جريمة صوفيا

الحلقة (10)

الحلقة العاشرة 10 من رواية #جريمة_صوفيا مؤلف القصة انا #إبراهيم_رشيد
قراءة ممتعة
توقع عماد انها من رشا او حد من اهلة خصوصآ ان اليوم مهم بكل بالنسبة لاه لأن ح يطلع في قناة مشهورة بكل
عماد مسك الباقة وفجأ فتح الرسالة وبدا يقرا وكان مكتوب فيها
(اهلين دكتور عماد الحقيقة من الرغم من انك انسان ناجح بكل الا انك مغفل واغبى واحد في العالم زوجتك رشا تخون فيك وتحب واحد غيرك وانت مش داري ولا حاس بحاجة انت مغفل بكل وزوجتك هذي وحدة خاينة ومش محترمة و..........و........و...........  والدليل ح يكون عندك قريب ياعماد على نفس الطاولة ح يجيك
عماد بعد الكلام هذا تعصب بكل وطلع برا يجري وفي يدة الرسالة
عماد بصوت عالي
عماد:صوفيا صوفيا
صوفيا:نعم؟
عماد:كيف خشت هذي هنا ومن هوا الي جابها
صوفيا:جت مع مندوب خدمة توصيل كنك عليش متعصب
وطلع عماد برا يجري وجاء قدام المستشفى وقعد يشوف يمين ويسار
عماد:شنو هذا وشن صاير ومن بعت الرسالة هذي لالا هذا اكيد حد يبي يخرب بيناتنا رشا مستحيل اديرها انا نعرفها اكثر من روحي مستحيل تخوني،انا عندي فيها ثقة كبيرة انها مستحيل اديرها استغفر الله العظيم بس كاتب كلام كبير في الرسالة وكاتب قريب ح يكون عندك الدليل هذا منو وشن يبي بالضبط
رد عماد للمستشفى.
صوفيا:دكتور عماد خير في حاجة
عماد:لا الامور تمام صوفيا بعد ربع ساعة في حالة تبي تخش وبنت شابة خشي معاها وساعديني نكشف عليها
صوفيا:باهي تمام
وخش عماد وصكر على روحة الباب
عماد:شن معنى دزها في اليوم هذا بالذات؟الشخص هذا عارفني اليوم ح نطلع في القناة ودزها بس عشان يوترني اليوم والله غريبة بكل ومصدوم بكل من ياعماد فكر منو هوا صاح في الجامعة في بنات واجد ع اساس معجبات وهكي ونشوف في نظراتهن بس مستحيل توصلن بيهن للدرجة هذي وانا اعداء والله ماعندي بكل يارب والله محتار بكل بكل
نمشو مع بعضنا شويا للحوش
رودينة:واخيرآ خلاص كملت امتحانات وتوا عندي عطلة سمحة بكل
رشا:العطلة هذي اكيد ح تكتبي فيها رواية
رودينة:اكيد طبعآ اصلآ هيا جاهزة في راسي نبي نكتبها بس
رشا:نستنو والله انا كسدت بكل
رودينة:شنو اليوم نبي نشوف عماد في التليفزيون مش مصدقة
رشا:ولا انا ان شاءالله ربي يوفقة يارب
كمل عماد شغلة اليوم ومشا للحوش على السريع وقعد يلبس وهكي وجت قدامة رشا
رشا:قمر بكل
عماد:تسلمي نبي ننزل نسلم على امي ونمشي
رشا:باهي تمام انزل
وطلع عماد
رشا:اليوم عماد مش على طبيعتة بكل وغريب كأن صاير حاجة شن في زعما؟ممكن يكون متوتر بس
طلع عماد ونزل سلم على امة ورودينة وركب في السيارة
قعد يقرا ويشوف في الرسالة من جديد وبعدين حطها في الدرج متاع السيارة وطلع
رودينة:وسعولي انا قدام التليفزيون نبي نقعد في النص
منال:مازال شويا ويجي
رشا:خلاص ياعمتي مازال 10 دقائق بس ويبدا البرنامج وانتي يارودينة وسعيلي شويا قاعدة شاشة كبيرة
كان الكل يستنى في عماد اهلة وفاطمة وصوفيا الكل حاط على القناة
خش عماد للقناة وجهز روحة وكان الطفل ايهم موجود
المذيع:دكتور عماد شوف مش ح نضغط عليك في الاسئلة واجد بس ايهم ح يطلع قبل ويحكي وبعد ربع ساعة بالضبط ح تطلع انت تمام
