روايه
#نورتي_عتمتي 🥀✨
الحلقة 1
بقلم "رواسي بحرالدين"
في المستشفي :-
انوار : نزلت وهي تعبانه و عيونها ذابله تمشي بخطوات مايله طلعت برا المستشفي حطت يديها ع عيونها لانه اشعه الشمس قويه جت في عيونها و هي ليها ساعات جوا تحت الضوء الخفيف
انوار: معليش اختي
البنت؛ تفضلي !
انوار : بصوت تاعب ، وين ممكن نحصل اقرب مقهي او مطعم
البنت: فيه مقهي صغير قريب هلبا من المستشفي هذا امشي ع طولك وع يدك ليسار طول تلقيه
انوار : صحيتي
البنت ؛ ولو العفو
انوار: مشت وهي خايفه وحيده في مدينة ماتعرفها اول ماوصلت للمقهي .. السلام عليكم
الشاب: عليكم السلام ، صباح الخير
انوار : صباح الورد . ممكن وحده كابتشينو و وحده اميه
الشاب : حاظر مدلها زجاجة لميه .... القهوه اصبر عليا ثواني بس
انوار : خوذ راحتك ، فتحت زجاجة لميه و شربت بسرعه واضح انها عطشانه
شخص غريب : شافلها وهي تشرب و مسك زجاجة لميه بيده و وخرها منها
انوار : استغربت . هيييي العفو 🤨🤨
شخص غريب: اسف ، بس واضح انك عطشانة و مش كويس تشربي بسرعه وفي مرة وحده
انوار :وهي تاعبه .. اييي صح شكرا
شخص غريب : العفو
الشاب : تفضلي
انوار : صحيتي ، و مدتله حقه و مشت بترد للمستشفي شافت حديقه فيها كرسي قعمزت عليها تشرب في قهوتها و تتأمل في المدينه يلي هي فيها . و بين احلامها و تآملها خذاها النوم ورقدت ع الكرسي
نرجعوا قبل اسبوع :-
بسمه(ام انوار): والله يا محمد مايصير ناجلوا سمعت الدكتور قال لازم العملية في الايام هذيم
محمد: يابسمه يااختي يابنت الناس كيف تفهمي انتي !! انا الاسبوع هذا حنمشي للعمل لو مامشيت ننفصل مع منوا بنخليكم بس؟؟
بسمه: وعادي خلينا نمشوا وانت منها اطلع لعملك لا من سمع ولا من شاف
محمد: الدنيا صغيره راهو وكان حد يشوفكم ؟؟
بسمه: لكل حادث حديث المهم صحة امي .. وبحزم : اسمع يامحمد كان صارلها شي في ذمتك وماني مسامحتك
محمد: حس بتآنيب الضمير .. باهي باهي قولي لبنتك توتي الدبش وعدي شوفي امي وتاكدي من اوراقها و بعد غدوا نطلعوا نشاءالله
بسمه: هذا زين الكلام ... يا انوار يا انوار تعالي
انوار :
نعرفكم ع البطلة :- "الروايه بقلم رواسي بحرالدين"
اسمي انوار مش حنقول انا بنت عادية او زي اي بنت لا انا مختلفه هلبا و تتاكدوا مع الوقت ... غالبا الناس يشوفوا في ثقتي بنفسي غرور بس فيه هلبا فرق بينهم انا بنت تربيت بين اب و ام منفصلين طول الاسبوع مع امي و الخميس نمشي لحوش بويا المحنة يلي انحطيت فيها كبرتني هلبا قبل وقتي اهلى انفصلوا ونا عمري 12 سنه شفت الذل بعيوني بين عركه امي و خالي و بويا و عمامي اكثر حاجة ديما نسمع فيها عقلك كبير او رازنه هلبا .. فعلا انا انسانه ركزت ع انها اطور من نفسها و حياتها و عقلها عشان تتغلب ع كل المواقف يلي يصيرن معاها ركزت ع اني انمي عقلي اكثر من شكلي و ركزت ع مستقبل اكثر من تفتفيت و مواضيع الزواج و الحب
موصفات شكلي : متوسطة الطول و الجمال لون بشرتي بيضة و شعري اسود غااامق و نا محجبه و اجمل شي في ابتسامتي و عيوني 💕
