جريمة صوفيا

الحلقة(17)

الحلقة السابعة عشر 17 من رواية #جريمة_صوفيا مؤلف القصة انا #إبراهيم_رشيد
قراءة ممتعة
وصكرت صوفيا وكانت هكي حزينة من روحها لأنها اليوم دارت حاجة ممكن ح تأذي ناس ملهمش اي ذنب مش بس عماد
طلعت الشمس وجاء ثاني يوم والامور عادية جدآ عماد مشا للجامعة
شاف صوفيا قدام عيونة طول
ولأول مرة يخش عماد في الموضوع على طول وميقولش لـ صوفيا صباح الخير ولا اي شي
عماد:صوفيا صوفيا
صوفيا:نعم يادكتور0_0
عماد:هوا انتي امس ليش من بعد ما وصلتك رديتي للمستشفى اخرى0_0
صوفيا في اللحظة هذي ارتبكت بكل ومعش عرفت كيف ترد
صوفيا:اها انا رديت بس رديت لأني خذيت شحن تليفوني نسيتة غادي وبعدين انت ليش خاش هكي طول بدون اي مقدمات ولا حتى قلت صباح الخير
عماد:انا مقلتش صباح الخير قصدك0_0
صوفيا:اها والله
عماد:تي منش عارف انا اليوم متلخبط بكل بكل شغل واجد وموضوع مالك خويا موترني شويا
صوفيا:باهي عليش هذا كلة انا نظمت الجدول وكلة تمام
عماد:باهي باهي هيا نخشو ليا 10 دقائق متأخر
وخش عماد ومعاه صوفيا وكان هوا يشرح وصوفيا تفكر
صوفيا:كنة هذا هكي،معقولة في ناس توصل في كل حاجة في المستشفى هكي؟حتى انا غبية بكل وغلطت هذي المستشفى متاعه هوا واكيد الكل يوصلة في كل حاجة غلطة كبيرة ياصوفيا يستر الله في الي جاي لكن انا متأكدة مش يلاحظ تغير في حاجة
كملو زي كل يوم وطلعو شور المستشفى
رشا كانت في الحوش وكانت ناوية تطلع تمشي لـ فاطمة
طلعت ووصلت للمستشفى وخشت على فاطمة
فاطمة:قصدك يعني ردن الاوضاع تدهورن من جديد
رشا:عماد مزاجي وقمة في المزاجية وانا والله مش متحملته الا عشان لينا وسراج
فاطمة:وسعي بالك يارشا مش هكي الكلام
رشا:مش قادرة ننسى يوم الي جاء وقالي ياكذابة وين كنتي وانا اصلآ كنت نديرلة في حفلة عشان عيد زواجنا
فاطمة:انتي معاك حق تي بس اي شخص يغلط يارشا وربي يغفر وانتي لا يعني
رشا:والله فاهمة وعارفة بس هوا كل لما نحاول نقرب منه يخرب في كل حاجة
فاطمة:يارشا الحياة الزوجية فيها عديد من المشاكل وعماد انسان متعلم ومثقف وفاهم لكن هوا انا نعرفة كويس من ايام الجامعة عندة هكي شوية عناد وغباء مرة مرة
رشا:وانا والله مش مستعدة نكمل عمري هكي يعني فوق من اني منحبش يبي يقعد يعامل فيا هكي
فاطمة:شوفي الدنيا يارشا مستحيل يكون فيها انسان كامل بكل مفش هذي وانا معاك فعلآ هوا غلط بس حاولي تنسي نحنا ماصدقنا بدا يصير منكم في اخر فترة
رشا:وحاجة ثانية البنت صوفيا هذي ح تجنني يافاطمة واقسم بالله منش عارف شن دايرتله كأن سحر
فاطمة:صوفيا قصدك البنت الي مرة جت صورت معايا
رشا:هيا هذي بالضبط انا مش متريحلتها البنت هذي وراء عيونها في حاجة في سر كبير
فاطمة:ليش تحكي هكي يعني شن فيها حسيتها عادية البنت
رشا:البنت هذي عماد يعطي فيها في اهتمام كبير بكل يعني معلش اليوم قالي ماشي نقدم في استقالي للجامعة على شان صوفيا
فاطمة:نعم0_0 قصدك للدرجة هذي وصلت
رشا:واكثر وحياتك والله اكثر من هكي
فاطمة:احكيلي احكيلي شن السبب
انتهت جلسة فاطمة ورشا  وطلعت رشا من عند فاطمة
فاطمة:مازال ربع ساعة للحالة الثانية انا لازم نمشي نشوف الانسان الغبي هذا
مشت فاطمة لمكتب عماد داخل المستشفى وخشت شافت صوفيا
صوفيا:دكتورة فاطمة اهلين
فاطمة:اهلين صوفيا عماد وين
صوفيا:موجود قاعد
فاطمة:عندة حالة ولالا
صوفيا:لا موجود بروحة تبي تشوفيه ؟
فاطمة:اها ح نخش عليه
وخشت فاطمة على عماد
عماد:يااهلين اهلين فطومة
فاطمة:خير كيف حالك
عماد:كنك تدوي هكي معلش
فاطمة:شن صار سمعت انك اليوم ناوي تقدم استقالتك
عماد:اها كنت ناوي بس رفضوها اكيد رشا قالتلك صاح
فاطمة:اها اكيد تبي تحكيلي من القهر الي تشوف فيه مسكينة يارشا تعرف انا كنت ديما واقفة في صفك بس من بعد اليوم انت طلعت ماتستاهل
عماد:كنك تدوي معايا هكي يافاطمة
فاطمة:عماد شوف لازم تعرف انك وصلت للمرحلة هذي مش بالساهل بكل وجاي اليوم تبي تخسر مكانك في اهم جامعة في البلاد الي في سنك انت لو وصلو اصلآ للمرحلة هذي المفروض يعطو سنوات الاعداد وانت عارف هذا كلة كويس،حط عقلك في راسك ياعماد عيت عليك هكي انا منعرفكش هكي بكل