جريمة صوفيا

الحلقة(14)

الحلقة الرابعة عشر 14 من رواية #جريمة_صوفيا مؤلف القصة انا #إبراهيم_رشيد
قراءة ممتعة
مشا الوقت بسرعة وكان الكل قاعد ويستنا في مالك
وفجأ رن الجرس وفتحت رودينة الباب بسرعة بس مرة وحدة خشت ووراها مالك وكانت مش فرحانة بكل0_0
كان اول ظهور لمالك.
مالك خش قدام الجميع وكانوا كلهم مصدومين لأن كان في يدة بنت صغيرة حوالي عمرها 8 شهور
الكل كان مصدوم ويشوف للبنت ومالك فقط
مالك:نقدملكم هذي تكون بنتي0_0
طبعآ الكل نصدموا من كلام مالك وهكي
عماد:تي نعم نعم في شن تقول انت
وسام:شنو بنتك من وين جت
رودينة:احلف0_0
رشا:مالك شنو هذا كيف بنتك
منال:مالك بنتك شنو من وين جت
مالك:ههههههههههه قصدكم كلكم صدقتوا الموضوع تي لالا هذي بنت واحد صاحبي بس خذيتها شويا لين ينهي امورة هوا وتوا ياخذها
وسام:اووو طيحت قلبي مازلت حقير كيف الاول
وجاء وسام وحضنة طول 
رشا:طبعك مستحيل يتغير
رودينة:وربي قبل متت
مالك كان في طبيعته شخص فكاهي بكل ولما تقعد معاه احتمال تموت من الضحك عادي بكل
طبعآ الكل سلم على مالك وهكي وقعدوا جنبة وسلم على امة وكان قاعد جنبها
رودينة:خلاص توا روح الاخ هذا وبياخذ الحنان كلة
منال:وليدي مرايفة عليه واجد بكل غايب من زمان
رشا كانت ماسكة البنت
رشا:مقتلش البنت السمحة هذي شن اسمها
عماد:الباين ان امها اجنبية بكل
مالك:هههه اسمها صوفيا
رشا وعماد جت عينهم في عين بعضهم
رشا:اها تمام وواضح امها مش عربية بكل
رودينة:تهبل صوفيا صوفيا
مالك:اها صاحبي متزوج وحدة فرنسية وهكي
عماد:باهي وين امها البنت
مالك:قاعدة ماهو شن صار نحنا ع اساس جايين كلنا وهوا عندة انتظار مش اوكي التذكرة جيت انا وياه وصوفيا ومراته بكرا ح تجي وهوا عطاني صوفيا لعند يلقا ايجار وهكي
وسام:باهي احكيلنا شن جوك وكيف حالك شكلك قاعد متغير بكل
مالك:تي حتى انت وين هذا كلة انسمرت بكل
رودينة:جبت الي قتلك عليه ولالا
مالك:كلة تمام جبتلكم كل حاجة بس عطوني سراج مشفتش بكل وامي انا جعان بكل بكل
منال:حاضر ياوليدي هيا يابنات نحطو العشاء
رشا:لحظة ياعمتي نجيب سراج لمالك ونلحقك
وخذا مالك سراج
مالك:بسم الله مشاءالله طرف يشبهلك ياعماد
عماد:اها يقولوا هكي
مالك:منش شايفة الا في صور انا بس شكلة يختلف
وسام:تعالي يالينو شوفي صوفيا
لينا:بيبي بيبي
مالك:جبتلك ياعمو حاجات حلوة بكل بعدين نفتحوهن حتى لينو كبرت
عماد:تي اها اكيد تبي تكبر قولي انت شن جو القراية ووين وصلت
مالك:ياراجل والله تعب وخلاص القراية هذي بس تمام ماشية كويس بكل
وسام:باهي خلاص هانت شويا وتروح وتكمل القصة هذي بكل
مالك:ممكن مازال 10 شهور او هكي ونكمل بكل
عماد:اقرا اقرا بعدين مازال لما تجيني نبي نعذبك شويا
مالك:باهي تمام امسك سراج شويا بس توا نجي
ومشا مالك طلع برا
