روايه
#نورتي_عتمتي
#حلقة 18
بقلم "رواسي بحرالدين "
صقر ؛ طلع من المقبره و مشي شور البيت لقى خواته و انوار و امه مقعمزين في الدار و يهدرزن
صقر : نوضن ضمن الحوش حنطلعوا منه
افطيمه : لوين بنطلعوا
صقر: قعمز بجنب امه .... بنحولوا يام
...... الكل استغرب
سارة:- لوين ينحولوا وشن تقول
افطيمه: صقر احكي بوضوح
صقر: اااااه يام .... عمي عبدالرزاق الله يرحمه قبل مايتوفى حول كل املاكه ليا
تسنيم: تحكي جد !!!
افطيمه:ورثه شنو ؟؟ باي حق تنحط باسمك و اهله وين ياصقر
صقر: يام انتي عارفه انه معنداش حد غيري لذالك حط الورثه باسمي حوشه و اراضيه الله يرحمه ويغفرله ماقصر معايا
تسنيم: تستاهل ياصقر حتي انت كنت زي ولده وماقصرت معاه
صقر: باهي هيا نوضن ما نبدري حكيت مع صحاب الحوش بنعطيه اجار الشهر يلي فات الشهر هذا مش حنقعدوا هنا
انوار: شريت حوش يعني !
صقر: بنمشوا لحوش عمي قريب من هنا في الشارع الخلفي
افطيمه:صقر شن صايرلك الراجل ماله 10 ايام متوفي وتبي نمشوا لحوشه !
صقر:- يام وشن فيها اهو ربي انعم علينا و الحالة تغيرت مش احسن مانقعدوا هنا ؟
سارة: قصدك بنسكونوا في الشارع الخلفي
صقر: بإذن الله نوضن لمن الحوش و غدوا نطلعوا ولا شن يام
افطيمه: ياولدي و الجيران شن يقولوا علينا ؟
صقر: مادوري كلام حد يام نحن مادرنا شي غلط ولا
افطيمه: باهي يصير شي وهي نوضن انتن بنهدرز مع امي ع انفراد
تسنيم: ناضت والله ماتحشم
سارة؛ ياريت هل لمة السمحه يلي معاك وخذت عزقت فيه لوساده
انوار؛-فيه شي معين تبيني نضمه لك
صقر:- بعدين ساهل توا نشوفوا
انوار: تمام ومشت تضم مع البنات
__________________
رواد: مقعمز في شقته و مترفز معاش قادر يصبر ع انوار ... رفع تلفونه و اتصل بهدي
هدى: الووو رواد
رواد: من انبدري نرن عليك وينك
هدى: رجب كان في الحوش خير شن فيه
رواد: خبرك بشي صقر و شن صار في قصة الطلاق
هدى:- مش عارفه يارواد صقر حسيته مايبيش يطلق و حتي مهما حاولت نخليه يلمسني يبعد عني
رواد: حاولي ياهدى ماندفعلك ع الفاضي انا
هدى:-حتي نا مرخصه روحي و نجيبلك في المعلومات و ندير في يلي تبيه شن تبي ثاني 😏
رواد: شن تقابل عندك معلومه جديده
هدى: سمعت بالورثه ؟
رواد: ورثه شنو ؟؟
هدى: صقر خبرني انه كل يلي يملكه عمه يلي توفى صار باسمه
رواد: كيف ؟؟؟؟
هدى:-هذا يلي صار و اليوم قالي يبي ينتقل من الحوش
رواد: توا اسمعيني انتي و نقولك شن اديري و الباقي خليه عليا
هدى: شنو
رواد: نبيك ...
___________________
صقر: صبى قدام الباب و خبط..... دق دق
انوار: ادخل
صقر: خش لقاها اطبق في الملابس .
