روايه
#نورتي_عتمتي
#حلقة 12
بقلم "رواسي بحرالدين "
صقر: طلع من الحوش و عدي لعمه عبدالرزاق يبيه يساعده في كم حاجة بعدها مشى للحوش و شاف امه شن ناقصها عشان العشاء سجله في ورقه و ورد خذا السيارة من عمه عبدالرزاق و طلع للشقه ..
صقر: فتح الباب و خش للحوش لقى انوار تضم في حاجاتها ..
انوار : شافتله وماقالت اي كلمه
صقر: استغرب كيف انوار ماحكتش شي ولا سالته علاش راد توا ولا تبي شي
فتح الدرج و طلع جزدانه و انصدم وقت مالقاش شي فيه تلفت لانوار ... انوار
انوار : نعم !
صقر: الجزدان هذا فيه فلوس ماشفتهين؟؟
انوار: لا والله
صقر: قعد يدور في الدرج مالقاش شي مشى للدولاب .. وين دبشي
انوار: ضميته في الشنطه
صقر: فتح الشنطه نكتها و خذا بنطلونه الاسود وقعد يفتش في جيوبه
انوار: وين حطيتهم بالضبط
صقر: بنفاذ صبر ..... في الجزدان متاكد بس قلت خليني نتاكد
انوار: والله بروحي ماشفتهن
صقر؛ مصدقك ... بس اليوم امي عازمه ع العشاء و هذين بس يلي عندي عليك بخت وخلاص .... وحط يديه ع راسه
انوار : مشت للدولاب و فتحت شنطت ذهبها كانن باقيات من ال 3000 يلي من بوها 2100 خذت منهم 1500 ومدتهم له... امسك
صقر: رفع راسه شنو هذين
انوار : خوذهن ياصقر انا مرتك وشي عادي هذا
صقر:- ضحك ع جنب و دفهن بيه ..
انوار : امك اليوم عازمه شن تبي تحشمها مع المعازيم وانا مرتك زي ما انت تصرف عليا انا واجبي نعاونك وقت تحتاج
صقر: رفع راسه ... من وين لك هذين
انوار: عطاهن ليا بويا
صقر: مطبس راسه ومتحشم ياخذهن
انوار: طبست عليه صقر والله ماهي عيب ولا فيها حشمه الحشمه و العيب انك تحشم امك و اهلك قدام الناس اليوم عادي خوذهن
صقر: خذاهن و بدا يحساب ... حنعتبرهن دين عليا راه
انوار: باهي المهم عدي شوف اهلك شن يبوا
صقر: تمام ... وطلع و عدا جاب شن ناقص و شاله لحوشهم
______________
افطيمه؛ هذا اكثر من يلي طلبته ياولدي علاش بذرت هكي
صقر؛ انوار بنت كويسه يام و تستاهل عزومه سمحه
سارة؛من وين لك لفلوس هذين كلهن ياصقر
صقر: شن قصدك يا سارة ؟؟
افطيمه: اختك تساال ياصقر بس
صقر ؛ خذيت الراتب من عمي و خدمة في الورشه قبل ولا نسيتوا ؟؟
سارة: بهمس .. صدقت
تسينم؛ جبدت سارة من يدها...
سارة؛ خيرك
تسنيم: خيرني 😕 اسلوبك هذا عيب مع خوك و شن تلمحي
سارة: انا اكبر منك ونعرف شن يلي يعب وشن لا ياخذ في فلوس مرته مش عيب هذا
تسنيم: هذي مرته و هو حر معاها
سارة: جبدت يديها من تسنيم ونا حره شن نقولك ومشت عنها للمطبخ
________________
انوار : كملت الحوسه و نظفت الحوش و طلعت لرداء و بخراته كوويس
و خشت غسلت و جبدت شعرها و تعطرت و بدت اتمكيج دارته مكياج خفيف بس ملكي 👑 يعني حطت الوان قوية بس ماكثرتش وركزت ع الظلال و الروج و ماركبتش رموش
و مع الساعه 8 بدت تلبس ... خش عليها صقر
صقر: خش لقى انوار ع لمرايا... مزال ماكملتي
انوار: مزال بدري عمتي قتلي ال9 تعالي
صقر: باهي و شاف الزبون ع الكرسي ... نلبس هذا انا
انوار: ايه و تحت منه البخاره ردبالك اطيحها
صقر: باهي نخش ندوش
انوار: اوكي و لمت مكياجها حطتهم في الشنطة الخاصه بيهم و حطتهن في شنطه كبيره ..
