جريمة صوفيا

الحلقة (8)

الحلقة الثامنة 8 من رواية #جريمة_صوفيا مؤلف القصة انا #إبراهيم_رشيد
قراءة ممتعة
وصلنا في الحلقة الماضية إلى عماد وفاطمة واتفقو يتلاقو في وقت متأخر
عماد:يااهلا يالدفعة وين الاناقة هذي اليوم
فاطمة:قمعز ياعماد مش وقت الكلام هذا انا لازم نقولك حاجة ضرورية بكل
عماد:شن في كنك شغلتيني
فاطمة:نبيك تمسك اعصابك بس الموضوع يخص رشا
عماد:احكي يافاطمة كنها رشا قولي 
فاطمة:بصراحة رشا اتعالج نفسيآ عندي0_0
عماد تغيرن ملامح وجة في ثانية وحدة
عماد:نعم في شنو تحكي انتي؟
فاطمة:الي سمعتة ياعماد هكي صار
عماد:رشا منو هذي معلش فاطمة عاودي من الاول لأني انا مفهمتش حرف
فاطمة:عماد رشا زوجتك اتعالج عندي نفسيآ 
عماد:رشا مراتي اتعالج نفسيآ تي ليش كنها
فاطمة:اهدا بس وهدي اعصابك عشان نعرف كيف نحكيلك الموضوع
عماد:تي شن اهدا هذي احكي بسرعة واقسم بالله قريب ننفجر
فاطمة:رشا ياعماد نفسيآ تعبانة ومنهارة والشي هذا اجبرها اتعالج نفسيآ
عماد:وليش كنها هيا مثلآ انا مش منقص عليها حاجة
فاطمة:ماهو انتو الرجالة هكي تحسابوا الموضوع مادي وخلاص لا يامادي وسع بالك وركز شويا انت انسان متعلم ومتفاهم
عماد:باهي باهي كملي شن يعني تي انا انصدمت بالموضوع ومش عارف روحي في شنو نقول
فاطمة:عماد الزوجة تحتاج لـ حب لـ اهتمام الانثى تحب تحس انها هيا كل حياتك صدقني ياعماد انت مهما تكون تحساب روحي قريب من رشا بس انت بعيد كل البعد
عماد:باهي شن ندير انتي عارفة طبيعة شغلي جامعة على مستشفى وعمليات
فاطمة:الحكاية كلها مش هكي ورشا لما تحكيلي مش هكي بالعكس اتمنالك كل النجاح يعني انت مش محسسها ابدآ انك ترايف عليها ابدآ ولا حتى تقوللها استاحشتك جاوبني في حياتك كلها عمرك قلتها
عماد:الحق لا
فاطمة:به تعال قولي عمرك جيت وخشيت عليها حتى بـ باقة ورد ولا يوم عيد الحب خذيتلها هدية
عماد:انتي صدقتي بس انا مكنتش نحساب التفاصيل هذينا يوصلنها للحالة هذي
فاطمة:رد بالك يكون تفكيرك سطحي رشا مش متخلفة ولا مجنونة بالعكس بكل اي حد فينا محتاج يكون في حد يحكيلة
عماد:فاهم عليك بس واقسم بالله مكنتش نحساب روحي زوج سيء للدرجة هذي
فاطمة:مش هكي ياسراج انت ممكن الشغل خذاك بس مازال في فرصة قرب منها وحسسها انك سند وانك معاها ديما حتى لو انت بعيد
عماد:تي باهي فهميني شن ندير انتي عارفة هوا يوم واحد عطلة ونقعد نستنى فيه بفارغ الصبر
فاطمة:انت من يومك غبي وتحب العناد من ايام الكلية هكي
عماد:تي قصدي بالجو انا مش من النوع الي معيشها في جحيم حسيتها مأوفرة تي انا مش زي ....لا حول ولا قوة الا بالله
فاطمة:كمل عليش وقفت احكي وقول انك مش كيف كمال طليقي الي كان يضرب فيا ومعيشني في جحيم
عماد:فاطمة ارجوك سامحيني مش بقصدي بكل
فاطمة:تي عادي ع اساس حاجة جديدة هيا
عماد:المهم فكينا من سيرتة هذي
