روايه
#نورتي_عتمتي
#حلقة 20
بقلم "رواسي بحرالدين "
صقر: حاس براسه ثاقل هلبا بيقيم روحه بس ماقدرش حط يديه ع عيونه وفتحن اشوي اشوي
يشوف في انوار جنبه ... انوار
انوار؛ كيف حطت راسها .. رفعت راسها صقر نضت ؟؟
صقر:- راسي يوجع فيا هلبا
انوار؛- ناضت فتحت الدرج طلعت له بندول و جابت طاسه لميه و عطاته له... و تشوفله بنظرات حسره
صقر: يبي يفتح معاها موضوع بس مش قادر
انوار:قعمزت جنبه صقر انت واعي ؟
صقر: شن قصدك
انوار؛ ريحتك و الخمر يلي في المربوعه و ضوعك المزري يلي كنت فيه كله يدل ع شي واحد انك كتت تسكر ولا
صقر؛ ماقدرش ايرد
انوار؛ جاوب
صقر: كلامك صح ماعنديش مانجاوب وحط يده ع راسه
انوار : جت قعمزت جنبه في جيهته صقر فهمني كيف نتعامل معاك انا صابره معاك طول الوقت يلي فات و نحاول نتعامل معاك احسن معاملة ومانقصرش لا في حقك ولا في حق اهلك بس فهمني علاش داير هكي فيا وفي روحك
صقر:- انوار راسي مش وقته الكلام هذا
انوار؛به امتي وقته ؟ يخاوفي ياصقر لفلوس يعمن عيونك و تتغير حتي ع اهلك و خذت طرف الروب و طلعت من الدار
صقر؛كلام انوار زن في وذنه ومعاش قدر يكمل نومه فعلا هو غارق في الغلط من جيهة يكلم في مرا متزوجه و هو يخون في زوجته و من جيهة مش مخلي لا ارقيله لا سكير
قعد وقت و هو يفكر في كلام انوار لعند سمع اذان الفجر طلع للحمام " يكرم القارئ" توضي و صلي و قعد يستغفر في ربه و يدعى انه يهديه ويرجعه للطريق الصح و نزل لوطا يدور ع انوار لقاها مقعمزه ع الطاولة و تبكي😓
انوار: حاسه انه الدنيا ظالمتها وحتي بعد تفرح و تضحكلها مايصير غير يلي يعكر مزاجها
وماحست بشي غير انه صقر جا من ورا وذنها
صقر: انوار
انوار : تلفتت له و عيونها دموع ... نعم
صقر: سامحيني
انوار: ع شنو ؟
صقر: مسك يديها ع كل شي صدقيني مش عارف انا وين وشن ندير فعلا الدنيا غرتني و نا ندير في هلبا حاجات غلط ومش فاطن لروحي
انوار: و دموعها ينزلوا باهي اهو اعترفت بغلطك ياصقر تقدر تصلح الغلط هذا وتبطل
صقر: صدقيني هذي ثاني مرة بس و نوعدك ما تتكرر ومسح دموعها
انوار:صقر انا خايفه
صقر: من شنو ؟؟
انوار؛ مش عارفه كيف حنفتح الموضوع بس ياصقر انت مرة تتقرب مني و تحسسني اني زوجتك و مرة تبعد فيا وكاني مش عاجبتك
صقر؛- صدقيني نقاوم فيك عشان مانجرحكش في يوم من الايام
انوار؛ ومن قال بتجرحني ؟
صقر: جا بيتكلم
انوار؛ حطت يدها ع فمه اسمعني ياصقر انا مش هامني لا رزق دنيا ولا شي انا نبي نكون مع شخص يحبني و يحترمني بس ومش طالبه منك اكثر من هك
صقر: نزل يدها وباسها و من يوم غادي حنكون معاك هكي ونحن صغار اليوم
انوار؛ ابتسمت
صقر: باسها ع راسها الفجر اذان صليت قلبك نوضي صلي و الحقيني
انوار : حاظر ورقت توضت و لبست ملاية الصلاة و صلت
و خشت للسرير بترقد جا صقر من وراها لفها في حظنه و كملوا نومهم وهم في حظن بعض
____________________
صباح اليوم الثاني ؛-