عماد:وين مشا هذا
وسام:تي اكيد ماشي يدخن يعني
عماد:اها صاح ماهو داير روحة يحترم فينا وهكي
طلع مالك برا وولع دخان ورن على يارا حبيبته طول
مالك:اهلين بالحب كلة
يارا:اهلين انست والله
مالك:الله يأنسك كيف حالك
يارا:الحمدالله شفت المسج متاعك ومحبيتش نزعجك قلت اكيد قاعد مع العائلة
مالك:اها والله كنت مع العائلة شويا هكي وشفت سراج لأني منش شايفة بكل
يارا:باهي كويس وبنت صاحبك تبي تقعد اليوم عندكم
مالك:لالا شويا ويجي اكيد ياخذها لكن اهلي قلبهم طاح لما قلتلهم بنتي
يارا:ههههه بصراحة نفس المقلب الي صارلي انا طيحت قلبي بكل يامالك
مالك:باهي توا نكلمك بعدين ياحبي وبكرا نبي نجيك في الصيدلية خاطري نشوف
يارا:ماهو شايفني يعني ليش بكرا
مالك:لا ياعيني نشوفك في فيديو ولا صور مش زي على الطبيعة بكل ولا انتي متبش تشوفيني
يارا:ههههه لالا مش هكي بس انت عارفني نتحشم بسرعة،وبكرا جمعة الصيدلية مصكرة
مالك:لالا عادي ماهو يبي يجي يوم ويقعد وجي في وجك 24 ساعة،خلاص بعد بكرا
يارا:إن شاءالله يامالك
مالك:ح نفتح مع خويا عماد الموضوع بكرا ومع امي
يارا:ههههه على طول هكي اصبر كم يوم بس
مالك:تي لا وين نصبر انا اصلآ جيت عشان الموضوع هذا المهم توا خليني نخش للعائلة وبعدين في الليل نرن عليك
يارا:اوكي باي مالك
مالك:كيف باي هكي
يارا:ههههه خلاص نحبك صكر
وصكر مالك وخش جوا رد مع العائلة
مشا اليوم كلة هكي الكل قاعد مع مالك وبعد شويا جاء صاحب مالك وخذا بنته صوفيا
رودينة:نعاليا انا والله العطر هذا خاطري فيه من زمان
مالك:تي والله دفعت فلوس واجد بكل بكل بسببك
رودينة:كلة مردود ياعيني اكيد عماد ح يعطيهن لكي
مالك:رشا رشا وينك
رشا:نعم جيت
مالك:هذي كل حاجة تبيها
رشا:تسلم تسلم نردها لكي في عرسك ان شاءالله
رودينة:ههههه شكلة قريب هوا
رشا:شن ناوي ادير
مالك:منش عارف توا بكرا نحكي مع عماد ووسام
رودينة:وماما
مالك:لا امك هذي اسهل حاجة والله
رشا:لا عمتي ساهلة بكل بس المشكلة في عماد
رودينة:وحتى وسام عادي مش ح يقول شي
مالك:هوا اكيد بكرا ح نسمع نصائح واجد من عماد اذا وافق يعني
رودينة:به شن رايك لو موافقش امشي اخطفها ودير جو الروايات
مالك:تي انتي شكلك مأثر فيك الموضوع بكل وخيالك واسع
رشا:هههه لا عماد مش ح يقول لا بس انت افتحلة الموضوع بهدوء
مالك:وهوا هكي بكرا ان شاءالله نحكي معاه
جت تقريبآ ساعة 12 الليل ورشا كانت فوق مع عماد
رشا:والله مالك كلف روحة بكل ياعماد شوف جايب دبش واجد وهداية واجد لـ لينا وسراج
عماد:اها حتى انا جابلي حاجات وقتله متجيش شي
رشا:ان شاءالله ح نردها لاه يوم عرسة
عماد:هههههههه مازال واجد
رشا:معقولة
عماد:تي شنو اكيد مازال هذا ميقدرش يشيل المسؤولية تشوفي فيه كيف طايش يعني
رشا:لا حرام مالك متغير