عماد:تمام التمام
وبدا البرنامج وجاء ايهم مع المذيع
المذيع:اليوم حلقة مميزة بكل من برنامجنا معايا الطفل ايهم الي ورغم من صغر سنة الا ان شاف الكثير بكل،الطفل هذا تكلمت عليه في صفحتي على الفيسبوك شاء القدر وصار معاه حادث ادى بحياة والدة ووالدته وايهم كان مصاب اصابة كبيرة بكل في العمود الفقري وكان مشلول بس بفضل ربي وبفضل دكتور شاب وشاطر بكل تعافى وهوا اليوم معايا،زي ماقدامكم على الشاشة هذي صورت السيارة بعد الحادث،ايهم خليني نسألك انت وين تعالجت
ايهم:انا كنت مشلول والدكتور عماد عندة مستشفى وتعالجت فيها وهوا من عالجني
قعد المذيع يدردش مع ايهم وكان الحديث مؤثر بكل وبعدين
المذيع:تمام اليوم معانا الدكتور عماد حصريآ ومباشرتآ رحبو معايا بـ أيقونة الطب الدكتور عماد
وخش عماد وسلم على المذيع وجاء جنب ايهم
رشا:نعاليا
رودينة:ياربي يهبل حولي يالينو نبي نصورة
المذيع:كيف حالك ياعماد وشن اخبارك
عماد:الحمدالله انا تمام بكل
المذيع:خليني نبدا معاك الناس حابة تعرف قصة ايهم والكل متفاعل مع القصة
عماد:شوف انا كنت قاعد من اول لحظة من اول ماجاء ايهم للمستشفى طبعآ كان حادث خطير بكل تقريبآ الاب والام وصلو وربي خذا امانتهم خلاص يعني معش في حاجة نديروها وايهم كان في العناية،بس من خلال الاشعة والصور عرفت ان عندة اصابة بالغة في العمود الفقري والنخاع الشوكي استنينا لين ناض من العناية وتأكدنا فعلأ ان هوا مش قادر يمشي
المذيع:تمام خليني نسألك كيف اتخذت قرار ان طفل زي ايهم يخش للعملية الخطيرة هذي والسن صغير جدآ
عماد:والله القرار هذا كان صعب جدآ يومها كنت نفكر واجد لأن خطير انديرها والجسم كلة مازال النمو متاعة ماكمل يعني زي ماتشوف قدامك خطير نفتح عليه لكن ربي كرمنا والحمدالله شفت النتيجة قدامك
المذيع:ماشي عماد بس انا حاب نسألك سؤال ثاني لو ايهم جاء في يد دكتور ثاني هل كان ح يجازف يدير العملية ولالا
عماد:والله شوف هيا القصة كلها مش شجاعة او هكي انت في اللحظة هذي تبي تكون حكيم في القرار مش ح تاخذ قرار عشوائي انا لو الي قدامي عمرة 30 سنة نديرها وانا متأكد 100% انها عملية ناجحة بس زي ماقتلك طفل في السن هذا صعب جدآ جدآ ولكن قررت نديرها احسن شي ووقعت اني نتحمل المسؤولية
المذيع:في حد وقف جنبك وساعدك في القرار هذا
عماد:استاذي الي هوا توا عميد الجامعة نحب نوجهلة تحية كبيرة اتصلت بيه وقالي عماد ديرها وانت شاطر وانت ح تقدر
المذيع:السؤال هذا ح يكون لإيهم احكيلي ياايهم على اول لحظة رديت فيها تمشي
ايهم:انا اول مافتحت عيوني خلاص كنت عارف قبلها ان بابا وماما ماتوا شفت قدامي الدكتور وقالي ايهم انت كويس الكل شاف رجلي وهيا اتحرك
عماد:ههههه ويومها قالي عمو عماد ح نرد نلعب كورة من جديد
المذيع:تحب الكورة ياايهم
ايهم:اكيد نحبها بكل
المذيع:من تحب فيها
ايهم:ميسي وبرشلونة
عماد:شفت شعرة كيف ميسي زمان 
المذيع:ههههه هوا كان يبيه ميسي بس قلب على محمد صلاح،مشاهدينا معانا على الشاشة زي ماتشوفو صورت عماد وايهم
عماد:وهذا الفيديو في قاعة العلاج الطبيعي كان يمشي بصعوبة شويا
ايهم:كان هنا يشجع فيا
المذيع:الصورة هذي شن قصتها واضح انها في علاج وعيد ميلاد
