روايه
#نورتي_عتمتي
#حلقة 11
بقلم "رواسي بحرالدين "
وهدرز صقر اشوي و طلع من حوش عمه و مشى للشقه يلي ماجرها
و اول ماخش لقى انوار طايحه قدام الدار
صقر : بسم الله خيرها هذي و مشي يجري ينوض فيها ... انوار انوار
انوار: كان مغمى عليها
صقر: تحشم يرفعها بس بعدها رفعها و حطها فوق السرير .. ومشي جاب طاسة اميه وقعد يرش فيها ع وجها
انوار : قعدت تفتح في عيونها و تكح بقوة
صقر؛ قعمزي اشربي
انوار: تكح بقوة و مش قادرة تتنفس
صقر: انوار حاولي تحكي فهميني شن صايرلك
انوار: خذت طاسه لميه منه وشربتها
صقر: اسمله عليك شن صاير
انوار: حطت طاسة لميه ... اااااه ماتخافش عادي ديما تصيرلي من مواد التنظيف قويات كانوا
صقر: وانتي شن زرك عليهن تخوفي فينا عليك يامرا
انوار: اسفة و عجبتها انه خايف عليها... وناضت بتنزل من السرير
صقر: لوين ماشيه
انوار : العشاء واتي نجيبه و نجي
صقر: قعمزي مكانك توا نجيبه انا
انوار: لا والله ماصارت وجت بنوض
صقر: ردها بيده اسمعي الكلام يابنت ...
انوار : باهي غير سخنه قبل
صقر: تمام .... وطلع صقر للمطبخ
انوار:اوووف ريحة القفطان كلور و ناضت خشت للحمام " يكرم القارئ " غسلت جسمها و طلعت رفعت شعرها و لبست توتة موف و حطت عطر و مشت لصقر
لقاته موتي السفره بس مش عارف كيف يصب
انوار؛ هههه قتلك خليني نطلع و جت خذت منه المغرفة
صقر: نطيب عادي بس نصب لازم نعبي الدنيا
انوار: وهي تصب في الاكل .. بعد تعرف اطيب غدوا العشاء عليك راه
صقر: ههه خلاص تم
و رفعت انوار السفره و حطتها في الصالة و قعمزوا ياكلوا و يهدرزوا .... و اول ماكملوا رفعت انوار السفره لقت صقر جايب خضروات و فطور غسلت لماعين و حطتهم في الثلاجة
صقر: قعد يشوف للشقة كانت انوار باذله جهد و منظفتها كوويس و ريحه الحوش نظافه و واضح انها مش مخليه لا باب لا ساس مش منظفته
انوار: خشت عليه وهي تبرم بالبخاره
صقر: يشوفلها و حاس انه فعلا متزوج مرا فالحه
انوار: حطت البخاره ع الطاولة و طلعت الواي ماكس و ولعاته
صقر: رفع حاجبه خاشه ع النت
انوار: اها ليش ؟
صقر: لا شي بس انا مانع حتي خواتي منه يعني قصة لو انتي بتفتحي
انوار : كم عندك اخت و جت قعمزت جنبه
صقر: اثنين .
انوار: فتحت تلفونها انا فاتحه انستا و فيس و واتس بس عادي نسكرهن الا الواتس لاني نتواصل عليه مع العيلة
صقر: ترا تلفونك اشوي
انوار: ماحبت كلامه بس مداته له و ناضت عن جنبه
صقر: خليك علاش نضتي
انوار: ضني ويش خطرلي بندير توا نجي ... و قصدا هي خلاته يشوف التلفون براحته ماتبيش تضايقة
صقر: ماخلي شي و ما خش عليه من رسائل و من صور و اي شي موجود ع التلفون...
