روايه
#نورتي_عتمتي
#حلقة 6
بقلم "رواسي بحرالدين "
انوار : تمام يام هي عن اذنكم و نزلت وهي تقول : تعالي في موضوع اين موضوع يلي توا في هل صبح ولا قدام الحمامات استغفر الله وخلاص ع شنو ناوي الولد هذا بس نعرف كيف نحطله حد
و اول ماوصلت شافت رواد كان لابس لبسه رسمية جاكة و بنطلون لونهم ازرق كل عصبيتها تحولت لحنيه وقت شافاته قربت منه و هي ترعش خايفه رواد
رواد: رفع راسه ...و مد يده بيسلم عليها
انوار : حكت راسها و لمت يديها اسفه مانسلمش
رواد؛ استغرب اااه العفو
انوار: بنظره تخنيس ... باهي توا فهمني مواضيع من الصبح ولا قدام الحمامات استغفر الله ع شنو ناوي انت
رواد: ههههه تفكيرك مسوس يابنت .. ناديتك للمكان هذا لانك اكيده مش حافظه المستشفي ولا انا حافظها
انوار: نمشي ونجي عليها ليا اكثر من اسبوع حفظتها كيف حوشنا باهي فهمني شنو فيه
رواد: شن قصتك مع صقر ؟
انوار: من صقر ؟؟؟
رواد؛ يعني تعطي في فلوسك لشخص ماتعرفيه
انوار :فيش تحكي انت
رواد: قبل اشوي عطيتي شخص فلوس هو يكون صاحبي
انوار: اااه اي اي
رواد: شنو اي احكي من وين تعرفيه
انوار : لا نعرفه لا يعرفني تلاقيت في محل ساعات يخدم فيه و في المستشفي اليوم شفته محتاج وقفت معاه لا اكثر
رواد: حليلي من الكريمه
انوار : تحشمت ونزلت راسها
رواد: حط يده ع حنكها وبيرفعلها راسها
انوار : بعدت عنه رواد اسمعني انت قلت ناوي حلال هذا يلي خلاني نوافق نكلمك وبجد انت خشيت قلبي بس الشي هذا مايعني تتجاوز حدودك معايا في النهاية انت مش حلالي مزال ولو ماكانش مكان عام ماوافقت نشوفك هنا
رواد: عارف هذا كله وفاهم التزامك وهذا يلي عاجبني فيك وطلع من جيبه فلوس كلمتك بيش نفهم شن علاقتك بصقر و في نفس الوقت نرجعلك فلوس
انوار : نظرتله نظره بمعني ماعجباته حركته .... لا شكرا مش محتاجتهم عطيهن للولد شكله محتاج اما انا درت الخير ونسيته
رواد: باهي تبي شي ياقلبي
انوار: انصدمت بكلمة قلبي 😅... سلامتك بس و جت بتمشي بس ردت تلفتتله .... موعدنا كل يوم س 8:30 و نسكر منك ال10
رواد: هههههه حتي هكي خيره
انوار : بادلاته الابتسام وطلعت لامها ومنها اشوي و جت سوسن وخوها
رواد: طلع ويشوف فيها ولما شافها ركبت مع حمزة استغرب اشوي بس بعدها فوت مرات خوها او قريبها بس لا لو خوها او قرببها علاش مايكونوش معاها في المستشفي ياودي ماعليك يارواد بعدين اسالها و مشى لصقر
صقر: ها رواد القيتها البنت
رواد: القيتها بس رفضت تاخذهم
صقر؛ بارك الله فيها وخلاص قليل وين تلقى بنات الاصل توا
رواد: صدقت والله و ولع دخانه وهو فرحان حس كانه انتصار انه يحكي مع انوار و زاد اصراره انه يتزوجها لانه بنت غاليه و مقدره نفسها مش بايعتها
و طلعت سارة من الحجرة يلي فيها تسنيم
صقر: شنو وين تسينم ؟؟
سارة : وهي تشوف في رواد ..... الدكتور قال خلوها اليوم هنا وغدوا نعطوها خروج
