روايه
#نورتي_عتمتي
حلقة 21
بقلم "رواسي بحرالدين "
(اسفة ع التاخير الضي كان هارب علينا 😣)
رواد: مصبي قدام انوار
انوار : توا تاكدت انها حامل لازم تكلم صقر و تجيب اماليك يا رواد في اسرع وقت
صقر؛ يسمع و مش مستوعب
رواد:هي واخذيه احتياطها كيف تحمل بس
انوار؛بعصبيه ... حتي لو ماحملتش منك غلط يلي درتوه حراااام ذنب في رقبتكم ولازم تصلحوه
صقر؛ معاش تحمل و دف الباب برجله ... ياكلب يافرخ الحرام
انوار : رعشت مع بعضها و وخرت
صقر: مسك رواد من رقبته .. دايره كيف خويا و انت تنهش في لحمي يا واطي وبدا ضرب فيه
سارة: انخلعت وقت جا صقر و قعدت تبكي
انوار: خايفة ماقدرتش تقرب عشان صقر مايزيد يعصب
صقر: يضرب في رواد بكل قوته
رواد :ماقدرتش يصده ولا يضرب من جيهة غالط و من جيهة مزال تحت تاثير صدمه الحمل و انه صقر توا عرف
صقر: طلق رواد يلي وجهه كله دم و مشي شور حديد بجنب الخزان رفعها ...... وربي الا مانقتلك ياكلب و جا شور رواد و رفعها بيضربة
انوار : مشت تجري و صبت قدام صقر .... وقف ياصقر شن يلي ادير فيه
صقر:دف انوار حولي عن طريقي انتي الثانيه
انوار؛ جت طايحه بس نفظت روحها و عادوت شدت يد صقر ...... حلفتك برحمة بوك ياصقر خلاص تهفت
صقر: يشوفلها و جسمه كل عرق ... حذف الحديده من يده
رواد: مش مصدق انه البنت يلي يبي يخرب بيتها و يشوهلها سمعتها هي يلي انقضت حياته 😓
انوار: قربت من صقر ... مش هكي ياصقر تحل المشكله هما غلطوا و واجب علينا نصلحوا غلطهم مش تحل المشكله بغلط ثاني
صقر؛ انكسر ظهري يا انوار انكسر ظهري ... ومسكها من كتوفها و بصوت عالي اختي حامل من اعز رفيق ليا افهمي
انوار : جت ببتكلم
رواد: و نا حنستر ع الموضوع و نصلح الغلط
صقر: طلق يديه من انوار و شاف لرواد
رواد:وجهه كله دم و حاط يده ع ركبته و حالته حاله من الضرب .... حنجيب اماليا و نخطب و نحاول ندير العرس في اقرب وقت موافق
انوار: وافق ياصقر مافيه الا الحل هذا
صقر؛ قلتيها مافيه الا الحل هذا بس من وين وغادي لا هي اختي ولا انت صاحبي و هيا اطلع من حوشي
رواد: شاف لانوار .. غدوا بإذن الله حنجيب امي
انوار: ابتسمت تنورو في اي وقت .... وطلع رواد و طلع وراه صقر ....... اما انوار خشت للحوش لقت تسينم سامعه الدوه كلها
تسنيم: في حالة صدمه
انوار: ماتخبريش حد ياتسينم و خليك ساكته
تسنيم: باي وجه بنخبر ترا فيش تحكي يا انوار العار حيلحقنا
انوار : الموضوع انحل ياتسينم و توا سارة تتزوج و تنستر
تسنيم: و تجوزت و بعد 9 شهوز حتجيب حيقولو جايبة الولد من حوشهم ولا 😏
انوار : لا حول الله قبل نقول انتي العاقلة و الرزينه في البيت بس توا شن صارلك
