جريمة صوفيا

الحلقة الثالثة(3)

الحلقة الثالثة 3 من رواية #جريمة_صوفيا مؤلف القصة #إبراهيم_رشيد
قراءة ممتعة يااصدقاء
نزل وسام للسوبر ماركت ممكن قعد فيه 10 دقايق هكي وبعدين رد ركب في السيارة
وسام:ووواو عليك صقع
وفجأ وبدون اي مقدمات يطلع واحد مقمعز وراه0_0
ويحط المسدس على راس وسام0_0
الراجل:سوق وانت محترم خيرلك وامشي احسن مانفجر هذا في راسك0_0
وسام طبعآ اللحظة هذي انصدم لأن المشهد والموقف هذا ميشوفش فيه الا في الافلام بس
وسام شاف في المراية وعرف ان هذا شخص اول مرة يشوفة
وسام:من تكون انت وشن تبي مني سراق ولا شنو قصتك بالضبط
الراجل:امشي بأحترام لوين مانقولك خير ليا ولكي
وسام:نمشي وين هوا انا نعرفك اصلآ
الراجل:انت واضح عليك تبي اتعبني اطلع قتلك
وطلع وسام وقعد يمشي يمشي وهوا مش عارف روحة وين ماشي اصلآ
الراجل كان شكلة غريب وممكن عمره كان في الخمسينات
الراجل:بس بس وقف هنا
وسام:انت مهبول ولا شنو قصتك جايبني هنا ليش على شط بحر
الراجل انزل قدامي من سكوت خيرلك
وسام:ح ننزل تعرف ليش،لأن في عيونك في انسان جبان ومش ح تقدر تلمسني
ونزل وسام وجاء الراجل قدامه وكان مازال ماسك المسدس
الراجل:لو حولت المسدس ح تمد يدك على واحد من عمر باتك الله يرحمة
وسام:منو انت يااخ ومنين تعرف باتي اصلآ
الراجل:انا ح انزل المسدس
وسام:نزل مش وسام الي يضرب راجل كبير بس قولي شن قصتك معايا وكيف تركب في سيارتي وكيف ترفع عليا سلاح اصلا
الراجل نزل المسدس وحط سلاحة في جيبة
وسام:ها تفضل احكي بسرعة
الراجل:شوف انا شخص يعرف عليك كل حاجة حياتك كلها نعرفها
وسام:لا والله؟ قصدك جايبني لعند هنا عشان تقولي هكي قول بسرعة انت من
الراجل:معاك اللواء محمود
وسام:وبه لواء انا شن دخلني بيك
محمود:انا نعرفك كويس نعرفك من ايام كنت في كلية الشرطة،وكان حلمك تطلع شرطي ولكن للأسف موت باتك غيرلك كل شي وتأثرت وقعدت معش تمشي للكلية وسقطت ولكن بعدها طلع تنسيبك شرطي مرور
وسام:شنو تقول انت من وين جبت المعلومات هذينا كلهن من وين تعرف قصة حياتي هكي
محمود:مجرد شرطي مرور في الصيف تحت راسك الشمس وفي الشتاء المطر
وسام:انت تعاير فيا ولا شنو كنك تحكي هكي؟
محمود:لا العفو،انا مش زي خوك شن كان اسمة هوا اها عماد صح
وسام:تي وربي لو انت مش راجل كبير كنت عرفت كيف نتصرف معاك
محمود:وانا عارف برضو انك 24 ساعة في التمارين وحاب تبني جسم سمح شنو نقولك كم تجيب في ضغطة في التمارين
وسام:تي والله انت الي تبي تجيبلي الضغط شن تبي مني قولي؟
محمود:انا محتاجك معايا،انا عارف قيمتك كويس عارف انك ناجح بأختصار جاي نحققلك حلمك ونعوضلك الي راح
وسام:وشن يضمنلي كلامك صاح ؟
محمود:تقدر اتأكد بنفسك انا من نكون

وسام:وشن يضمنلي كلامك صاح ؟
محمود:تقدر اتأكد بنفسك انا من نكون
وسام:فهمني كيف عرفت كل المعلومات هذينا عليا
محمود:بعدين بعدين شنو انت موافق ولالا
وسام قعد ساكت وعينه في عين محمود
محمود:معاك 24 ساعة تفكر وترد عليا بكرا في نفس الموعد تكون عندي هنا حكم عقلك وشوف قلبك شن يبي ح تجيني صدقني
وسام ركب في سيارتة وطلع بسرعة
وسام طول الطريق يفكر ويفكر ووصل للحوش ونزل بسرعة خش للدار وقمعز قعد يفكر
وسام:هذا منو وشن يبي مني معقولة يكون يحكي جد معقولة انا حلمي الضايع يبي يتحقق تي لا مستحيل انا فاقد الامل من زمان ويائس بكل بس شن كان يقصد لما ح نعوضلك على يلي راح كلة؟
مشا الليل كلة على وسام هكي وهوا قاعد يفكر وخلاص
طلعت الشمس وجاء اليوم الثاني يوم جديد بعد ليلة ممطرة
رشا ناضت من النوم لقت عماد نايض من مبدري
رشا:غريبة شنو النشاط هذا
عماد:قولي صباح الخير بس
رشا:به صباح الخير وقود مورنينق كنك غريب تنوض قبلي هكي
عماد:اها ماهو اليوم ضروري نمشي بدري للجامعة تذكري البنت صوفيا
رشا:اها به عليش
عماد:امس كلمت العميد وهوا وافق وضروري نكون غادي عشان نشرف ونتأكد في تسجيلها
رشا:اها به والله فيها الخير صوفيا هذي انقضتني اليوم قبل نتعب معاك في الصبح
عماد:هههههه انا نازل تحت
رشا:وانا نصلي ونازلة
ونزل عماد واول ماخش لقا امه قاعدة في الصالة وتقرا في قرأن
عماد نزل وباس يدها
عماد:احلا ام في الدينا
منال:حبيبي ووليدي
رودينة:واخيرآ استاذ عبد الحليم شرف
عماد:انا عبد الحليم امالا خوك وسام شنو يابنت
رودينة:-_-
عماد:متتأخرش نبو نطلعو بدري اليوم
رودينة:به به
منال:قولي ياعماد شن صار بينك وبين وسام
عماد:لا تمام جاء في المستشفى وحكينا وكلة تمام
منال:متبش تقولي ليش متعاركين
عماد:بعدين ياامي موضوع تافه وبسيط وحليناه