بعد مشكلتي مع إكرام أكرم براو حسا إنو موضوع المطبخ المشترك دا م ظابط 😹واتناقش،مع اهلو وحسب انو البيت ضيق وبنيان مطبخ حيكلف قال ح يأجر بيت كلم صحبو قال ليهو طيب عندي اخوي مشي مصر مع مرتو حيطولو موضوع علاج حياخد فترة انت تعال اقعد بدل البيت يكون فاضي لانو كانو عايزيني انا اقعد احرسو وبعد يقربو يجو ح اشوف ليك بيت. مشو شافو البيت وكلم اهلو كانو معترضين خاصة إناس طبعا لانها بقت مرتاحة من أنا جيت م عايزاني أمش حاولت تقنعني قلت ليها أنا م بقدر أكرم هو الح يتخذ القرار أنا م علي الا أطيعو براو قال نطلع أنا لا قلت ليهو لا شكيت ليهو الموهيم رحلنا البيت كان ظابط ومريح جا صاحب اكرم رفع الاثاثات وقال لينا خلو الهول مفروش كدا علشان الجلسة والشاشة ديل زاتو لو رفعتهم ممكن يتكسرو أكرم قال ليهو خلاص خليهم سرو دي مرتبة حتحافظ،ليك عليهم 💜التقديم نتيجتو طلعت شالوني تمريض في الخرطوم 😻💙 البيت في الدروشاب هو صاح بعيد من بيت اهلو وبيت اهلي بس علي الاقل نحن كدا ماخدين راحتنا علي الاخر حتي لو المصاريف حتزيد وغير موضوع الجامعة الماحسبنا ليهو حساب دا بس الراحة م عندها تمن في البداية كنت بخاف يخليني براي بس شويه شوية اتعودت هو صاح م بيتنا بس مبسوطين فيهو ممشين امورنا بالبساطة دي ماواجهتنا مشاكل لحد م عيد الاضحي قرب وبقا يفكر في موضوع العيد طيب بما انو هو قادر واتزوج ولا كمان فصل بيتو مفروض يضحي زيو زي اي راجل ماسك بيتو حسيت اانو الموضوع مأزمو وماخد كل تفكيرو هو كان ماري بظروف صعبه شوية كان محرج شديد وبقدر الامكان حاول يصمد حق الخروف خاصه انو هو حساس شديد من الناحية دي دايما بحاول يثبت لي مسؤليتو في اصغر الامور يوم الوقفه بالليل اتٲخر شديد وقلقني عليهو شديد اتصلت عليهو رد لي باختصار انو مشغول من نبرة صوتو حسيتو مضايق قلت ليهو تعال وسيب كل شي في يدك بي نبرة م عهدتها منو قال لي ياخ م بقدر مشغول مش انتي كويسة ¿زعلت قفلت منو ورسلت ليهو رساله حنوم وح اخلي ليك الباب فاتح رجع لي قال لي خلاص نص ساعه بكون عندك م تنومي انا نضفت ورتبت كل شي جهزت العشا وانتظرتو اول م جا م اتكلمت معاهو عملت فيها زعلانة انتبه لي وبقا يسالني مالي والحاصل علي شنو من متين وانا بنوم قبل يرجع طنشتو مشيت جهزت العشا وجبت ليهو موية عشان يغسل كان ظاهر من اثار يدو انو اشتغل كتير وتعب شديد اليوم دا واثناء م هو بغسل عاين لي دموعي قال لي عليك الله جيعان خليني اكل بعداك ابكي عشان م حتسكتي سريع وانا م بعرف احنس مسكتو من يدو قلت ليهو لشنو بتعمل كدا قشا لي دموعي قال لي ي هبلة دا زيت العربات وسخني اسي حينضف قلت ليهو اي م هبلة انا وح اصدقك دنقر راسو وسكت مسافه قال لي كان تخليني لو كثفت