جريمة صوفيا

الحلقة(25)

الحلقة الخامسة والعشرين 25 من رواية #جريمة_صوفيا مؤلف القصة انا #إبراهيم_رشيد
قراءة ممتعة
سراج:مش فلوس ياصوفيا فيها كم حاجة مهمة ونبوها
صوفيا:باهي باهي ح نشوف شن يصير معايا
سراج:كنك تحكي هكي ياصوفيا شنو نسيتي انتي عليش جاية للحوش هذا
صوفيا:مش ناسية مش ناسية عارفة انا جاية ندمر العائلة هذي بكل وقريب ح تسمع خبر يفرحك
وصكروا الخط.
صوفيا صكرت وكانت تمشي بسرعة عشان تخش للحوش ومحد يحس عليها
ولكن فجأ وبدون اي مقدمات
جاء حد وراها ومسكها من يدها بالقوة بكل0_0
صوفيا برمت وجها وتشوف قدامها نبيل
صوفيا:تي شنو جابك انت هنا نبيل عليش جيت تي امشي بسرعة
نبيل:جاي نثبتلك في كل الكلام الي قلتة لكي
صوفيا:تي امشي بسرعة في حد ح يشوفك وتقعد كارثة كبيرة
نبيل:مش ح نمشي من هنا ياصوفيا لين تعطيني الجواب النهائي
صوفيا:معلش انا منقدرش ندير هكي من اول يوم تي ح يقولوا مني انا على طول تي افهم
نبيل كان ماسك يد صوفيا بالقوة بكل
صوفيا:شوفي يابنت انتي واقسم بالله انا عارف بقصتك كلها من اولها لأخرها وانا الوحيد الي عارف من خطط ومن قاعد يدير في هذا كلة،واقسم بالله معاك بس يومين ياصوفيا متجيبش الي نبيه واقسم بالله نمشي لـ وسام ونحكيلة انتي منو ووقتها بس ح نعرفوا من الذكي يااخت صوفيا انا توا ح نمشي وثاني مرة ردي بالك نرن عليك ومتردش لأن ح ندمرلك حياتك بكل
نبيل مشا وسيب ورد ركب من السور متاع الحوش وطلع بسرعة
كان زي الشبح يدير في كل حاجة بسرعة بسرعة
صوفيا خشت جوا تجري عطت لـ منال الدواء وخشت للدار وقعدت تفكر
صوفيا:شن قاعد يصير ياصوفيا من اول هكي الكل يضغط عليا ونبيل الزفت هذا من وين طلعلي حتى هوا يبي يخرب كل شي يارب ساعدني يارب عطيني اشارة وحدة بس يارب وريني الصح من الغلط
رقدت صوفيا وكانت تذكر في كل شي ودمعتها على خدها
نردوا شويا لـ قصة صوفيا ونبيل
امس في الصبح وقبل ماتجي صوفيا واتقابل مع سراج رن تليفونها وكان رقم غريب
صوفيا كانت في الجامعة
صوفيا:تفضل من انت
نبيل:ح نعرفك عليا توا شوفي من وراك
وبرمت صوفيا وشافت نبيل جاي
صوفيا:من تكون انت وكيف جبت رقمي ومن وين تعرفني اصلآ
نبيل:تقريبآ مفش حد يسأل ضابط مباحث كيف جبت رقمي صح ولا؟
وطلع نبيل بطاقته وحطها في وجه صوفيا
نبيل:سؤال غبي شويا بس عادي نمشيها لكي
صوفيا في اللحظة هذي خافت بكل بكل وقلبها دق بسرعة
صوفيا:ضابط؟وشن تبي مني
نبيل:ولا اي حاجة نبي منك كل خير
صوفيا:اختصر بسرعة انا مش فاضية شن تبي مني انت
نبيل:عيب عليك ياصوفيا معقولة تنسي انا منو تلاقينا مرة انا وانتي يوم ماجيتي للمركز في نص الليل
صوفيا:صح انت الضابط الي كنت قاعد صح
نبيل:صوفيا ياصوفيا اسم سمح وحلو تعرفي؟في حد من قبل قالك ان عيونك حلوة ياصوفيا
صوفيا:لو سمحت بلا قلة ادب شن تبي قول
نبيل:تعرفي يابنت انتي انا عارف كل شي كل شي عليك من اول ماجيتي وخشيتي في حياة عماد من البداية بكل تقدري تقولي انا صندوقك الاسود
صوفيا كانت تسمع ومصدومة وقلبها يدق بسرعة بكل
