جريمة صوفيا

الحلقة(18)

الحلقة الثامنة عشر 18 من رواية #جريمة_صوفيا مؤلف القصة انا #إبراهيم_رشيد
قراءة ممتعة
بس ح تصير صدفة غريبة بكل ومفاجأ كبيرة0_0
عماد قمعز قدام رشا وبعد تقريبآ دقيقة وحدة
رشا تشوف صدمة حياتها0_0
فجأ يجي سراج حبيبها السابق وتجي عينة في عينها وكان جاي شور عماد
رشا نزلت راسها وقلبها قعد يدق بسرعة0_0
سراج جاء ووقف قدام عماد
سراج:معلش يااستاذ الطاولة هذي محجوزة ليا وبأسمي
رشا من كثر الخوف كان خلاص قريب يغمى عليها خصوصآ ان سراج وعماد من قبل كان في بيناتهم مشكلة بسبب بيسان زي ماتذكروا في بداية الرواية
عماد:اها تمام معلش سامحني واجد
عماد كان من النوعية الي تقريبآ في اليوم يشوف في 70 او 60 وجه مختلف عن الثاني فـ كان من المستحيل يتذكر سراج وهكي
سراج:لا معندكش مشكلة تعالي ياامي
سراج كانت معاه امه
عماد هكي خذا الحاجات الي على الطاولة وخذا لينا
رشا نفس الشي خذت ولدها سراج بس كانت وجها في الارض مش قادرة ترفع راسها بكل
عماد صبى من الطاولة وحط يدة على كتف سراج
عماد:سامحني
سراج:مفش مشكلة
سراج كان مش مصدق الموقف بكل
جديات مدى خطورة وصعوبة اللقطة هذي كبير بكل
جاء الغارسون على طول
الغارسون:تفضل تفضل يااستاذ تعالي يامدام في طاولة فاضية هنا
ومشو مع بعضهم للطاولة الثانية
عماد:رشا رشا
رشا:نعم
عماد:كنك ساكتة هكي في حاجة
رشا:لا والله مفش شي شوف شن تبي تطلبنا
رشا قلبها قريب يطلع من مكانة
رشا:مش معقولة الدنيا الصغيرة هكي هذا ليش جاء هنا،كنت متوقعة ان عماد ناسي وجة بكل الحمدالله يارب
عماد:انا نبي الوجبة هذي وانتي
رشا:اطلبلي زيك عادي
عماد:انتي خبرة في المطاعم انتي ورودينة
رشا:صح بس المطعم هذا والله اول مرة نجي
عماد:باهي تمام وانا نبي ناخذ لـ بنتي حبيبتي وجبة اطفال
رشا:تمام
رشا كانت تدعي ان اليوم هذا يمشي على خير ويمشي بسرعة
قعد عماد هكي يهدرز مع رشا شويا وهيا طبعآ مش مركزة معاه بكل بكل
مشت تقريبآ ساعتين كانن زي السنتين على رشا
رشا:عماد هيا نمشو
عماد:شويا بس نشربوا قهوة
رشا:لا اشرب انت انا معندش نية
وبعد شويا هكي طلعو ورشا مشافتش سراج شكلة كان ماشي او هكي
ركبو في السيارة وكانوا مروحين صدفة كان في الراديو اغنية تامر حسني
رشا:عماد عماد علي الصوت شويا نحبها الاغنية هذي
عماد:باهي حاضر
كانت الاغنية  مكل الناس بتقدر تنسى تنسى طب انا مش قادر انساك ليه؟ ارجعلي انا قلبي معك مش قادر انسى هواك يا حبيبي احلى ملاك
يا روح الروح .. عندي امل كلي امل اشوفك تاني في حضني وايه العمل ايه العمل ارجعلي تاني وخدني .. انا تعبان من غيرك اسمعني وراضي ضميرك لو عادي تسيبني لغيرك انا والله اموت
وصلو للحوش ونزلو وركبو على طول للشقة
عماد:رشا
رشا:نعم