فاطمة:كمل عليش وقفت احكي وقول انك مش كيف كمال طليقي الي كان يضرب فيا ومعيشني في جحيم
عماد:فاطمة ارجوك سامحيني مش بقصدي بكل
فاطمة:تي عادي ع اساس حاجة جديدة هيا
عماد:المهم فكينا من سيرتة هذي
فاطمة:الحكاية مش حكاية بعد ولا لا ممكن انت تكون بعيد عليها اليوم كله لكن لما تروح تسمعها كم كلمة سمحة او في الريست متاعك ترن تطمن عليها حاجات هكي يعني،تي انت شوف من زمان بكل رشا مركبتش معاك في السيارة وطلعتو هكي كـ عائلة
عماد:انتي صدقتي وفهمت عليك وفعلآ تقريبآ مرات معدودة طلعت انا ورشا
جاء الغارسون للطاولة
فاطمة:انا نبي ناكل جعانة بكل شن تبي يامادي
عماد:معندش نية بكل
فاطمة:لا مايصير شي اكيد مازلت ماكليت توا نطلب على ذوقي
نمشو مع بعضنا لـ رشا الي كانت على السرير وراقد جنبها سراج
رشا:مش عارفة شن نقول ولا شن ندير خايفة نكون ظلمتك ياماما لما اخترت لكي الاسم هذا خايفة في يوم لما تكبر تعرف كل حاجة ومش ح تسامحني وقتها،انا بجد مرايفة واجد على سراج
سراج في الوقت هذا صكر المحل وركب في السيارة وقعد يذكر في كلمة قالها هوا ورشا
سراج:الله ياتامر حسني فعلآ صدقت في الاغنية هذي
سراج:وعارف كل ما احاول ابطل احن ليك
قلبي يقوم واجعني تاني عليك وايامنا اللي واحشاني هيا دي اللي قاتلاني
مش عارف اعمل ايه انا نفسي نرجع تاني نرجع ومتسبنيش
كل حاجة فيك وحشاني ولا عارف بعدك اعيش
طب اقولك حاجة تاعباني من يومها وانا في مكاني وانت اللي مبتجيش
يرضيك تكون في حضن تاني،نَفَسِي نُرْجَع تَأْنِي نُرْجَع ومتسبنيش كُلّ حاجَة فِيكَ وَحَشّانِي وَلا عارِف بُعْدكَ أُعَيِّش
طِبّ أَقُولكَ حاجَة تاعباني مَن يَوْمها وَأَنا ڤِي مَكانَيْيَ وَأَنْتِ اللَيّ مبتجيش
اسمعو الاغنية هذي في احساس قوي بكل وتعبر بجديات على سراج
نردوا شويا لـ فاطمة وعماد
فاطمة:والله فعلآ الاكل هذا نعمة الحمدالله رب العالمين
عماد:صحة
فاطمة:انت مكليتش حاجة بكل
عماد:والله شويا اهو كليت
فاطمة:نطلبو قهوة ولا نمشو
عماد:لا خلينا نمشو
وطلعو عماد وفاطمة وصبو جنب سياراتهم
فاطمة:شوف ياعماد راهو الي درتة انا اليوم يعتبر جريمة في الطب النفسي ونتحاسب عليها انا اني نفضح مريض عندي بس والله انا نبيكم تصلحو من علاقتكم واقسم بالله انت كيف خويا واعز ورشا صديقتي انا مسعتدة نخون الامانة عشانكم
عماد:انتي انسانة مفش منك يافاطمة وصديقة وغالية على قلبي واجد وصديقة الجامعة ورفيقة الدرب
فاطمة:وانا مستحيل ننسى مواقفك معايا وكيف منعت كمال من حاجات واجد
عماد:فاطمة انا وانتي قعدنا بعاد من بعضنا واجد وممكن من بعد اليوم مش ح نشوفك الا بعد اسبوع من الرغم ان في نفس المستشفى بس مفش حد فاضي المهم تستحقي اي حاجة انا موجود
فاطمة:اكيد هذي غصبآ عنك بتكون موجود هيا توا امشي تريح وبيناتنا عاد لقاء
عماد:تمام تصبحي على خير
ركب عماد في سيارتة ومشا