نبيل:عارف وفاهم كل شي وعارف عليش خشيتي في حياة عماد اها عماد تعرفيه او دكتور عماد عارفة انتي انا نكون صاحب وسام يعني ممكن توا تليفون لاه ونحكيلة كل شي تحبي نديرلك بروفا توا نجربوا هيا
ومسك نبيل تليفون وكان على اساس يكلم في وسام بس هوا يمثل
نبيل:ويسا ياحبيبي انا نبيل،عارف تعال نبي نقولك حقيقة البنت صوفيا هذي
صوفيا قلبها كان يدق بسرعة وخايفة من استفزاز نبيل
صوفيا:احكي شن تبي مني بأختصار
نبيل:انا نعرف كل شي ونعرف انك اليوم ح تمشي لـ حوشهم وتعيشي معاهم خلاص وتقعدي الدكتورة متاع امهم منال،سؤال هوا انتي رديتي حقك ولا مازال لا شكلة مازال
صوفيا:احكي قتلك
نبيل:خدمة وحدة بس خدمة وحدة ح تكون ضمان لـ سكوتي
صوفيا:وكيف نقدر نحط فيك ثقة انا
نبيل:معندكش الا الخيار هذا لأن توا لو رفضتي واقسم بالله نحكي لوسام ولعماد والكل ح يعرف انتي من و ح نخرب كل شي عليك
صوفيا:شنو هيا الخدمة
نبيل:اوراق وسام خذاهن من عمي نبيهن يكونن عندي في اقرب وقت فيهن قضايا فساد وغسيل اموال لـ ناس مهمة وعمي اختار وسام وعطاهن لاه وقالة منبش مخلوق يعرف بيهن
صوفيا:فـ انت ح تفضحهن وتخرب على وسام كل شي
نبيل:ياعيني عليك تعجبيني ياصوفيا انتي ذكية بكل الاوراق يكونن عندي في اسرع وقت فاهمة ولالا وانا مش حاب نفضحك بكل لأن الموضوع الي بيناتكم ميخصنش ابدآ ومش شوري بيه خليك طيبة وكويسة معايا ح نقعد معاك جنتل بكل 
صوفيا:تمام
نبيل:بعدين ح نكلمك سلام ياامورة،اها نسيت حاجة الاوراق المضروبة الي يخصن الملجأ وعلى اساس انتي طول عمرك عايشة في دار الايتام عندي منهن نسخة وانا نعرف حوشك وين اصلآ 
نردوا لصوفيا وبعد عرفنا قصتها مع نبيل
رقدت وكانت دمعتها على خدها
طلعت الشمس وجاء ثاني يوم وكان الوضع طبيعي جدآ وبدا اليوم والكل كان نايض من بدري
منال:وين ح تمشي ياصوفيا
صوفيا:ح نمشي نساعد رشا ورودينة حرام
منال:لا خليك يابنتي هنا ح ينضفن
صوفيا:لالا عيب ح نمشي معاهن تبي حاجة كلميني نجيك
وبدت صوفيا معاهن وكأنها حد من الحوش
كانت صوفيا تمشي وتنظف مع رودينة في الصالون وتحديدآ في الصالون كانت معلقة صورة كبيرة لأب رودينة وعماد ووسام ومالك
صوفيا شافتها وهكي قلبها دق بسرعة
صوفيا:هذا يكون باتك صح
رودينة:اها صح هذا بابا الله تعرفي نحبها الصورة هذي بكل
صوفيا:اها الباين انها سمحة
رودينة:لحظة خليني نمسحها في عليها غبار
ونزلتها رودينة وبدت تسمح فيها
منال:رودينة رودينة
رودينة:نعم ياماما،صوفيا خوذي كملي مسح الصورة دقيقة بس نشوف ماما
صوفيا خذتها من رودينة وكانت تشوف للصورة بكل حقد واشمئزاز
صوفيا:حقير حقير
ومرة وحدة فقدت اعصابها وطيحتها بالقوة
رودينة جت على طول وشافت الصورة طايحة مكسورة
صوفيا:رودينة رودينة والله اسفة بكل طاحت مني بدون تركيز
رودينة:لا عادي ياصوفيا انكسر الشر عادي تاخذ سوك
صوفيا:بجد مركزتش بكل
رودينة:تي عادي بعدين الي انكسر البرواز يعني الصورة سليمة ح نجيب برواز من داري ونجي
صوفيا:تمام وانا ح نلم الزجاج المكسور
رشا كانت في المطبخ مع لينا.