تسنيم: هذا كلام الحق كان ماعجبك ماعندي ماندير و ماتنكتب عليا نعول في عرسها و طلعت من الدار لقت سارة تسمع فيهم و تبكي ...... و انوار طلعت هدت سارة
________________
افطيمه: جت للحوش كانت عند جارتها قعمزت في الصالة و لعت التلفزيون
انوار:دايره شاي اخضر بالنعناع ياعمتي نجيبلك طاسه
افطيمه: لا والله صحيتي يابنتي كنت عند عمتك شارده شربت غادي
انوار: باهي صحتين ياعمتي ... قتلك وقعمزت ع الصالون يلي جنبها
افطيمه: قولي شن فيه
انوار؛ انبدري صقر قالي انه في شخص طالب يد سارة و احتمال غدوا ايجيب اماليه
افطيمه: وهذا النهار لمبارك يتفضل.. بس شكون ؟
انوار؛ رواد
افطيمه؛ انخلعت و حطت يدها ع قلبها رواد يلي نعرفوه يابتني ولا واحد ثاني ؟
انوار؛ ايه نفسه ياعمتي علاش لونك تغير
افطيمه: يتفضل كانه بيتفضل بس انه نعطيه وحده من بناتي ماتصير انا دايرته زي ولدي وهن معتبراته زي خوهن كيف يتجرا يطلب
انوار: بس سارة انتي ياعمتي ماسالتيها هي موافقه
افطيمه: رفعت حاجبها ... مال سالتيها
انوار؛ ايه اسالتها و قتلي مش حتلقي احسن منه
افطيمه: ضحكت ... بعد هي موافقه و صقر موافق علاش نحتروا خلاص ايجي و ع بركت الله
انوار؛ ابتسمت نشاءالله
____________
رواد: روح لشقته و هو متكسر فتج لمياه الدافيه و خش تحت الدوش و هو يفكر وحاس بالذنب تجاه انوار و يبي يصلح الوضع معاها طلع غير ملابسة و مشي لحوش اهله
ريهام: فتحت الباب .. رواد 😨
رواد: امي جوا ؟؟
ريهام؛ ايه و علاش وجهك هكي
رواد: طايح من الدروج وخش للحوش
ريهام : صدقتك
و خش يدور ع امه لقاها في المطبخ
رواد: يام
ريم: كانت الحوض رواد ... ونصدمت بوجهه ، خيرك ياولدي من داير فيك هكي
رواد: سلم عليها و باسها ... ومن بيدير فيا هكي طايح من الدروج بس
ريم: سلامتك ياولدي بس وين عيونك
رواد: الله غالب يام عارفه انتي قاعد في حوش بروحي و ندور ع شغل لفلوس يلي عندي قريب يكملوا
ريم:حطت يدها ع كتفه خلاص اقعد و توا نحكي مع بوك تتصالح معاه و ترد للحوش
رواد: لا يام انا نبي نعتمد ع نفسي و نصلح من وضعي
ريم: المعني
رواد: غدوا نبيك تمشي تخطبيلي
ريم: وهو في احلى من هكي 😍 حتي كان اليوم
ريهام: هههه مصدق عاد انتي يام
ريم: باهي قولي من تكون ولا نفس البنت يلي اخترناها لك
رواد: لالا نبي سارة يام اخت صاحب صقر
ريم: صاحبتك يا ريهام صاح ؟؟ بنت افطيمه؟
رواد: اي اي هذي هي
ريم: وشن جابك ليها عمرك ماذكرتها ليا
رواد: البنت عاجبتني يام ونا ناويها بالحلال
ريهام: البنت عسل كويسة بكل
ريم: نعرفها ياريهام وحتي الجمل مشاءالله عليها جميله البنت بس بوك مش حيرضي يا رواد البنت عادية مش من عيله معروفه