فاطمة:والله زعلانة من روحي واجد واقسم بالله اول مرة نخون الامانة حاسة روحي خنت صاحبتي،بس انا والله نيتي صافية ونبي بس مصلحتهم انا متأكدة اليوم عماد ح يتغير
عماد كان يسوق ويفكر ويحكي بروحة
عماد:كلام فاطمة كلة صاح انا بعيد على رشا واجد والله ليا زمان ماحضنتها واضني ماعمري قلتلها انحبك،انا وهيا مش مقربين من بعضنا من الرغم ان في بيناتنا عيال لكن غلطت في حاجات واجد ماعمري ماحسستها اني مدلعها ونحبها قصرت واجد ياعماد وغلطت صاح انا رشا مش مثلآ نموت عليها ونحبها واجد واجوزتها تقليدي في تقليدي لكن والله نعزها ونحترمها هيا ام عيالي وفوق هكي مخلصة ليا وتحترم فيا حتى لو مكانتش تحبني بس نحاول نحببها فيا في حب يجي من بعد الزواج،تأخرت واجد ياعماد لكن خلاص من بكرا ان شاءالله الي فات مات خلاص
وصل عماد طبعآ متأخر بكل تقريبآ كانت الساعة بعد الـ 1
خش عماد للحوش وشاف رشا راقدة وفي جنبها سراج وكان راقد
عماد قرب منهم وخذا من سراج بوسة وبرضو من رشا بوسة وخذا سراج وحطة في السرير متاعه وجاء جنب رشا
رشا كان من النوعية الي شعرها طويل بكل
وقعد حاط يدة على شعرها وغطاها بالبطانية واجواء رومانسية وهكي
عماد:عمري ماقتلك شعرك سمح وعاجبني مع ان والله عاجبني بكل ونحبة فعلآ انا مقصر مقصر بكل بكل
قعد عماد جنبها شويا وبعدين فتح الفيس وبدا يتصفح شويا وفجأ طلعلة منشور
كان مكتوب فوق علق Rasha Hassen على هذا المنشور
بالصدفة كان سؤال عام منشور مكتوب فيه هل تفضل الزواج عن حب ام تقليدي
وكان تعليق رشا
رشا:بصراحة زواج عن حب لأن التقليدي صعب جدآ جدآ
الكلمتين هذينا عماد انقهر منهن واجد بكل ومشا عليه يوم سيء جدآ
طلعت الشمس وجاء ثاني يوم وكانت عطلة
رشا ديما متعودة تنوض اول وحدة في الحوش لكن هالمرة فتحت عيونها شافت عماد مش جنبها وهكي تسمع في حركة في المطبخ
رشا ناضت من السرير وقعدت تمشي شافت عماد في المطبخ ومعاه لينا ومداير سفرة فطور خيال بكل
رشا هكي استغربت وانصدمت
رشا:عماد؟
عماد:صباح الخير يااجمل عيون في الكون
رشا:شنو هذا كلة
عماد:هذا لكي انتي وعشانك انتي بس
رشا:بس نحنا متعودين ننزلو نفطروا مع عمتي هيا هكي ح تزعل
عماد:لالا امي متزعلش ولو فطرت مع مراتي يوم بس بروحنا شن فيها
رشا:ماشي عادي الي تبيه
عماد:هيا قمعزي خليني نجيب العصير
رشا هكي قمعزت على السفرة ومستغربة بجديات عماد عمرة ماعاملها هكي بكل
عماد:وهذا الاومليت الي تحبيه هيا خوذي من يدي
رشا:باهي حاضر
عماد:شنو عجبك باهي
رشا:يهبل بكل
عماد:لا بس انتي احلا من كل حاجة
الحق هيا رشا كانت بنت فارهة في الجمال وكانت وين ماتمشي تكون محطة انظار للجميع يعني خليني نقوللكم عماد حرام فيه رشا ههههههه
بعد جلسة رومانسية كملو الفطور ورشا مسكت الصحون تبي تشيل مع عماد