سارة: ناضت وبطنها توجع بيها وكل اشوي تخش تستفرغ
تسنيم: لا حول الله شن واكله يابنت
سارة: شكت في روحها حامل .. لا ياودي نا واخذه احتياطي مع رواد بس كل شي يجوز
تسنيم: نكلم فيك
سارة: ماني عارفه خليني في همي .... خشت عليهن انوار
انوار : صباح الخير
تسنيم: صباح الورد
انوار : فطرتن ولا نحطلكن الفطور ؟
تسنيم: لا صحيتي فطرنا وين صقر
انوار: اني بنرقيله فطوره فوق
تسنيم: تمام..... ومشت انوار للمطبخ جهزت هذيك سفرة الفطور و حطتها لصقر ورقت فطرت هي وياه وهذاك الضحك و سبحان الله كلام انوار البسيط وقتها نوض ضمير صقر و خلاه يحس بيها
صقر:- تعرفي بجد ماكنتش متوقع انك تتفهميني هكي
انوار: ها شن كنت متوقع ؟ اني نسيب زوجي حبيبي
صقر: يعني مستحيل تسيبيني ؟
انوار : بثقة ولا ممكن
صقر:- باسها ع فمها ولا انا بنسيبك ... هي كملي فطوري و نا طالع
انوار : لوين ؟
صقر:- نبي نرد للخدمه حناخذ واحد من المحلات احسن من القعده في الحوش
انوار : تمام ورفعت انوار السفره و نزلت
صقر:-خش لبس و نزل حتي هو صبح ع امه و خواته و خش للمطبخ
انوار : تبي شي ؟
صقر: شن ممنوع نجي ناخذ بوسه من مرتي ؟
انوار : اسسس توا حد يسمعنا
صقر: مرتي ونا حر فيها و جا لف يديه ع خصرها وقعد يبوس فيها
انوار : بعدت صقر حول حس حد جاي
سارة: تضبح انوار تلفونك يرن
انوار : هي جايه ياسارة ... حول يابارد
صقر:البارد يحبك
انوار : دفت صقر و طلعت للصالة خذت تلفونها و لقتها شيماء و بدت تحكي معاها
و موضوع يجيب موضوع لعند
انوار : راجي نخش للدار و مشت خشت لدار الجلوس كانت فاضية
شيماء:-باهي احكي شنو
انوار؛ ليا كم يوم بنخبرك بس كنت متحشمه واخيرا تهنيت
شيماء: تكذبي ؟؟؟ الف الف مبروك
انوار : يبارك فيك
شيماء: علاش ماخبرتيني و امتي صار هذا ؟
انوار؛- قبل يومين بس وماحصلتش نتصل بيك عارفه وضع الحوش انتي
شيماء؛ باهي المهم تهنيتي ياقلبي و شن وضعك مع صقر
انوار : صقر حنين هلبا عليا بس مزاجي و توا عرفت كيف نتعامل مع مزاجيته
شيماء: ربي يهنيكم ياعمري
انوار : عقبالك يارب وخشت ساره عليها ... هي سلام
شيماء: تسلمي سلميلي ع عربك
انوار: يوصل ... فيه شي سارة ؟؟
سارة؛ مش قادره تشد روحها ... انوار صح يلي سمعته ؟
انوار؛ شن سمعتي ؟
سارة: شن قبل يومين تهنيتي وانت لك قريب شهرين متزوجه ولا اول اسبوع سالتك وقلتي تهنيت
انوار : اسكتي توا تسمعك تسنيم ولا عمتي
سارة؛- خليهم يسمعوا شن عروس تتهني بعد شهرين من عرسها اكيده في شي ورا الموضوع هذا
انوار؛- قسما بالله مافيه شي بس انا وصقر مزال نتعرفوا كنا و توا كيف الوضع استقر و انسجمنا مع بعض هذا حد الموضوع
سارة: ببتكلم بس حست بطنها تلوي فيها طارت تجري للحمام
_________________
هدى: اي مزال قاعد هو اشوي و يطلع
صقر: نراجي فيك لما يطلع رني عليا
هدى: لدرجه هذي استاحشتني ؟؟
صقر: نراجي في مكالمتك و فصل الخط
هدى: خيره هذا ؟
