تقريبا اتأقلمت لروتين حياتي الجديد اكرم بمش الصباح وبجي قريب للمغرب مرات زمن الضهر بجي يشرب قهوة ومرات بقول لي مشغول م بقدر اجي بتصل علي او يرسل لي رساله بقضي الصباح في بيتي لحدي م امجد وعمي يطلعو الشغل حتي بمش ليهم بهناك بنتساعد انا واناس في شغل البيت مصاريفي اكرم بديني ليها كنت بمش السوق مع اناس ونتفق عايزين نعمل شنو ونتشارك في البدايه م ف اي مشكله في النظام دا من باب الزوق اي واحدة بطلع بدون حساب مرات هي بتدفع اكتر وانا شايفه دا طبيعي هي عندها شفع ووجبتهم بتكون اكتر بس لما رمضان جا والنظام اتغير عشااء وسحور والامور جاطت شويه شوية بقت في مبادئ مشاكل تظهر التلاجة في بيتها هي واكرم في رمضان بشتغل بالليل اكتر شي وبجي الساعه 2 عايز عشا وانا بكون مضطرة امش بهناك واجهز الاكل وهي بتعشي اولادا وبنومو بدري نحن م بنصحي للاكل زمن السحور بالكتير بجيب ليهو عصير او فواكه بديت احس بالضيق من كل مرة انا شايله المفتاح ماشه ليهم والوضع م بسمح اكلم اكرم م اي مشكلة انا كمان اقوم احكي ليهو في مرة بعد جينا انا واكرام من التروايح لقيتهم ختو العشا قلت ليها انتو بتتعشو بدريوانتو بتساهرو😹اكرم شغلو بالليل عشان كدا بضطر انتظرو يجي مجد قال ليها خلاص انتو اعملو حاجة واحدة اي زول ياكل في الوقت البريحو طلعو التلاجة ختوها في المطبخ وانتي ي اسراء شيلي المفتاح معاك وقت م اكرم جا تجي تجهزي ليهو اكلو وختي المفتاح عشان زمن السحور م تضطري تصحي وتجيبي ليهم عمتي قالت ليهو والله بقيت تفكر ي مجد😹😹دا كلامك ولدك معلم ياخ حسيت انو الاقتراح م عجبا بس وافقت عليهو وبي كدا دي مشكله بسيطة اتحلت بس،بقولو المشاكل لاتأتي فرادة💔كل م نحل مشكلة تطلع مشكله جديدة عدينا نص رمضان م قدرت امش بيتنا ولا طلعت مكان اصلا كل يوم بفطر معاهم حتي جاراتي قالو لي بنجي نفطر معاك بس،لما جوني م استمتعت ولا حسيت انهم جو لي انا بيتي دا حاساهو ملجأ للنوم بس م فيهو شي كدا يحسسني انو بيت😪التلفزيون بهناك، التلاجة هناك الضيوف البجوني بنستقبلهم بهناك😪بكون مضطرة اصبح عليهم واقعد النهار كلو معاهم الحسنة الوحيدة انو لسة بجيبو لينا الشاي هناك اقلاها بلقي وقت اقعد انا واكرم شوية مشيت لناس امي عديت معاهم تلاته يوم ومنها كنا عاملين فطور جماعي ولمة كدا لانو احمد وسهي جو من السفر استمتعنا مع ناس مزدلفه والااء عزمت ناس اناس بس كان اياد عيان م قدرت تجي جات اكرام وبعد التروايح جا اكرم ساقا انا عديت يومين مع ناس امي وتاني رجعت بالليل طلعنا سرير واحد في الحوش اصلا بنرقد جوة بس الكهربا قطعت والجو سخن شويه قال لي خلاص نطلع سرير برة لحدي الكهربا تجي راقدة وبعاين في النجوم اتجه علي وقال لي سرو انتي مبسوطة؟اكيد ليه السؤالليه م حاسي بي كداكيفبعرف الحياة الحاليا عايشاها دي مختلفه تماما عن حياتك في بيتكم وانا قاعد احاول بي كل جهدي اني م احوجك لشي بس لسه م عملت شي اقلاها مطبخ م عندك والتلفزيون دا موضوعو عامل لي عقدة عديل مفروضحبيبي بسيطة ماكلين وشاربين والتلفزيون حاجة كمالية م زايد اهمية شديد عندي انت بتونسني وبتفرق عني ممكن نحتاج ليهم بس م معناها تشغل بالك بالموضوع وقت م ربنا سهل بتجي الحاجات التانية اوك انسي اهم شي انك معايبسبدون بس استمتع بالجو الحلو اسي لو الكهربا شغاله وفي تلفزيون م كان قعدنا القعدة الحلوة دي😉🙊باسني في خدي مسافة قال لي دي لانك احلي بت في حياتي🌚شنوووو😹😹بليز م تبدي تنكدي علي الجو حلو حمرت ليهو مسافه تلفوني رن قال لي شوفي موبايلكدي الاء جراهو قال لي م بتردي ليها والله دا وقتي انا😹😹حرام عليك بكون الموضوع مهم اديني ارد ليهاانا بمسكو ليك وتتكلمي معاها دقيقه واحدة بس طيب فتح الاسبيكر وماسك لي التلفون قالت لي سجم جادعه الزفت دا وينفي حضني والله😳منوالتلفون ي حيوانة😂😂لالا م اظن🌚عايزة مني شنو الساعه 12وممنوع اتصل ليك الساعه 12اختصريكنت عايزة اقول ليك حاجة مهمة بس شكلك م فاضيه لي يلاحيوانة انتي ولاشنو بالضبط، كدااقفلي مني طيبطيب وقفلت طوالي اسي صحبتك دي مالا فاكة منها😹😹بكون ابت توريني اتصلت ليهانسيها كنا بنعمل في شنوولاشي بابهامو والسبابه ضغط،علي غمازاتي مسافه مالك ياخ اقعد ساياخخ من النونات😹😹اديك ليهملالا حلوين عند ستهم بساكرمحقتوبحبكوالزول البحب زول بيعمل ليهو شنو شنوانا بسالك تساليني سودانية انتي ولاشنو😹😹لالا كورية🌚اخخخ مالك علي قلبي كنت بحلم اعرس كورية ياخاحلم احلم🌚دنقر باسني في جبيني وقال لي انتي كنتي اكبر احلامي وانا حققتها خلاصغلبني ارد ليهو فضلت اعاين ليهو بس«لاتضيع ابدا فرصه تستطيع فيها اخبار شريك حياتك انك تحبه 💙»
يتبع.....