انوار: رفعت راسها تبي شي ؟
صقر: لالا بس قلت نشوفك شن اديري
انوار: كنت مع البنات حسنا في السور اشوي و خشيت للدار
صقر: تمام الغداء مزاال
انوار: نصبتها الطنجره بس مزال بدري جيعان انت تبي نصبلك؟
صقر: لا نسال بس
انوار: جت بجنبه لو جيعان عادي نجيبلك توا انت
صقر: لالا خليها توا نتغدوا مع بعض
انوار: اوكي براحتك
صقر: تلفونك ما القيتيه
انوار: لا 😔 عارف
صقر: شنو ؟
انوار: عندي في هلبا صور انا و صاحباتي و ارقام البنات 😞💔 خايفه
صقر؛ دايرتله رمز ولا
انوار: ايه بس
صقر: ماتخافيش مش حيصير الا كل خير
انوار؛قعمزت جنبه نشاءالله ... و قعدت تهدرز هي و صقر و يضحكوا و غيروا جو
و بعد وقت
صقر: تكذبي
انوار : وحق ربي هي
صقر: ههههه من جدك انتي امي انا اديرها
انوار:- قسما بالله انه عمتي هي يلي دارتها ليا
صقر: غريبه امي ماتحبش ريحتها بكل
انوار؛بثقه .... لانه تحبني انا تحملت ريحتها و دارتها ما حتي نا زي بنتها
صقر :عجبه كلام انوار و قعد يشوفلها بنظرات حب
تسنيم: دق دق دق
صقر: خشي
تسنيم: فتحت الباب .... انوار بتجي تصبيه الغداء ولا نصبه
انوار؛- هي جايه و ناضت من ع السرير و طلعت
تسنيم: خشت تبي صقر قعمزت جنبه و قعدت تهدرز معاه
انوار : مشت حطت الغداء و دخلت السفره للصالة و الكل طلع قعمزوا يتغدوا و يهدرزوا ع موضوع نقلة الحوش و مش مصدقين يلي صاير
______________
و مر اليوم هذا و شطبن البنت نص الحوشه و ناضن في اليوم يلي بعده كملن
ساره: مش مصدقه يعني حنطلعوا من الحوش هذا 😢💔
تسنيم: مش امس فرحانه شن صار لين تنكدتي هكي
سارة: خشت للدار
تسنيم: لحقتها .... نكلم فيك خيرك فوتيني
سارة:ادرق في وجها ...
تسنيم :نكلم فيك ورفعتلها وجها لقت ادمع.... خيرك
سارة: مش مصدقه انه حنسيبوا الحوش تعرفي هذا الحوش من اول مانضت ع الدنيا و نحن فيه
تسنيم: مسحتلها دموعها عيب سرو بدل مااتفرحي انه واخيرا حياتنا حتتغير وربك انعم علينا
سارة: بس ذكرياتنا كلهن في الحوش
تسنيم: مسحت دموعها و ابتسمت نقولك حل
سارة؛ شنو
تسنيم: اذكري وقت السقف طاح و لميه قعدت تخشلنا من فوق ولا اذكري وقت مانبوش صاحبتنا ايجنا في الحوش عشان مايضحكوش لا ع الاثاث القديم ولا حوشنا لانه صغير
سارة: القنك كلبه كرهتيني في الحوش كلمي صقر توا نطلعوا 😢😹
تسنيم: هههه ريتي الحياة هكي امس تعذبنا و اليوم ربك اكرمنا و انعم علينا
سارة؛ ونعم بالله وحظنت اختها
انوار ؛ يابنات و وقفت تشوفلهن .... شن فيه هنا تجمع خوات ولا شنو
تسنيم: هههه تعالي
انوار؛-خيركن تتباكن
سارة؛- شافت لانوار بطرف عين و ماتبيش تحكي معاها و اصلا تتجنب فيها هلبا بسبب رواد
انوار؛ صقر توا بيجي راه تعالن طلعنا معايا