عماد:اليوم هذا بالذات كان يوم عيد ميلاد ايهم
ايهم:جاء الدكتور عماد وماسك التورتة وفاجئني
عماد:اهو الفيديو هذا حلو بكل نشرته انا على صفحتي
المذيع:ايوا فيديو حلو عماد وايهم يلعبو في كورة في حديقة المستشفى فيديو يستاهل اني نصفق شخصيآ،بس زي ماتشوفو ايهم بصعوبة يتحرك
عماد:ربي يخليك شكرآ واجد
المذيع:عماد خليني نسألك انت كيف هكي استقبلت ايهم في المستشفى متاعك بالمجان لو انت حبيت تجاوب
عماد:شوف الامور هذي منحبش نحكي فيها وفي تفاصيل الناس مش لازم يعرفوها
المذيع:على راحتك انا نحترم خصوصية ضيفي عماد خليني نسألك على الدكاترة في المستشفى عندكم هل كلهم بنفس الامتياز متاع عماد ام لا
عماد:الكل افضل من عماد بواجد عندنا كادر طبي ممتاز متخرج من افضل الجامعات صدقني الكل افضل مني وانا بينهم نحس في روحي اقل واحد امكانيات
المذيع:مشاهدينا على الشاشة معاكم فيديوهات و ح نمشو توا في تقرير من داخل المستشفى مع المراسل ونشوفو الكل شن كان رأية في الدكتور عماد
كان المذيع يسأل في الدكاترة وهكي وشاف عماد معين صديقة
وكانت الشاشة مقسومة حاطين على وجه عماد وهوا يشوف في الفيديو
معين:هوا شوف الكل يعرف عماد كـ دكتور فقط ومحد يعرفة عماد شنو كـ انسان عماد اطيب واحن قلب ممكن تشوفة في حياتك صاحب صاحبة ويحب الخير للجميع
وجاء الدكتور عند فاطمة
فاطمة:طبعآ عماد انا حابة نباركلة على النجاح الي هوا فيه وحابة نقولة استمر انت شخص رائع ومجتهد وتستاهل المكان الي انت فيه ويارب يارب نشوفك احسن وافضل واحد في الدنيا هذي كلها عماد هوا صديق واخ بالنسبة ليا من ايام الجامعة والدراسة وانا جديات نتمنالة كل خير من قلبي نقولك عماد الف الف مبروك تستاهل افضل من هكي
بعد تقريبآ ساعة وعماد يحكي ويشرح وكانت حلقة سمحة بكل بكل
المذيع:انا حاب نقوللكم اني كنت مبسوط جدآ معاكم اليوم كانت بجد حلقة رائعة دكتور كلمة تحب تنهي بيها الحلقة
عماد:انا حاب نقول لإيهم ان مش معناها انك تعافيت معناها خلاص يعني ح نقعدو طول العمر نتلاقو و ح نقعد انا والمستشفى متاعي من دكاترة ومن ممرضين خدامين لكي ويارب يارب نشوفك افضل واحد وافضل لاعب كرة قدم وتكون محترف في يوم من الايام،وحاب نشكر واجد عائلي امي وزوجتي وخوتي الي ديما واقفين جنبي ونقوللهم ربي يخليكم ليا ديما وللمرحوم ابي الي كان ديما واقف جنبي وياريت كان عايش وشاف نجاحي
كملت الحلقة وكان الكل مبسوط بكل لأن عماد فعلآ كان منور الشاشة
وطلع عماد وكان يسوق ومروح للحوش
فاطمة:نرن عليك من مبدري مشغول مشغول حابة نقولك الف الف مبروك تحفة الحلقة ياعماد
عماد:والله من اول ماطلعت التليفون مبطلش رن الله يبارك فيك فطوم شكرآ
فاطمة:شنو جوك انت ورشا
عماد:كويسين انا وعدتك ح نخليها تبطل العلاج
فاطمة:العلاج مش لازم تكون نفسيتها تعبانة صكر توا نخليك تسوق توا نحكو بعدين لأن شويا هكي والبرنامج يبدا
عماد:تمام
وروح عماد والكل كان فرحان وجنبة
منال:والله كان خاطري وسام ومالك يشوفو الحلقة
رودينة:ماما اكيد ح تنزل على اليوتيوب ويشوفوها عادي
رشا:اها اكيد ومالك قال نستنى فيها تنزل
عماد:هيا رشا شن رايك نركبو نرقدو