عماد:لالالا اليوم انا حالف انك مش ح تلمسي شي امشي قمعزي في الصالة لين نجي ونجيب القهوة ونشربوها مع بعضنا
رشا:بس كيف ح ادير هذا كلة
عماد:لالالا بعد سريع ح نحطهن في الغسالة ولينو تساعدني
مشت رشا وفتحت الستارة وشافت الشارع كان فاضي تمامآ
رشا:ياربي الراجل هذا كنه اليوم؟واخذ حاجة ولا شنو شارب بالضبط
فعلآ رشا معش فهمت شي كان انسان ثاني قدامها مش عماد بكل
بعد ربع ساعة جاء عماد ومعاه القهوة
عماد:هذي قهوتك انتي يارشرش
رشا:شكرآ بس ليش داير قهوتك هكي شكلها مره
عماد:انتي عارفتيني نشرب فيها هكي بعدين انا قاعد جنبي العسل والسكر كل لما نحس بالمرار ناكل منهم شويا
رشا:ههههههه به من فينا العسل ومن السكر انا ولينو
عماد:لينو العسل والسكر مع بعضهن
رشا:والله؟؟؟
عماد:بس انتي السكر المحلي المحطوط على كريمة انتي في مكان بروحك بكل
رشا كانت مرتبكة بكل بكل بكل اول مرة بجد عماد يعاملها هكي وكانت مش فاهمة شي
رشا:عماد متهبلنش انت شن فيك اليوم واخذ حاجة
عماد:هههه كنك مستغربة يعني
رشا قلبها دق بسرعة وقبل طلع من مكانة
رشا:والله اسفة بس انا متوترة بكل بكل نستأذنك دقيقة نبي نصلي الصبح
عماد:هههههه باهي تمام
عماد كان يحكي مع لينا
عماد:والله فعلآ انا واحد مغفل يالينو امك مش ناقصها شي وحدة محترمة وسمحة ومن الاخير انا ليا زمان ماركزت فيها يالينو امك رايحة زايدة سماحة وجسمها قاعد سمح0_0ههههههه معقولة ياعماد عندك هذا كلة وقاعد متجاهل هكي واو يالينو باتك هذا اغبى انسان في العالم ايام وسنين مشن وانا عمري ماحسستها اني معاها اصلآ
رودينة كانت تحت ومع امها
رودينة:غريب اليوم وين رشا شغلتني عليها
منال:اكيد مافي شي يعني
رودينة:خليني نرن عليها
منال:لا يابنتي اليوم عطلة واكيد مش حابين يطلعو من الحوش وبعدين عماد ميشوفش فيهم بكل فرصة اليوم
رودينة:هوا صاح كلامك
بعد شويا جت رشا ومعاها سراج
عماد:اهلين يابطل صباح الخير هاتيه نبيه
وخذا سراج من رشا
رشا:شفت كيف كلهم يقولو يشبهلك
عماد:هوا صاح التشبيه قوي بكل حتى نفس صورتي وانا صغير
رشا:تصدق ماعمري شفتك وانت صغير
عماد:معقولة
رشا:والله
عماد:توا الصور عند امي تحت شويا وننزل نجيبهن لكي
رشا:لا متعبش روحك
عماد:تصدقي حتى انا ماعمري شفتك وانتي صغيرة
رشا:ههههه معقولة
عماد:اها توا غير ركزت قوليلي بس كنتي سمحة ولالا
رشا:والله كنت خيال وسمحة وشعري اصفر مش عارف كبرت شن صار
عماد:لا بس حتى هكي نعاليا بكل
رشا:استنى عندي صور خليني نوريك
عماد:تمام وين
وفتحت رشا الصور وكان جديات اول مرة يقربو من بعضهم هكي 
رشا:ها شنو رايك هذي وانا بيبي بكل وهذي 3 سنين 
عماد:والله عسل بكل نعاليا وخلاص بس حرام عليك توا احلا بواجد
رشا:بس الشكل يختلف واجد
عماد:لا عادي بعدين لينو فيها منك استني خليني ننزل نجيب صورنا ونحنا صغار
رشا:توا تبي تنزل؟
عماد:اها متخافش مش ح نتأخر عليك
ونزل عماد تحت.
