روايه
#نورتي_عتمتي
#حلقة 15
بقلم "رواسي بحرالدين "
صقر: وصل في حجره عمه عبدالرزاق ولقى راجل برا و معاه الدكتور و اول ماوصل.... السلام عليكم
الراجل: عليكم السلام انت صقر
صقر: ايه شن وضعه عمي عبدالرزاق
الراجل: في العناية توا هو
الدكتور: من يكون حضرتك
صقر: انا جاره وزي ولده
الدكتور: ياريت تكلم حد من اهله لانه وضعه سي جدا و توا تحت العناية هو مانبيش نخوفك بس حالته سيئة جدا 💔
صقر:دموعه نزلن ماعنداش حد غيري هو 💔
الدكتور : كيف مقطوع من شجره هو ولا شنو و زوجته و صغاره وين ؟؟
صقر: مش مزوج هو المهم يادكتور لو نقص عليه شي قولي
الدكتور: تمام و معافى نشاءالله
صقر: نشاءالله بس نقدر نشوفه يادكتور حتي اشوي ؟
الدكتور:للاسف اليوم ماتقدرش تشوفه لو تحسنت حالته ممكن
صقر : تمام ... وتلفت للراجل و هو مخنوق بصوت يرجف فهمني شن صاير له
الراجل: انا كنت جاي للمزرعه اليوم متفق معاه عمك عبدالرزاق بنتلاقوا غادي عشان بنشري منه ارض من اراضيه اول ماوصلت القيت العمال متلمدين عليه قالوا كان من الصبح مهموم صاير معاه شي ولما جا للمزرعه طاح غادي
صقر:لا حول الله و خلاص 💔 امس كنت معاه اموره تمام شن جد عليه بس 😞💔و قعد يبكي 💔
الراجل : اذكر اسم الله ياولدي و ادعيله
صقر: بعبرته .... ااااه ياااارب ياكريم💔
الراجل: رن تلفونه رد عليه .... تمام اني جاي .. و حط يده ع صقر انا ياولدي طالع توا ودخل يده في الجاكه متاعه هذا مفتاح سيارته و تلفونه وننصحك تكلم عيلته عشان ايجوا يشوفوه لانه كلام الدكاتره مايطن😔💔
صقر: خذاهن نشاءالله ... و عدى غسل وجه وركب في سيارة عمه عبدالرزاق وطلع للحوش
_____________
انوار : كانت في الدار مضايقه من يلي صار من رواد و خايفه في نفس الوقت..
صقر: خش من الباب
افطيمه: اهلين ياولدي جا صاحبك رواد و ما لقاك
صقر: ولا كلمه خش لداره طول لقى انوار ع مقعمزه ع لفراش
انوار: ناضت صقر وين مشيت و خيره وجهك منقلب هكي
صقر: انوار تربحي مانبيش نحكي مع حد و اطلعي
انوار: حست انه صاير شي مابتش تزيد عليه طلعت و سكرت الباب عليه
افطيمه: خيره صقر يا انوار شن صايرله
انوار؛ مش عارفه ياعمتي حتي نا ماباش يحكي معايا
سارة: جت من الباب تجري يام سمعتي شن صاير
افطيمه ؛و هي منخلعه شنو فيك ؟؟؟
ساره: عمي عبدالرزاق قالوا منجلط و توا في العناية راقد
افطيمه: لا حول الله ياربي و قعدت تبكي 💔 ....(الشخص هذا صح مايقربلهم بس كان ونعم الجار ليهم كان اب لصقر و يعين في العيلة هذي قدر المستطع وكانه فرد منهم )
انوار؛ عرفت شن السبب يلي مضايق صقر خشت للدار لقاته مقعمز ع لفراش و يبكي
صقر: مسح دموعه اول ماخشت انوار
انوار: قربت منه و قعمزت جنبه
صقر: خيرك شن فيه
انوار؛ حظناته ... الف لاباس عليه و ماتخافش بإذن الله محنه ويطلع منها
صقر: حس بحنانها و حبها ليه و خاصتا وهي ضماته لصدرها حس انه مشاعرها صادقه تجاها و امبادلته نفس الشعور ... انفجر و قعد يبكي ... اخخخ يا انوار اخخخ لو تعرفي بس قديش مخنوق
انوار : ماقدرتش تتحمل دموع صقر وحتي هي نزلوا دموعها و قعد اطبطب ع راسه و هي حاظنته
صقر؛ بصوت كئيب 💔 ..... الدنيا خذت من بويا و نا صغير و عنيت هلبا وماحكيتش بس حننكسر يا انوار لو بويا الثاني حتي هو يموت
انوار؛ مسكاته من خدوده و قربت عيونها لعيونه ... تعوذ من الشيطان و علاش تقول هكي ياصقر الاعمار بيد الله و بإذن الله ينوض منها
صقر : طبس راسه
انوار: مسحت دموعها ... صقر عارفه مش وقتها الدوه هذي بس اسمعني
صقر: نعم
انوار؛ من لما جيت انا ماشفتكش صليت الا مرة او مرتين سلم حبيبي نوض توضي و صلى ركعتين و ادعي لربي يشفيه و التزم بصلاتك ومتاكده ربي كريم و حيكون معاه ❤
صقر: حس بإحراج لانه انوار منتبه انه مايصليش ديما 💔 هز براسه
انوار: باساته ع راسه نطلع نشوف عمتي و نجي
صقر : تمام
انوار: طلعت من الدار و قعدت جنب عمتها عشان تخلي صقر ياخذ راحته
