روايه
#نورتي_عتمتي
#حلقة 10
بقلم "رواسي بحرالدين "
ركبت انوار مع صقر في السيارة و قدامهم معتصم ولد محمد يوري فيه في طريق الحوش
و طول الطريق ساكتين
وصل معتصم و نزل فتح الحوش
معتصم سلم ع صقر الف مبروك
صقر: تسلم يا غالي وعقبالك نشاءالله
معتصم: نشاءالله
و رد صقر بينزل انوار ، مسك يد انوار و دخلها للحوش
انوار : اول ما مسك يدي رعشت مع بعضي شن بيصير جوا و هل صقر حيتقبلني او لا
صقر: طلق يد انوار و ورد سكر الباب
انوار : وقفت تراجي فيه يدخلها للدار
صقر: و هو منحرج ... خيرك واقفه ! خشي غيري دبشك
انوار : حاظر ... وخشت جوا لقت مجهزين الدار يعني مغيرين في دار نوم خالها ..
لقت الشنطه متاعها خذت منها الروب و خشت للحمام "يكرم القارئ" سلحت يلي كانت لابسته و لبست الروب كان وردي و فيه ورود بالابيض و الاحمر طلعت وهي مش لابسه القطعه الفوقيه يعني كان سيور من فوق وظهرها كله برا
صقر: كان مقعمز في الصالة يشوف للحوش بعدها خش للدار لقى انوار بالروب تحشم و طلع ...
انوار : مستغربه حركات صقر عطرت نفسها و عدلت مكياجها و لبست القطعه الفوقيه للروب و طلعت
صقر: اول ماشاف انوار عيونه قلوب قلوب 😍 ... بس في نفس الوقت تحشم و طبس راسه
انوار : تعشيتي ولا نحطلك عشاء ؟
صقر: لا متعشي حمدلله
انوار : تمام وجت قعمزت ع الصالون يلي بجنبه
صقر: ااااء انوض نغير
انوار: تمام ... وخش صقر للدار غير الزبون و لبس توته لونها اسود و فيها خطوط بالابيض
و انوار قعدت مقعمزه ع الصالون تراجي في صقر حست روحها جيعانه خشت للمطبخ فتحت الثلاجة لقت فيها فازو ننوتيلا مسكت الكشيك وقعدت تاكل خذت منها اشوي و ردتها مسحت فمها و غسلت الكشيك و ردت للصالة مالقتش صقر !!
خشت للدار تلاقي صقر طارح فراش و راقد 😮
انوار : شافتله وهي مصدومه !؟
زعما انوضه و نساله ؟؟ بس عيب في حقي يقول هي يلي تطلبي فيا . باهي مرات الولد مريض ولا فيه شي شوفيه و قعدت انوار تفكر تكلم ولا
صقر: راقد ع ظهره وحاط ذراعه ع عيونه.... تقدري ترقدي
انوار: هاا 😳 و خشت قعمزت ع السرير
صقر: ناض و قعمز بجنبها و هو منزل راسه .... اسمعي نحن يلي صار فجأة و بدون سابق انذار لينا خلينا نتعرفوا ع بعض اكثر و نمشوا لحوشنا غادي و بعدها كل شي في وقته حلو
انوار: ابتسمت و الدموع في عيونها و هزت براسه بمعني ايه
صقر؛ تصبحي ع خير .. و طلع
انوار: ناضت طفت الضي و خشت لسرير و بدت تبكي 💔 ... حست انه صقر رفضها وماقربش منها لسبب زعما ما عجباته او عنده شخص ثاني في حياته وقعدت تفكر و تفكر لعند خذاها النوم
صقر: طلع برا دخن و هو حاس انه داير الصح رفض انوار خوفا من انها ترفضه او يلي يصير بينهم تكون هي مش راضيه عنه 😓 و كمل دخان و خش جوا رقد ع الفراش ...
