Ex- [Zawgyi/Unicode]

Ex ❷❼

Unicode
...............

"ချစ်သည်း ထတော့နော်...''

"Immmm!!!... အိပ်ချင်သေးတာကို...''

"ရှစ်နာရီထိုးတော့မှာ ချစ်သည်းရဲ့ ထပါကွာ... ကျောင်းနောက်ကျတော့မှာ...''

"ဟာ မထချင်သေးပါဘူးဆို...''

"ကိုယ့် ချစ်သည်းက လိမ္မာပါတယ်ကွာ... မထရင် နမ်းမှာ​နော်...''

"နမ်းပေါ့...''

"ချစ်သည်း စကားနဲ့ ချစ်သည်းနော်... ပြီးမှ နှုတ်ခမ်းပေါက်သွားပါတယ် အရာထင်သွားပါတယ်တွေ လာမပြောနဲ့...''

"arrr... မနမ်းနဲ့တော့ ထပြီကွာ...''

သူ့ကို ပြန်လက်ခံပြီးသည့်နောက်ပိုင်းမှာ  အရင်က ကိုယ့်ဟာကိုယ် အိပ်ရာထတက်သော အကျင့်လည်းပျောက်ရသည်...

သူလာမနှိုးမချင်းကို ကျွန်တော် အိပ်ရာထဲမှာ လှိမ့်နေတက်သည်...

သူကလည်း ကျွန်​တော့်ကို နှိုးလို့မရရင် အနမ်းမျိုးစုံနဲ့ ရအောင်နှိုးသည်... တစ်ခါတစ်လေ အနမ်းကြမ်းကြမ်းကြီးတွေတောင်ပါသေး...

ကျွန်တော် ကိုယ်တိုင်ကလည်း ထိုအနမ်းတွေထဲ ပျော်ဝင်နေခဲ့မိတယ်ဆိုရင် မမှားဘူးလေ...

အဲ့လိုအဖြစ်တွေကြောင့်လည်း ညီညီတောင် ကျွန်တော့် အခန်းကနေပြောင်းသွားခဲ့သည်...

မနက်စောစောတောင် မရှောင်တဲ့ အချစ်ငှက်နှစ်ကောင်ကြောင့် သူ ရှက်လို့ အတူမနေရဲတော့ပါဘူးတဲ့လေ...

ကျွန်တော်တို့ကလည်း ညီညီ ပြောင်းပြေးလည်းပြေးချင်စရာလောက်အထိဖြစ်ခဲ့ကြတာကို...

အခုလည်း သူ့ကို တားရင်း ကျွန်တော် အိပ်နေရာမှ ထထိုင်လိုက်သည်....

အဲ့လို ထလိုက်လို့လည်း သူမနမ်းဘူးထင်နေလား...

ကျွန်တော် ထထိုင်လိုက်တာက သူ့အတွက်နမ်းရ ပိုဆင်​ပြေသွားတာလို့ပြောရင် ပိုမှန်သွားလိမ့်မယ်....

"ချစ်သည်း....''

"အင့်...''

အိပ်မှုံစုံမွှားထိုင်နေတဲ့ ကျွန်တော့်ကို သူ့အနားဆွဲယူကပ်လိုက်သည်... သူ ဘာဖြစ်ချင်နေတာလဲဆိုတာ ကျွန်တော် သိလိုက်ပြီ...