روايه
#نورتي_عتمتي
#حلقة 7
بقلم "رواسي بحرالدين "
انور: توخر تبي تنقذ روحه ... والله ياخالي مش هكي اسمعني بس
محمد:يضربها كف لين فمها ينزف وتوخر ع رواها
انوار : ناضت نفضت روحها ومشت تجري لامها حطت يديها ع كتوفها ياامي اسمعيني
بسمه: دموعها ينزلوا .... ماتوقعتش منك حاجة هكي و حولتلها يديها ومشت عنها
محمد: كر انوار من خلف راسها و بيطلع بيها... والناس كلها تتفرج عليهم و هو يكر فيها انوار يغمى عليها
صقر: معاش قدر يتحمل وجا لجيهتا وطبس يوعي فيها .. بسم الله
محمد: ضرب صقر ع رجله حول ياولد الكلب ولا انت نفسه الحقير يلي كنت معاها
صقر: ماقدرش يتحمل كلمه ولد كلب وناض ضرب محمد ع وجهه بكل قوته ورجع طبس لانوار رفع راسه يشوف للممرضات .. تعالي انتي ويها وعيها بدل ما تتفرجي
الممرضة؛ ارفعها للحجره هنا
محمد: جا دف صقر تي خليها الساقطه هذي تموت هنا
صقر: تنفس بغضب ورحمة بويا كان ماتبعدش عن طريق اعظامك نكسرهملك .. وطبس صقر بيرفع انوار
محمد: عاود مرة اخري دف صقر وريها ليا رجولتك هي
صقر: ناض بيضرب محمد بس تدخلوا شباب و مسكوا محمد و قعدوا يستهدوا فيه بالله
صقر : رفع انوار ودخلها للحجره .......و دخلت الدكتوره شافتها و ضربولها تغذيه كم مهدي
بسمه: رقت فوق لحجره عزة و تبكي بكل عبرتها مش مصدقه انه بنتها انوار ادير حاجة هكي
صقر: مقعمزة قدام الحجره يلي فيها انوار ع الكرسي و مش فاهم شي من يلي صار غير انه انوار في باله انها بنت كويسه و ساعدته ومارضاش ايصير معاها هكي
محمد: جا خاش و معاه زوز شباب من الامن... هذا هو نفسه يلي اعتدي عليا وع بنت اختي تصرفوا معاها
الشاب 1: تفضل معانا يا استاذ
صقر: نعم ياخويا تفضل شن فيه
الشاب 1: تعال معانا للمركز في بلاغ مقدم عليك ولازم تجي ومد يده بيمسك من مرفقه
صقر: تي وين نمشي معاك!! تي انا مادرتش حاجة
الشاب2 :عندك حاجة بتحكيها احكيها في المركز كلا توا انت في مكان عام و نقص حسك ليل
صقر: تي اقسم بالله مادرتش حاجة اهو يلي غالط قدامك وتقولي امشي معايا تي باللهي ياخويا برا عني
الشاب 1 :برا عني صار و ضربه ع راسه ومسكله يديه ...
صقر: تي حول عني ويحاول يفك روحه منهم
الشاب 2 : تي وحده من الممرضات بروحها قدت بلاغ عليك و الراجل هذا زوز بلاغات وتقولي كذب توا نربوك غادي وطلعوا صقر و شالوه للمركز
انوار: بعد ساعتين وربع ناضت وكان الوقت متاخر و المستشفي هاديه مافيش الا اصوات اشويه ممرضات يمشن رفعت روحها و حاولت تصبي ماقدرش عاودت حطت راسها ع السرير بدت تبكي بكل عبرتها و بصوت عالي
الممرضة: خشتلها بسم الله خيرك شن فيه
انوار : تبكي ومش سامعه حاجة
الممرضة؛ اهدي يا اختي اهدي كله حيمشي بإذن الله
انوار: امي وين
الممرضة : طبست راسها اهلك كلهم طلعوا من هنا حتي المرا الكبيره يلي كانت راقده هنا
انوار : ورواد شن صار فيه
الممرضة : تحسابه صقر ... الشاب يلي كان معاك
انوار : ايه
الممرضه : تعارك هو و الراجل يلي معاك وبعد ضرب وصارع جا الامن وجالوه للمركز
انوار؛ ردت تبكي 💔
الممرضة: ماتخافي كلها محنة و حتمشي ع خير تعوذي من الشيطان بس و الولد يلي معاك واضح يحبك و يبيك مارضاش يطلع الا لما يطمن عليك غير الامن رفعوه
انوار : 😭😭😭😭😭...
الممرضة : نوضي هي يا اختي اغسلي وجهك و توضي وصلي ركعتين استغفري فيهم ربك ونشاءالله حتفرج
انوار؛ مش قادره انوض ساعديني
الممرضة:مسكتها من كتوفها ورفعتها للحمام " يكرم القارئ" غسلت انوار وجها و توضت و جابتلها الممرضة صلايه صلت وهي في كل ركعه و سجده تبكي ع يلي صار معاها 💔
كملت صلاة وردت للسرير
الممرضة: تبي شي ناديني
انوار :طفي عليا الضي بس
الممرضة؛- حاظر ... وطفت عليها الضي
انوار: دموعها ماتموش ردت تبكي لعند خذاها النوم ورقدت
__________________
اما صقر فرفعوه للمركز و ياروحي حصل طرايح مابعدهن طرايح لانه يحسابوه هو المعتدي بحسب البلاغ يلي جا من احدى الممرضات و من خالة انوار و الليله كلها قعدها في المركز و امه و سارة خايفات عليهن 💔
لاكن رواد نجى منها وروح للحوش لامن عرف ولامن ادري انه هو يلي كان مع انوار 😏😢