___________
صباح اليون الثاني :-
ناضت انوار بدري خشت غسلت و توضت و صلت و جهزت الفطور
خشت بتنوض صقر لقاته نايض
انوار : صباح الخير
صقر: صباح النور امتي نضتي ؟
انوار؛ نضت صليت الفجر معاش جاني نوض
صقر: باهي تقبل الله
انوار: منا ومنك صالح الاعمال ... جهزت الفطور ع الطاولة في المطبخ
صقر: ع تلفونه تمام توا نطلع
انوار: فتحت شنطتها و طلعت منها بدلة عربية بفرملتها ... قتلك نبيك تقيسها هذي مش نمشوا بيها لاهلى
صقر : اوكي
انوار: طلعت بنطلون جينز ازرق و بلوزة ابيض في الاحمر و خشت للحمام "يكرم القارئ " دوشت و غيرت الروب يلي كانت لابسته
صقر: طلع خش للمطبخ لقاها موتيه سفرة فطور فيها كل مايشتهي قلبه
قعمز جا بيفطر بس تحشم و قعد يراجي فيها
انوار: طلعت من الحمام و مخليه المنشف ع راسها جففت شعرها بالاستشوار ع السريع و خلاته و طلعت بدون ماتلبس لبلوزة كانت لابسة كت بس من فوق ... خيرك مافطرتش ؟
صقر؛ رفع راسه... كنت ااء ... و فتح فمه اول مرة كانت يشوف انوار طالقه شعرها كان واصل لتحت خصرها مارزكش فيها قبل بس المرة هذي قعد مركز
انوار؛ انتبهتلة تحشمت و خشت سخنت الشاهي و صباته في طواسي و جباته له
صقر؛ شكرا
انوار : العفو و قعمزت قدامه سمت بسم الله و بدت تفطر
صقر: يشوفلها بإعجاب
انوار: رفعت راسها ماعجبكش ولا شنو ؟
صقر: ااء لا توا نبدا و بدا يفطر
انوار : شنو طيب ؟؟
صقر: هز براسه و فمه مليان و دارلها هكي 👌👌
انوار : قربت راسها و شافتله بنظره نص عين قول الصدق اين اطيب الدحي يلي نطيب فيه انا ولا يلي تاكل فيه قبل
صقر: بضحكه لاااا الحق دحي امي اطيب
انوار :ههههه جامل ع الاقل
صقر: حتي في قليه دحيه تبي رايي و تبي نجاملك فيها
انوار: خزييي حقي فيا يلي من الصبح نوتيلك في الفطور وماكنتش عارفه شن تحب تاكل ع الفطور
صقر: لا والله سلم ايديك و متعبه روحك
انوار: بخجل ... تعبك راحه💜
صقر : بعد تعبي راحه حنزيد نتعبك مانقدرش نكمل يومي بدون طاسه قهوه مره ع الصبح
انوار: ههه حاظر و ناضت بديرله
صقر: مسكها من يدها ... و بحنيه ... بعد تفطري
انوار: لا عادي نديرها لك و بعدها نكمل الفطور
صقر: لالا افطري الاول
انوار : تمام و قعمزت كملت فطورها و دارتله قهوه و خشت غسلت لماعين
صقر:خش قاس البدلة العربية
انوار: خشت جوا شافته بيها و كان طالع يجنن ...
صقر؛ شنو طالعه عليا ولا
انوار: كبيره اشوي بس تجنن
صقر: شكرا ❤
انوار : العفو و رفعت بلوزتها من ع السرير و لبستها و مسكت شعرها و رفعاته فوق عشان تبي تسكر الازرار يلي فيها من ورا بس ماليمتش و خذتها فرصة عشان تتقرب من صقر .... ممكن تسكرهن ليا
صقر :ها !
انوار : حطت يدها ع شعرها وزادت رفعاته تقدر تسكرهم ليا ؟
صقر؛ ااه تمام و قرب سكرهن ليها و خذا نفس عميق و هو يشم في ريحتها
انوار؛ صحيت
صقر: باهي جهزي روحك عشان نطلعوا
انوار؛ حاظر باهي اسلحها ليا خليني نزيد نكويها و نبخرها لك
صقر؛ تمام اصلا مادوشت مزال و سلحها و خلاها ليها ع السرير و خش دوش
انوار؛خذت البدلة كوتها له و ولعت فحم بخرت البدلة و الحوش و سقمت شعرها و مكياجها و زادت عطرت نفسها
صقر؛ طلع لقاها موتيتله البدلة و باقي ملابسه ع السرير لبسهم و طلع لقاها مجهزة روحها ولابسه حتي عبايتها... واتيه
انوار : ايه و جت بترفع شنطتها
صقر: توا نطلعها لك
انوار : تمام
و طلعوا للسيارة
______________
في حوش العيلة :-
بسمه؛ كانت حايسة ايمين و يسار عندهم في اليوم هذا يطيبوا عصيدة بالرب
شيماء: كل شي واتي ياعمتي نراجوا فيهم بس
بسمه؛ باهي يابنتي تاكدي من لمواعيد يسدن المعازيم ولا
شيماء؛ لين واجد ياعمتي
بسمه؛ محمد وين ريتيه يا امل
امل : بويا برا قبل اشوي كانوا يفكوا في الخيم
بسمه؛ و علاش مستعجل ع فكتهم ولا شنو😒 و طلعت تشوف فيه... يا محمد
محمد؛ نعم
بسمه ؛ وينهم جت الساعه 9 ومزال ماجو
محمد: توا نتصل بيه
بسمه؛ باهي شنو من بيمشي معاهم
محمد: مافي داعي
بسمه؛ كييييف تبينا نخلو البنت تمشي بروحها ولا شنو
محمد: رفع تلفونه بيتصل بصقر ...... راجلها مايبي حد يمشي و اصلا هما مش حيديروا فرح،
بسمه؛ وجعتها ... باهي تمام و خشت
محمد : اتصل بصقر
صقر؛ خالك يرن ورفع تلفونه الووو
محمد: وينكم ماجيتوا
صقر؛ اهو في الطريق يا عمي
محمد: ضابطتها الطريق ولا شنو
صقر: اهو انوار توصفلي في الحوش
محمد: تمام ... و سكر
_____________
و صلت انوار للحوش و نزلت كانت لابسة عباية خليجيه مخليتها روعه و بجنبها صقر يجننو مع بعض 😍😍 و الكل يسلم عليها و يودع فيها خشت للمطبخ حركت طنجره العصيده هذي سبر عندهم
و قعمزت ذاقت من العصيدة و حذفت الرز ع الجرد و ركبت مع صقر في السيارة و هي تبكي و انقهرت و قت محدش من اهلها بيمشي معاها ، و طلعت انوار و وراها اهلها و جيرانها يغنولها
