روايه
#نورتي_عتمتي
#حلقة 22 ماقبل الاخيرة
بقلم "رواسي بحرالدين "
انوار: مافيش داعي اصل قتلك يتم عرس اختك ع خير و نطلقوا اتفقنا ؟
صقر؛ احسن ماقلتي من يوم زواجنا راحه ليا ولك
انوار: شافتله بنظرة خيبة و طلعت ... رقت لدارها توضت وصلت ركعتين و بكت بعبرتها وشكت همها لربها 💔🙌
ومر يوم ....
واثنين...
وثلاث ..... و انوار وصقر مايحكوش ابدا حتي السفرة مايقعمزوش فيها مع بعض
انوار؛ في الدار صلت العصر وقعمزت فتحت المصحف
صقر: خش للدار
انوار: جت بتطلع
صقر: لا خليك بنغسل و بنطلع
انوار: به
صقر؛ صبي قدام الزيانة حط تلفونه و خاتمه و الساعه و الاسوره يلي ديما يلبس فيها و خذا المنشف و خش للحمام " يكرم القارئ"
انوار: كملت قرايه وبعد اشوي تسمع في تلفونها يرن ناضت للزيانة وهي بترفع تلفونها طيحت كم حاجة ردت ايوووه امي
بسمه:اهلين يابنتي شن اخبارك
انوار؛ حمدلله وانتم
بسمه: بخير قتلك حكيت مع خالك ع موضوع عرس حماتك
انوار؛ طبست بترفع الدبش يلي طاح ... وشن قالك
بسمه: قالي باهي وبيجي حتي هو و مرته
انوار؛غريبه اقتنع وراها شي ، وهي ترفع فيها لقت اسوارة صقر من جيهة لفصوص مكسوره و في ورقه صغيره طايحه رفعتهن وقعمزت ع السرير
بسمه: حتي انا حيرني بس اكيده عشان يبي يجي هنا بس
انوار: حيرتها شن الورقه هذي ! ..... باهي يا امي اموركم هلها تمام
بسمه: الحمدلله يابنتي غير قلت نخبرك انه الاسبوع الجاي جايين
انوار: خلاص تنورو في اي وقت نراجي فيكم
بسمه؛ بنورك يابنتي تبي شي
انوار: سلامتكم بس وسلميلي عليهم
بسمه: يوصل و فصلت الخط
انوار؛ مسكت بتشوف الاسورة و الورقة
صقر: طلع من الحمام وصبي ينشف في شعره مشطة و كمل و لبس الخاتم و رفع تلفونه و تلفت لانوار ...... انوار توا حطيت اسوراتي هنا شفتيها
انوار: ضمت الورقة تحت فراش السرير ... وقربت منه وهي مواطيه راسها بنرفع تلفوني طاحت مني و مدت يدها
صقر: خذاها بغضب ... ما القيتش تخربيلي غير الاسورة هذي ؟؟؟ عارفه هذي كم حقها ؟
انوار؛ اسفة مش بقصدي
صقر: وين نصرفها اسفه هذي ؟؟ و حط الاسورة ع الزيانة و طلع وصكر الباب بقوة وراه
انوار: اول ماطلع صقر مشت طلعت الورقة وفتحتها لقت مكتوب فوق " بسم الله الرحمن الرحيم " بالازرق و الباقي كلام مش مفهوم بالاحمر الهافت و الورقة كان مطبقة بشكل صغييييييير جدا
رعشت مع بعضها فتحت كفر تلفونها حطتهن فيها ونزلت لوطا
_______________
سارة و تسنيم و افطيمه يهدرزوا ع العرس و متريحين لانهم بيديروه يوم واحد في صالة معروفه
و خلاص
تسنيم: يعني صقر قال باهي
افطيمه: قاال يلي تشوفوا فيه مناسب ديروه
سارة؛ و قلتيله يام بعدين الليل بنطلعوا مع البنات
افطيمه: ايه وقالي لا قال غدوا يشيلكم تاخذو شن تبي
سارة؛ ياااام بس ليش قال لا
افطيمه: قال مايصير تمشوا الليل تالي بنات بس فيه مفرخ في الشارع و قصة ..
انوار؛ ياعمتي
افطيمه: نعم يابنتي تعالي هدرزي
انوار؛ توا نجي بس قتلك بنطق في عمتي صباح ع السريع
افطيمه: وشن تبي فيها !
انوار : الحق موصيتها ع كم حاجة عشان فرح سارة بنعدي ناخذهن منها
افطيمه: باه غير مطولي و بس
انوار؛- حاظر و رقت حطت عبايتها و خمارها و مشت
____________
دق دق دق
صالحة: يا هيفاء افتحي الباب
هيفاء؛ هي يام و فتحت الباب .... انوار اهلا تفضلي
انوار؛ اهلين يزيد فضلك عمتي صالحه قاعده ؟
هيفاء : اي جوا في الدار خشي
انوار : صحيتي و خشت للدار سلمت وقعمزت .... جايتك ياعمتي في موضوع وعارفه محد غيرك بيساعدني
صالحه: نشاءالله خير يابنتي قولي
انوار؛ فكت كفر تلفونها هذي الورقة قبل اشوي القيتها في اسوارة صقر و القني خفت حطيت عبايتي وجيت لعندك
صالحه: اعوذ بالله وخذت الورقة
انوار؛ 😰😰😰
صالحه؛ يابنتي هذا سحر
انوار؛- كنت شاكه ياعمتي شن الحل
صالحه؛اليوم مايصير بس غدوا نمشوا لشيخ نعرفه وهو يقول شن انديروا و الفترة هذي ديري بالك ع حوشك و ع صقر
انوار؛نشاءالله ياعمتي صحيتي
صالحه: ولو يابنتي مادرت غير واجبي غير ماتخلي حد يعلم بشي
انوار؛-نشاءالله
صالحه: و الورقه خليها عندي يابنتي نعرف شن ندير بيها
انوار؛ خلاص تم ياعمتي هي عن اذنك
صالحه: اذنك معاك يابنتي وربي يوفقك
انوار؛ امين يارب ❤