عماد:مازلتي زعلانة مني
رشا:عليش يعني
عماد:عشان انا يومتها تغابيت بكل معاك
رشا:لالا خلاص انسى
عماد:انتي اطيب من قلبك مفش،قوليلي باهي اليوم ليش انتي مش على طبيعتك
رشا:مفش شي بس انت عارف اليوم كان اول يوم في النادي والتدريب وتعب بكل
عماد:اها صاح ان شاءالله لينو انسجمت شفتك منزلة صور على الفيس
رشا:لا تمام بكل فرحت بكل وهوا يوم بعد يوم يعني
عماد:باهي كويس
       (بعد مرور شهر)
مشا الشهر هذا بسرعة بكل مفش جديد على جميع الشخصيات
صوفيا كانت كل لما تلقا فرصة ادير في حاجات مجهولات مش ح نعرفوهن الا بعدين بس الاكيد انها ح ادمر حياة عماد بكل بعد فترة لأن عماد كان حاط فيها كامل الثقة
عماد ورشا مازالو على نفس الحال،مالك كان فرحان بكل لأن امة ورشا ورودينة مشو لـ يارا وتعرفوا عليها وكانوا متفقين ان بكرا خطبة مالك رسمي
وسام واخيرآ تخرج من الكلية واليوم كان ح يطلع والكل يستنى فيه
وسام:واخيرآ بكل تشاو ياكلية تعبت فيك واجد
(في الحوش)
مالك:واو ياامي هذا كلة عشان الاستاذ وسام
رودينة:متقولش استاذ هذا توا احلى ضابط في الدنيا
منال:اها والله مش مصدقة ان وسام اليوم ح يجي خلاص
رشا:عمتي عمتي وين حاطة الفلفل
منال:تحت يارشا
وطلع مالك وقمعز في الصالة مع عماد
مالك:يعني انت قاعد على الابتوب والبنات مش فاضيات من يهدرز معايا انا
عماد:كنك شن في
مالك:نبي نعرف شن ح يصير بكرا
عماد:خلاص مش ح يصير الا كل خير اسكت بس عطيني تفاحة من الطاولة
مالك:تفضل امسك باهي قولي الطاقم امتى ح نجيبوه
عماد:ياراجل نفختلي راسي ماهو قتلك بكرا ح تمشي انت ومعين واختار الي يعجبك
مالك:باهي باهي كنك عصبي نحكو معاك بس
وسام طلع وكان يسوق
وسام:تمام عرفتها مديرية الامن شويا ونوصل هيا
وصل وسام للمديرية ونزل
الشرطي:وين ماشي حضرتك
وسام:انا الضابط وسام جاي للواء محمود
الشرطي:اها تعال تفضل معايا
مشا وسام وخش مع الشرطي وكان يحكي في عقلة
وسام:شنو الامن هذا كلة تي هذا لو البيت الابيض مش ح يكون هكي
وخش وسام على محمود.
محمود:ياهلا وسهلا بـ بالضابط وسام
وسام:اهلين بيك
محمود:تعال تعال تفضل
وسام:الله يزيد فضلك
محمود:قولي شن تشرب
وسام:قهوة
محمود:اثنين قهوة معلش،شنو ياوسام قولي شن اخبارك
وسام:والله انا الحمدالله كيف حالك انت
محمود:الحمدالله ها قولي شن جو الكلية
وسام:الحمدالله طلعت منها طلعت عيني
محمود:هههههه لا كويس بكل اظن توا ان الامور كلهن تمام وانت جاهز استلمت سلاحك
وسام:استلمت وجاهز بس معقولة نتخرج بعد تعب ونلقا روحي متعين في سجن
محمود:لا ماهو انت قرار النقل متاعك وقع عليه الوزير اليوم
وسام:قرار نقل0_0نقل وين معلش
محمود:من بكرا تمشي وادير اخلاء طرف من السجن وتكون عندي هنا
وسام:يعني ح نشتغل معاك انت
محمود:ح تستلم مكتبك جنبي