رودينة:قعد مشهور خلاص
رشا:اها هيا عادي
عماد:اسكتي يابنت بس تعبان
وركب عماد ومعاه رشا وعماد طبعآ كان مش على طبيعتة بكل وزعلان من الرسالة الي جت اليوم
رشا:شوف التافها هذي شن كابته في المجموعة طيعآ المجموعات والفيس كلة يحكي عليك
عماد:شنو كاتبة،خيبة امل كبيرة لكل البنات لما عماد قال نشكر امي وزوجتي،هههههههه كنها هذي
رشا:تي بكل كلهن ينزلن معجبات بشكلك بس مش بالحلقة والقصة متاعها
عماد:فاضيين بكل
جاء ثاني يوم وكان زي كل يوم روتين الصباحي
عماد:رشا ممكن اليوم ناخذ تليفونك نستعملة
رشا:اوكي عادي بس عليش
عماد:تليفوني مش عارف كنه نبي نشيلة للصيانة
رشا:اوكي عادي خوذة هوا لكي ولو رن رد انت عادي
عماد:تمام
عماد طبعآ الكلام هذا كلة كان مفش وكان حاب بس يشوف ردة فعل رشا ورشا كانت عادي جدآ لأنها مش دايرة شي ومش خايفة من حاجة ابدآ
عماد طلع ومشا زي كل يوم لجامعة بعدين للمستشفى
عماد:رشا عطتني تليفونها بكل ثقة وهوا توا معايا ومفش اي حاجة يعني رشا لو دايرة حاجة كانت مستحيل تعطيه ليا والله احترت بكل خاطري نعرف من الي ناوي يخرب بيناتنا
صوفيا:دكتور عماد وين شردت
عماد:اها تمام معاك ياصوفيا
صوفيا:شنو كنك حسيتك حزين اليوم
عماد:ممكن شوية تعب بس
صوفيا:الجامعة كلها تحكي عليك والبنات كلهن طاير عقلهن من حلقة امس
عماد:الحق مكنتش متوقع التفاعل هذا كلة
صوفيا:بس انت كنت متواضع بكل الحق انا هنا مشفتش حد احسن منك
عماد:والله في معين وفي فاطمة يعني حاجة بجد ترفع الراس وبرضو عندنا دكتور ثاني ممتاز بكل هيا بس الدور والباقي عليك انتي
صوفيا:يارب يارب ان شاءالله
عماد:شن ناوية اتخصصي ان شاءالله
صوفيا:حابة نكون دكتورة اطفال
عماد:انا مراهن عليك انتي بنت شاطرة ومن يوم ورايح ح تخشي معايا للعمليات وتكوني المساعدة الاولى ليا
صوفيا:شكرآ واجد لأنك منحتني الفرصة هذي
نمشو لـ رشا الي كانت عند فاطمة
فاطمة:الحق يارشا انا حاسة بالطاقة الايجابية الي فيك عماد تغير فعلآ
رشا:اها انا الحق مش عارفة شن السبب بس هوا قعد مهتم بيا تعرفي والله حتى لو مفش حب بس قعدنا متقبلين بعضنا
فاطمة:وهوا هكي انا متأكدة ح يجي يوم وتحبو بعضكم
رشا:مش عارفة بس المهم في حياة ومبسوطين قبل واقسم بالله مفش ولا حاجة بكل
فاطمة:يلا هوا كلة مجرد وقت وعماد ح يعوضك وينسيك
نمشو مع بعضنا شويا للحوش
رودينة كانت تكلم في مالك
رودينة:هوا هكي الحوش كساد بكل بلاك انت ووسام
مالك:تي انا خلاص والله مروح قريبآ بكل
رودينة:عطيني موعد متقولش قريبآ
مالك:ح نقوللكم بس توا وين رشا مصكرة نت
رودينة:مش عارفة طلعت بس تليفونها مع عماد لأن تليفونه يبي يحطة في الصيانة
مالك:صيانة شنو خوك هذا على قلبك فلوس زي الرز يشري تليفون جديد
رودينة:ههههههه حقير انت عارف عماد كريم بكل بس مش مبذر كيفك
مالك:باهي توا نبو رشا كيف يصير
رودينة:شن تبي فيها قولي
مالك:لما تروح خليها تكلمني من عندك او تفتح الابتوب
رودينة:باهي تمام توا نقوللها بس خاطري نعرف
مالك:رودينة اسمعي انا قررت نخطب من الاخير ونبي نتزوج
رودينة:مشاءالله صدمتني والله
مالك:وخايف هلك يرفضو يقولو لا وسام قبل وخوك وسام عارفتيه انتي موضوعة مازال مطول بكل