تسنيم:- هي
سارة؛ ناضت بتمشي تشوف في تلفونها يرن .. هي توا نلحقكن
تستيم& انوار : تمام ... وطلعن
سارة: ايوه حبيبي
رواد: توا حبيبي صار
سارة؛مزال زعلانه منك راه
رواد: عيب حبيبي حكيتلك انا درت هكي عشان امك بس لانها احرجتني و في النهاية البنت كان مغمي عليها معقولة مانساعدها
سارة؛ اممم باهي تمام
رواد : استاحشتك تقدري تجيني اليوم
سارة: حتي انا استاحشتك حبيبي بس اليوم مانقدرش
رواد: علاش ليا كم يوم عنك عيب عليك راه
سارة؛ والله مايصيرش اليوم بننتقلوا من الحوش
رواد: كيف
صقر؛ ياسارة
سارة: رواد صقر جا توا بعدين نتصل بيك و سكرت التلفون وحطاته في صدرها
صقر: ليا ساعه اناديلك اطلعي ساعدني تسنيم و انوار هيا
سارة: هي و طلعت معاهن
و ركبن البنات مع صقر يلي يلايمنه و ركبن مع امهن في السيارة و شالهن صقر لحوش عمه عبدالرزاق
افطيمه: وباقي الدبش ياصقر من بيجيبه
صقر: جبت عماال يام يركبوه ...و وصلوا للحوش نزلوا
طبعا حوش عبدالرزاق الله يرحمه كان كبير الله يبارك ع 3 ادوار ، مربوعه و حمامها ع برا و الدور الاول صالة و مطبخ و غرفه جلوس و حمام و الدور الثاني غرفتين بينهن حمام و الثالث غرفه نوم بحمامها و مخزن
سارة : واااااك ياربي بنسكنوا هنا يعني
انوار: تشوف للحوش قولي مشاءالله
سارة؛ 😏
تسنيم: انا الوحيده يلي مش منصدمه لاني جايه من قبل مع صقر هنا😁
افطيمه : الله يرحمه كنت ديما نقوله تجوز ودير واشون بس ماسمع
صقر: خلوني نتصل بالجماعه نشوف شن صار في باقي الدبش و انتم خشوا جوا
الكل:- تمام ....
و خشن البنات يشوفن للحوش كان مفرش بس فيه هلبا حاجات لازم يتغيرن لانه عبدالرزاق كان عزابي مش حوش عيله يعني... وبدن البنات يضمن و الفرحه مش واسعتهن
و بعد ساعات جا صقر
انوار ؛ صقر نبي تلفونك اشوي
صقر: ع من بترني
انوار ؛ ع بويا ليا هلبا عليه😓
صقر: تمام و عطاها التلفون
و خذت انوار التلفون و قعدت تهدرز مع بوها لدقايق و خبراته شن صاير معاها و فرح هلبا لانه كان عنده علم بانه حالة صقر كانت ضعيفه اشوي
انوار: خلاص يابابا توا نستاذنك تبي شي
عماد: سلامتك يابنتي بس عطيني صقر
انوار؛ حاظر هي و مدت التلفون لصقر بويا يبيك
صقر: خذا منها التلفون ايوه عمي
عماد: ايوه صقر كيف حالك
صقر:حمدلله وانت
عماد: بخير ياولدي بس لايم عليك راهو
صقر: علاش ياعمي
عماد: معقولة انوار قريب بدير شهرين راه ليها شهر و معاها متجوزه و مزاال ما زارت ؟.
صقر: حقك عليا ياعمي بإذن الله الايام الجايه نجيبها
انوار:فرحت وقت سمعت الكلام
عماد: خلاص ياولدي نراجي فيك في امان الله
صقر: سلمك ... وسكر الخط
و مر .... اليوم الاول ....
و الثاني ....