________________
رواد: اكيده اليوم العيلة حتعصب من صقر و نا لازم نستغل الوضع و فتح الدولاب و طلع تلفون انوار بعت كم صورة كانت مصورتهن هن سلفي لتلفونه
و بعد اشوي رنت عليه سارة
سارة؛ايوه رواد
رواد: نعم
سارة: اسمع بنخبرك بشي
رواد: كنت بنتصل بيك و امس الليل اتصلت بيك و بعتتلك رسائل خيرك ماتردي وخيره صوتك هكي
سارة: كنت تعبانه ماشفتش رسائلك
رواد: مش مهم توا اسمعيني
سارة؛ استغربت شن فيه علاش تحكي معايا هكي
رواد: انا امي خطبتلي ومعاش نقدر نكمل معاك ياريت تحذفي رقمي و تنسي يلي صار بينا و من توا يطلع من فمك شي عليا ولا نلقاك قايله اني كنت في علاقه مع رواد صورك وانتي عريانه معايا حتلقيهم منتشرات
سارة؛- تسمع في الكلام وهي منصدمه ومعاش قدرت تتحمل وجت طايحه من طولها
تسنيم و انوار و افطيمه سمعوا الطيحه كانوا في الصالة و هي في الدار جوا يجروا و قعدوا يتصلوا و يرنوا ع صقر
بس صقر كان مش لاهي وقتها و يصفي في حسابه مع شخص
انوار؛ اطلعي ياتسنيم كلمي عمي محمد و اني نلبسها
افطيمه: خيرنا ياربي كل مايمرض حد مانلقوا من يسندنا وينك ياصقر
وجا محمد جارهم حطت انوار خمارها وطلعت هي و افطيمه معاه اما تسنيم قعدت في الحوش قفلاته عليها و مسكينه خافت ع اختها قعدت تبكي
_____________
صقر : كمل حساباته ورفع تلفونه لقى مكالمات من اهله عاود عليهم محدش رد 😣
رن ع هدى
هدى: دارتله حمره ... تعاال هي اكيده ع ماوصلت انت هو يكون طلع
صقر: رفع مفتاحه وطلع للسيارة و مشي شور حوش هدي و قعد يراجي امتي راجلها يطلع و هو ع احر من الجمر
___________
وصلوا للمستشفي ودخلوا سارة وخشت الدكتوره شافتها
انوار : خليك ياعمتي مقعمزة ونا توا نشوف سارة
افطيمه: رني ع صقر يابنتي هل ولد مذهوب شيره مش عارفه وين يختفي
انوار؛ توا نكلمه غير نشوف الدكتوره الاول ومشت شورها وسالتها عن حالة سارة
الدكتوره: شن تقربلك المريضة ؟
انوار؛- حماتي اخت راجلي
الدكتوره: صحت المريضه كويسة بس هي في بدايه حمل ولازم من اهتمام و عنايه حنكتبلها عن كم مقوي و فتامينات لازم تخذهم بإنتظام
انوار؛ نزل عليها الكلام كيف السم وماعرفتش ماتقول غير تهز براسها بس رفعت تلفونها وترن ع صقر
بس عطاها مشغول وقتها هدى رنت عليه .... رفعت طرف خمارها وخشت لسارة مسكت يدها و دموعهت نزلوا سارة يا اختي شن دايره في روحك
سارة؛ خيرك يا انوار شن عندي
انوار؛ بلعت ريقها .... ط ط طلعتي حامل 💔
سارة: ماقدرتش تتحمل الصدمه صدمتين ورا بعض حالتها انتكست و قعدت اتعيط خشت عليها الممرضة وضربتلها ابرة مهدى
__________
صقر: خش من الباب الوراني
هدى؛ حبيبي و جت بتحظنه
صقر: صدها
هدى:- زعلان مني ؟
صقر:هن كلمتين بنقولهن لك
هدي: قربت منه و بدلع .... قول
صقر: بعدها هنا ... اسمعيني كويس وقت اتصلتي بيا وخبرتيني انك نادمه ع انك سيبتني و زوجك يعذب فيك و مش مرتاحه حن قلبي لك و كنت مقرر نطلق مرتي و نردك ليا بس