رودينة:ياربي تقريبآ اول مرة من فترة نشوفك لابس توته قبل ديما بدلة
عماد:مش وقت الحناطة ع الصبح وين امك
منال:صباح الخير عماد
عماد:خير ياست الحبايب
منال:كيف حالكم وين رشا
عماد:قاعدة غير اليوم عطلة وفي شوية تعب امي نبي نسألك وين صوري وانا صغير
منال:موجودات بس شن تبي فيهن في هالوقت
عماد:لا غير رشا مش شايفتني
رودينة:ههههههه والنبي ياماما استري ع الفضائح
عماد:يعني شنو ياحيوانة انا كنت شين مثلآ
رودينة:ههههه كنت شين بكل اخرى بس توا نعاليا طول وعرض وشعر ولحية يااخواتي قمر
عماد:عليك بنت حانطة-_-
منال:اسكتي انتي الله يربحة عماد اكثر واحد كان مريحني فيكم
عماد:اسمعي الكلام السمح،امي خذيتي دواء الضغط اليوم
منال:كمل ياعماد امس
عماد:كيف كمل خليني نركب نجيب المفتاح ونمشي
منال:لالا خليك اصلآ هوا موعدة بعدين بكل
عماد:باهي توا نجيبه بعدين هيا ياامي عطيني
وخذا عماد الصور وركب يجري لـ رشا
وقعدت تشوف في صورة وكملت غير القعدة ضحك وخلاص تقريبآ ساعة كاملة
رشا:هيا لينو بما ان بابا اليوم قال مش ح ننزلو تحت خلينا نشوفو المطبخ ونديروا غداء
عماد:منو هذا الي يبي يدير غداء مفش
رشا:شن ح ناكلو به
عماد:انتي شن تحبي
رشا:لا انت قول
عماد:منش عارف على رايك انتي تحبي نطلعو برا او نطلبو دليفري الي تحبيه
رشا:عادي ياعماد انا الي تحبه انت
عماد:باهي شن رايك نطلبو دليفري وبعدين نطلعو بالمرة ونشيلو لينو للملاهي
رشا:عادي حتى هكي حلو بكل
عماد:باهي شن نطلبو
رشا:انا بصراحة خاطري في بيتزاء
عماد:من عيوني ياعيوني
رشا كانت جديات منبهرة بعماد جدآ ومعجبة بيه لأول مرة تكتشف ان عماد هكي
مشا الوقت بسرعة بكل وكان الجو خيال بكل
لين جت تقريبآ ساعة 5 العشية
كانت رشا تلبس وبعدين لبست لينا وسراج
وعماد برضو كان انيق بكل ولابس لبسة كاجول سمحة
رشا:هههه اول مرة نشوفك لابس كاجول او سروال هكي
عماد:اوو والله حتى انا مليت يارشا من البالطو او الكلاسيكي،نعاليا منك ياسيرجيو انت انيق بكل اليوم
رشا:حتى لينو
عماد:لا هذي اميرتي
وخذاها عماد وشالها
عماد:هيا نصورو مع بعضنا كلنا تقريبآ معندش ولا صورة مع بعضنا
رشا:صدقت هيا
وبدو عاد تصوير سيليفات ويصورو على المراية وكانو طالعين خيال بكل
فعلآ هذي اول مرة يصورو مع بعضهم بعد سنوات
تخيلو معايا لو كان عماد من البداية هكي مع رشا را والله نساها كل شي في فترة قصيرة بكل
عماد:رشا تعرفي انا نسيت حاجة ضروري نطلع نجيب دواء ضغط لأمي
رشا:امشي هيا ورد بيه ونحنا نستنوك عادي
عماد:تمام ربع ساعة بس
وطلع عماد ومشا للصيدلة ورد للحوش
عماد:هذا الدواء ياامي تمام
منال:الله يربحك ويفتحها في وجك ياوليدي
وطلع عماد وكان راكب للشقة بس فجأ قبل مايوصل رن تليفونة وكان رقم غريب
عماد:الو
الممرضة:دكتور عماد انا نكلم فيك من المستشفى كنت المساعدة متاعك امس في العملية
عماد:شن في ؟
الممرضة:كارثة يادكتور كارثة كبيرة
عماد:تي شنو احكي شغلتيني
الممرضة:المريض الي امس درتله عملية ناض من البنج وقاعد يصرخ قريب يموت من الوجع
عماد:شنو شنو تحكي وجع شنو هذا وين مكانة
الممرضة:في مكان العملية مكان البلاتين بالضبط
عماد:استغفر الله العظيم خذا مسكن باهي
الممرضة:خذا بس مفش فايدة ارجوك انت لازم تجي ضروري
عماد:باهي باهي طلعت مسافة الطريق بس
وصكرو الخط وركب عماد للسيارة وطلع يجري
رشا حست ان طول وتأخر بكل وهما لابسين ورنت عليه
