جريمة صوفيا

الحلقة (2)

الحلقة الثانية 2 من رواية #جريمة_صوفيا مؤلف القصة #إبراهيم_رشيد
في الحلقة هذي ح نتعرفوا على شخصيات جديدة مطلوب منكم بس التركيز وحفظ الشخصيات
عماد:مفاجأ شنو0_0
معين:تعالي ياصوفيا0_0
وفجأ نزلت صوفيا من السيارة
عماد شافها وجت عينة في عينها
عماد:صوفيا0_0
معين:شنو انتو تعرفوا بعضكم ولا كيف
عماد:منش عارف انا مشبه عليها البنت هذي
صوفيا:لا بس انا اول مرة نشوفك في حياتي
عماد:الله اعلم
معين:ممكن عماد عشان يوميآ عنده حالات واجد عشان هكي ديما يشوف في الناس ومركز واجد تي انا شن نقول قاعد المهم خلينا في المهم
عماد:شنو هوا المهم يامعين
معين:البنت هذي هيا الي حكيتلك عليها وقتلك لازم تسجلها السنة هذي بصراحة ياصوفيا هذا صاحبي ونعرفة كويس ينسى واجد وهكي فـ عشان هكي قلت نجيبها لكي هنا
عماد:مكانش في داعي يامعين انا قتلك حاضر ح نحاول
صوفيا:شوف يادكتور عماد حرام السنة هذي تضيع عليا ياريت ادير مجهودك كله
عماد:والله حاضر بكرا نخش على عميد الكلية ونشوف بس انتي هل ح تقدري تعوضي الي فات ولالا
صوفيا:كلة نقدر عليه بس ياريت يقبلوني ونكمل السنة هذي
معين:خلاص هوا قال حاضر بكرا
عماد:منوعدكش بس لأن الدراسة بادية من كم شهر
صوفيا:تمام
معين:تمام ياصوفيا اركبي في السيارة توا نجيك
وركبت صوفيا في السيارة...
عماد:معقولة هكي ياراجل كنك تجيبلي البنت في نص الليل هكي
معين:نص الليل شنو مازال بدري اسمعني بس البنت هذي نقولك شي مهم السنة الي فاتت رفضوها الجامعه لأنها يتيمة وانا محبيتش نحكيلك قدامها
عماد:معقولة؟جامعتنا رفضتها للسبب هذا
معين:انا والله وحست انها مش من مستواها الجامعه هذي شوف هيا كانت عايشه في الميتم وحاليا في الداخلي متاع الجامعه وبدون اي كلية،ومتنسش انا عطيتك ملفها
عماد:بس كيف هذي يامعين
معين:اهو هكي صارت وخلاص لأنها كانت تقرا في جامعه ثانية اقل مستوى
عماد:تمام بس بما انها في الداخلي كيف قدرت اطلعها توا
معين:ياراجل انت تبي تحقق وتوا مش وقتك البنت تستنى خليني نوصلها ونتلاقو بكرا
عماد:اوكي تمام
وركب معين ومشا مع صوفيا
صوفيا:في رأيك صاحبك يقدر يديرها
معين:اكيد ح يسجلك بس تفائلي خير
صوفيا:يارب
عماد ركب في سيارتة وكان يسوق في السيارة ويفكر في صوفيا
عماد:قصدي معقولة الجامعه ترفض بنت عايشة في الميتم للدرجة هذي نحنا عايشين في زمان عنصري باهي هيا شن ذنبها في هالحياة ليش ماتعيش كيفها كيف الناس،انا نحب التحدي وبإذن الله بكرا نسجلها
وصل عماد للحوش وخش لشقته وكان الجو هادي بكل
كانت رشا في الصالة وحاطة السماعات وخش شافها
عماد:خير يارشا

رشا حولت السماعات
رشا:اهلين
عماد:تسمعي في حماقي الي مهبلك
رشا:لالالالا نسمع في برنامج الدكتورة فاطمة على الراديو
عماد:اها فعلآ برنامج حلو
رشا:تعال اسمع معايا
عماد:لا توا بنخش على السريع ناخذ دوش لأني تعبان اليوم عندي حالات واجد
رشا:به نعطيك العشاء؟
عماد:لالا انا كليت في الريست مبدري
رشا:تمام معناها انا خاشة نرقد تصبح على خير
عماد:قدامك كل خير
وخذت رشا تليفونها وخشت جوا رقدت جنب لينا
(متستغربوش يااصدقائي من الجفاف الي بين رشا وعماد لأنهم طول عمرهم هكي وحياتهم يوميآ هكي روتين ممل وخلاص)
عماد جاء وقت الراحة والنوم وكان قاعد في الصالة ويشوف في ملف صوفيا
عماد:مشاءالله البنت متوفقة في جميع المراحل وديما تنحج بمعدل ممتاز،يعني مازال حتى شوي واتخرج ح نحاول نساعدها لأني جديات تعاطفت مع قصتها واجد
عماد خذا تليفونة ورقد وفتح الفيس شاف مالك ران عليه...
عماد:كنه ران عليا هذا ومصكر مش فاتح عيل ضايع اكيد قاعد في ديسكو توا ومع البنات
رقد عماد في الصالة لعند الصبح ناضت رشا على صوت المنبه
رشا فتحت عيونها عرفت على طول ان عماد راقد برا
رشا طلعت لعماد.