هدى: توترت.... بس شنو ؟
صقر: مستحيل ياهدى مستحيل انوار نورتلي عتمتي مستحيل بنت زيها تصبر هكي صبرت معايا في فقري و وقت ضعفي صبرت عليا و ع عيلتي و مشاكلي و اليوم انا نبيعها هكي و نسيبها هذي ماتنكتب عليا
هدى: بصوت عالي ....وحبنا ياصقر و حبنا مش قبل كنت تقولي تبيع الدنيا عشاني توا عقاب بنت مش قادر تسيبها ؟
صقر: عصب لو انتي عقاب بنت انوار مش هكي وقدرها اعلى من انها تكون عقاب و انتي نسيتي انك بعتيني ولا شنو ؟؟ غير دموعك و كلامك غسلي مخي و غيرني عنها
هدى؛ الباين حبيتها
صقر: فعلا حبيتها و نقولها ونا واثق و اخر شي عندي لو احتجتي مساعدتي انا حنكون معاك ولد اصل و نساعدك بس اني نعاود و نخون انوار ماتحلميش و هي فرصة سعيده ... و فتح الباب و طلع
اما هدى قعدت في صدمه ومش عارفه كيف حتخبر رواد بيلي صار
ركب صقر في السيارة و لقى تلفون يرن
صقر: الوو
انوار: ايوه صقر وينك
صقر: في الطريق حبي علاش صوتك هكي
انوار ؛ نحن في المستشفي يا صقر سارة داخت
صقر: علاش شن صايرلها
انوار : هبوط بسيط ماتخافش بس تعال مش تروح بينا
صقر: في اين مستشفي
انوار : ****
صقر: اني جاي مسافة الطريق و دور مشي للمستشفي
انوار : خشت لسارة لقت بجنبها افطيمه مقعمزه
افطيمه: ماسكه في يدها وخايفه عليها
انوار : صقر في الطريق ياعمتي تقدري تقولي لعمي محمد ايروح
افطيمه: باهي يابنتي غير خليك معاها
انوار:ماتوصي حريص .... وطلعت افطيمه وقعمزت انوار بجنب سارة و حاولت توعيها بس سارة كانت تحت تاثير المهدي مش واعيه زين
سارة: فتحت عيونها اشوي اشوي
انوار: مسكتلها يدها يا سارة يلي قتلك لك بيني و بينك ماتخبريش حد حتي تسنيم لعند نفهم الموضوع منك و نديروا حل
سارة تهز براسها و عيونها يدموعوا
...... وصل صقر للمستشفي رن ع انوار و قالتله هم وين و مشي لعندها و هو خاش تلقى مع الدكتوره بتخش
صقر؛ معليش يادكتوره
دكتوره: تفضل
صقر: انا خو المريضة يلي جوا و اشر عليها بيده شن وضعها توا
دكتوره: بخير بس تبي عنايه اكثر وضعها مستقر توا بس زي ماقتلك لازم من اهتمام بالتغذية و عدم الاجهاد
صقر: نشاءالله
دكتوره: كنت جايه بنعطيها المقويات هذين حيسعدنا تفضل
صقر:شكرا ... وخش لسارة وخذوا الخروج و طلعوا من المستشفي
______________
في الحوش :-
انوار : رقت سارة الدروج وحطتها ع السرير .... تسنيم خليها اختك تتريح واني لاحقتك
تسنيم: فهمت انه فيه شي وطلعت وسكرت الباب وراها
انوار؛ احكيلي ياسارة كيف اديري شي هكي !؟ وين عقلك بس ؟ كيف ترضي بشي زي هذا ؟؟ و من منو ؟
سارة: برهبه،... تربحي يا انوار ساعديني وماتخبري حد
انوار:- لو بنخبرهم كنت خبرتهم بس انا نبي نساعدك قوليلي شن اسمه ولازم يتحمل المسؤوليه و يجي يطلبك
سارة: رواد يا انوار من رواد
انوار: جمدت في مكانها ر را را رواد ... نفس رواد صاحب صقر ؟
سارة؛ ايه