صقر: باهي وضعها تمام هي
سارة؛ اي كويسة و انضني تقدر تخش تشوفها
صقر: باهي هي تعالي نشوفوها و خش صقر
رواد: كيف مش حتخشي مع خوك
سارة؛ لا توا كنت معاها خليها بالك يبيها بروحها
رواد: باهي كيف حالك انتي
سارة: اهو حمدلله وانت
رواد: حتي انا حمدلله وين عمتي افطيمه
سارة: خلينها في الحوش قبل اشوي اتصلت طمنتها
رواد: باهي بالشفاء نشاءالله ... ووقف قدام الباب دق دق
صقر: خش رواد
رواد؛ الف لاباس تسنيم
تسنيم: الله مايوريك باس
صقر: غير خش ياراجل مش تقولي خواتك خواتي
رواد؛ مانقولش بس خواتك فعلا خواتي ... بس طالع راد للعمل
صقر: باهي صحيتي يابرو تعبناك
رواد: مافيها تعب ياغالي .. هي سلام
صقر: تسلم
رواد: طلع من المستشفي
سارة : اتبع في رواد بعيونها وهي موجوعه 💔
صقر: يا سارة
سارة؛ خش نعم صقر
صقر؛ هي خلي تسنيم ترتاح و نحطك مع امي ونا طالع نفتح المحل
سارة : تمام
صقر: تبي شي ياوسومتي اتصلي
تسنيم: سلامتك صقوري
سارة؛ يعني حتقعد بروحها ؟؟
صقر؛ سومه قدعه ماينخافش عليها توا الليل نجيبك ترقدي معاها اما توا انتي امشي اقعدي مع امي ماتخليهاش بروحها
سارة؛ اوكي و طلعوا ركبوا في السيارة
________________
اما انوار وصلت للحوش نزلت هي وامها
سوسن : خليها السيارة والعه ياحمزه
حمزة: لوين ماشيه فيها
سوسن: تي عندي عمل ولا نسيت وهي سيارتي ولا سيارتك
حمزة: تي نسالوا و خش جوا بسرعه لعند خبط في انوار
انوار : شافتله وكانت حاسه انه قاصدها ماردتش عليه ولا دوراته و خشت طول للدار لقت شيماء كيف واعيه
شيماء: هلا انويره نورتي
انوار: بنورك ياقلبي مال كيف النوضه
شيماء: اي مانحبش انوض بدري واصلا ماورايا شي
انوار: بس بالعكس النوضه بدري فوائدها واجد جربي ولو مرة تنوضي بدري و تحسي يومك احسن
شيماء: ممكن توا نجربوا
خشت عليهن بسمه : انوار نوضي حطي الغداء انا مش فاضية يابنتي وخالتك سوسن طلعت لعملها
انوار : حاظر يام هي و خشت انوار للمطبخ و معاها شيماء
شيماء : مقعمزه ع الطاولة تفطر ... مش عارفه عليش نحن الليبين نحبوا نحطوا الطنجره ع النار من الصبح
انوار : بروحي مانحبش نحطها بدري و مانحطوش فيها في الحوش غادي غير امي خايفه تجي خالتي سوسن والغداء مش طايب
شيماء: والله مشاءالله عليك انتي وامك خفيفات ظريفات ماحسناش انكم ظيوف بكل تعاونوا في كل حاجة
انوار: سلمك وحتي انتم ماحسناش معاكم بالغربه بكل
شيماء : تسلمي .. عندك فيس
انوار : ايه
شيماء : باهي هاتي نضيقك
انوار : راجي نشترك الواي ماكس فصل
شيماء : هي
انوار؛ اشتركت و ضافت شيماء بعدها خطرلها ادور ع بروفايل رواد بس كيف حتبحث عنه وهي ماتعرفش غير اسمه الاول بعدها بحثت عن الرقم لعلى و عسى تلقاه وفعلا لقاته فاتح برقمه ومخليه وخشت ع بروفايله تقصقص ايمين و يسار و عجبها شكل رواد هلبا صوره كلهن انيق و استايل حلوو و امبين عليه انه من عيله حالتها كويس
