روايه
#نورتي_عتمتي
حلقة 2
بقلم "رواسي بحرالدين "
انوار : ماسكه يد جدتها تدخلي وتطلعي بخير يارب
جدتها؛ نشاءالله يابنتي ديري بالك ع روحك و ع امك
انوار :مسحت دمعت جدتها و نزلوا دمعوها هي بإذن الله ❤
و دخلوا الجدة لحجرة العمليات ....
و مر الوقت .....
و مر .....
________________
بسمه: انوار كم ليها ساعة توا
انوار :شافت لساعتها ليها 3 ساعات توا
بسمه : نشاءالله خير يارب 💔 الدنيا قريب فجر و مزال ماطلعتش اصلا من البدايه ما عجبني انه تخش للعملية ليل
انوار: تعوذي من الشيطان يا امي وهدي روحك مش غير حني مريضة ريتي في هلبا غيرها و هذا موعدها
بسمه: ااااه لاحول الله و خلاص
ع خشت سوسن : السلام عليكم
بسمه و انوار: عليكم السلام
بسمه: شن جابك الوقت هذا يا سوسن ؟؟
سوسن: ليا ساعه نرن عليك مارديتي قلقت عليكم
بسمه: والله قلبي قابضني يا صاحبتي امي ليها 3 ساعات في العمليه ومزال ماطلعتش منها 😓💔
سوسن : امك مرا كبيره وعندها السكر اكيده العمليه حتاخذ وقت امتي دخلوها هي ؟؟
انوار : الساعه 8
سوسن : تطلع بسلامه نشاءالله
انوار و بسمه : يااارب 😣
و مرن الساعات ..... و روحت سوسن لحوشهم اما بسمه و انوار قعدن و بعد وقت طلع ممرض
بسمه: شنو يادكتور خبرني
الممرض ؛ انا ممرض ياعمتي مش دكتور وضع المريضة مستقر بس العمود الفقري متآكل و لازم وقت اكثر
انوار؛ امتي حتطلع يعني
الممرض ؛ مانقدرش نحددلك ولا نخبرك اكثر من هكي عن اذنك
انوار؛ اذنك معاك 😓
و بعد 6 ساعات طلع الدكتور
بسمه : كانت راقده ع الكرسي بس سمعت الدكتور ناضت
انوار : خبرني يادكتور شن وضعي حني ؟؟
الدكتور : الحمدلله وضعها بخير مزال لازم من راحه و عناية ماكنا متوقعين تاخذ الوقت هذا كله بس بفضل الله نجحت العملية
بسمه: الحمدلله يارب الحمدلله ربي يبارك فيك
انوار : ربي يعطيك الصحه دكتور
الدكتور : ولو مادرت غير واجبي و توا المريضة حتقعد في العناية تحت الاجهزه عشان نرقبوها اول باول
بسمه؛ تمام
الدكتور : حنكلم الممرضه تعطيكم حجره تباتوا فيها الليلة الوقت تالي توا مايصيرش تروحوا
بسمه؛ في ميزان حسناتك يارب
الدكتور : امين بس زي ماقتلك مادرت خير واجبي ☺💗
وجت الممرضة وخذت انوار و بسمه للحجره عشان اليوم يقعدوا فيها
و ورنت بسمه ع خوها محمد عشان تخبره
و انتهت الليلة ع خير 😴😴😴😴
_____________
صباح اليوم الثاني :-
ناضت بسمه من ع السرير و تشوف في امها كيف راقده و مش متغطيه زين قربت منها غطتها
شافت الساعه لقتها 7:30 فتحت شنطتها طلعت منها ورقه و قلم و كتبت " امي ماشية نشوف حني شن وضعها و حنطلع نجيب فطور ليا ولك ونجي " و حطتها جنبها
و صلحت حجابها و طلعت ...
شافت اول ممرضة سالتها :- معليش يا اختي
الممرضة؛ تفضلي !!
بسمه؛ صباح الخير ، فيه مريضة امس دارولها عمليه وتوا هي في العناية اسمها عزة نورالدين نقدر نشوفها ؟؟
الممرضة : صباح النور.. تعالي معايا و حنشوف لو مسموح تشوفيها اول ولا
انوار : تمام ، بس الاول نبي الحمام لو ممكن (يكرم القارئ)
الممرضة ؛ هي تعالي ورايا .. اصلا واضح من وجهك كيف نايضة 😁
انوار : 😅😅
و دخلت انوار للحمام بعدها جتها الممرضة و سمحتلها تشوف جدتها بس من ع السريع
شافت انوار جدتها ولما اطمنت عليها قررت تطلع تجيب الفطور ليها و لامها
و طلعت انوار من المستشفي ...
نرجعوا لبعد الاسبوع هذا :-
خذت انور قهوتها من الكافي و هي راده لطريقها شافت حديقه فيها كرسي قعمزت عليها تشرب في قوتها و تتآمل في المدينه وبين تاملها و احلامها خذاها النوم و وغفت😴😴
الشاب: قرب منها و خذا اميه رشها ع وجها
انوار :😨😨😨 هييييي
الشاب: بسم الله نحسابك دايخه راه
انوار؛ خيرك انت
الشاب: شفتك قعمزتي ع الكرسي وبعدها معاش تحركتي نحسابك دختي
انوار؛ شفت للساعه نشاءالله غير ماخذاني النوم
الشاب؛ لا ماتخافي مالك حتي 10 دقايق
انوار؛ مسكت شنطتها ورفعت حاجبها انت نفسك يلي قبل اشوي حولت شيشة لميه من فمي ولا 😕
الشاب؛ ذاكرتك قويه والله
انوار؛ خوفك الزايد عليا ماله لزوم و ناضت .. و رجعت تلفتتله ياريت معاش نشوفك قدامي 😒
وكملت طريقها راده للمستشفي ... وهي راده تكت ع محل مواد غذائية خذت خبزة و فطور و رجعت للمستشفي
______________
بسمه؛اول ماخشت انوار جتها .،. توا انتي من جدك يا انوار تطلعي وماتخبريني ؟؟؟ بالهي كيف اديري حاجة هكي ؟؟؟ وبروحك في مدينه غريبه عليك ؟؟ الحق مش عليك عليا انا يلي نخلي فيك ع راحتك
انوار؛ حطيتلك ورقه يا امي خبرتك فيها خيرك تهزبي هكي 😢
بسمه؛ يا ابنتي لو كنا في حوشنا عادي نخلي فيك تطلعي وتخشي ع راحتك بس مدينه غريبه عنا كيف اتفكري اديري هكي بس ؟؟
انوار؛ حست بذنبها و انها فعلا دايره غلط ... شفتك راقده قلت نعدي نجيب فطور ونجي
بسمه : ااااه باهي باهي هي تعالي خالتك سوسن اكيد برا كلمتها تجي
انوار؛ تمام و طلعن بسمه و انوار للسيارة مع سوسن روحن للحوش ....
_____________
صقر: هههه ع صبح ربي تهزبت 😹
رواد: شن قصدك ياتافه