رودينة:مش هكي بس متسرعش تعال ونشوفو شن يصير وقولي البنت منو
مالك:توا يجي يوم وتعرفيها
رودينة:باهي امشي للشانزيليزيه وحط الكاميرة كويس شارع احلامي خاطري نمشيلة ياناس
مالك:اهو لشانزي معش في روايات ولا شنو
رودينة:قاعدة نكتب من الصبح متشوفش فيا كيف مش عارفة شي قاعدة
استمر باقي اليوم عادي مفش حاجة جديدة
جاء الليل وجاء عماد وكان قاعد مع رشا ويسمعو في برنامج فاطمة
عماد:هذا تليفونك وشكرآ واجد
رشا:خوذة لو مازلت تبيه
عماد:لا تمام تليفوني توا امورة 10على 10 جاء فيروس بس
رشا:تي غريبة هوا ايفون وجديد كيف يبي يجيه الفيروس
عماد:مش عارف بس اليوم صارن مواقف ضحك بكل طلعت تليفونك قدام البنات في المحاضرة ههههه شافو كفر الباربي متاعك انا خلاص معش عرفت نلم وجي حكيتلهم بعدها القصة
رشا:هههههههههههه واكيد حاولت تفكة مبش صاح
عماد:اها شن قصتة عليش ثابت هكي هوا
في اللحظة هذي صوفيا كانت كانت قاعدة قدام المراية وتشوف في روحها
صوفيا:افرح وخليك مبسوط ياعماد،اليوم انت مشهور بكل والكل يحكي على نجاحك بس صوفيا حـ تخليك اتعس وافشل واحد في الحياة،مليانة بحقد غريب وكبير بكل تجاهك مش قادرة نشوفك الا بنظرة حقد وانتقام،وحياتك قربت وصوفيا ح تخرب حياتك كلها
جاء اليوم الثاني والكل نايض ومعاه طاقة ايجابية عماد كان في الشغل والمستشفى
رشا كانت حابة تفاجأ عماد لأنها فعلآ عمرها ماجت لمكان شغلة ابدآ

77777777777777
رشا كانت تكلم في فاطمة
رشا:توا ماشية كنك
فاطمة:باهي قصدي عليش هكي جاية
رشا:يعني جاية ومعايا باقة ورد لزوجي حبيبي
فاطمة:ههههه صكري فكوني منكم انتو الاثنين غريبين بكل عندي جلسة توا
رشا:باهي تمام
رشا تقريبآ كانت هذي ثالث مرة الي تجي فيها للمستشفى وهيا معندهش جلسة يعني المرة الاولى لما جابت لينا والثانية لما جابت سراج وهذي الثالثة
عماد:منش عارف كيف هذي مشكلة كبيرة وغريبة شويا
صوفيا:كنك يادكتور
عماد:تي كيف بنت في السن هذا يطلعلها ورم كبير بكل
صوفيا:منش عارفه صاح قصة غريبة شويا
عماد:صوفيا بالله معلش صكري الباب ومنبش ولا مخلوق يخش عليا ياريت
صوفيا:تمام كلمني لما تبي نخشش الحالة الثانية
عماد:تمام
جت رشا بكل ثقة وطبعآ متعرفش صوفيا الا مرة شافت ملفها وشافت صورتها بس الاكيد انها ناسية
صوفيا طبعآ ماعمرها شافت رشا بكل واصلآ رشا مكانتش تعرف ان صوفيا بدت تشتغل هنا
رشا خشت بكل ثقة واناقة
رشا:معلش نبي عماد
صوفيا:معلش الدكتور مش فاضي وعندة حالات واجد شوفت عينك
رشا:دقيقة وحدة نبي نشوفة
صوفيا:اسفة واجد منقدرش
رشا:كنك تحكي هكي باهي؟
صوفيا:نحكي عادي كني؟
رشا:انا زوجتة ونبي نخش عليه ضروري لو تبيها بالعناد والله نخش غصبآ عنك
صوفيا:والله لو كنتي منو مستحيل نسمحلك تخشي
رشا:لا انتي فعلآ وحدة قليلة الادب تي هذي مستشفى زوجي ونخش ونطلع كيف مانبي وانتي الي تطلعي برا
بدا الصوت يعلا بكل بيناتهم وعماد قعد يسمع وطلع وفتح الباب لأنها فضيحة قدام الناس الموجودة
صوفيا:لا انقولك حاجة تفضلي اطلعي برا منبش نشوف وجك هنا
رشا:...................0_0
صوفيا:......................0_0
عماد:..........................0_0يتبع الحلقة الحادية عشر