___________
رواد: كان كيف واصل لهولندا ماليش واجد و طول جا صاحبه رفعه من المطار للقريه يلي موجود فيها
بهجت " هذا صاحبه ليبي مقيم في هولندا " : والله لو انك درت زين الفعل وجيت مكسد هنا بين الاجانب استاحشت ريحه ليبيا
رواد: غير قولي شن مستاحش فيها نفس ماخليتها راه
طارق: بس بلادك بلادك يارواد انا توا مالي شهر هنا و استاحشت ليبيا
رواد: كلا انا ع قد مانسافر مانستاحش فيها لاشي الوحيده يلي نستاحش فيها امي
طارق: ربي يخليها لك
رواد: نشاءالله تسلم
بهجت :باهي يارواد خبرني شن خطرلك لين جيت ولا عندك مشروع هنا
طارق: ايه حتي انا استغربت لو قتلي جينا مع بعض
رواد:والله طلعلي موضوع قعدني في ليبيا قلت الاحسن نطلع منها و خلاص
طارق : فتح الفايبر يهدرز .... واااك قوية
بهجت :شن فيه مال
طارق :صقر يا رواد
رواد:خيره ؟
طارق :تزوج .. واااك من قالها بس
رواد: معقولة!!
طارق: بروحي مستغرب راقد ريح من وين له
رواد: من خبرك انت
طارق ؛ توا منزلها واحد و شكله دايرهى بالسر
رواد: مش معقولة بجد صقر يخبي عني شي هكي مدلي التلفون مدلي
____________
صقر : كانت مقعمز و يقصقص ع تلفون انوار
رن تلفونه حط تلفون انوار و طلع تلفونه من جيبه لقاه رقم دولي استغرب و ورد الوو
رواد: ايوه صقر كيف الحال
انوار: خشت و في يدها سفرة دايره نسكافي و كاب كيك
صقر:- صوت رواد ولا انا غالط
انوار: سمعت اسم رواد توزانها اختل و يديها بدوا يرعشوا حطت السفره ع الطاولة و طلعت
و وقتها اذكرت وقت ساعدت صقر في المستشفي
انه قاللها يلي ساعدتيه صاحبي 😮 .... حست بخوف وقعدتي تدعي انها ما تتلاقاش معاه
"عليك ورطه تورطت فيها انوار 🤦♀️🤦♀️ "
رواد: اي رواد ياكلب ماال في من تراجي
صقر: ههههه لا مانراجي في حد بس استغربت الرقم الدولي و اليوم دورتك ما القيتك وين هارب مال
رواد:ضحك اييي خليني ساكت و انت تعال هنا حق تجوزت
صقر: استغرب !! ،..... وانت من وين عرفت ؟؟
رواد: صار حق 😳 باهي باه الف مبروك
صقر : غير قولي من وين اعرفت ...
رواد: طارق توا لقاها منزلينها في صفحتك
طارق : باركله و قوله من ورانا
رواد: اهو يباركلك
صقر؛- يبارك فيكم .. هي رواد نستاذنك توا
رواد: تي غير راجي ولا بتمشي للعسل
صقر؛ تحشم يا زفت
رواد:ههههه باهي باه هي باي و سلمنا عليها ههههه
صقر ؛ فصل الخط .. وربي ماتتحشم هي 😏😂..
صقر :يا انوار يا انوار
انوار: خشت للدار. نعم
صقر:- بسرعه ترا افتحي ع ايميلي
انوار :شن فيه مال
صقر :غير افتحي
انوار : فتحت ع الفيس شنو اسمك انت
صقر :صقر ال** بالانجليزي
انوار : كتباته و خشت ع الايميل ... هاك
صقر :نزل ع ايميله ولقى منشور من ولد عمه يباركله و يلوم عليه كيف مايخبر حد
انوار : خيره وجهك انقلب
صقر :تي كيف علم الفرخ هذا بس
انوار؛ شن فيه ياصقر خبرني
صقر : في شخص منزل منشور في صفحتي
انوار :باه احذفه كان ماتبيه
صقر :وكيف
انوار : هات تلفونك
صقر: مدلها تلفونه ..........و علقاته ع الواي ماكس متاعها و حذفت المنشور يلي منزله ولد عمه و مدتله التلفون
انوار: قرت المنشور ع السريع قبل ماتحذفه ... من يكون هذا
صقر : ولد عمي
انوار : ناضت جابت السفره نشاءالله غير مابردت القهوه بس
صقر :عني عادي نشربها حتي وهي بارده
