روايه
#نورتي_عتمتي
#حلقة 19
بقلم "رواسي بحرالدين "
ناض صقر و فتح عيونه ويشوف لانوار كانت راقده في حظنه و حاشيه راسها في صدره رفع لغطاء و بينزل انتبه انها مش لابس شي غير الروب و قعد يشوف لمفاتنها 😍 صلح راسها و غطها و نزل هو من السرير و يشوف لروحه مش لابس شي من فوق وقاعد بالشرت بس
خش دوش و لبس و طلع و هو يفكر زعما صار شي بينه و بين انوار ولا
نزل للدور الارضي لقى سارة مقعمزة تفطر ع الطاولة
صقر؛ صباح الخير
سارة: صباح النور
صقر: وين امي ماال ماناضت
سارة: لا جو في الدار تفطر هي و تسنيم قالوا مايبوش يفطروا ع الطاولة
صقر: خش للدار ... صباح الخير
افطيمه: صباح الورد ياولدي كيف اصبحت
صقر: بخير حمدلله
تسنيم: وين انوار غريبه ماناضت
صقر:ماني عارف القيتها راقده خليتها .... بالهي ياسومه نوضي ديريلي قهوه راسي بينفجر
افطيمه: امس رقدنا و نحن انراجوا فيك علاش طولت
صقر: والله امس سهرت مع الشباب روحت متاخر
افطيمه: حتي انوار مسكينه قالت بتراجيك اكيده هذا علاش راقده لتوا اكيده سهرت لعند جيت انت
صقر: تحشم يقوللها مش مذكر .... اي يوم جيت القيتها تراجي فيا .. خليني نطلع نشوف سومه و طلع قعمز ع الطاولة مع سارة... ياتسنيم ساعه في طاسة قهوه وحط يده ع راسه
سارة؛ تفطر و تتفرج ع تلفونها ... صقوري قتلك
صقر: نعم
سارة؛ اليوم بنطلع لعند موده والله استاحشتها موت
صقر:- به قوليلها تجي هنا للحوش
سارة؛ ماضني بوها يطلق
صقر:بوها مايطلق لحوشنا و انتي خوك يطلق عادي لحوشهم ؟
سارة: لا مش هكي بس هي بوها واعر و تفكيره مسوس وانت عارف بس انا نمشيلها ع السريع اسويعه و نروح
صقر؛خلاص بعدين العصر نشيلك ليها بس معاش تحلمي بالطلوع هكي يلي تجيك امشيلها ولا بلاش
سارة: نجك ليا خلاص تم
تسنيم: وهذي احلى طاسه قهوة لاحلى اخ
صقر: اوووه دلال اليوم
تسنيم: خبطاته ع ظهره خزززي ع اساس اليوم بس
صقر؛ ابتسم وخذا يشرب في القهوه .... كمل قهوتك و جا بيطلع بس خطرله يرقى فوق يشوف انوار و يسالها عن امس وفتح الباب
انوار:- كانت نايضة وكيف طالعه من الحمام لافه المنشف عليها و شعرها نازل عليها مبلول
صقر: انحرج جا بيطلع
انوار؛ فيه شي ياصقر؟
صقر؛- خش و سكر الباب و هو منزل راسه ..... لا غير كنت بنسالك تبي شي
انوار؛ قربت منه لا سلامتك بس و باسته بوسه خفيفه ع شفايفه
صقر: استغرب جرئة انوار ماقال ولا شي سكر الباب و طلع ..... اما انوار كملت لبس ... ركب صقر في السيارة و مشي لكم مكان عنده شغل فيهن و تكي ع المحلات يشوف في الوضع وكان مقرر انه كل اسبوع حيطلع صدقه ع روح عمه و يحاول يحافظ ع رزقه
و هو طالع من محل شاف محل هواتف خطرت في باله انوار نزل للمحل وخذالها تلفون
___________________
رواد:الو حبيبتي شن صار
سارة: اليوم يااعمري بعد العصر حنشوفك
رواد: بتجي ع رجليك ؟
ساره: لالا صقر بيحطني عند حوش صاحبتي و بعد نطلع منها نتلاقو برا زي هذيك المره
رواد: تمام ... استغرب كيف ماخبراته شي عن انوار و صقر .... باهي بنسالك
ساره: انعم ؟
رواد: شن وضع انوار في الحوش مع صقر و دورت تلفونها ولا عادي
سارة انتخست من السوال بس جاوبت : لا وضعهم كيف السمنه ع العسل و انوار في البدايه زعلت ع تلفونها بس بعدها معاش دورت ..
