روايه
#نورتي_عتمتي
#حلقة 14
بقلم "رواسي بحرالدين "
ريم : وريه صورة مرة صاحبه صقر بالك يغار حتي اشوي
رواد: ماعندي ع ويش نغار توا كنت معاه صقر قالي حياة عاديه مش متغير شي غير حمل زايد
ريهام: هاك شوف طرف البنت
رواد: خذا التلفون فتح عيونه كويس
ريهام؛ طرف البنت ماعندك ماتقول
رواد: بينه وبين نفسه .. هذي انوار... لالا بالك غالط يارواد ... تي شنو غالط وربي هذي انوار
ريهام: خيرك شن فيه
رواد: شن اسمها يا ريهام
ريهام: نسيت... شن قتلك اسمها يام
ريم: قتيلي انوار تقريبا
ريهام: اي اي انوار
رواد: مد التلفون لريهام وخذا جاكته و طلع للسيارة ..... مشي بسرعه كبيره و درس في مكان خالي و قعد يدخن طرف و را طرف بسرعه ... بعدها حذف باكوا الدخان من يده وفتح السيارة و طلع من الدرج شيشة وسكي وقعد يشرب و مش مصدق انه انوار تزوجت ولا تزوجها صاحبه صقر😓
_______________
صقر: مقعمز ع تلفونه و معصب
انوار: جابتله سفرة تفضل
صقر: هذا شنو
انوار: حليب بالوز
صقر: مانشربش فيه
انوار: هذا مديور في الحوش هنا ذوقه و ساخن حيهدي اعصابك
صقر:ومن قالك معصب ؟
انوار :واضح عليك احكي ياصقر شنو فيه
صقر: خذا الطاسة و شرب منها اشوي ... لفلوس يلي عندي كلهن تمن
انوار :باهي الشهر حيتم و يخلصك عمي عبدالرزاق
صقر: خذيت اجار الشهر هذا مسبقا و حتي لفلوس يلي نذيتهن منك تمن مابين مصاريف العزومه و التقديم
انوار: حطت السفره ع الطاولة و جت قعمزت بجنبه و حطت يديها ع رجليه ... شفت ياصقر انا هذا يلي كنت عارفته بيصير انت تصرف ع 5 انفار و نحن 4 بنات احتيجاتنا واجد خليني نساعدك و نخدم
صقر: طلعي الموضوع من راسك يا انوار
انوار: هو عبارة حنمكيج البنات شن الخلل في الموضوع نمشي بخماري و نروحي بخماري
صقر: كم حتحصلي ؟ و امتي وقته
انوار: حنخدم القايلة انا من الساعه 1 لعند العصر و الراتب ع حسب الزبائن
صقر: اممممم
انوار: شنو وافق تربح
صقر: تمام
انوار : لا اراد صبت باساته💋 ع خده وخذت الطاسة حطتها في السفره و طلعت
صقر: حس براحه انه انوار حتعاونه و فرح هلبا ببوستها ❤
_______________
في الجنوب بالتحديد الجفرة حوش عزة 😁 :-
بسمه؛ اخخخ يام رايت لانوار
عزة: وعلاش ما اتصلتي بيها
بسمه؛ كلمتني امس فيديو توا بعدين نعاود نتصل بيها
عزة: وامتي بتزور هيا
بسمه: ماقلتش شي هي و محمد قال بعد نمشو لمراجعتك نقعدوا عندها
عزة: ونا مراجعتي بعد شهرين من توا يابنتي يامن عاش
بسمه:والله انتي عارفه يام محمد معاش عندي كلمه معاه
عزة: ربك يكتبلنا الخير و خلاص
بسمه: نشاءالله
_______________
دق دق دق
راسم: هي هي جاي.. وفتح الباب.... تفضل ياولدي من معايا
طارق؛ انا طارق ياعمي
راسم: انت صاحب رواد صح
طارق: ايه و الحق مش عارف كيف نقولها لك
راسم: شن فيه ياولدي قول رواد صاير معاه شي
طارق : الحق ياعمي رواد لاقينه في الطريق و هو سكران و يعيط في الشارع جماعة الردع شدوه
راسم: هي راجيني نجيب مفتاح السيارة و نجي
... و طلع راسم مع طارق و لقوا وضع رواد زررررررري جدا
راسم: تفاهم مع الشباب و تحشموا منه لانه راجل كبير في السن و ايضا عنده هيبه نوعا ما
طارق: هي سلام ياعمي تبي شي
راسم: سلامتك و بوركت ياولدي
الشاب: مانقدروش نخلوه يسوق السيارة توا جايب حد يروح بيها
راسم: خليها عندك و توا نبعت حد يروح بيها
الشاب: تمان و خش جوا
راسم: مسك رواد يلي كان مدروخ ومش واعي مزال وركبه في السيارة و مشي بيه للبيت
______________
ريم وريهام كانوا مش فاهمات شي و خايفات شن صاير لين راسم طلع هكي بسرعه
و بعد وقت خش عليهم راسم
راسم:ادخل ياكلب ادخل ويدف في رواد بيده
رواد: طاح من دفرت بوه
راسم:تي في حد يسكر في الشارع و من صبح ربك وين عقلك بس وين
ريهام: طلعت تجري شن فيه يا بويا
راسم: ماني بو حد شكلي ماعرفت نربي و خليتكم ع راحتكم واجد
ريهام: جت لرواد تصبي فيه بسم الله شن فيك
راسم: خليه الكلب هذا حشمني قدام الناس
ريم؛ خيركم اصوات في الشارع شن فيه ... وشافت رواد.. خيره ولدي شن صايرله
راسم: ولدك لمدلل من صبح ربك يسكر في الشارع و ينبح زي لكلاب
ريم: ساعدت ريهام و دخلوا رواد جو لداره
_________________
انوار : رنت ع جارتها لطفيه وخبرتها انه بتشتغل معاها و لو تلاقي من اليوم
لطفيه :فرحت و وافقت و قتلها موعدنا زي قبل من بعد الظهر لعند العصر
وبعد الظهر انوار طلعت للخدمه و ماخدمتش مكياج بس حتي تنظيف و ماسكات و فتلة إلا حواجب مارضتش تخدمهن و من اول يوم الزبائن عليها و شكروا خدمتها 💗
افطيمه: عارضت ع خدمة انوار في المزين بس بعد اقناع من صقر وافقت