جاء ثاني يوم وطبعآ كان من المفترض يكون عطلة لـ عماد
رن تليفونة في الصبح بدري وكان يبي يطلع
رشا:وين ماشي ياعماد
عماد:كلموني من المستشفى وضروري نمشي في حالتين دايرين حادث ووضعهم خطير
رشا:باهي مش في دكتور غيرك يعني
عماد:ماهو هوا نفسة كلمني معندش خبرة وميقدرش يدير عملية وفي عملية مستعجلة بكل
رشا:باهي تمام
وطلع عماد بسرعة وركب في سيارتة
عماد:الو صوفيا
صوفيا:صباح الخير يادكتور
عماد:صباح النور طبعآ هوا ع اساس اليوم عطلة بس ياريت تجي ضروري في حادث خطير صار لشخصين وهما حاليآ في المستشفى واحتمال ح يخشو للعمليات وضروري تكوني معايا
صوفيا:باهي باهي تمام انا ح نطلع توا الوقت مسافة الطريق بس
عماد:تمام
نردوا شويا للحوش
مالك:الله ليا زمان مانضت في داري الجميلة هذي
ومشا مالك للمطبخ
مالك:صباح الخير لأحلى واجمل ام في التاريخ
منال:صباح الخير ياوليدي والله الحمدالله انك جيت مرايفة عليك واجد
مالك:والله ياامي حتى انا غادي كل يوم انوض من النوم ويقعد في خاطري نفطر معاك
رودينة:لا انا شكلي نبي نبدا نغار يعني انا اصغر وحدة مش هوا
مالك:ياهمي امشي غيبي وعيشي برا في الغربة توا يديرولك هكي
رشا:صباح الخير
مالك:صباح النور
منال:صباح النور هيا يابنات حطن معايا الفطور
رشا:لا ياعمتي اطلعي انتي توا نحطوه نحنا
مالك:هيا امشي ياامي وتوا نلحقك انا عماد وين يارشا مازال راقد؟
رشا:طلع من مبدري قال كلموه ضروري في حادث او هكي
منال:ربي يستر ان شاءالله
رودينة:ووسام راقد اكيد من التعب
وسام:لا وين اهو قاعد مشاءالله العائلة كلها في المطبخ
وكملوا الفطور وهكي لين وقعدوا مالك ووسام جنب امهم لأنهم مرايفين عليها واجد
مالك:والله ياامي وهذي هيا فرنسا
منال:وانت ياوسام شنو الاخبار عندك
وسام:خلاص هانت ياامي ونكمل ممكن شهر اخرى بس
مالك:قربت ياغالي
وسام:اكيد قربت وفي نفس الوقت طولت بكل شوف زملائي القدم كلهم توا مشاءالله
منال:معلش ياوليدي حتى انت الظروف حكمن عليك
مشا يوم العطلة هذا عادي بكل ومفش اي جديد لين جت تقريبآ ساعة 8 الليل
مالك:ياراجل شنو الملل هذا صبي نطلعو شويا
وسام:مالك والله ماعندي نيه اطلع بروحك خلينا مكسدين هنا خير
مالك:لا ياراجل كيف بنطلع وانتو لقيتكم مشاءالله سيارتي متولعوش فيها بكل لقيت البطارية خاربة
وسام:محد فاضي يولعها لكي يوميآ يعني
مالك:باهي هيا نطلعو حتى في موضوع نبي نكلمك فيه ضروري ونبي عماد يكون قاعد
وسام:تي باهي وين نمشو وعماد توا في المسشتفى
مالك:اصبر توا نرن عليه
ورن مالك على عماد
عماد:الو مالك
مالك:وينك ياعماد
عماد:مازلت في الشغل كنك
مالك:نبو نطلعو انا ووسام نتعشوا برا وهكي وقلنا لازم تجي لنا زمان ماطلعنا مع بعضنا
عماد:باهي اوكي اطلعو وامشو وانا ساعة هكي ونطلع من هنا
مالك:باهي تمام ونتلاقو في كافي........