رواد:ياااهيا علينا انا مش مدور بويا شن يقول او شن يدير لانه هو مش مهتم غير بنفسه البنت عاجبتني ونبيك تمشي تخطبيها ليا تلايمي ولا
ريم: رغم اني عارفه حنحصل مشاكل من وراك بس باهي نمشوا
رواد: اجعني مانفقدك وجا باسها ع راسها ❤
ريهام: راني بنمشي غدوا
ريم: اكيده من بيمشي معايا غيرك وبنكلم حتي خالتك فاطمة تمشي
رواد: خلاص ديري رايك يام و قتلك شاف لريهام خليني اشوي مع امي
ريهام: خزي عليك و ع يلي فرحنالك و كشخت عليه و مشت
رواد: حوشي و جاهز و كلمت صاحبتي احتمال نخدم في مكتب يعني نبي العرس بدري بدري
ريم: شن يلي مخليك مستعجل هكي قبل نزروا عليك وماتبيش تتزوج
رواد: الوقت يام كفيل بانه يغير القناعات
ريم: خلاص نشاءالله خير
رواد: نشاءالله ... وطلع
______________
في الليل :-
درات تسنيم العشاء و جت انوار ساعدتها و حطن العشاء في الدار
افطيمه: وين سارة مال
تسنيم: كشخت ع جنب
انوار :في دارها قالت ماعنديها نيه تاكل
افطيمه: وصقر حتي هو وين يضل لنصايص الليل ماني عارفه له كم يوم مايتعشي معانا
انوار : تلخطبت و مزاجها خرب .... وكملوا عشاء و خشن يغلسن في لماعين
تسنيم: حس صقر جا ارقي شوفيه ونا نكمل لماعين
انوار : خذت منشف و مسحت ايديها ماسمعته الحق و طلعت من المطبخ و لحقت صقر ... فتحت الباب الدار لقت صقر يغير
انوار: متعشي ؟
صقر: مانبيش
انوار: امورك تمام ؟؟
صقر؛- انوار ماعنديش نيه نحكي راه و بعدها تلفتلها لا تعالي نحكوا .... قوليلي انتي من وين تعرفيه رواد وكيف ايجي للحوش و تطلعيه وتحكي معاه عادي ؟؟ و من ورايا ؟؟
انوار : هو يا صقر
صقر:-قرب منها وشدها بقوة من شعرها هو شن ادوي
انوار؛عيونها تعبوا دموع صقر اطلقني
صقر:-طلقها ... اطلعي من الدار يا انوار اطلعي
انوار: طلعت وهي ساكته لقت سارة قدام الباب
سارة؛ حست بشي ... صقر جوا ؟؟
انوار؛ ايه بس ماتحكيش معاه اليوم معصب راه
سارة؛ عنده الحق يعصب لو شخص ثاني كان قتل اخته بس صقر غير و فتحت باب الدار و خشت
صقر؛ عيونه في تلفونه ... انوار قتلك اطلعي
سارة؛ بس انا سارة مش انوار
صقر:-مش قادر يرفع عيونه فيها
سارة: للدرجه هذي زعلان مني ؟؟ لدرجه مش حتشوف في وجهي ؟
صقر؛ سارة اطلعي احسن ما نغلط و ندير شي نندم عليه بعدين
سارة:- قربت منه دير يا صقر دير لو شخص ثاني مكانك كان قتل اخته انا غالطة يا صقر و مانستاهل تسامحني و بدت تبكي
صقر:- قلبه حان عليها كان زي بوها و خواته رغم انه فرق العمر بينهم مش واجد بش تربوا ع يده
.....قرب منها صبي
سارة: صبت سامحني ياصقر سامحني والله الشيطان غر بيا 💔