رشا:تي هيا ياماما تعبتيني بكل هيا عاد كملي الاكل انا عندي حوسة واجد مش فاضية لكي
ورن تليفون رشا وكان رقم غريب
رشا:الو؟
ندى:الو السلام عليكم
رشا:وعليكم السلام
ندى:انا المحامية ندى وماسكة قضية الدكتورة فاطمة
رشا:اهلآ وسهلآ بيك تفضلي
ندى:ممكن تشرفي لـ مكتبي وتشربي معايا قهوة وندردشو شويا
رشا:تمام بس ياريت مش اليوم
ندى:لا ياريت تكون اليوم لأن المحكمة بعد بكرا ومحتاجة منك حاجة ضروري
رشا:تمام ح نحاول نفضي روحي نص ساعة ونجيك
ندى:في انتظارك ح نبعت العنوان في مسج توا
رشا:تمام
وصكرت رشا الخط.
رشا:مش فاهمة انا شن علاقتي يلا نمشي ونشوفها وخلاص
وجت رودينة.
رشا:رودينة رودينة انا طلعلي موضوع ضروري بكل ونبي نمشي توا
رودينة:موضوع شنو
رشا:بعدين ح نحكيلك بس ردي بالك من سراج ولينا شويا ونجي
رودينة:باهي تمام
صوفيا كانت مع منال.
صوفيا:عمتي منال هوا ممكن نستأذن منك ساعة بس ونجي
منال:عادي يابنتي تفضلي مش ديما ح تكوني جنبي
صوفيا:هوا انا توا عطيتك دواء ح ترقدي شويا ان شاءالله تنوضي من النوم تلقيني جنبك
مشت صوفيا لرودينة ورشا.
صوفيا:معلش يابنات انا نبي نستأذن شويا نبي نمشي نجيب شوية حاجات من السكن الاول متاعي وعمتي منال توا رقدت من الدواء ح نجي ع السريع ان شاءالله
رشا:تمام عادي تعالي ح نوصلك انا
صوفيا:لا مفش داعي يارشا
رشا:لالالا مستحيل هيا ح تمشي معايا انا نركب نلبس بس
في الوقت هذا عماد كان زي ديما الشغل فوق راسة وخلاص
عماد:والله الشغل بلا صوفيا ملش اي طعم بكل،مفش حد كيفها البنت هذي حاس روحي بديت نرايف عليها واجد
طلعت صوفيا مع رشا.
صوفيا:عرفتيه العنوان يارشا
رشا:تمام من الوصف متاعك عرفته باهي قوليلي شن ناوية اتخصصي انتي
صوفيا:ان شاءالله ح نكون دكتورة اطفال
رشا:باهي كويس موفقة يارب
صوفيا:وانتي باين عليك متعلمة
رشا:انا مهندسة معمارية
صوفيا:مشاءالله معمارية مرة وحدة
رشا:اها والله وكنت نشتغل في شركة كبيرة بكل اجنبية
صوفيا:وبعدين شن صار
رشا:انا حملت بـ سراج وكان الحمل صعب بكل وقفت وبعدين الشركة صكرت بكل ومن يومها معش اشتغلت
صوفيا:بس حرام شهادتك قوية يعني بعد التعب هذا كلة قاعدة هكي
رشا:والله ياصوفيا بعد الزواج كل شي تغير العيال ومسؤولية الحوش صعبة بكل
وصلوا ونزلت صوفيا ورشا مشت.
