روايه
#نورتي_عتمتي
#حلقة 16
بقلم "رواسي بحرالدين "
مشت سارة و هي خايفه صبت قدام الباب متاع دار انوار و صقر دفت الباب بشويش و خشت منه بخطوات خفيفه
صبت بجنب لفراش تشوف في انوار و هي فعلا راقده و في سابع نومه
سارة؛ تشوف ايمين يسار ع تلفون انوار ما لقاته بجنبها مشت شور الطاولة تلقاه عليها خذاته و حطاته في صدرها و هي ماشية شور الباب فتحاته بشويش
انوار؛ سارة
سارة: رعشت مع بعضها شافت لصدرها التلفون مش واضح ... تلفت نضتي انوار
انوار: تتثاوب ... اها نسمع في حركتك شن فيه
سارة: غريبه جيت بجنبك نوضتك مانضتي
انوار: معقولة!!! نومي خفيف ونوض نطول
سارة: ماني عارفه حتي صقر قال تعبانه خلوها ترتاح
انوار: تذكرت امس كيف رقدت في حظن صقر و ابتسمت
سارة: باهي خشي غسلي و اطلعي توا نحطلك الفطور
انوار؛ اوكي ........
و طلعت سارة من الدار ومشت طول للدار الثانيه طلعت التلفون من صدرها طفاته و لفاته في منشف و حطاته في جيب جاكه
________________
صقر: طالع في طريقه للمستشفي جاه اتصل ..الوو
الممرضة: ايوه استاذ صقر ***
صقر: اها تفضلي من معايا
الممرضة:- انت مخلي رقمك عشان المريض عبدالرزاق لو صار معاه شي نحكوا معاك
صقر: ايه ناقص عليه شي
الممرضة: لا بس وضعه سئ الحق وطالب يشوفك لو ممكن اتجي
صقر: اني في الطريق هي وزاد صقر السرعه و مشي للمستشفي ... و اول ماوصل مشي يجري للعنايه لقى نفس الراجل يلي تلاقه معاه اول ما مرض عمه وكان مقعمز يبكي
صقر: عمي خيرك تبكي بسم الله ؟؟ و شن وضع عمي عبدالرزاق
الراجل: يبكي ولا كلمه
صقر: خش لقاهم مغطينه 💔😔 طاااح صقر من طوله 💔 و قعد يبكي بعبرته مش مصدق انه عمه يلي زي بوه يلي سنده في كل قراراته و خدمه عنده و يتعامل معاه زي ولده و اكثر خلاص مات 💔
الراجل : جا صبي بجنب صقر و بعبره . .... ناض و ودورك هو قلت للممرضه تكلمك عشان تجي بس ماكانش مكتوب تتلاقو
صقر؛ انفجر بالبكاء💔
الراجل : حطاه ورقه
صقر: شنو هذي ؟
الراجل : هو قالي نكتب انه اي شي يملكه باسمك انت و بصم عليها 💔 و بشهادة الدكتور و الممرضه
صقر: و هو يبكي .... مانبيش شي انا غير يرجعلي بس و حط يديه ع وجهه
الدكتور : جا طبس عليه وحد الله ياخويا وحد الله هذي سنة الحياة وكلنا لاحقينه💔
صقر:مسح دموعه وناض رفع لغطاء عنه باسه ع راسه وطلع و هو مش عارف هل هذا واقع ولا حلم 💔
نزل و ركب في السيارة و لدموع مافارقنه ... رفع التلفون و اتصل بتسنيم
تسنيم: الوو صقر
صقر؛ عمي عبدالرزاق عطاكم عمره و بنفتح الحوش للعزاء 💔
تسنيم: انخلعت و مشت خبرت امها و بدن البنات يبكن 💔 و انوار تلود بينهن وتصبر فيهن و سمعوا الجيران صوت النديب جوا يجروا
صقر: حاول يوصل في حد من خوته بس بدون فايده بعتلهم رسائل انه خوهم توفى لعلى و عسي يحن قلبهم عليه ويجوا يحضروا عزاه 💔
و انفتح العزاء في حوش اهل صقر
بس الجيران كلهم قاموا القدر بحكم انه جار الكل وتعاونوا ع تكاليف الوفاة😔
و في اليوم الثاني :-
استغلت سارة فرصه الزحمه و حطت عبايتها وطلعت مشت مسافه و لبست خمار كانت سارقته من انوار
و كملت لعند وصلت في نفس المكان يلي اتفقت عليه هي و رواد و ركبت معاه في السيارة
سارة: رفعت خمارها .....؟ اووووف لو نعرف انوار و البنات يلي يلبسن فيه كيف متحملاته بس
رواد: يشوفلها .. اهلا حبيبي
سارة: اهلين حبيبي
رواد:قرب منها و باسها ع خدها
سارة: تحشمت و نزلت راسها
رواد: شن صار حبي جيبتيه ليا
سارة؛ ايه ورفعت العباية وطلعت من جيب سروالها التلفون
رواد: حليلي منك و خلاص❤
سارة: هي كمل بسرعه حبيبي و عطيه ليا نرده
رواد: كم الرمز
سارةنسيت نقولك ماحصلت رمزها
رواد: مش مشكله نقدر نحله
سارة: بس بصدق صدمتني بجد يارواد يعني معقولة انوار
رواد: انتي ريتي المكالمات بعينك وتاكدتي انها هي و رقمها ولا
سارة: اي اي بس احكيلي بشن تهدد فيك
رواد:قصة طويل و للعلم نعرفها من قبل ماتتجوز صقر لو كنت في ليبيا ماخليته يتزوجها بنت فاسده حشاك
سارة:حشاك من السو اصلا ضحكت ع خويا عيني عينك و خلاته يتزوجها قطوس في شكاره
رواد: باهي حبيبتي توا شن رايك نشيلك للحوش و نوريك حوشك المستقبلي
سارة: بالك يشوفنا حد !
