جريمة صوفيا

الحلقة (4)

الحلقة الرابعة 4 من رواية جريمة صوفيا مؤلف القصة إبراهيم رشيد
في نهاية الحلقة في مفاجأ كبيرة بكل
قراءة ممتعة
وسام:اين مصنع هذا الي يجيبلك الثروة هذي كلها لا متضحكش على نفسك ياعماد الموضوع في علامة استفهام كبيرة بكل
عماد:انت قاعد تسرق في باتك وهوا في قبرة تي انت معش تحس ولا تفهم خلاص
رشا نزلت تجري بسرعة بكل وفتحت الباب وكانت تسمع في العركة بوضوح وسمعت كل كلمة من برا
ولكن فجأ تشوف قدامها تلقا منال طايحة على الارض وكأنها ميتة0_0
رشا طاح منها الي فيها يدها وعيطت بأعلا صوت
رشا:عمتي مناااااااال0_0
منال ام وسام وعماد من اول ماسمعت الكلام هذا كله انقهرت وحست ان الدنيا مظلمة في وجها
رودينة سمعت صوت رشا ونزلت تجري وبرضو وسام وعماد في نص مشكلتهم طلعو يجرو
عماد:امي امي
وسام:شن صار
رودينة:ماما ماما شنو في يارشا
رشا:مش عارفة مش عارفة انا جيت لقيتها هكي
وسام:عماد بسرعة ح تقعد اتفرج عليها بسرعة دير حاجة وناسي ان هوا دكتور اصلآ
عماد لما شاف منظر امة كان مرتبك بكل ومش عارف شنو يدير
عماد:رشا بسرعة امشي هاتي اي عطر وانتي يارودينة امشي هاتي الشنطة متاعي تي بسرعة
رودينة:هيا حاضر
وسام:يارب شن فيها امي ياعماد
عماد:امي امي تعال معايا ارفعها معايا نحطوها على سريرها جوا
حطوها بسرعة على السرير وبعد عماد كشف كلها وكلة تمام وفتحت عيونها شافت قدامها عماد ووسام ورشا ورودينة
رشا:عمتي الف الحمدالله على سلامتك
رودينة:خوفتيني عليك ياماما
عماد:الضغط كان عالي ياامي وهذا الي سببلك حالة الاغماء
وسام:كيف هكي حبة الضغط وين مش تاخذي فيها ياامي
عماد:شويا توا متكثروش عليها رودينة تعالي معايا للمطبخ ساعديني في كم حاجة نبي نديرها
وطلعو عماد ورودينة
رشا:عمتي دقيقه بس ونجيك صوت سراج يبكي لعند هنا
وطلعو كلهم وقعد وسام بروحة مع امه
وسام:امي سامحيني الي صار هذا كلة بسببي انا عارف
منال:حرام عليك ياوسام تتهم باتك الي رباك وكبرك وفوق من هكي انسان قاعد في دار الحق
وسام:انا مقلتش شي تي بس انا طلبت نفهم شنو الاسباب بس لا اكثر لا اقل
منال:وحرام عليك زعلت خوك منك هكي انا كان خاطري نعرف عليش ديما مختفلين واليوم عرفت السبب
وسام:سامحيني ياامي انتي اغلا حاجة في حياتي ومستحيل نزعلك مرة ثانية انا نحبك بكل وبلاك ولا حاجة خليك ديما جنبي
ومسك وسام يدها ونزل يبوس فيها ودمعته نزلت طول.

رودينة مع عماد
عماد:اطبخي هذا كويس ينزل الضغط بسرعة احسن من الدواء
وفجأ خش عليهم وسام
رودينة:شوف انت ووسام عندكم مشكلة حلوها برا الحوش ارجوكم الضغط يقتل وانت عارف الشي هذا
عماد:مش وقت الكلام هذا توا
رودينة:انت كل لما نحكي معاك تقولي مش وقته مش وقته امالا امتى تبيني ندوي معلش لما ماما تصيرلها حاجة كيف اليوم لا انا منسمحلكش بكل انت وهوا مش ساد خسرت بابا مش مستعدة نخسر حتى ماما بسببكم وانتو قاعدين زي الاعداء في الحوش شنو تبو انتو الاثنين بالضبط ماما يصيرلها حاجة ونقعد انا وحيدة عاجبكم هكي تي اصلا لو ماما صارلها انتو الاثنين متحبوش الا انفسكم ومش بعيد ترموني انا في الشارع اصلا
رودينة كانت تحكي في الكلام هذا وتبكي
وسام:هي هي في شن تدوي انتي يابنت
عماد:وسام سيبها تكمل ها شنو كملي احكي كل حاجة في خاطرك
رودينة:منبش شي منكم سيبو ماما في حالها بس انت وهوا شخصين الانانية عندكم مش طبيعية
وسام:قصدي انتي وين عايشة بالضبط عليش مكبرة القصة هكي معلش
رودينة طلعت من المطبخ ومشت لأمها تجري
عماد:عجبك الي صار اليوم
وسام:انت عمرك ماسمعتني وطول عمرك تبي الحياة تمشي على مزاجك انت
عماد:وين طالع
وسام:عندي مشوار ضروري رد بالك من امك
جت رشا وقابلها وسام وهوا طالع
رشا:وين ماشي وسام ياعماد
عماد:منش عارف في ستين الف داهية
رشا:ياربي منكم وخلاص عليك نكد عايشين فيه بسببكم
عماد:بالله عليك يارشا مش ناقص
رشا:انا سمعت كل كلمة والحق عليك انت
عماد:عليا انا؟
رشا:اها لأنك انت الكبير وقاعد كل يوم تخسر في خوك مهما صار ومهما قال انت الي خاسر في النهاية
عماد:انا من رأيي تسكتي خير تمام
رشا:توا كلامي انا قعد مش عاجبك ولا كيف