وسام:باهي قصدي شنو ح نمسك قضية ولالا
محمود:ههههه متحمس بزيادة ياوسام انت
وسام:اكيد هذي نستنى في الايام هذينا من سنين
محمود:ح تمسك قضية وبكرا تعال ح تعرف كل شي،وهذي الرسالة متاعك عشان ادير اخلاء طرف
وسام:تمام باهي
محمود:عدي توا شوف امك وخوذ رضاها وبكرا الصبح تكون عندي هنا
وسام:تمام
طلع وسام وكان يحكي بروحة
وسام:حيرني الراجل هذا،عليش كويس معايا هكي؟وليش يدير في هذا كلة يعني معقولة من اول مانتخرج نلقا روحي هنا طول يستر الله وخلاص
مشا وسام للحوش وخش لـ اهلة وطبعآ سلم عليهم كلهم وكان قاعد معاهم
وسام:شنو يامالك بكرا امك ماشية تخطبك
رودينة:يعني خلاص انت توا ضابط يعني
وسام:اكيد هذي
مالك:وقصدك ح تشتغل في المركز وهكي
وسام:امالا ح نشتغل في مطعم كباب؟شنو الاسئلة التافها هذي ياربي
عماد:وين طلع قرار تعيينك
وسام:طلع في سجن لكن بكرا ح ينقلوني في مديرية الامن
عماد:في مديرية الامن طول0_0
وسام:اها
رشا:هيا ياشباب العشاء جاهز
كان الجو العائلي جميل وردت اللمة من جديد والكل كان مبسوط يعني الاوضاع 100%
في نفس الوقت هذا كانت صوفيا قاعدة وتفكر
صوفيا:كل الي درتة ح يبانن عواقبة في الايام الجاية،عماد انا ح ندمرك بكل واخيرآ بعد تقريبآ شهرين من التفكير والتعب لقيت من وين ح نخش0_0هوا اليوم فرحان بكل واحد من خوتة ح يتزوج قريب وخوه الثاني تخرج بس جديات الفرحة مش ح تكمل بكل لأني انا قاعدة لأن صوفيا قاعدة عايشة
ورن تليفون صوفيا وكانت كالعادة مكالمة مجهولة
صوفيا:كنت توا ح نرن عليك.......اها فهمت عليك..........قصدي خلاص هانت اصبر شويا وقريب بكل ح يبدن معاه المشاكل..........انا تعبت واجد الفترة الي فاتت وانت عارف.........عارفه هذا بس.....خلاص اوكي اوكي
جاء الليل وكان وسام يبي يرقد خش عليه مالك
مالك:وسام وسام
وسام:كنك شن في
مالك:مش جايني نوم نوض العب معايا ببجي
وسام:ياراجل انت كنك تافه بكرا عندي شغل اطلع برا
مالك:والله انكم عائلة مفيهش جو باهي اسمع عادي ناخذ المسدس شويا
وسام:تي اطلع برا را نضربك بيه
مالك:هذا هبل ويديرها0_0
رشا وعماد مشا عليهم اليوم عادي بكل مفش اي جديد
جاء ثاني يوم وطلع الصبح تقريبآ كانت ساعة 7 الصبح
وسام اول واحد ناض وكان متحمس بكل بكل لبس وطلع شاف امة تقرا ي قرأن في الصالة
نزل وسام وباس يدها
وسام:نبي رضاكي ياست الحبايب
منال:انا راضية عليك ياوليدي ربي يوفقك ويفتحها في وجك وين ماتمشي
وسام:ادعيلي ياامي
منال:انا ح ندعيلك ديما بس ياوليدي انت توا مسؤول رد بالك تظلم حد ولا تقسي على حد حط بين عيونك ديما ان اي واحد عندة ام وعندة اهل
وسام:حاضر ياامي حاضر انا نبي نطلع توا
منال:بس مازال بدري
وسام:لا وين قصة اخلاء الطرف تبي وقت شويا
وطلع وسام.
