جريمة صوفيا

الحلقة (5)

‎الحلقة الخامسة 5 من رواية #جريمة_صوفيا مؤلف القصة #إبراهيم_رشيد
‎قراءة ممتعة وحلقة نارية
‎رشا:اها خلاص رسمي بدا يشبه لعماد حبيبي سيرجيو
‎بيسان:تعالي بس بنقولك
‎رشا التفتت على بيسان
‎رشا:نعم؟
‎بيسان:انا مش قتلك نبيك في موضوع ضروري
‎رشا:شن هوا الموضوع جايك عريس ولا شنو
‎بيسان:لالالا الموضوع مش هكي بكل
‎رشا:باهي شنو قوليلي
‎بيسان:بصراحة يارشا امبارح اتصل بيا سراج حبيبك السابق0_0
‎رشا في اللحظة هذي انصدمت ومعش عرفت بشنو ولا حتى كيف ترد
‎رشا:شن شن شنو عاودي
‎بيسان:كنك نقولك امس كلمني سراج
‎رشا:كيف صار هكي احكيلي بسرعة قبل ماتجي رودينة
‎بيسان:توا نحكيلك بالتفاصيل
‎نردوا لأمس شويا كانت بيسان في دارها وفجأ يرن تليفونها
‎وكان رقم غريب
‎بيسان:منو الرقم هذا نرد وخلاص ممكن وحدة من البنات
‎بيسان فتحت الخط
‎بيسان:الو
‎سراج:الو السلام عليكم
‎بيسان:وعليكم السلام تفضل؟
‎سراج:غريب يابيسان معرفتش صوتي ولا حتى رقمي
‎بيسان:والله مش عارفة مش مذكرة انت منو اصلآ
‎سراج:عندك الحق تنسي مرن سنين يابيسان
‎بيسان:والله كلامك مش مفهوم انت من قولي عشان نعرف كيف ندوي معاك
‎سراج:انا سراج يابيسان
‎بيسان انصدمت وسكتت
‎سراج:معقولة مش مخزنة رقمي مع ان هوا هوا نفس الرقم الي زمان
‎بيسان:بصراحة مكنتش متوقعة ترن عليا بعد كل الي صار
‎سراج:انا صدقيني رنيت عليك بس نطمن لقيت رقمك واذكرت ان زمان مرة مرة كانت ترن عليا رشا منك
‎بيسان:انا مفهمتش قصدك بكل المهم انت اخبارك تمام؟
‎سراج:انا الحمدالله تمام انتي كيف حالك وكيف حال باتك وامك
‎بيسان:بخير الحمدالله
‎سراج:وكيف حال رشا؟
‎بيسان:بخير سراج انساها هيا توا متزوجة وعندها عيل وبنت انساها وركز في حياتك
‎سراج:انا مكنتش نقصد شي بس حبيت نسأل عليها وعندي العلم انها عندها عيل وبنت
‎بيسان:كيف عرفت معلش
‎سراج:مش مهم كيف المهم انا رنيت وحبيت نطمن بس وياريت رشا متعرفش
‎بيسان:به كويس شكرآ
‎سراج:تصبحي على خير
‎بيسان:قدامك كل خير
‎وصكرت بيسان الخط وفجأ هكي اذكرت ايام زمان
‎بيسان:كيف مستحيل نقدر ننسى كيف كانوا يحبو بعضهم وكيف هالقصة انتهت هكي فعلآ كانت قصة حب عميقة بكل بكل، انا لازم نحكي لرشا الي صار
‎نردوا مع بعضنا من لما كانت رشا وبيسان مع بعضهم
‎وبعد ما عرفت رشا كل الي صار بالتفاصيل
‎رشا:لا ياربي مستحيل ك ك كيف صار هكي وكيف عرف تفاصيل عن حياتي
‎بيسان:انا دايخة من امس واقسم بالله ومش فاهمة شي
‎رشا:مفش الا سبب واحد يابيسان
‎بيسان:شنو هوا
‎رشا:ممكن يكون خش على الفيس متاعي ويقرا في التعليقات وكل شي
‎بيسان:كيف انتي صفحتك مدايرتيها عامة؟

‎رشا:على الفيس منضيفش في حد بس صفحتي الي يخش يشوف في كل شي وبعدين انا ايميلي هوا هوا نفس الي زمان وانا حاذفتة بس مش دايرتله بلوك
‎بيسان:ممكن كلامك صاح الموضوع كلة الكتروني وممكن خاش على صفحتي  لأني ديما انزل في صور لينا وسراج
‎رشا:على الحالة هذي اكيد عرف حتى اسم سراج وعرف اني سميته على اسمة هوا،لا ياربي ورطة كبيرة
‎بيسان:ووحق ربي حتى انا مش فاهمة شي رشا انتي مش خايفة ان يجي يوم وعماد يعرف بكل شي؟
‎رشا:لا مستحيل انا مش ح نسمح لحد يقولة الموضوع هذا نعرفة انا وياك وبس
‎بيسان:وحاليآ اكيد حتى سراج يعرف
‎رشا:شنو قصدك ان سراج ممكن يديرها لا مستحيل انا نعرفة كويس ونعرف اخلاقة كويس
‎بيسان:انتي ممكن تكوني مسحتي كل شي على وجه الواقع لكن فهميني بس هل تقدر تمسحي كل شي في راسك وفي قلبك؟مستحيل انا قتلك بلاش الاسم هذا واختاري اسم ثاني بس انتي من بداية زواجك كنتي حابة تسميه
‎رشا:بالله عليك الي صار صار توا
‎بيسان:لا تي انتي حتى كنتي ممكن تقدري تنسي سراج وممكن عماد كان يقدر ينسيك بس انك اخترتي اسم لسراج ولدك هكي والله العمر كلة ح يقعد سراج بيناتكم
‎رشا:لحظة بس اين عماد هذا الي ح ينسيني سراج؟قوليلي قصدك عماد هذا الي لو نموت مش ح يعرف عليا حاجة يقدر ينسيني اول واخر حب في حياتي تي مستحيل
‎بيسان:صوت رودينة خلاص اسكتي
‎وجت رودينة ومعاها لينا
‎بيسان:جت مبسوطة لينو
‎رودينة:اووو اكيد هذي
‎رشا سيبتهم وخشت تجري لدارها وقعد تبكي جديات ممكن من زمان ماعمرها بكت هكي
‎مشت تقريبآ ساعة وعماد جاء يبي يرقد وخش للحوش
‎عماد:اهلآ يابيسو كيف حالك
‎بيسان:الحمدالله كيف حالك انت
‎عماد:تمام التمام انا نستأذنك تعبان بكل
‎بيسان:لا عادي تفضل
‎وخش عماد ورقد
‎عماد:واو عليك تعب وبعدين في القصة متاع البنت الي تبي تسيبني حرام والله عاجبني شغلها مش عارف من ح نجيب من من من ياعماد ؟صوفياااا0_0
‎اما البنات رشا ورودينة وبيسان سهروا على برنامج فاطمة في الاذاعة وكانت حلقة روعة بكل
‎جاء وقت النوم ورشا خشت للدار وكان عماد راقد وجت جنبة وقعد تفكر وتفكر وطلعت تليفونها ولأول مرة بعد زواجها فتحت الرسائل المؤرشفة في الفيس