صقر:- صدقيني صعب نسامحك بالساهل يا سارة بس خليها ع ربي و طلع و سكر الباب
انوار كانت واقفه برا بعيده عنهم اول ماطلع صقر خشت للدار و قعدت بجنب سارة تهدي فيها و هي نااااري ضميرها يأنب فيها و القهر بياكلها تبكي بعبرتها لدرجه سمعتهم تسنيم وحتي هي سخفت عليها وخشت تهدي فيها مع انوار
تسنيم: سارة يا اختي حرام عليك لك ساعه تبكي خلاص اهدي و انزلي معايا
انوار :خليها ياتسنيم و انزلي شوفي عمتي بالك تبي شي و سارة اليوم ترقد معايا
تسنيم: وصقر؟
انوار؛ماتاكلي همه يرقد حتي في المربوعه
تسنيم: به و طلعت
انوار؛ كلمة وصقر نوضت موجعها و حست بنقص ..، قال صقر قال ع اساس يلمس فيا ولا يرقد معايا وياروحي من كثر تفكيرها حتي هي بكت مع سارة لعند رقدن
تسنيم: بعد ربع ساعه خشت عليهن لقتهن راقدت طفت الضي و غطتهن و نزلت
لقت صقر جاي و خاش للمطبخ
تسنيم: تبي شي ياصقر
صقر: لالا قهوه و توا نديرها
تسنيم: بعد نديرها لك
صقر: حول و قعمز ع الطاولة و خلاها اديرها
تسنيم: كملت دير القهوه و مدتها له
صقر؛ انوار رقدت ولا واعيه
تسنيم: راقده فوق هي و حتي سارة راقده فوق خطرها
صقر؛- تمام
تسنيم: بنت حلال
صقر؛ كيف
تسنيم: ع انوار بنت حلال فعلا اول مرة نشوف في بنت تعامل في عيلة زوجها هكي و تتحمل و تصبر والله نيتك نظيفه ياصقر يلي ربي رزقك بيها
صقر: الحمدلله ❤
تسنيم: هي بنرقد انا تصبح ع خير
صقر: تلاقي الخير وشرب قهوته و بعدها رقي فوق شاف انوار و سارة راقدت سكر الباب و نزل رقد في المربوعه
_____________
و في اليوم الثاني :-
اتصل رواد بساره وخبرها انه اهله بيجوا ع الغداء و الفرحه معاش ساعتها
و خشن البنات للمطبخ ماخلن مادارن من حلويات و موالح...... و جو اهل رواد ع الغداء و اتفقوا انه العرس بعد اسبوعين ... و عدا اليوم هذا ع خير
في الليل :-
تسنيم: ريتي الهام من احداك مابتش تنوض
سارة؛- حتي هي صاحبتي ياحنه
انوار؛الحمدلله مشي اليوم هذا ع خير
افطيمه: انا محيرني صقر عارف الجماعه بيجوا كيف ما ايجي
البنات:تلبكن
صقر:- فتح باب الصالة و خش
تسنيم: اطري القط
انوار : ايجيك اينط وشافت لصقر
سارة: مش قادره تحط عينها في عينه ناضت رقت لدارها
افطيمه: تعال ياصقر
صقر:- نعم يام
افطيمه؛ تي بالهي وينك اليوم حشمه مع الجماعه مافي راجل في الحوش يستقبل رواد
صقر : عارفتني مش فاضي يام وشغل فوق راسي
افطيمه؛ حتي لاختك مش فاضي ؟؟ياحسرتي عليك ياصقر حتي وقت كنا ارقاد ريح ماكنت هكي لولا انوار في هل حوش كان مش عارفه كيف مشى الوضع
انوار؛تحشمت
صقر: رقي للدار بدون اي كلمه
انوار:هي خليني نرقي تصبحوا ع خير
تسنيم &افطيمه:تلاقي الخير ...