رواد: طيحي خمارك محدش حيشوفك
سارة:بس ع السريع حبيبي خايفه
رواد:مسك يدها من شنو تخافي ونا معاك ... و ولع السيارة و شالها لشقته
______________
في الحوش :-
انوار :- قلقت ع صقر وخشت لدارها ادور ع تلفونها بتتصل بيه ليها يوم كامل ما شفاته
نكتت دارها كلها ومالقت التلفون نادت ع تسنيم
تسنيم: نعم انوار
انوار؛ ريتي تلفوني ياخويتي ما القيته
تسنيم: لا ماريته بكل وين خليتيه انتي
انوار؛ تصدقي من اول امس ماحركته حطيته ع الطاولة وبعدها صارت قصة الوفاة معاش دورته
تسنيم: راجي هي توا نرن عليك .... وضربت عليها تسنيم يعطي مقفل
انوار؛ مقفل !
تسنيم: راجعي روحك انوار و دوري كويس توا تلقيه
انوار: دورت في الدار كلها ما القيت شي يانا كان مايطلع مسروق !!
تسنيم: داركم مقفوله من بيخشلها غير عاودي دوري
انوار : باهي بس توا عطيني تلفونك خليني نتصل بصقر
تسنيم: هاكي انبدري نرن عليه مايرد....وخذت انوار التلفون و قعدت ترن ع صقر بس لا حياة لمن تنادي صقر في حوش عمه عبدالرزاق الرجاله قاعدين غادي و مش لاهي لتلفونه بكل
افطيمه: خشت عليهن وينكن يابنات ونا ندور عليكن البنات الجيران كلهن يوزعن و يحوسن وانتن مقعمزات هنا
تسنيم: سارة برا يام
افطيمه: من سارة اختي من انبدري ندور عليها ماريتها
تسنيم: وين بتختفي ... باهي توا نطلع معاهن
افطيمه: وانتي ياانوار خيرك ساكته و وجهك منقلب
انوار؛جت بتقوللها ع صقر و تلفونها خافت تشغل عمتها ........ انرن ع امي ماحصلتها
افطيمه: الوقت قايله يابنتي بالك راقده
انوار: كلامك حق ياعمتي و سكرت التلفون هي توا نطلع
افطيمه: هي ...... وطلعن مع بعض و قفلت انوار الباب و بالها مش مطمن لا ع تلفوها لا ع صقر 😪
______________
رواد: فتح باب الشقه و هو ماسك في يد سارة و يدخل فيها
سارة؛ كانت خايفه بس في نفس الوقت حبها لرواد خلاها ادير اي شي عشانه
رواد:خشي ياقلبي الحوش حوشك
سارة: رفعت خمارها و خشت و تشوف في الشقة كانت صغيره دارين و صالة و حمام "يكرم القارئ" و ومطبخ بس كانت راقيه جدا و واضح انه اثاثها مكلف ....
رواد: شني عجباتك
سارة: اها تهبل ... مانحساب انه باني
رواد: مش بانيها انا شاريها و توا مش وقت الحوش تعالي هنا .... ومسكها من خصرها و قعد يبوس فيها و يفتح في الازار متاع العباية
سارة: ماكانش عاجبها الوضع و ضميرها اينب فيها بس استسلمت لرواد
رواد: رفعها للدار وصار يلي صار بينهم .....