انوار : يععع شن طعمتها لما تسقع
صقر :اذواق .. باهي توا متاكده انحذف معاش حد يشوفه
انوار؛ ايه .. بس سوال
صقر : توقع سوالها نعم
انوار؛ ليش ماتبيش ناسك يعلموا بزواجنا
صقر : قصة طويلة يا انوار وحده وحده و نعرفك ع العيله كلها
انوار؛ تمام براحتك ، بس من يلي كان ع التلفون
صقر ؛ مانحبش الاسئلة هذين بس حنجاوبك... رواد نفسه يلي مرة في الحديقه جا ساعدك و هزبتيه اذكرتيه
انوار؛ كانت تبي تتاكد و توا تاكدت..... لالا ما اذكرته وماتخافش معاش نسالك الاسئلة هذين وناضت
صقر:زعلتي
انوار؛ لا عادي بس نعست
صقر : تمام.و ناض طلع برا اتصل بتسنيم
تسنيم: نعم صقر
صقر ؛شنجو في الحوش
تسنيم: عمي مؤيد و عمي مصطفي جوا و الكل منصدم من الموضوع
صقر: وكيف علموا
تسينم: امي خبرتهم
صقر: كلا امي لا حول الله وخلاص ... باهي معاكم حد في الحوش توا
تسنيم: عمي مؤيد جا بيبات في المربوعه بس امي قتله مش حلوه في حقي
و الكل لايم كيف ماشي لمرتك و بتخلينا هنا
صقر: شن يعني نخلي البنت بروحها
تسنيم:باهي جيبها هنا
صقر: اصلا نفكر نجيبها بس نبي امي تتقبلها الاول و غدوا الصبحي خبري امي بنجيبها
تسنيم: تمام
صقر:ماتخافيش و قولي لامي موكل عمي عبدالرزاق عليكم
تسنيم: اصلا قبل اشوي خش
صقر: عارفه يهني انا هي تصبحي ع خير
تسنيم: تلاقي الخير
صقر: فصل الخط .... دخن و خش للدار لقي انوار ع السرير
طرح لفراش لوطا
انوار : قعمزت بالهي جو الهنود فكنا منه ياصقر
صقر :شن قصدك
انوار: انا مش حنقولك تعال ولا بنطلب منك حقي بس في النهاية انا مرتك ارقد ع السرير زيي زيك و الشي الاخر برغبتك اما اني نرقد ع السرير و انت ع الوطاء هذي ماصارت
صقر: انا مش متوعد ع السرير منحبه
انوار: حتي نا مش متوعده عليه و ناضت طلعت فراش جباته و طرحاته بجنبه
صقر: مستغرب من جرئتها ... اسمعي
انوار: الفترة هذي انت قلت فرصة ليا ولك عشان نتعرفوا ع بعض ... كيف حنتعرفوا لو قعدنا نجتنبوا في بعض ؟؟
صقر :كلامها صح وماعرف مايرد .... لا بس بكرا بنقولك بنمشوا لحوشنا راه
انوار : تمام و سقمت لفراشات بجنب بعض و جابت مفرش طرحاته عليهن و نزلت البطانية و حطت الوسايد و طفت الضي و خشت لفراشها
صقر؛- يشوفلها و متفأجاة بيها
________________
صباح اليوم يلي بعده 🌝⛅
انوار : ناضت حاست في الحوش ع السريع و فطروا و خشت لبست بلوزة حمرا و معاها قونة سوداء
و دارت شعرها ذيل حصان و طلعت خصلات من قدام ودارت ميك اب ثقيل اشوي
صقر: طلع من الحمام " اكرمكم الله " لقاها مطلعتله قميص مخطط و سروال جينز غير لبسهم و طلع لقاها تراجي فيه
انوار: هيا
صقر: هي
انوار : لبست خمارها
صقر:- بتتخمري !
انوار : لالا غير مثقله المكياج اشوي... مال ماتحبه ؟
صقر :بالعكس نحبه هلبا ونحترم يلي يلبسن فيه
انوار: باه علاش ماشرطه عليا ؟
صقر :ماهو مزال في البدايه نحن مش من اولها بنغصبك ع شي مش عارف تقبليه او لا
انوار :ضحكت ... شكرا
صقر: العفو بس ع شنو ؟؟
انوار: انت مراعيني هلبا و تخلي فيا ع راحتي
صقر: انحرج .. باهي هيا
انوار : رفعت في يديها اكياس هدايا و نزلت خمارها
صقر: شنو هذيما ؟؟
انوار : هدايا جايبتهن معايا
صقر:- تمام و طلع معاها ... وكانت الشقة مش بعيد هلبا عن حوش اهل صقر
_____________