طبعآ صوفيا مكانتش قاصدة بكل المكان هذا وقفت تاكسي وطلعت على طول
صوفيا نزلت عند مركز الشرطة الي فيه نبيل
خشت صوفيا جوا وشافت شرطي
صوفيا:معلش نبيل موجود ولالا
الشرطي:لا مش موجود
صوفيا:امتى ح يجي انا نرن عليه مقفل
الشرطي:هوا ربع ساعة ويجي عمومآ تفضلي تقدري تستني في المكتب متاعه ثاني باب على اليمين
صوفيا:تمام شكرآ
خشت صوفيا وقمعزت وقعدت تستنى
ولكن فجأ تخش عليها بنت وكان شكلها غريب بكل
بنت هكي بشرتها سمراء وواضح انها مستعجلة
البنت:لو سمحتي نبيل وين
صوفيا:شويا ويجي عليش كنك
البنت:نبيه ضروري ونبي نمشي توا من تكوني انتي
صوفيا:انا انا نكون خطيبتة احكيلي
البنت:باهي معلش ح نسيب الرسالة هذي هنا ردي بالك منها ارجوك وردي بالك تفتحيها حاجة تخص الشغل متفهمش غلط
صوفيا:حاضر
وطلعت البنت تجري بسرعة بكل
صوفيا:هههه ياحبيبي تي اكيد ح نفتحها
فتحت صوفيا الرسالة وكان مكتوب فيها(اليوم التسليم ساعة 8 في الليل متنسش البضاعة جاهزة كلها جهز الفلوس ورد بالك يكونوا ناقصات يانبيل اليوم ح يوصلن عندك 30 كيلو هروين و20 حشيش وباقي البضاعة بعد يومين والعنوان:الطريق الجنوبي الصحراوي سلمني الفلوس نسلمك البضاعة)
صوفيا فكرت تاخذ الرسالة
صوفيا:لالالا ياصوفيا ركزي هذي فرصة ذهبية جت لـ عندك متضيعهش فرصة ح نطير نبيل من وجي بكل بدون مانأذي وسام
طلعت صوفيا برا تجري،وبعد شويا جاء نبيل
الشرطي:نبيل باشا في بنت جت وكانت تسأل عليك
نبيل:تمام وينها هيا توا
الشرطي:في انتظارك في المكتب
وخش نبيل بسرعة ولقا الرسالة وقراها
نبيل:هذا اكيد لما جت وانا طولت حطت الرسالة وهربت تمام اليوم اليوم ياأهلآ وسهلآ نحصلوا من وراهن كم قرش حلوين لأن الحكاية ناشفة بكل اليومين هذينا
عرفتوا توا ليش صوفيا هربت؟هربت عشان اطير الشبها بكل عليها
صوفيا كانت تمشي بسرعة بكل
صوفيا:توا نبي محل يبيع في شفرات ضروري
وخشت صوفيا خذت شفرة وطلعت بسرعة
ركبت صوفيا الشفرة.
صوفيا:وين هوا رقم وسام وين ياصوفيا وين خليني نشوف السجل كويس ايوا لقيتة
وكتبت صوفيا رسالة لوسام وكان مكتوب فيها (وسام باشا اليوم في تسليم صفقة حشيش وهروين في الطريق الجنوبي الصحراوي ساعة 8 الليل،والي داير الصفقة حد انت تعرفة كويس نبيل اسمة وانا فاعل خير فقط وياريت تكون غادي في الموعد عشان تشوف كل شي)
صوفيا مشت الرسالة وعلى طول طلعت الشفرة وكسرتها
صوفيا:توا ضروري نشري كم كتاب وهكي عشان يصدقوني اني طلعت
وسام وصلت فيه الرسالة هذي وكانت حالته حالة
وسام:تي شنو شنو منو هذا معقولة نبيل يدير حاجة زي هكي معقولة
وسام ناض وكان يبي يطلع
وسام:لا مش ح نحكي لـ محمود حاجة ح ننهي كل شي بروحي بس لو طلعت القصة كذب معناها في حاجة غامضة بكل ولو يانبيل الكلام هذا جديات فـ ح تكون نهايتك على ايدي انا
صوفيا رنت على نبيل.