افطيمه: و نشاءالله مانفقدوك يابنتي
انوار :تسلمي ياعمتي ورقت للدار فتحت الباب لقت صقر مقعمز ع التلفزيون..صبت قدام لمرايا فتحت شعرها و فكت حلقاتها و الاكسسوارات يلي لابستهن فتحت الدولاب بتاخذ الروب منه
صقر: انوار
انوار: نعم
صقر: جا حظنها و حول خصلات شعرها ورا وذنها معاش قادر نصبر عليك تعرفي
انوار؛ تحشمت و واطت راسها
صقر: نحبك هلبا يابنت انتي نور حياتي تعرفي
انوار: بخجل و نا نموت في حبك
صقر: لاف يديه ورا خصرها و يحلل في ازرار بلوزتها اليوم ليليتنا صبرت واجد عليك
انوار: تضحك وزادت الرغبه عنده
صقر: مشي طفي الضي ورفع انوار ع السرير ... وصار يلي صار
انوار: راقده في حظن صقر .... صقر عطيني وعد ماتسيبنيش
صقر: ونا نقدر نسيبك تعرفي اليوم احلى يوم في زواجنا
انوار: تضحك بحشمه
صقر: هي نوضي ندوشوا مع بعض و ناض ولع الضي
انوار: تحشمت و غطت روحها
صقر: كان حاط بلوزة بيضة له ع السرير ... هيا نوضي
انوار: لفت لغطاء عليها وناضت
صقر: يشوف للسرير
انوار: خيرك ؟؟ ااه قميصك ناسيه هنا القنك بحواس يا صقر
صقر: ترا هاتيه
انوار؛ توا نغسله
صقر: يا انوار انتي عبيطة ولا شنو كيف القميص ابيض هكي ؟
انوار: عباطة شنو يا صقر
صقر: لامسك حد قبلي ولا شنو فهميني كيف القميص ابيض يا انوار
انوار : صقر دايخ ولا انت يلي تستعبط عليا انا من قبل تهنيت معاك راه مش حيكون فيه شي في المره الثانيه
صقر؛ وانا امتي جيت شورك قبل المره هذي تي طول الشهرين يلي فاتوا نقاوم فيك ونبعد عنك
انوار : ياصقر خيرك لا حول الله اقسم بالله انك لمستني قبل هكي وين عقلك تبصر عليا انت
صقر: انا يلي خيرني ولا انتي ... ونا نقول كيف صابره المرا ع عيشتها هكي و حتي ماطلبتش اني نجي شورها
انوار : بعصبيه ... لا زودتها هكي شن بتطعن في شرفي عقاب الوقت
صقر: اين شرف تحكي عنه وانتي ضاحكه عليا وجايه ملعب عليك من حوش هلك هي اصلا جيزتي منك كلها غلط
انوار : معاش قدرت تتحمل ضرباته كف وخشت للحمام
صقر: انصدم بجرئتها فتح الدولاب وطلع توته منه و نزل لوطا
انوار :عيونها بيدموع وقلبي بيتمزق مش مصدقه يلي صار لصقر و كيف مش مذكر الليله يلي تهنوا فيها بس مسكت قلبها وقررت انها معاش تسكت وتتحمل لانها تعبت بما فيه الكفاية
دوشت و طلعت ما لقتش صقر في الدار نزلت لوطا ادوار عليه اخر شي لقاته في المربوعه
صقر: مقعمز ويخمم
انوار: فتحت الباب
صقر: شن تبي
انوار: مانبيش الا كل خير
صقر: شنو
انوار : اختك بتعرس بعد اسبوعين مش حنخرب فرحتها بس بعد فرحها طلقني
صقر: انصدم .. بعد ما انكشفتي ؟
انوار : انا اشرف منك و من كلامك الوسخ بس نستاهل هذا جزاتي اني نصبر ع واحد مافيه الرجاء
صقر: احترمي نفسك ومانبيش نعلي صوتي و نوعي اهلى
انوار: مافيش داعي اصل قتلك يتم عرس اختك ع خير و نطلقوا اتفقنا ؟
صقر؛..... يتبع
حبايبي :-
مزال حلقتين و تكمل الروايه نزلت في صفحتي الشخصية انها حتكون 22 حلقة بس طلعن الاحداث اكثر فا بنخليها 23 حلقة ❤ رأيكم مع تحياتي
" رواسي بحرالدين"