و مسحت الطاولة و لمرايا و بدت تتحزم
صقر: طلع من الحمام " اكرمكم الله " و لقى انوار تتحزم
انوار : تلفتت له كان لاف روحه بالمنشف و هي في فمها لخلال 🧷🧷 و لافه لرداء عليه حولت لخلال من فمها توا نطلع
صقر: يشوف فيها كيف واحله .. لالا اقعدي بس ابرمي لغادي
انوار : ضحكت 😂... باهي ... وبرمت وبدت تصلح في لحزام
صقر: لبس ومشي للمرايا
انوار: تلفتت له... وعلاش ماتقولي انك لبست
صقر: بضحكه .. وانتي علاش تلفتي
انوار : اك لابس
صقر: ومن قالك لابس ولا غير تبي تشوفيني
انوار: وجها احممممر تحشم وجهك
صقر: قرب منها غمزلها قولي الحق انتي تلفتي قبل مانقولك ع شنو ناويه
انوار :قرنت حواجبها و زادت قربت منه احترام نفسك شن قصدك
صقر: بنظره خسيسه.... انتي ادري
انوار : بدفه و تمشي للمرايا تعفس ع لرداي و تجي طايحه😓
صقر: مسكها قبل ما طيح😍 ...توا قولي الحق ولا نطيحك
انوار : صقر بلا لعب اطلقني توا يخرب لحزام
صقر:باه 😐.... وطلقها
انوار :جت طايحه 😢😂
صقر: قعد يضحك عليها
انوار: شافتله كيف يضحك حطت يديها ع عيونها وبدت تبكي
صقر:😮😮 ... انوار بلاش قطاف كنت نبصر معاك نوضي عيب عليك ومد يديه
انوار : بحزن ..... حولي عني ليا ساعه نعاني فيه واهو خربته ليا امتي بنلحق توا
صقر:غير نوضي توا نساعدك ومدلها يده
انوار : مسكت في يديه و صبت
صقر: هيا كيف تبرموا فيه هذا 😑
انوار: امسك هذين وحطاته لخلالات 🧷🧷 🧷🧷 و امسك هذا و مدتله لرداء في يده الثانيه ...
و قعدت انوار تشرحله و صقر يساعد فيها ...
صقر:خلاص ولا تي شي
انوار :- لا خلاص هكي تمام طلع الشناطي للسيارة خلي الشنطة السوده بس
صقر: تمام
و كملت انوار لبس و عدلت مكياجها و خذت كم صور و حطت الفراشيه فوق منها
و جا صقر ساعدها عشان تركب
___________
في حوش اهل صقر كانوا اقاربه و جيرانه ملتمين و الكل مستغرب امتي صقر اتزوج و هكي بسرعه بدون طنة ورنة
ابتسام: خلاص الوقت ياعمتي راه ال9:30 مفروض جت العروس
افطيمه: ياسارة رني ع خوك
سارة؛ رنيت عليه قالي في الطريق
سالمه " بنت عمه " : جبتن دربوكه يابنات
تسنيم: فيه طبل بس دربوكه محدش جاب
سارة: توا نكلم وصال اتجيب من حوشهم
و خشت ريهام اخت رواد
تسنيم: خبطت سارة .. من هذي ؟؟
سارة: هذي ريهام اخت رواد
تسنيم:ومن عازمها
سارة :انا عزمتها خيرك
تسنيم: عارفتني مانحبش رواد وديما نسمع ع اخته انها متكبره علاش عازمتيها ؟؟
سارة؛ مش شورك وانتي في كل شي بتدخلي ومشت سارة تسلم عليها
و قعدوا دقائق و جا صقر
افطيمه: يابنت العروس جا اطلعن دخلنها
و طلعت ابتسام مرة عمهم و سارة دخلن انوار و قلعت الفراشية و الكل يسمي في اسم الله عليها كانت مشاءالله آية من الجمال ... قعمزوها ع صالون في السور كانوا دايرين خيمه عليه و طارحين فرش
قعمزت انوار و الكل يسلم عليها و يباركلها و يعرفوا فيها ع العيلة
و بعد كملوا سلام ... جابوا العشاء عشوا المعازيم و خشن البنات يغسلن في لماعين و بعد كملن جابن الطبل و الدربوكه و قعمزن قدام انوار و بدن