صوفيا:نبيل اسمعني بس افهم
نبيل:ها سمعتك كنك
صوفيا:انا ح نجيبلك الي تبيه حاضر بس ممكن نصورهن لكي تصوير مش نسرقهن لأن على طول وسام ح يمسكني انا
نبيل:حتى هوا رأي سمح عادي انا موافق
صوفيا:تمام اليوم ساعة 12 في الليل انتظرهن مني
نبيل:بس لازم تعرفي لو موصلوش ح ندمرلك حياتك
وصكروا الخط.
صوفيا:تي انا الي ح ندمر حياتك ياحقير اليوم اخر يوم في عمرك ياكلب اصبر عليا بس، اليوم لما يقبض عليه هوا هكي هوا يزيد يحقد على وسام ومستحيل يقول حاجة عليا،بجد ياصوفيا اليوم لأول مرة نكون محظوظة هكي
رشا وصلت للعنوان ونزلت وخشت لـ ندى
رشا:فهمت عليك يعني لو انا وافقت وتنازلت وقلت اني مسامحة فاطمة ح اتخفف العقوبة
ندى:ايوا هكي القاضي ح يخفف العقوبة بس لو انتي متبش براحتك مش ح نضغط عليك
رشا:والله انا مش عارفة نلوم روحي ولا نلوم فاطمة مش عارفة منبيهش تخسر شغلها على شاني بس
ندى:والله ربي يستر لأنها قضية حساسة شويا بس نقولوا ان شاءالله يخف الحكم لأن هيا اعترفت وانتي توا ح اديري تنازل انك مسامحة بس اخف حكم ح يكون حـ يحكموا ان مفش حبس و ح ياخذوا منها المهنة للأسف
رشا:لا يااستاذة ديري اي حل ارجوك منبيهش توصل لـ هكي
ندى:ح نحاول والله المهم منبش نعطلك لو انتي موافقة تفضلي حطي البيانات هنا ووقعي تحت
وكملت رشا.
ندى:رشا حسن........ اسمك مش غريب عليا
رشا:مش عارفة بس انا اول مرة نشوفك
ندى:مش عارفة والله انا اصلآ ندرس في الجامعة فـ ممكن تشابه اسماء
رشا:لالا انا عندي اختي بيسان تقرا في قانون وفي جامعة...............
ندى:اها صدفة حلوة هذي بيسان من افضل الطلبة عندي بالله عليك سلمي عليها واجد
رشا:تسلمي اها حلوة الصدفة ويوصل سلامك
نردوا لـ وسام كان واخد اوراق وماشي لمكتب محمود.
ولكن فجأ خش وشاف نبيل قاعد مع محمود واستغرب شويا
محمود:تعال ياوسام تعال تفضل
نبيل:وسام ياغالي
وسام:اهلين نبيل انست
محمود:على حسب مانعرف انتو اصدقاء
وسام كانت عينة في عين نبيل بس بنظرة كلها حقد
وسام:اها اصحاب واصحاب واجد اخرى
نبيل:والله ياعمي وسام هذا من زمان يستاهل يكون هنا ومعاك انت
وسام:بس الغريب اللواء محمود لعند توا مجابكش معاه هنا
محمود:نبيل عندة شغل وانت شغل ولما نحتاجة اكيد ح نجيبة
طول الجلسة هذي نبيل كان كل شوي يشوف في الساعة وطبعآ وسام كان مركز عليه بس بذكاء شويا ومع اللقطة هذي تأكد وسام ان الكلام الي في الرسالة صاح
نبيل:نستأذن منكم انا توا
محمود:تمام يانبيل وشوف شغلك كويس
نبيل:حاضر ياعمي
وطلع نبيل.
وسام:انا جيت نقولك ان الاوراق الي عندي في الحفظ والصون
محمود:رد بالك ياوسام انا حطيت عندك امانة وكون قد الامانة
وسام:لا تمام في شوية قرارات وقع عليهن وانا قاعد في المكتب تي حاجة كلمني
وسام قعد هكي يشوف في الوقت لين جت ساعة تقريبآ 7
وسام كلم الشرطي المساعد بـ الاسلكي
وسام:جهزلي دورية كبيرة فورآ في خلال ربع ساعة ننزل نلقاها جاهزة
الشرطي:حاضر ياباشا
وسام حط سلاحة في جنبة وطلع بسرعة
وطبعآ بكل سرية وهدوء وصلو للمكان وكانوا يراقبوا من بعد
وسام شاف سيارة نبيل وهوا جاي 
وسام كان يحكي بـ الاسلكي
وسام:محد يهجم الا بأمر مني مفهوم كرر كرر
نبيل نزل وكانت قدامة العصابة.
