روايه
#نورتي_عتمتي
#حلقة 8
بقلم "رواسي بحرالدين "
_اعذروني لو الحلقة مش حلوه صار معايا شي نكد عليا 💔
انوار: دوشت و طلعت لبست و رفعت تلفونها تعاود ترن ع رواد مافيش امل يرد فتحت النت و لقاته نشط منذو ساعه بعتتلها عرم رسائل و سكرت النت وطلعت ادور ع امها شقة جديده مش حافظتها
عاد لعند لقاتها في المطبخ وكانت ناويه تحكيلها شن صار بالتفصيل و في نفس الوقت تخبرها انه صقر مش نفسه يلي كان معاها
انوار : امي
بسمه: حطت صحن ع لرخام
انوار: توا ناكل يا امي غير اسمعيني
بسمه؛ خالك قرر كل شي حتتزوجي الولد بكرا بس حتروحي معانا للجفرة حنديرو فرح بسيط و تردي لحوش راجلك
انوار: و العبره خانقتها.. بس اسمعني اشوي
بسمه؛ ماعندي مانسمع يا انوار تبيني نكذب عيوني ولا شنو ريت الولد يلي معاك بعيوني و هو قريب منك تعرفي تمنيت متت ولا شفت المنظر هذا شن حيكون وجهي قدامي مرة خالك ؟؟ ولا بوك كيف حنرقعوها معاه تربحي يابنتي معاش تفتحي الموضوع هذا معايا اجوزي الولد و تهني في حوشك و هنيني معاك وطلعت من المطبخ
انوار:حسيت ريقي جاف و حتي لدموع جفن من عيوني قربت شربت اميه و قعمزت ع الكرسي ونا خلاص انهديت معاش عندي جهد نقاوم اكثر ومافيش حد يبي يسمع كلامي
____________
رواد: بعد فترة من التفكير وتطنيشه لمكالمات انوار فتح تلفونه ولقى هلبا رسائل ع النت من انوار
انوار : الوووو رواد رد عليا
رواد وين اختفيت ليلتها نبي نفهم صارلك شي ؟
طمني عليك وضروري تحكي معايا صار شي ماكنتش متوقعه
انشاءالله غير خالي مادرلكش شي بس
رواد:قرا الرسائل و هو يخمم شن صاير معاها ... و بعد لقاها فاتحه نت و باعته رسائل اطمن انها بخير و بعتلها
"انوار حبيبي ليلتها انا انضربت ورقدت في المستشفي و عشان مانبيش اهلى يشوفوني ونا مضروب طلعت برا لبلاد "
فكر رواد انه هكي حيخلي انوار تهدى اشوي و خالها ينسى الموضوع احسن مايطلع في الصورة و يتورط
_____________
صقر: مقعمز هو وامه و اخته سارة و مش عارف هل يحكي شن صار او يقعد ساكت
افطيمه: اخخخ ياولدي كسره في ايديهم
سارة: شن سببها العركه ياصقر غريبه انت ماعندكش في الدوه هذي
صقر: شاب مسكين يضرب فيه ظلم خشينا نحزوا حصلنا تعنفيقات حتي احنا
افطيمه: وانت مالك ومالها كان هنيت روحك كيف باقي لعباد
صقر؛ اااه يام وخلاص
افطيمه : نوضي ياسارة جيبي حاجة لخوك ياكلها
سارة: حاظر هي
صقر: كلمتوا تسينم
افطيمه: عمتك ابتسام رنت وقالت عطوها خروج جت هنا وسالت عليك بس شد فيها عمك مصطفي فيها ومشت للحوش معاهم
صقر؛- تي كيف مروحه من المستشفي كيف تخليها تمشي
افطيمه:قتلي لما ايجي صقر يجي يروح بيا شدوا فيها ماقدرتش نقول لا
صقر: باهي صار خير
سارة:جابت سفرة وحطتها لصقر
صقر: نيته مسدوده من يلي صار خذا كم لقمه وناض
افطيمه: كمل ياولدي ولوين ماشي
صقر؛طالع لعمي عبد الرزاق
افطيمه: دير بالك ع روحك وماطول تعاال تريح
صقر: حاظر وطلع
وجت سارة رفعت السفره اما افطيمه فا حتي هي جاملت صقر ومابتش اتضايقه بالاسئله رغم حست وراه شي
________________
انوار؛ خشت للدار فتحت الدولاب لقت بطانيه طلعتها ولقت ورا الباب فراشات حطت فراش و جابت وساده جابت تلفونها فتحت لقات رواد راد عليها قرت الرسالة و زادت نكدت عليها حطت تلفونها تحت لوساده و خشت في نوم عمييييق 😴😴