عماد:اوكي تمام
وصكروا الخط
وسام:كيف صار
مالك:قالي امشو وتوا نجيكم انا غادي بس مش عارف صوته معجبنش
وسام:تي هوا خوك ديما هكي لما يكون في الشغل
مالك:هيا باهي ياهمي صبي البس
وسام:هيا هي
ولبسو وكانو طالعين هما الاثنين
منال:نجيكم ليا ياربي يحفظكم
رودينة:تهبلو بكل بكل خصوصآ الشرطي الجميل هذا طرف ياناس
وطلعو وقعدو يبرمو وهكي ووسام يسوق ومالك في جنبة
عماد كان قاعد ومعاه صوفيا
عماد:تعبنا واجد بكل اليوم
صوفيا:اها والله انا خلاص تعبت بكل،متزعلش روحك يادكتور هذا قضاء وقدر
عماد:مش هكي بس بجديات من زمان ماصارت معايا تموت روح قدامي هكي وانا مش عارف شن ندير
صوفيا:شوف الاول ربي كاتبلة عمر جديد لأن بجديات طلع منها بأعجوبة والثاني ربي يرحمة وخلاص كان مستحيل نديرولة حاجة وانا بجديات متأثرة بكل اول مرة يموت حد قدامي
عماد:مازال ح تشوفي واجد ياصوفيا بس انا الي قاهرني اهلة وهكي وكيف خبرتهم والله كانت صعبة بكل
صوفيا:ياحرام شاب صغير في اول حياتة
عماد:تعرفي تخايلت هذا واحد من خوتي وسام ولا مالك قاعد يموت قدامي وانا مفش في يدي شي حسيت بالقهر
صوفيا:ربي يحفظهم لكي يادكتور وخلاص
وبعد شويا جت الممرضة
الممرضة:دكتور هذي شهادة الوفاء طلعت توا مطلوب منها تعاود تقراها وتوقع
عماد:تمام
كان عماد متأثر بكل بكل وكتب تقرير شهادة الوفاة ووقع عليه
صوفيا:لا حول ولا قوة الا بالله وجعني مازال حتى ماوصل لـ 25 سنة
عماد:الله يرحمة ويغفرلة
صوفيا:دكتور هوا نحنا شن مازال عندنا
عماد:هيا نمشو نشوفو كم حالة هنا وبعدين توا نطلعو واليوم برضو ح نوصلك انا
صوفيا:لا يادكتور منبش نعطلك
عماد:على شنو تعطليني يعني ليل ومعندش حاجة
مالك ووسام كانوا في الكافي
مالك:شنو نطلبو ياعيني
وسام:هات اثنين قهوة لين يجي عماد توا نطلبو عشاء
مالك:تمام اثنين قهوة لو سمحت
وسام:ها طمني شن ناوي تحكي تبي تزوج ولا شنو
مالك:ياحبيبي ياخويا انت فاهم عليا ديما
وسام:ههههه تي تحكي جد انا قلتها ببصارة
مالك:والله جديات وانا ياوسام توا قبل عماد ضروري نستأذن منك انت انا عادي نخطب ونتزوج قبلك
وسام:تي عادي شن فيها بس قولي من هيا الي غيراتك
مالك:ياربي شويا توا نحكيلك نمشي للحمام بس
وسام:لا قمعز وولع دخان قدامي عادي
مالك:بس
وسام:مش بس حسيتك انقهرت من مبدي وانا ندخن قدامك ولع ولع ولما يجي عماد طفيه
مالك:باهي تمام
وبدا مالك يحكيلة كيف هوا يحب يارا وهكي
وسام:واو لنقنك وجعتني واجد هههه شكلك حبيتها من قلبك