الدوام شوية قدرت الم ناقصني حاجة بسيطة بس انتي قلقتيني عليك لما اتصلتي لي وقلت لي اجي صاح قفلت منك بس م عرفت اشتغل وسبت كل شي وراي وجيت واسي بدل تخليني اكل قاعدة تتباكي لي مشيت غرفتي وجبت معاي ظرف قال لي دا شنو قلت ليهو افتحو فتحو لقا رساله كتبت ليهو:-شكلك نسيت لما قلت لي يوم انا م عايزك زوجة تطبخ وتغسل لي عايزك شريكة حياة وسند لما اميل فليه عايز تميل براك ولا انا م انفع ابقا سندرفع حاجبو وقال لي دا معناهو شنو لويت ليهو خشمي وقلت ليهو م عارفه فتح الظرف لقا مبلغ كنت خاتاهو للحظات دي اتخلع لما وقف قال لي دا شنو قلت ليهو قروش وطلعت ليهو لساني 👅 بقا يعد فيها قال لي كم كدا انا غني البخليني اشتغل شنو قلت ليهو دي غلطتك فيها شنو لو كان جيت قلت لي مفلس وقافله معاك بدل م تتاخر لي لاخر الليالي وكمان جابت ليها حقارة جديدة اتصل عليك تتزهج فيني جا حضني وقال لي اسف م حتتكرر باسني في جبيني وقال لي العندو زيك م بحتاج لي عيد لانو كل ايامو عيد 💖ابتسمت قلت ليهو الاكل برد قال لي الجوع راح البسي توبك ارح نجيب لينا خروف قلت ليهو ي مجنون مع الليل دا قال لي اي ومالو مش بي حقنا 😛😌😹😹 اي بي حقنا بس الخرفان بكونو نامو. خليها الصباح امش جيبطيب متجي نحن برضو ننوم بما انو حتي الخرفان نامو 😹😹الحمدلله بس زول م يفتح ليك موضوع نهائي اكل سيب الكلاماكليني بما انو بكرة العيدوممكن اعرف علاقتو شنو بالعيدعشان دا اول لينا عيد اضحي مع بعض +طولتي م اكلتيني😹😹النبي م لاحظتما انتي م بتلاحظي انا المسكين دا بس بلاحظخلاص ماتعمل لي فيها دور الضحية انت اساسا فاضي ليحرم الليله افضي ليك للصباح😹😹اعمل بيك شنو مع الليالي، دي فترانة وقيلت اشتغل تعال اكل سريع علشان الزمن فات مديت ليهو اللقمة مسك يديياخ انا م قلت ليك م ترسمي ياخ 😫كدا بسحروك😹😹😹خلاص م تضحكي بتفصلني ضحكتك دياكرم الله يهديك اكل سريع بقيت لي زي الشفع تتجرجر في الاكلمانفسك نجيب شفع يتعشو معانا😹😹حتي لو جبناهم بعشيهم براهم وانوممماتخليني اقول ليك احييي انا😹😹😹 بعد قلتهاماتحنكيني نرجع لموضوعنا نفسك ولا م نفسكصريت ليهو وشي،🙁وسكتة مسافه قال لي انتي ليه خايفة ارح نمش الدكتور طيبانت ليه بتزكرني بالموضوع دا 😿😪فاكر م نفسي ابقي ام مانفسي،افرحك مانفسي اجيب شفع يملو البيت علينا بس،انا م عايزة امش دكاترة يتجرجرو معانا وخايفه اتصدم انت لو ماختا يدو في خشمي قال لي ماتكملي انا ابدا م قصدي شي وبعدين دي حاجة من ربنا مابيدنا الموضوع م بخوف انتي عارفه احيانا بتكون مشاكل بسيطة انا بس قلت ليكي كدا عشان نتحل من المشاكلطيب تم اكلك خلي العيد يعدي علي خير ونتفاهم ف الموضوع داانا اساسا شبعان بس،م حبيت اكسفك واكلت من اكلك لانك تعبتي