امير الرجال #البارت_الثاني_والثلاثون
في مكتب محاماه مراد السيوفي تحديدا في المكتب .
مراد يمسك هاتفه ويكلم سهي وامامه هيثم .
مراد: ها ايه الاخبار .
صوت سهي ، لسه مفيش .
مراد : هيقدم الورق امتا.
صوت سهي : طيب انا في المكتب دلوقتي اول مااروح هكلمك يابوسي، عامتا لسه مفيش اخبار .
مراد : طيب تمام هستني مكالمتك ويغلق الهاتف ، ثم ينظر الي هيثم لسه مفيش اخبار.
هيثم : اخر يوم بكره واحنا لسه مقدمناش الورق بتاعنا .
مراد : هنقدمه ازاي وامير لسه مقدموش ، اطمن .
هيثم : هيقدمه امتا انا قلقان ، انت واثق من سهي دي.
مراد : اكيد طبعا دي لهفت فلوس قد كده علشان تساعدنا في العمليه دي ، دا غير نسبتها لما يرسي علينا العطا ، وبعدين انا سالت بنفسي لقيت فعلا ان امير لسه مقدمش ورق شركته .
هيثم : امير مش سهل وانا قلقان .
مراد : اطمن كله محسوب .
هيثم : ماشي ،اما نشوف ، جمال مضي علي الشيكات وورق البنك ولا لسه !!
مراد : هههه مضي علي ورق البنك بالعافيه بعد مااقنعته ان البنك بياخد اجراءات كتير ووقت علي ما يطلعلنا اول شيك انما ممضاش علي رصيده اللي في البنك بقول اول ماناخد المناقصه هيمضي عليها ، بستنصح علينا ياسيدي ، رغم انه عملي توكيل ، غبي .
هيثم : ههههه .
########
في فيلا امير ابو الدهب.
تجلس مي وساره في الرسيبشن.
ساره : مي لو عايزه اخلي امير يسيب عمو فايد ونادر في شغلهم وكفايه لحد كده قوليلي ، انا عارفه انك بتحبي نادر.
مي : لا ياساره انا بحب نادر اه لكن عايزه اعرف نادر هيعمل ايه وهيختار مين انا ولا شغله ، ومهما كان اختياره انا اللي هقول لامير يسيبهم كفايه خساره ليهم لحد كده سواء اختارني او اختار شغله ، عمو فايد بردوا ميستهلش اكون انا السبب في اذيته انا مشفتش منه حاجه وحشه.
ساره : انا مش كيدني غير العقربه دي ، عادي وعايشه حياتها ولا همها ابنها ولا جوزها ، واحده غيرها خايفه علي جوزها وابنها كانت هي اللي جت واتحركت وطيبت بخاطرك بكلمتين والدنيا كانت هديت ، انما دي ست قادره مبتتهدش.
مي : تطيب بخاطر مين ياساره ، دي تلاقيها عامله فرح اني مشيت من البيت ، دي هي السبب في كل المشاكل اللي بيني وبين نادر .
ساره : انا لحد دلوقتي مش مسدقه انها هي اللي حطتلك الشريط في اوضتك ومن لوئمها بتصالحك قبل ماتسافروا ، لا وكمان عملت المشكله وانتوا في الفندق علشان يبقي كده مفيش مجال للشك انها هي اللي حطتلك الشريط .
مي : اكيد ، لان احنا لو في الفيلا كنا اتهمناها في اي كد انما في الفندق محدش بدخل الاوضه غيري انا ونادر .
ساره : اكيد خلت حد من العمال يفتحلها الاوضه وانتوا مش فيها .
مي : اكيد طبعا لكن انا متوقعتش انها تعمل فيا كده غير لما وقعت بلسانها قدامي واحنا علي البحر ، شفت في عينيها شماته وفرحه هي وبنتها ياساره، كسروا نفسي وذلوني وانا بترجاها تديني فلوس او حتي اعمل مكالمه لعمو فايد ، وهي بكل شماته وفرحه ترد لا اصل نادر هيزعل.
أنت تقرأ
أمير الرجال ( مكتمله)
Lãng mạnمقدمه #امير_الرجال امير : بطل القصه ،قوي الجسم طويل وعريض البنيان عيناه مثل الصقر ،قمحي البشره ذو دقن خفيفه وشعر طويل لحد ما ،في الثلاثين من عمره ، ذو النفوذ والسلطه رجل اعمال ، لا يؤمن بالحب خاطب بنت رجل مهم ( زواج مصالح) ، يقع صدفه في العشق ويواج...