و بعد وقت ناضت سارة لبست ع السريع و ورفعها رواد لنفس المكان يلي اتفقوا يتلاقوا فيه
سارة: حبيبي بعد تكمل منه التلفون رده ليا عشان نرجعه
رواد: علاش ترجعيه
سارة: انت امسح يلي تهدد فيك بيه و ورده
رواد: ماهو ياحبيبي توا هي مش حتشك فيك لانه عزاء و ناس واجد بس لو رجعلها بعد وقت حتشك و مرات حتي تتهمكن فيه او تخنس اني يلي خذيته لاني حنمسح يلي شادته عليا
سارة: ااااه صح صح باهي هي سلام
رواد: سلام و باسها...... و نزلت من السيارة وكملت سارة مشي ع رجليها
__________
لما قريب بتوصل للحوش خشت في مكان مغلق سلحت لخماره و كملت طريقها و وصلت للحوش و طول خشت لدارها
تسنيم: جت .. سارة
سارة:-نعم
تسنيم: لينا ساعات ندورو فيك وين كنتي
سارة: مشيت لهاجر تبيني في موضوع ضروري
تسنيم:غريبه لاني اتصلت بهاجر وقتلي مش معايا
سارة: خافت .... اكيده تتسهوك عليك وانتي خيرك معصبه هكي
تسنيم: لو يعلم صقر انك تطلعي وتخشي ع راحتك يقيمها فوق راسك
سارة: رفعت صبعها في وجه تسنيم .... انا اكبر منك ونعرف كويس شن اندير احترمي نفسك ياتسنيم
تسنيم: مش حنزيد في النقاش معاك برا الناس مليانه بس خليك انتي ادري بحايتك و طلعت عنها
سارة؛ غيرت ولبست توتة كم و حطت الطربوش ع راسها و نزلت شعرها ع رقبتها عشان العلامات يلي قعدو من رواد مايبان
رواد: مشي لصاحبه و عطاه التلفون عشان يحل الرمز او يطلع الصورة يلي فيه....
_______________
و مرو ال3 ايام العزاء
وجا صقر و معاه زوز شباب فكوا لخيم
انوار؛ اول ماسمعت انه صقر برا طلعت وقعدت اتناديله
صقر:تحشم و انحرج لما سمع صوتها ومشالها نعم
انوار: بعصبيع و خيبه ..... نعم صار ؟؟؟ مش حرام عليك انت ماتقولش عندك مرا ولا متزوج شكله مش حرام ياصقر ليك 3 ايام مانعلمش عنك شي ولا انت عاالم عليا شي كان مضايقتك ولا ماتبيني كان هكي طلقني وارتاح وريحني معاك
صقر: انجمد من كلامها... خشي وبعدين ساهل
انوار : مافيش بعدين ياصقر انا تعبت بعدين قول ننهو كل شي و خلاص .. وخشت عنه
صقر:- كمل فك لخيام مع الشباب و شالوهن و عدوا لحوش عمه عبدالرزاق كملوا تنظيفه و سكره
و هو طالع لقى صلاح " الراجل نفسه متاع المستشفي "
صقر: اهلين عمي صلاح
صلاح؛ اهلا وليدي صقر شن اخبارك
صقر؛ اهو حمدلله ويش اخبارك انت
صلاح؛ اهو بصحه الحق نبيك في شي
صقر: تفضل
صلاح:يزيد فضلك ... انا كلمت المحامي الارض يلي شريتها من عمك عبدالرزاق الله يرحمه لقني نبيها قبل مانسافر انا عطيته عربون و مزال باقي المبلغ عارف مش وقته الموضوع بس مانقدر ناجل
صقر: باه ؟
صلاح: خلاص عمك عبدالرزاق نقل كل الاملاك باسمك ولا نسيت وصيته ؟؟كلمت المحامي عشان يكمل الاجراءات لك ولي
صقر: انا مانبيش شي من ورثته
صلاح: و لمن بتعطيها ولا بتود بيها خوته يلي حتي عزاه ماجاوه
صقر: ساكت ماعرف مايقول
صلاح: عمك عطاك رزقه لانه كان متاكد انك حتحافظ عليه و تنميه مش تود العدو بيه ولا تفرط بيه
صقر: نشاءالله خير ياعمي خلاص امتي مانفضي توا ندورك و نكملوا كل شي ع خير
صلاح: نشاءالله ... وطلع ركب في سيارته
_____________
انوار : بعد كلام صقر خشت لدارها قفلتها و بكت بكت لعند خذاها النوم
اما البنات برا كملن الحوسه و كل اشوي ايجن يخطبن عليها مافيش اي رد
افطيمه: يابنات انا خفت عليها رنوا ع صقر
تسنيم : ليا ساعه نرن عليه صقر متعلم يحط في تلفونه صامت ولا مايبيش يرد علينا