عملتي وجبتيهوحبيبي انامش مفروض اخد مكافاة بوسة اقلاها😹😹😹لاع قوم معاي اغسل العدة دي وادخلامشينا ورجعنا نمنا الصباح بعد صحيت جهزت الشاي طلع من الحمام عيد لي. وقال لي فاقد ناس اياد وصلاة العيد معاهم 😿💔قلت ليهو حتي أنا إشتقت ليهم قال لي مامشكلة أصلا مضحين نمشي ليهم وبكرة نضحي عندناقلت ليهو بس ناس أمي بضحو تاني يوم خليها نحن نضحي تالت يومبس كدا م عندك أي مشكلةمشينا أول يوم عديناهو معاهم طلعنا منهم العصر قال لي نمش السوقليهلانو عايز إشتري ليك توبماعايزة هو حقات الشيلة لسة جدد م لبستهم كلهم وحق العيد الفات جديد وفر القروش لحاجة تانيةم يغلي عليك إنتي عارفة أمس أنا ومنذر صحبي كنا شايلين هم الخروف وم جبت ليك توب وهو زاتو قال لي ولدو م إشتري ليهو إنتي عارفه مرتو إتصلت عليهو قالت ليهو شنوأهاقالت ليهو إنت لو م قادر تشتري الخروف كلمني أنا بمش أعدي العيد مع ناس أمي وأخواني قدر الجبل أي واحد فيهم ممكن يشتري لولدي لبسة وقفلت جاني حمقان وزهجان قال لي أنا المرة دي لو طلقتها م أحسن لي يعني كل البعملو عشانا دا أقل حاجة تقول لي أخوانيقلت ليهو يحليلو صحبك دا بتشاف طيب ومسكينقال لي والله منذر دا نحن مرات بنطلع نشرب جبنة بتهرب مننا م بمش معانا جنيه م بخسرو في نفسو اليوم كلو بشتغل عشان مرتو وولدو وبعدا م بتقدروحرام عليهاماعلينا الموهم انا محظوظ شديد بيك علشان كدا م ح اقصر منك لانك م مقصرة معايمااتحرم منك ياخ 😻💙مشينا السوق إشتري لي توب و قال لي شايفك بتحبي الحاجات اللماعة دي لاني إخترت توب فيهو فضي دخلنا عوض سلفر إشتري لي إكسسوارات منو قلت ليهو إنت ح تكمل قروشك في الحاجات الهايفة ديدي م حاجات هايفة إنتي م أقل من النسوان في شي أصبري لي بس فترة وأموري تظبط أوديك شهر عسل ماليزيا 😹😹😹😹كلو كوم وشهر عسل دا كومأي لانو الاول داك م يتسمي شهر عسل اسبوعين في الشقة دي ولا أي شيالله يسهل ليك أنا كدا مبسوطة معاك 💙✨مشينا تاني يوم قيلنا مع ناس أمي عزمت ناس إناس جونا بعد الضهر عرفتها بي ناس صفا ومروة بنات خالتي قاعدين نشرب ف القهوة قالت لي شنو ي اسراء التوب والحاجات العينة ديإبتسمت ليها قالت لي تجي لناس أمك بالحاجات السمحة ونحن م بتجينا بيهو ليهماكدا واللهأها كيفمزدلفة ردت ليها قالت ليها أسي توبك اللابساهو دا ياهو حق العيد دالوت خشمها وقالت ليها هيي دي حاجات ناس صغار نحن بعد كدا بنفكر ف اولادنا ونصلح بيتنا العيد دا اتجاوزناهو طالما اولادي لبسو وبيتي ظابط،وضبحنا خروفنا اللبس هين ولا شنو ي اسراقلت ليها كلو مراحل ونحن برضو يوم حنصل لمرحلتكم ويبقا همنا اولادنا 💙والله الله يديكم م حاسداكم علي سيرة الاولاد عملتي شنو ف موضوعك داك ...............
يتبع.....
