتعرف عليه ، الموضوع دا يخلص النهارده فاهم ياعمرو.
عمرو : تمام ، وانت هتعمل ايه دلوقتي ، هتروح تشوف حكايه المخزن دي .

امير : مخزن ايه وزفت ايه ، انا هروح اشوف ساره الاول واتاكد من كلام الحيوان دا ، ثم نظر ل ايمن الذي قد فقد الوعي ،ولو طلع بيكدب علشان يتهرب من اللي هعمله فيه ، هاجي ادفنه حي.

################

في مكتب وائل الليثي.
يجلس وائل الليثي و جمال الصباغ و هيثم الليثي .

وائل: يضحك ضحك هستيري بصوت عالي ، علشان يعرف هو بيلعب مع مين ،  وينظر لجمال الصباغ.
جمال : ضربه معلم ياوائل .
هيثم : بعد ما المحزن اتحرق كده مش قدامه غير حلين ليدينا نصيبنا ال 150 مليون ليدخلنا شوركه معاه في شحنه الجيش بنصيبنا.

جمال : لكن انت ليه حرقت المخزن ، كنت تسرق الشحنه وتصرفها بمعرفتك ، وبكده يبقي كسبت من الناحيتين انك تبيعها وتاخد تمنها ،  وان هو يدفع تمنها من جيبه علشان هي اتسرقت من مخزنه.

وائل : باابتسامه انتصار وضحكه مكر ، المخزن كبير وفيه كاميرات متوصله بالشركه وعليه حراسه كتيره ،يعني لو رجالتنا قدرت تعدي الحراسه ، الكاميرات هتكشفهم وحتي لو عطلنا الكاميرات ، هنلفت نظر امن المراقبه لينا وخلال ربع ساعه هتكون الشرطه مسكانا خصوصا ان مسؤول الامن في شركه ابو الدهب لواء متقاعد ، يعني مش سهل ناخد البضاعه ونهرب بيها.

هيثم : طيب ليه محرقتش مخزن تاني غير المخزن اللي فيه البضاعه بتاعتنا.

وائل : بضحكه صفراء ، لسبب بسيط اوي علشان لو امير فكر يبلغ فينا ، نرد احنا ونقول هو في حد بيحرق بضاعته خصوصا ان المبلغ مش بسيط دول 150 مليوون نصيبنا احنا بس.
جمال : يضحك بضحكه صفراء ، خليه يدفع علشان يبقي يلعب ببنات الناس.

هيثم : كده نحط رجل علي رجل ونقعد نتفرج عليه وهو بيفرفر نصيبه 450 مليون ، علي نصيبنا ال  150 مليون ويبقي يورينا هيكمل صفقه الجيش ازاي.