خليني نقوللكم ان عماد ووسام ومالك ورودينة اكثر حاجة يحبوها في الدنيا هيا امهم وهيا فيها حنية كبيرة بكل
بعد ساعة هكي وزي كل يوم نزلت رشا ونزل معاها عماد
منال:ياوليدي راك تنسى الله يربحك
عماد:مش ناسي ياامي كل الي تبوه ح يجيبة معين
منال:اليوم ح نلبس العروسة ياوليدي جيبو طاقم حلو
عماد:مالك ح يمشي ومعاه معين متخافش
رودينة:واو ع اساس مالك ذوقة سمح يعني
عماد:معين معاه اكيد ومش ح يصير الا كل خير
منال:باهي ياوليدي وانت طالع خطم على محل التغليف استعجلة بالهداية
عماد:ههههههههه كنك ياامي مستعجلة انتي وبعدين انا مش فاضي الغبي الي قاعد راقد شويا وضروري ينوض يديرهن الحاجات هذينا انا مش فاضي عندي جامعة وعندي مستشفى
رشا:باهي باهي امشي انت وشويا واكيد ح ينوض مالك
رودينة:لا وين اكيد راقد على الفجر
وسام كمل كل حاجة ومشا على طول لعند محمود
محمود:تمام بكل انت من توا معايا انا بس
وسام:متبش تقولي شنو القضية الي ح نمسكها
محمود:متحمس من اول يوم انت باهي خش شوف مكتبك الاول
وسام:لا نبي نعرف الاول
محمود:تعال نمشو نشربوا قهوة في المكتب متاعك و ح نحكيلك عليها غادي
وسام:تمام
وخشو لمكتب وسام
محمود:تفضل قمعز على المكتب كنك
وسام:لا لقطة مش حلوة في حقك انت لواء وانا ضابط
محمود:غير قمعز انا عطيتك الامر خلاص
قمعز وسام وقدامة محمود
وسام:انا اعصابي خلاص ياريت تقولي
محمود:شوف ياوسام القضية الي عندي حاليآ تبي واحد هادي وشاطر واعصابة باردات بكل
وسام:باهي وانت عارف اني انا مش هكي بكل ليش تبي تعطيني قضية هكي
محمود:لأني عارفك هكي ضروري نعطيك حاجة عكسها عشان تكون مستعد لكل حاجة
وسام:باهي هيا شنو اصلآ
محمود:شوف هيا قضية مع شطارتك انت ح تكون ولا حاجة بس نبي نختبرك انا هل تقدر عليها ولالا
وسام:باهي قولي شنو هيا
محمود:شوف حاليآ مش ح نحكيها بتفاصيل القضية ان في شاب في الجامعة هيا نفسها الي يعطي فيها خوك وتقرا فيها اختك،الشاب هذا يهدد في بنات الناس بصورهن وهكي وفي بنت حاولت الانتحار بسبب الموضوع هذا
وسام:قضية ابتزاز يعني باهي ليش مانجيبو الشخص هذا هنا ونطلع منه جميع المعلومات بطريقتي
محمود:ماهو متكونش متسرع انت بس الشخص هذا مجهول الى الان ايميلات وهمية ومش معروف
وسام:باهي دقيقة معلش انت كيف عرفت ان الشخص هذا من الجامعة
محمود:شوف ياوسام بما ان البنات كلهن الي تعرضن للتهديد والابتزاز من الجامعة معناها اكيد هوا منهم وفيهم صاح ولا
وسام:باهي تمام تمام معاك كمل
محمود:ملف القضية وراك بالضبط تقدر تقراه
وسام فتح الملف وبدا يقرا
وفجأ رن تليفون محمود
محمود:الو حبيبتي اها تعالي انا قاعد هنا اسألي على مكتب الضابط وسام وتعالي هيا
وفجأ خشت وحدة قالت السلام عليكم
وسام شاف حاجة هكي خاشة يعني بسم الله مشاءالله بنت عيونها خضراء وبيضاء وهكي
وسام:وعليكم السلام
محمود:تعالي يابنتي قمعزي وسام نحب نعرفك هذي بنتي ندى محامية واستاذة في الجامعة نفسها في كلية القانون
وناض وسام وسلم عليها
وسام:اهلين بيك
ندى:ياهلا بيك
محمود:انتو الاثنين ح تشتغلو على القضية هذي ندى وسام حاليآ حكيتله على كل شي وهوا ح يكون معاك