عماد:رشا اسف جدآ والله كلموني من المستشفى المريض الي درتلة عملية امس مش عارف كنه
رشا:اهدا بس خلاص امشي شوف شغلك ونحنا متاكلش همنا
عماد:حـ نحاول نكمل بدري ونجيكم
رشا:تمام
وصكرو الخط
رشا:والله ماعندي نيه في شي اللحظات الجميلة يكملو بسرعة هيا نغيرو لبسنا بابا مش جاي اليوم
وخش عماد بسرعة وكان في خلل بسيط بس مش معناها انها عملية فاشلة بالعكس بكل ممكن كانت قصة عدم توفيق بس
كمل عماد شغلة وشاف الساعة لقاها ساعه8 الليل
الممرضة:ح تطلع يادكتور ولا قاعد
عماد:ماعندي وين نطلع ماهو خلاص كل شي خرب
الممرضة:في حالة كلمنا الاسعاف جاية بعد 10 دقائق تشوفها انت او يشوفها الدكتور المناوب
عماد:لا نشوفها انا اكيد خلاص مش طالع قاعد توا نستناها
وخش عماد للمكتب وكان زعلان بكل
فتح تليفونة ورن على معين
عماد:الو ياحبي
معين:خير ياغالي
عماد:شنجوك
معين:والله تمام كيف حالك انت
عماد:انا في المستشفى والله رديت على العملية امس كان فيها شوية مشاكل بس توا تمام
معين:باهي كويس تمام
عماد:نبي منك خدمة ضروري
معين:عيوني لكي
عماد:نبي خاتم ذهب ضروري واليوم شوف محل صاحبك يامعين ضروري ضروري
معين:تبيه لـ رشا
عماد:تي اكيد امالا جايبة لخالتك
معين:ههههه باهي ندبرولك ساهل
عماد:بالله عليك اليوم ضروري
معين:تي توا هالوقت طالع
عماد:سامحني والله طلعتك في يوم عطلتك
معين:لا عيب مش بيناتنا خليك واتس بس توا نصور وندزلك
عماد:تمام تمام في انتظارك
وبعد تقريبآ ساعة قعد معين يدز ويدز لين اختار عماد واحد
معين:تمام مسافة الطريق ونجيك في المستشفى
وبعد شويا جاء معين
معين:تفضل ياغالي
عماد:سامحني تعبتك معايا
معين:لا عيب ولا يهمك بس غريب طلبك اليوم
عماد:ياراجل والله اليوم قبل نبي نطلع مع رشا ولبست وكانت جاهزة يرنو عليا من هنا لخبطو كل حاجة واكيد توا هيا زعلانة قلت نراضيها
معين:اوو حرام كان هكي صدقت معناها انا خليني نمشي ياصديق هذا الخاتم معاك عندي كم مشوار توا
عماد:تمام استنى نعطيك حقة
معين:بعدين بعدين
عماد:تم
عماد مسكين طبعآ قعد يعاني ويعاني والوقت مشا بسرعة وشاف الساعة لقاها 11
عماد:لنقنه خلاص نبي نروح

888888888
وطلع وولع سيارتة ومشا للحوش
فتح باب الشقة وكانت الوضع هدوء وواضح ان لينا وسراج راقدين
خش للدار وشاف رشا مولعة بس ضي الاباجورة وتقرا في كتاب
عماد:اهلا ياحبي
رشا:اهلين
عماد جاء جنبها
عماد:سامحيني واجد بكل بكل بكل بكل بكل والله اليوم كنت نبيه بس معاك بس شفتي الظروف
رشا:ولا يهمك كل حد وظروفة طمني على المريض
عماد:لا كويس توا تمام
وفتح عماد الخاتم قدامها
عماد:هذا لكي
رشا:نعاليا والله يجنن بكل بكل حرام ليش كلفت روحك انا مش زعلانة
عماد:مش هكي بس اليوم صارت لقطة مش حلوة معاك تعالي انلبسة لكي
ولبست رشا الخاتم وكانت فرحانة بيه بكل
عماد بدا يقرب من رشا
عماد:انا خاطري نحضنك
رشا كانت مستغربة وفي نفس الوقت متحشمة بكل بكل
وقرب عماد وحضنها بالقوة تقريبآ لأول مرة
عماد:انا خاطري نسمع كلمة منك ياريت
رشا:شنو هيا
عماد:خاطري نسمع كلمة نحبك ياعماد منك
رشا:ضروري يعني0_0
عماد:ضروري بكل بكل بكل
عماد كان ماسك يد رشا وعينه في عينها
عماد:تي هيا قوليها
رشا ردت حضناته بالقوة
رشا:نحبك ياسراج نحبك واجد بكل ياسراج
عماد:....................0_0
رشا:.....................0_0يتبع الحلقة التاسعة