سارة؛نرن ع حد من عمامي يام ايجي يكسر الباب
افطيمه:رني يابنتي رني
سارة: رفعت تلفونها بترن تلقى مكالمه فائته من رواد تفوت انوار و ترن ع رواد و تطلع عنهم للسور
رواد: ايووه وينك
سارة: نعم حبيبي ماشفتش مكالمتك والله
رواد: غير استاحشتك قلت نتصل بيك غريبه قبل ديما تردي عليا طول
سارة: والله شن بنقول حايسين في الحوش و انوار شكلها ماتببش اتضم معانا قافله ع روحها الباب و لينا ساعتين نخبطوا عليها ماتبيش تفتح
رواد: ويش تقولي انتي ؟
سارة: فوتها تمثل اكيده ع اساس مريضة
رواد: اني جاي و فصل الخط
سارة: شن اني جاي شن يخرط هذا و رنت ع عمها مصطفي
___________________
رواد : درس سيارته قدام الباب و نزل قعد يخبط ع الباب الخارجي
افطيمه: يابنات افتحن الباب
زهراء: توا نطلع نشوفه .. وطعلت من ورا الباب .. ايوه من معايا
رواد: انا رواد عمتي افطيمه قاعده
زهراء؛ ايه هي توا نكلمها لك... وخشت جوا ... عمتي افطيمه في راجل اسمه رواد يبيك برا
افطيمه:توا نطلعله بالهي يابنات حاولن تكلمنها ولا ادورن حد عليك بخت اياماتنا هذين ،.. وطلعت لرواد
رواد: خش من قدام الباب سلم عليها و ع اساس بيعزيها ... عظم الله اجركم
افطيمه: اجرنا و اجرك ع الله
رواد: غيره وجهك منقلب يا عمتي
افطيمه: لا ياولدي غير حال العزاء (وهي مسكينه قلبها منسحن و خايفه ع انوار)
رواد: الله غالب ياعمتي هذي سنه الحياة ...
افطيمه : صدقت ياولدي
رواد: وين البنات و صقر قبل بنعزيهم
افطيمه: صقر مختفي طول ايام العزاء و البنات جوا
رواد: لو مافيه مانع كلميهن نعزيهن و نطلع
افطيمه: هي راجي ياولدي ... وخشت جوا نادت ع تسنيم و سارة عاد ع اساس خوهن مش عارفين شن ورا الاخوه هذي ....
تسنيم:دموع ينزلن مش وقت نعزي حد راه خايفه ع انوار و قعدت تخبط ع الباب و تضبحلها انوار انوار افتحي
سارة؛ بعد سمعت انه رواد يبيهن حطت وشاحها و طلعت ..
افطيمه؛ زهراء انا طالعه مع سارة و انتي جيبي التمر و الحليب
زهراء : حاظر هي
افطيمه؛ جت طالعه
تسنيم: يام علاش قلبكم بارد هكي ديروا حل راه البنت تموت جوا في رقبتنا كلمي حد من الجيران ولا ديروا حل علاش هكي باردين
افطيمه: صقر مايرد قلتي و سارة كلمت عمك قال في الطريق
تسنيم: اين صقر و اين عمي العازه انا طالعه نكلم عمي جمال (واحد من الجيران)
افطيمه: اهو رواد برا توا نكلمه
تسنيم: المهم ديري راي
وطلعت افطيمه بتكلم رواد ...
____________
سارة: علاش جاي شن فيه
رواد: بعدين نحكيلك
سارة؛ بعد طريتلك انوار قلت بنجي قولي شن فيه بينكم
رواد: بالهي اسكتي مش وقتك
افطيمه؛ طلعت رواد ياولدي
رواد: نعم ياعمتي
سارة؛ خشت جوا و قعدت تسمعلهم من بعيد
افطيمه: مرة صقر الباب مصكر عليها من انبدري و حاولنا نفتحوا مافيه فايده بالهي سلم ولدي بالك تقظر تكسر الباب و خلاص
رواد: حاظر ياعمتي و خش معاها
تسنيم: سارة و زهراء و مريم خشن للدار امي بتكلم رواد يسكر الباب
زهراء : ومن يكون رواد بيش يخش جوا
تسنيم: مش وقته الكلام هذا غير خشن انتن للدار الثانيه شن بيلقنا كلنا هنا
سارة؛ وعلاش انتي قاعده
تسنيم: انا اصغر وحده فيكن يا ماما و كان لايم يفتح الباب بنخش قبله نشوف انوار
و جت افطيمه و رواد و طول افطيمه فنصت فيهن وخشن كلهن للدار الثانيه الا تسنيم قعدت
رواد: قرب للباب و قعد يخبط فيه لعند خرب القفل و انفتح الباب و ..... يتبع