صقر: فعلا ناض و توضي و صلي و استغفر ربه و دعى لعمه ينوض سالم منها🙌💔
_____________________
و مر اليوم هذا كئيب جدا عليهم صقر ماذاقش حاجة و العيلة كلها حزينه😔
و اليوم يلي بعده ناض صقر بدري و مشي للمستشفي:-
الممرض : حالته زي ماهي مافيش اي تحسن قاعد تحت الاجهزة و ماناضش مزال
صقر: بلع ريقه .. تمام صحيت ... سمحوله يخش يشوفه خش قعمز بجنبه اشوي و طلع و كان حاس انه حيخسره 💔
فتح تلفونه و حول يتصل باي حد من اهله رغم عارف انه خواته و خوته مش حيردو بس حاول يتصل بيهم ومافيش اي رد منهم😔
(طبعا عبدالرزاق كان هو الولد المتوسط في خوته بين زوز شباب و 3 بنات و كلهم تزوجوا و حتي هو تزوج بس الفرق انه كان قاعد في حوش العيلة ماطلعش و كان هو وزوجته يهتموا ب والده طلق مرته لانه في يوم علت صوتها ع بوه و منها معاش تزوج وماعنداش اي ولد و قعد مهتم ببوه لعند توفي و قبل مايتوفى كتب كل الرزق و الأملاك بإسم عبدالرزاق و هنا كانت صدمه العيلة رغم انه تنازل و قاللهم نشاركهن معاكم الا انهم رفضوا و اتهموا بالتزوير و تشتت العيلة ورفعوا عليه قضايا و خسروا فيهن و منها معاش تواصلوا مع بعض 😪💔)
_______________
بعد اذان العصر بشوي :-
انوار: حطت خمرها وطلعت من المزين وهي تمشي في طريقها للحوش .... درست قدامها سيارة
رواد: نزل نافذة السيارة ... شن رايك تركبي ؟
انوار : قلبها وقف كملت طريقها و هي ترعش
رواد: بصوت عالي :سيورك اتجيني يا انوار خليها في بالك و مشي بالسيارة بسرعه
انوار:- وصلت للحوش وهي ترعش ... رفعت خمارها و خشت ،، السلام عليكم .. استغربت ما لقتش حد في الصالة
تسنيم: انا في الدار يا انوار
انوار: خشت للدار لقت تسنيم مقعمز ع التلفزيون و سارة راقده... وين عمتي مال
تسنيم: طلعت بعد ما انتي طلعتي بشوي
انوار؛ و صقر جا ؟؟
تسنيم: ايه في الدار تلقيه
انوار : تمام ... وعيها سارة توا تمرض مش كويس ترقد بعد العصر
تسنيم: فوتيها كلمتها ماباتش تنوض
انوار : توا نجي انوضها نغير و نصلي بس
تسنيم: به ....
انوار : خشت للدار لقت صقر يصلي في العصر ❤ غيرت دبشها و خشت توضت و طلعت صلت حتي هي و بعد ما كملت .... شن وضعه عمي
صقر: كنت عنده انبدري الممرض ماشكر وضعه نهائي 😪
انوار: ربي يلطف بالحال و خلاص
صقر: نشاءالله
انوار: ندير عصيره تاخذ شي
صقر: ماخاطريش في شي
انوار: قربت منه وقعمزت جنبه عشان خاطري والله لك يومين راه ماتذوقش في حاجة
صقر: باهي جيبي حاجة خفيفه بس
انوار؛ حاظر ... ومشت دارت عجه و سخنت الشاهي وجابتهن له... وطلعت للدار تنوض في سارة
و بعد عناء سارة ناضت
انوار: تي نوضي غسلي و تعالي كولي درت عجه اهو
تسنيم: انوار حبيبتي نتعبك جيبلي معاك جبنه بالله
انوار: تمام هي
سارة: وهي نعسانه مزال فتحت تلفونها
تسنيم: تلحقي عليه التلفون نوضي غسلي
سارة: مادخلكش انتي و رفعت تلفونها و خشت بيه للحمام " يكرم القارئ" ورنت ع رواد
رواد: ايوه شن صار
سارة: رواد عيب عليك يلي تطلب فيه مني صح انا نحبك لاكن مانقدرش ندير شي هكي
رواد: ياسارة حتي بعد حكيتلك انه مرت خوك تبتز فيا ماتبيش تساعديني كيف تحبيني فهميني
سارة:يارواد انوار مستحيل ادير شي هكي
رواد: باه انتي مش مصدقتني حتي شوفي تلفونها لو مش حاذفته السجلات حتلقني متصل بيها كم مرة و حتي هي متصل بيا
سارة:تمام ... غسلت سارة وجها و مشت قعمزت مع تسنيم ع السفره و كلمت انوار و قعدت تهدرز و موضوع ايجب موضوع لين طلبت تلفونها ع اساس بتنقل منها اغاني
انوار:هاك امسكي
سارة: فتحت تلفونها و نقلت اغاني من انوار فعلا بعدها خشت للسجل مالقتش شي انوار حاذفه كل شي... مشت ردت التلفون لانوار و بعتت رساله لرواد انه انوار حاذفه سجل المكالمات
رواد: لو تحصلي كيف تفتحي نت بس حندزلك سكرين شوت لمكالمتها و قولي رواد ماقال
سارة:خافت من كلام رواد و قعدت شاكه في انوار بس مش عارفه من الصح مرت خوها يلي تشوف فيها ملاك ع الارض ولا رواد يلي تحبه من اسنين و توا حصلت فرصه تحكي معاه
