أمير الرجال ( مكتمله)

البارت الخامس وعشرون

#امير_الرجال #البارت_الخامس_والعشرون

في فيلا فايد الصاوي .
في الحديقه تحديدا يتمشا ساره ومي .

ساره : مالك يامي ، متغيره ليه كده ووشك دبلان خالص.
مي : تعبت ياساره ، مبقتش قادره خلاص .
ساره : تاني حماتك .
مي : تخيلي اخر مشكله عملتها كانت عن ايه.
ساره : عن ايه تاني .
مي : علشان رحت معاها النادي وكلت الرز بالمعلقه .
ساره : تقف ، نعم اومال هو بتاكل باايه. 
مي : بالشوكه .
ساره : ههههههه دا انا كده حماتي ليها الجنه ، اللي سمعتني مره بقولها نفسي في فسيخ ، تاني يوم جابتهولي واكلنا سوا.
مي : فسيخ ، دي لو سمعتني بقولها عايزه فسيخ كانت طلقتني ، هههههههه.
ساره : من وقت فرحك وانا مبرتحلهاش .
مي : يارتني سمعت كلامك ومستعجلتش في الجواز .
ساره : انتي اصلا كان مفروض توقفيها عند حدها من وقت فرحك ، سبتيها تختارلك  فستانك وتسريحه شعرك حتي جذمتك هي اللي اختارتها ، وراحت بعدها اشترتلك لبس علي ذوقها.
مي : كنت مبسوطه وقتها ومش عايزه حاجه تضايقني ، مكنتش فاكره الموضوع هيتقلب عليا كده ، انا فعلا خلاص كده ، فاض بيا بجد ونادر مبقاش يسمعلي اساسا .
ساره : كنت بتكلم مع طنط نور ، وبتقولي ان احتمال سبب تاخر الحمل يكون علشان نفسيتك وحشه.
مي : دا حتي الدكتوره ، حماتي مخلياني اروح للدكتور سحر صاحبتها ، انا مشفتش تحكمات كده ابدا ، ولا الحربايه بنتها بتفضل تدي حقن من تحت لتحت كده ، اهي  طول ما هي سوسه كده مش هتلاقي حد يعبرها وتتجوز .
ساره  : لازم تقعدي مع نادر وتكلميه ، كده مينفعش انتي شكلك اتغير خالص ، حتي علشان نفسيتكو.
مي : نادر مبقاش يكلمني ويهتم بيا زي الاول حياته كلها شغل حتي الكام ساعه اللي بشوفهم فيه ، ببقوا عباره عن خناق.
ساره : يمكن لو خلفتي حاله يتغير عن كده يا مي ، وممكن برضوا علشان لسه مخلفتوش فده مضايقه ومش عايز يقولك.
مي : هو باايدي ياساره علي يدك اهو ، الدكتوره قالت لا انا ، ولا هو عندنا مانع يمنع الخلفه هعمل ايه انا يعني.
ساره : بصي طنط نور اقترحت عليا اني اخدك للدكتور اللي انا متابعه معاه ، دكتور شاطر ويفهم.
مي : حماتي لو عرفت هتقلب الدنيا عليا ، دي بهدلتني علي الشوكه والرز ، تفتكري هتسكت علي اني اروح لدكتور غير صاحبتها.
ساره : متقولهاش ، قوللها انتا خارجين سوا ونروح من غير ما تعرف .
مي : لا لا ، دي  لو حد قالها او عرفت هتبهدل الدنيا ، وبعدين انا اوقات بقول قله الخلفه احسن ، يمكن ربنا مش عايزني اخلف علشان ابني ولا بنتي ميشفوش الهم اللي انا فيه .
ساره: مين بس هيقولها ، اسمعي كلامي بس ، وسيبك من اللي في دماغك ده.
مي : اممم ، طيب اما اشوف ياساره ، ولادك عاملين ايه مجبتهمش معاكي ليه .
ساره : سيباهم مع طنط نور لحد مااجي اشوفك ، صوتك وانا بكلمك مكنش مريحني.
مي : وفي ايه مريح بس ، ابقي سلميلي علي اولادك وبوسيلي كوكي.
ساره : الله يسلمك ياحببتي خلي بالك من نفسك ، همشي انا علشان متاخرش علي طنط نور  والاولاد، ربنا يخليها بتساعدني كتير مع الاولاد.
مي : ماشي ياساره ابقي سلميلي عليها .
ساره : اعملي حسابك بكره هنروح للدكتور.
مي : ربنا يسهل .
ساره : انا ماشيه ، سلام ياحببتي ، وتبدا بالخروج .
نيجار : تاتي الي الحديقه ، اختك مشيت ولا ايه .
مي : اه ياطنط روحت .
نيجار :   وهي ازاي تمشي من غير ماتسلم عليا ، ايه احنا كراسي قاعدين في البيت ولا بوابه مفتوحه ملهاش رابط.