و الثالث.... تغير وضع عيلة صقر عاد اصبحوا في حوش ع 3 ادوار و عيشة حلوه وصقر معاش استغل في المحل عين فيه شخص ثاني و قعد يتبع في اعمال عمه و يدير فيها وحده وحده
اما انوار و اخير فرجت عليها و توا واخذه دار النوم في الدور الثالث غرفه جميله و بسيطه وبذوق انوار خلتها تناسبها
صقر:يلبس انا طالع توا عندي كم حاجة بنديرها و نجي
انوار: مدتله الجاكه تمام شوفي عمتي امس تعبانه اشوي
صقر: امي خيرها
انوار: امس روحت تالي انت لو جيت بدري كنت شفت وضعها
صقر؛- ياااهيا مش وقته الكلام هذا انوار
انوار: لا وقته ياصقر اسمع راه مالينا غير 3 ايام هنا و انت طبعك بدا يتغير صقر علاش تغيرت هكي فهمني
صقر؛من اي ناحيه تغيرت فهميني
انوار؛ اول حاجة صح مش من حقي بس حتي بعد بديت تصلي توا انت ماتصليش ولا وقفت عن الصلاة قبل تجي بدري توا لنصايص الليل و انت برا و ماسك شغل شغل شغل سامعه انه لفلوس تغير النفوس بس ماكنتش نحساب بالسرعه هذي
صقر: اول ماكملت كلامها طلع من الدار قربع الباب وراه بقوه و مشي
_________________
رواد: اي اي في حوشي اليوم الليل
طارق: خلاص هانيه مع ال10 نكون عندك
رواد: نراجي فيك و كلم باقي الشباب
طارق: تمام
رواد: هي تشاو... وسكر الخط ورن ع صقر
_صقر: كان طالع في السيارة شاف رواد يتصل رد عليه الووو
رواد: شنجو يارفيق وينك مختفي
صقر: حمدلله اهو حاال الخدمه انت وينك
رواد: خدمه شنو وانت كل مانكلمك خدمه
صقر: الله غالب هذا هو
رواد: اليوم سهرانين مع الشباب تعال كسد معانا
صقر: امتي
رواد: بالهي ماتعطيني سبل ياصقر لينا كم ماكسدنا ارقيله و جو مع الشباب تعال
صقر:والله ماني عارف بس نحاول نجي
رواد: مش شوري حنزعلوا منك كان ماجيت راه
صقر:- هههه لالا بإذن الله جاي
_______________
و جا الليل و مشي صقر للجماعه ورافع في ايديه اكياس مش مخلي ماجايب و طبعا الكل اداول القصة هذي و حاسدينه ع الاموال يلي محصلهن
قعمز صقر مع الشباب و قعدوا يهدرزوا و ولعوا كرسي ارقيله و لحم و مشاوي و هدرزه و ضحك لاوين
رواد: غمز لمحمود
محمود: ناض للسيارة فتح الدرج طالع زوز شيش وسكي و جا
طارق : اوووووه رابخه الليله
احمد: كلا انا اعفوني
رواد: تي اشرب ياجبان جت ع طاسة اليوم
احمد: باهي هات... و صب محمود و مدلهم
رواد: وانت ياصقر خيرك ماخذيت
طارق : مال ناسي يا رواد صقر عمره ماسكر معانا
رواد: بس اليوم الجو غير ومافيش اعذار و كلنا حنشربوا ... وبعد اقناع من رواد صقر مالقيش مهرب و لقى روحه غاطس في العفن معاهم
_______________
مع الساعه 3:30 انوار في دارها تلف و تحوم متعصبه من تصرفات صقر
و في نفس الوقت خايفه عليه لبست الديشمبر و نزلت لعلى و عسى ايجي و بعد وقت جا صقر
انوار : كانت مقعمز ع الطاولة
صقر : خش من الباب مايبيش انوار تفطن انه شارب كان نص واعي هو ماكثرش
انوار: صقر و جت لعنده... معقولة لتوا ماتجي فهمني خيرك انت
صقر: حط يده ع راسه راسي يا انوار تربحي مش ناقصني وجيج
انوار : باهي باه اصلا وقت تالي و امك و خواتك مرقدين
صقر: حس توازنه خانه.... انوار
انوار: نعم !
صقر؛ حاس روحي تعبان ساعديني نرقي
انوار؛- اسمله خيرك و جت سنداته .... نقولك ياصقر ماتهلك روحك وانت ماسكلي خدمه خدمه ... رقاته فوق للدار.. و قعمز ع السرير .... حولت منه الكندره يلي لابسها و جابتله توته ...
صقر: يشوفلها و هو مش واعي زين
انوار: شد البس و توا نجيبلك بندول
صقر: مسك انوار من يدها طيحها عليه
انوار : انخلعت ... صقر خيرك شن صايرلك
صقر:- انوار
انوار : اطلقني ياصقر شن صايرلك اليوم انت ... كان ماتطلع زارط شي😮
صقر؛ حول شعر انوار من ع عيونه ... انحبك ... وباسها ع فمها و قعد يبوس فيها اشوي اشوي
انوار : استسلمت له
صقر:- نزل يده للديشمبر يلي لابسه حوله من و شقلبها جا هو فوق منها
انوار : لاول مرة حاسه انه كل شي حيمشي تمام... حط يديها ع لحيته .. صقر نحبك
صقر: و انا نموت في حبك ... ونزل عليها و .... تهنت العروس و اخيرا 👏👏
تمت ... يتبع