ندى:تمام باهي
محمود:وسام اسمع من ندى شن ح تقولك وانا توا طالع عندي اجتماع ضروري
وسام:ماشي تمام
وطلع محمود وقعدوا بروحهم
ندى:شوف يااستاذ وسام القضية معقدة شويا وياريت تكون متفاهم معايا
وسام:معاك معاك
وبدو يدردشو ويحكو ووسام كان معجب بعيونها واجد
وسام:يعني معلش انتي هكي كـ استاذة وعندك مجموعة هل تشكي ان ممكن يكون الطلبة الي عندك
ندى:شوف منقدرش نقولك لأن البنات الي تعرضن للشي هذا مش بس من القانون لا من جميع الاقسام
وسام:قصدي هنا ياندى في احتمالات واجد،في احتمال ان يكونوا تشكيل عصابي مش بس من شخص واحد وفي احتمال ان البنات نفسهن دزن صورهن بـ رضاهن
ندى:والله هذي شغلتك انت مش شغلتي
وكملوا مع بعضهم طلعت ندى
وسام:ياحبيبي انا تخرجت وتعبت ونحساب روحي ح نمسك قضية دولة او قضية فساد سياسي او غسيل اموال،لقيت روحي في قضية رخيصة كيف هذي
عماد كان هوا وصوفيا اليوم عليهم ضغط كبير في المستشفى
مالك مشا مع معين وجابوا كل شي وكان كل شي قمة في الاناقة
ورشا من الصبح خذت لينا وسراج وحطتهم عند اهلها 
في الحوش كان الكل يجهز عشان خطبة مالك
رودينة:مالك هيا خوذ هذي بسرعة
منال:يارشا هيا كملتي لبس ولا مازال
رشا:هيا ياعمتي طلعت تعالي يافاطمة هيا
فاطمة:هيا حاضر تأخرنا بكل راهو
منال:هيا يابنتي
منبش نخش معاكم في تفاصيل انا شخصيآ منعرفهنش ومنعرفش شن يصير في الخطبة جوا
المهم بأختصار كانت خطبة سمحة بكل بكل ومنال لبست العروسة يارا وكان الكل مبسوط وفرحان ويغني والكل يبارك لـ يارا
كملت الخطبة على خير وسلامة وبعد اجواء بجد جميلة بكل طلعو الكل وكانوا مروحين
مالك معاه امة منال ورودينة وفي سيارة فاطمة معاها رشا بس
رشا:والله يافاطمة خايفة نعطلك على مراد
فاطمة:لا ليش تعطليني بعدين حوش اهلك قريب اهو
وصلت رشا وخشت جوا بسرعة
بيسان:احكيلي على الخطبة تعالي
رشا:مش وقتها توا فاطمة تستنى فيا برا عيب هيا طولت عليها عطيني سراج
وطلعو وروحو كلهم وكانوا يحكو على الخطبة وهكي
رودينة:والله نيالك يااخ مالك عروستك حلوة بجديات
مالك:احكولي احكولي تعالي يارشا
رشا:مفيش شن نحكولك اكيد ح ادزلك صورها يعني
منال:عماد وين
رشا:كلمني ياعمتي وقالي عندي عملية ضروري وممكن يطول
منال:باهي يابنات تعالن هيا نلمو الحوسة هذي الي سيبناها مبدري
مشت تقريبآ ساعة هكي ورشا ركبت فوق هيا وسراج ولينا
ركزوا في المشهد هذا لأن حساس ويبي شوية تركيز منكم0_0
رشا كانت في الدار وقاعدة على المراية تحول في الطاقم وهكي وفجأ سمعت باب الشقة فتح بالمفتاح واصكر
رشا:اكيد يالينو هذا بابا عماد تعال انا هنا
عماد خش وكان يمشي وكان جاي شور رشا
رشا تشوف في عماد جاي بس من المراية
رشا:تعال ياعماد ح نحكيلك كانت خطبة تهبل بكل بكل وعروسة طالعة تجنن
عماد كان يمشي وساكت بكل مقالش ولا حرف 
رشا:عماد كنك ساكت انت متسمعش فيا ولا شنو
جاء عماد من ورا رشا وحط يدة على كتفها وكانت عينة في عين رشا بس من المراية
عيون عماد هكي كأن فيهن دموع
رشا:عماد في حاجة؟
عماد:انتي طالق0_0
رشا:.......................0_0
انا وانتو:..............................0_0يتبع الحلقة التاسعة