رواد: اااه تمام ...
سارة؛ باهي قولي انت شن صار فيه التلفون كل ما نسال فيك تتهرب
رواد: حذفت يلي نبي نحذفه و كسرته و عزقته ع طول يدي
سارة: باهي خير مادرت حبيبي
_________________
صقر: روح للحوش ع قيس الظهر و هو فرحان بحياته الجديده يوم بعد يوم يحس في انه الدنيا ضحكتله و الحياة تغيرت خش و ناده ع تسنيم
تسنيم: نعم
صقر: الغداء طايب و لا مزال
تسنيم: انوار حطاته توا نقوللها تصبه و تجيبه للدار
صقر: لالا قولي لسارة تكمله و كلميلي انوار نبيها فوق
تسنيم:- ضحكت به ...... ومشت للمطبخ ... يا انوار
انوار : توتي في السفره .. نعم
تسنيم:صقر يبيك قالك ارقيلي فوق
انوار؛ توا بنرقي للدور الثالث و بننزل اهو يجي يتغدا بعدها يرقي كان بيرقي
تسنيم: غير عدي شوفيه يامرا بالك مستاحشك و توا نكلم سارة تكمل
انوار؛-تحشمت و وجها راح احمر ... باهي و لسلاطة في الثلاجة طلعيها و حطيها حتي هي
تسنيم؛ به
ورقت انوار خبطت ع الباب .... دق دق دق
صقر: خشي يا انوار
انوار : قتلي تسنيم كلمتني شن فيه
صقر: مدلها التلفون
انوار؛ فرحت و عيونها قريب دمعوا من الفرحه ... ياعمري متعب روحك
صقر: سخفاته كيف الفرحه قريب بطيرها ... تعبك راحه خذيتلك حتي شفره
انوار: قعمزت و تفتح في علبة التلفون ... اول شخص بنرن عليه امي خليني نتصل بيها تعرف مستاحشتها
صقر:- سلمي عليها و قوليلها بالمره الايام الجايه خلاص تمشي تزوريها وتقعدي عندها كم يوم
انوار: واخيرا😍
صقر: شكلك مصدق وين تبي تفتكي منا
انوار؛ هههه خزي عليك وانت تشد في الكلمه .... وشغلت انوار التلفون و رنت ع امها و بعتت رسائل لشيماء و بوها عشان يسجلوا رقمها الجديد و الفرحه مش واسعتها امس تهنت و اليوم صقر طاب خاطره و شرالها تلفون
صقر: انوار
انوار :نعم
صقر: علاش بعد فرحانه للدرجه هذي بالتلفون ولا مرة قلتيلي اشريلي ؟
انوار: ماهو مابيتش نضغط عليك ونا مش عارفه عندك حقه ولا
صقر: صبي وقرب منها ... مرة ثاني يوم تبي شي ولا خاطرك في شي قوليلي و نا نقولك بعدها نقدر ولا
انوار : حاظر ربي مايحارمني منك و حظناته ❤
صقر: في البدايه كان منزل ايديه بعدها بادلها الحظن
انوار : وهي في حظنه رفعت راسها هيا اكيده البنات حطن الغداء
صقر:- هي انزلي قبلي وتوا نلحقك
انوار:- تمام ... ونزلت انوار .. وطلع صقر تلفونه من جيبه يلقي مكالمات من هدى جا بيرد عليها بس بعدها فاتها و نزل للدور الارضي و تغدي مع العيلة