مالك:بكل بكل ياوسام نحبها واجد بكل ولو البنت هذي خذاها واحد غيري ح نديرلكم مصيبة كبيرة ونوقف حتى قرايتي
وسام:تي توقف شنو عماد شوف كم صرف عليك لعند توا عشان تروح بشهادة محترمة
مالك:باهي شن ندير انا البنت هذي نموت فيها ونحبها وخايف ياخذها غيري
وسام:باهي باهي خلاص فهمنا حاضر والله ح تاخذها انت شنو ناقصك انت يعني
مالك:تي ماهو عارف عماد انت كيف معقد
وسام:مفش تعقيد هذي حياتك ومحد يدخل فيها عماد ممكن ح يقولك وين تبي تعيش وهكي
مالك:بالنسبة للمعيشة ساهل هيا قالتلي حتى في ايجار معاك انت عادي
وسام:هيا شكلها بنت حلال بس محد يرضا انك تعيش في ايجار انت حاليا خوذ شقتي قاعدة مصكرة ع الفاضي
مالك:تي لا كيف هذي ملكك انت مدخلنش بيها
وسام:تي انا مازال قدامي واجد بكل والشقة قاعدة فوق حوش عماد وفاضية ومصكرة وامورها تمام ناقصها شوية اثاث وبس
مالك:تي لا انا منرضهش شقتك هذي ياوسام
وسام:انت ياغبي ماهو مازال قدامك قريب سنة ح تاخذ البنت وتمشي بيها برا ولما ترد ساهل يعني نحنا نبو نمشو للناس نقوللهم عندك شقة فهمت
مالك:تي باهي وانت شن ح ادير انت اكبر من واولى بالشقة هذي
وسام:ياحمار افهم انا قتلك مازلت مازلت منفكرش في حاجة كيف هكي توا
عماد وصوفيا طلعو من المستشفى ووصلها لعند الداخلي الي هيا عايشة فيه
صوفيا:اسفة واجد بجديات عشان تعبتك
عماد:لا ولا يهمك مفش تعب ولا حاجة موعدنا بكرا نحنا
صوفيا:اكيد بإذن الله نشوفك بكرا في الجامعة
نزلت صوفيا وكانت تمشي على رجليها وتكلم في التليفون
صوفيا:تمام..... كل شي ماشي كيف مانبو.....ح نستغل حاجات وثغرات بسيطة بكل ممكن نخلق منهن اشياء واجد صدقني كل شي ماشي تمام اصبر بس وقريب بكل ح نخليه يمشي ومش ح يعرف الليل من النهار
عماد مشا وخش للشباب في الكافي
عماد:ها شنو تطلبو انا جعان بكل
وسام:قبل العشاء في كلام حاب يحكيه لكي مالك ياريت تسمعه
بدا مالك يحكيلة وهكي وعماد يسمع وينتاقشو وطبعآ وسام واقف في صف مالك
انتهت الجلسة هذي عماد قالة خليني كم يوم نفكر وهكي
جاء سريعآ ثاني يوم وسام من الصبح بدري رد للكلية وعماد زي كل يوم طلع وكان ماشي للجامعة
كانت تقريبآ ساعة 10 الصبح
خش عماد للجامعة وبدا يمشي يمشي وفجأ لف على اليمين وشاف مشهد غريب بكل بكل0_0
كان الممر فاضي بكل وشاف صوفيا قاعدة مقمعزة على الارض وتبكي بصوت عالي وهكي ومنزلة راسها للأرض
عماد استغرب بكل0_0
وبدا يقرب ويقرب ونزل عليها وحط يدة على يدها وفجأ ترفع راسها
عماد:صوفيا0_0
صوفيا:...................0_0
عماد:.....................0_0يتبع الحلقة الخامسة عشر