نبيل:البضاعة جاهزة
الراجل:جاهزة بس انا نبي نشوف الفلوس ونعدهن
نبيل:انت تستعبط ولا شنو تبي تعد المبلغ هذا هنا وفي الوقت هذا
الراجل:نشوفهن الاول لأن انت عارفني نحب ملمسهن الحنون
نبيل عزق شنطتين فيهن فلوس
نبيل:خوذ فلوسك
الراجل:تمام نزلوا البضاعة في سيارة الباشا نبيل
وفجأ وسام هجم عليهم وكان حاط المسدس عليهم
وسام:سلموا ارواحكم المكان محاصر كلة
نبيل خذا سلاحة وحطة على وسام
وسام:نزل سلاحك ياوسام نزل خلاص كل شي بالجرم المشهود مسكتك متلبس
نبيل كانت عينه في عين وسام بنظرة كلها حقد
وسام ضرب طلقتين في الهواء
وسام:نزل قتلك الجاية ح تكون في راسك
نزل نبيل السلاح وقرب وسام منه وحط الكلبشات في يديه
وطبعآ الشرطة كلها قامت بالواجب مع الباقيين وطلعو بيهم على طول ومعاهم كل حاجة
كانوا يبو يحطو نبيل في سيارة الشرطة
وسام:استنى شويا،نبيل نبي نقولك حاجة،انا منضربش في واحد مكلبش بس انت تستاهل هذي
وضربة وسام براسة وجت في خشم نبيل وقعد ينزف
وسام:هيا هيا الكل يتحرك على المديرية بسرعة
ووصلوا ونزل عماد وهوا ماسك نبيل وخش على محمود
وسام:خش قدامي يامجرم
محمود:شنو شنو في شنو هذا ياوسام
وسام:الاستاذ المحترم قبضت عليه وهوا متلبس في صفقة حشيش وهروين
محمود:شن تقول ياوسام نبيل انت درت هكي
نبيل كان ساكت
وسام:معندش عين يحكي اصلآ الكلب
محمود:خوذة من قدام وجي منبش نشوفة ياوسام
وسام:لا هذا قعد شوري انا خلاص والمحظر بعد ساعة يكون عندك
طلع وسام ومعاه نبيل
محمود هكي كان يتنفس بصعوبة ووضعة مش تمام
بعد تقريبآ ساعتين صوفيا كانت تحكي هيا وسراج رسائل
صوفيا:متخافش ح ندير حاجة ندمرهم بكل اصبر عليا بس ح تسمع خبر يفرحك بكل صوفيا ح تبدا وادير حاجة ادمر كل شي خلاص انا قررت وجت في بالي فكرة قوية بكل
عماد كان تعبان بكل ومروح في الطريق للحوش وكان يسوق
ولكن فجأ وصل للشارع وكان يشوف في زحمة بكل على حوشهم الجيران كلهم قدام الحوش
في بال عماد ان امة ماتت
مشا عماد يجري ووقف السيارة في نص الشارع ونزل يجري وبدا يشوف في نار0_0
النار كانت جاية من شقتة هوا فوق بس
كان الواضح ان حوش عماد قاعد ينحرق كلة
خش عماد بسرعة بكل وشاف رشا ورودينة معاها سراج ومنال ومالك
عماد:تي شن في حد يفهمني قولولي
مالك:الشقة والع فيها النار
رشا:لا سيبوني نبي نركب نبي نركب
كان مالك ماسك رشا بالقوة
منال:لينا فوق ياعماد لينا فوق
رودينة:لينا في نص النار
عماد:.......................0_0
رودينة:..........................0_0
رشا:........................0_0
مالك:.........................0_0
منال:.........................0_0يتبع الحلقة السادسة والعشرين