شيماء ؛ وين هايمه
انوار : بنسالك تعرفي عيت " فلان"
شيماء ؛ اها نعرفهم من تعرفي منهم
انوار : مانعرفش شخص معين بس نسال
شيماء : نعرف ريهام قبل تقرا معايا بنتهم هذي
انوار: و تعرف باقي البنات
شيماء: لالا اصلا هي بنت وحده و دلوعه بعيدا عنك و خلاص عندها خوها رواد احسن منها
انوار؛ و شن وضعه بالضبط هذا
شيماء: حتي هو شايف روحه بس احسن منها و انهم مرا كويسه الحق و بوهم راجل كبير بس مزال يراهق
انوار : كيف يراهق
شيماء؛ ضناه كبار ومزاال يسافر و يجلق مع البنات يلي في عمر بنته
انوار: استغفر الله وخلاص
شيماء : هذا حال الناس الغنيه
انوار: يعني حالتهم كويسه
شيماء: شربت من قهوتها وحطتها .... قلتي كويسه فوق لكويسه عندهم رزق هنا في طرابلس وبرا طرابلس
انوار : باهي مشاءالله ربي يباركلهم
شيماء: باهي ليش تسالي
انوار: لالا غير صاحبتي حكتلي عنهم يوم خبرتها اني هنا في طرابلس بس شكلها تعرفهم
شيماء: اها
و ناضت انوار خشت جوا
_____________
صقر: روح نزل اخته و خش شاف امه وطمنها ع وضعه تسنيم و طلع رد السيارة لحوش عمه عبدالرزاق.... مدله المفتاح صحيت ياعمي نشاءالله مانفقدك
عبدالرزاق: سلمك ياولدي تفضل في اي وقت
صقر: قتلك ياعمي هو الشهر مزاال فيه 10 ايام نقدر ناخذ الراتب اليوم عادي😓
عبدالرزاق : اي عادي ياولدي هي اركب في السيارة بروحه اليوم بنجرد المحل
صقر؛ تمام و ولع السيارة و طلع للمحل
__________
رواد؛ مشى للعمل و يخدم و هو يفكر في انوار و يراجي امتي تجي ال8:30 بس عشان يحكي معاها
اما في الحوش :-
سوسن: روحت ع الغداء لقت انوار مطيبته قعمزت تغدوا و قعدوا يهدرزوا
بسمه؛ حنك ناقصها شي يا انوار
انوار: لالا مش ناقصتها حاجة
بسمه: وانتي تبي شي
انوار : اي رصيد للنت فصل ونبي كتاب ثاتي يلي جايبته كملته
بسمه: امتي حلك وانتي قريب شريتيه
انوار :ما حلو لكتاب القيت روحي مكملته بسرعه
شيماء؛ شن اسمه
انوار: فن الامبالاة لمارك مانسون
شيماء: حتي نا نحب لكتب توا نطلع معاكم
انوار: احسن شي تغيري جو من هان جينا ماطلعنا مع بعض لاكن لكتاب خوذي يلي عندي كملته انا
شيماء: باهي صحيتي
انوار؛ كلمك خاالي يام
بسمه: لا ماكلمني اليوم
انوار؛ باهي بعدي رني عليها شوفي شن اخباره
بسمه: اي نشاءالله ... بس هو غدوا اكيده جاي
انوار؛ نشاءالله .... وكملوا غداء و ناضن البنات غسلن السفر و ولعت شيماء بخور بخرن الحوش و خشن للدار يلي كسدت ع تلفونها ويلي قيلت
_____________________
رواد بعد كمل خدمه خاطرله يفرحها بشي و مع قيس العشية طلع لمحل هدايا خذالها انسياله فضة و دبدوب احمر و باقة ورد احمر و ابيض و رد للحوش
اما صقر طول وقته في المحل كمل جرد و عطاه عمه عبدالرزاق راتبه الشهري وطلع للحوش يشوف شن ناقص عشان يشريه و خلي ع جنب فلوس الاجار