انوار: هاتي تلفونك و عطيني رقمه لازم توا نحكي معاه و يجي يطلبك
سارة؛ بس هو رخي بيه 💔
انوار : مافيش رخي بيه حنربيه و مدتلها تلفونها اكتبي الرقم
سارة؛ فتحت تلفونها و عطتها الرقم و رنت انوار عليه
رواد: ايووه من معايا
انوار : موتك يارواد موتك
رواد: شنو
انوار : انا انوار ياحقير
رواد: قبل شهور قلتيلي حبيبي و توا حقير
انوار: فطنت انه ساره معاها .... اسمعني كويس تحساب انك حتلعبي مع حماتي و تخليها تحمل منك و نمشيها لك وربي نقتلك يارواد كان متصلح يلي درته
رواد: حمل شنو ؟؟
انوار: سارة حامل منك ياتافه غدوا احكي مع صقر و اجيب اهلك ولا والله نفضحك و نخليك عبره
رواد: تي حمل شنو تبي تلصقوها فيا بالسيف بالهي برو عني
انوار: تعال اليوم لما يطلع صقر و حنعطيك تحاليها و حتتاكد انها حامل
رواد: خاف ... ويش يثبت انها حامل مني ؟
انوار : رواد ماتعصبني البنت حكت ماعندهاش علاقه بغيرك ماتحرقلي اعصابي اقسم بالله حنفضحك راه و نحشمك قدام الناس وانت مش حتقدر تضرني بحاجة
رواد: نسى موضوع انوار بكل و توا جا موضوع جديد في راسه .... لازم نتاكد انها حامل الاول مش ملعوب عليها
انوار؛ قتلك لما يطلع صقر نكلمك تعال ارفع التحاليل و تاكد بعيونك
رواد: خلاص اتفقنا .... و قعمز حاير حق سارة حامل ولا كذب و ماقعدش اشوي غير ورنت عليه هدى و خبراته بصقر و كلامه بس مدورش هلبا لانه مشكله حمل سارة اكبر من هذي
و مر .... الوقت
في غرفة نوم صقر و انوار :-
انوار: مقعمزه ع كتاب تقرا
صقر: فتح الباب ... شن اديري
انوار: مكسده نقرا
صقر:شن وضع سارة خشيت عليها القيتها راقده
انوار: احسن بواجد تبيلها راحه بس
صقر: تمام انا طالع وجا باسها ع خدها و حول شعرها ورا وذنها جهزي روحك الليله نبيك 😍
انوار:تحشمت باهي و وقعدت تشوف من النافذه لين تاكدت انه صقر مشي مشت طلعت التحاليل من الدولاب و نوضت صقر و رنت ع رواد
و ماقعدوش غير دقايق و رواد جا و كان ناوي يهدد انوار بصورها و شاك في انه ملعوب منهن
رواد: دق دق
افطيمه: شكون ؟؟
انوار؛- اكيده شريف ولد عايده انبدري قتلي بدزه يقعد معايا و طلعت للسور و منها فتحت الباب
رواد: يامرحبا با انوار
انوار : ماعنديش نيه نشوف خلقتك ياتافه و طلعت من كمها التحاليل تاكد بروحك ولو تبي نخليها تمشي للمستشفي و دير تحاليل غادي
رواد: انصدم و انحط في امر الواقع 🔥
_______________
صقر: لما طلع من الحوش شاف الصيدليه خطرت عليه الوصفه متاع سارة نزل للصيدليه بيصرفها
الصيدلانيه : تفضل و الف مبروك تنوض بالسلامه ❤
صقر: كيف ؟؟
الصيدلانيه: لحبوب في الوصفه مقويات للحمل قتلك تنوض المرا بالسلامه
صقر؛ الدم وصل لعيونه بس تمالك اعصابه ممكن الدكتوره غالطة في باله ولا في شي غلط سلك الصيدلانية و طلع رد للحوش و اول مافتح الباب
رواد: مصبي قدام انوار
انوار : توا تاكدت انها حامل لازم تكلم صقر و تجيب اماليك يا رواد في اسرع وقت
صقر؛ .... يتبع