صقر: هذا بس يام
افطيمه؛ ايه ياولدي شوف خواتك كان ناقصهن شي
سارة : لا والله مش ناقصني شي
صقر : تمام طالع نجيب شن ناقص ونشوف سومه شن تبي عشان الليل تمشيلها
سارة؛ نشاءالله
افطيمه: لا خليني نا نمشى نقعد معاها ليل بنات بروحهن
صقر؛ يام هن في المستشفي مش في الشارع راه
افطيمه: قتلك ياصقر مايجي عمامكم شن بيقولوا علينا
صقر؛ لا حول الله عمامك عمامك وشن دخلهم هم مال يسالوا ولا يدوروا
افطيمه: انا كلمتي وقلتها
صقر: باهي انا كنت نبي سارة تقعد معاها عشان بنت مرات تستحق شي كلا انتي يام مرا كبيره بتعني تسنيم ولا هي بتعانيك توا نقعد معاها انا وخلاص
سارة: لو في قسم النساء مش حيخلوك
صقر: توا نشوفوا بعدها ساهل ولا نطلعها اليوم وخلاص
سارة: هي وضعها تمام غير الدكتور يبي يطمن عليها اكثر
صقر: باهي ساهل هي سلام وطلع منهم
____________
انوار و شيماء لفن المحلات مع بعض
شيماء: واسع هلبا السروال عليك
انوار : اصلا مانلبسش فيهن الضيقات
شيماء: مش ضيق هلبا هذا وهذي الموضه توا الواسع معاش موضته
انوار؛ ماتهم الموضه عندي المهم لبسي انيق وفيما يرضي ربي
شيماء: وشن مال حرام اللبس هذا
انوار : لبس الاسلام لايصف ولا يشف يعني السروال هذا حيوصف ساقك و فخذتك لذالك نهي عنه الاسلام
شيماء: اول مرة نسمعها و ردت السروال ... انتي اين لون خذيتي
انوار؛خذيت هذا الاحمر في الاسود
شيماء: خذت نفسه بس ابيض في الاسود ... ماكنتش نحساب حرام بس بعد هكي معاش نلبسهم هذيما الا في المناسبات جوا الحوش
انوار: وهذا الصح ✅❤
و بعد كملن لف ركبن البنات في السيارة :-
بسمه: خلاص ماتبي شي يا انوار
انوار : لالا سلامتكم
بسمه: حطيها يا سوسن في المستشفي خلاص تقعد عند حناها
انوار: تمام
وشالتها سوسن للمستشفي نزلن البنات كلهن سلمن ع عزة و شافن وضعها و قعمزن هدرزن معاها بعدها طلعوا وقعدت انوار بس
___________
صقر : مشى جاب كل شي ناقص للحوش و هو طالع للمستشفي شاف انه ناسى تلفونه في المحل رد للمحل طلع تلفونه و بيمشى لتسنيم يشوف حتي هي شن ناقصها عشان ايجيبه
تسنيم: مش ناقصني شي يا وخيي بس عارفني مانحبش ريحة المستشفي
صقر؛ تحملي اليوم بس
تسنيم: اخخ نشاءالله
صقر؛ عيب سومه
تسنيم: باهي باه غير قولي وين سارة علاش مزال ماجت
صقر: امك ماخلتها
تسنيم: يعني حنقعد بروحي
صقر؛ توا نشوف لو خلوني معاك
تسنيم: هههه مستحيل يخلوك انت ولد
صقر؛ لبزي و الحل ؟
تسنيم: كلم مرة عمي ابستام وخلاص
صقر؛ عمك مصطفي يخليها ؟
تسينم؛ هم اكوس وحدين في عمامي و نساوينهم نخلوك يخليها
صقر؛ باهي توا نشوف واصلا ماخبرته شن صاير معاك
تسنيم: فكنا منهم خبرهم توا يقولوا حتي البنت مرضت ومحد خبرنا
صقر؛ اكيده امي خبرتهم نقولك النساوين مافيكن غير النشيش 😁
تسنيم: زففففت
صقر؛ هههه هي توا نمر عليك اشوي ثاني
تسنيم: تمام
