الصباح صحيت لقيتو مجهز الفطور وجايب لي شاي بي بسكويت قال لي صباح الخير ي أم وجنصباح النور ي أبو مقداد 😹يلا قومي عشان نشرب الشاي سوامشيت إتسوكت وجيت شربنا قال لي عندي ليك مفاجأةمفاجأة لي أنا؟أيوة كل الناس بتهديك فكرك أنا م بعرف أهديك ولا م بعرف أعمل مفاجأتأحكي طيبقال لي بعد كدا ممكن نمشي أحلي شهر عسل م حصلبقيت أضحك فيهو شهر عسل شنو نحن لينا قرابة ال7سنة متزوجينأي عشان بالضبط بعد يومين حندخل سنتنا السابعه 💙وعشان إنتي أكتر زول بستاهل تحصل ليهو حاجات حلوة💙 والحاجات السمحة بتشبهك 💙وعشان إنتي أم أولادي 💙وعشان بحبك وح أفضل أحبك بعد كل العملتي لي دا 💙سرو أنا بعرف ماعيشتك الحياة الكل بت بتحلم بيها عارف إنك م كنتي حترضي تعيشي كدا لو مابتحبيني بس أوعدك أنا ح أعوضك عن كل لحظة ضاعت ما ح أقول ليك أنا ح أفضل المثالي للابد وح نعيش حياة زي الافلام والمسلسلاات بس كل م زعلتك ح أراضيك 💙علي قدر م غلطة معاك ح أعتذر ليك وإنتي حتسامحيني لو م عشاني عشان أولادنا صاح هزيت ليهو راسي بمعني أيوة وأنا أساسا واقفه علي الهبشة ودموعي قريبه عايزة أبكي ختا يدو في خدي وقال لي م كملت كلامي ممنوع أشوف دموع في عيونك تمام قلت ليهو بحبك أنا ☹ياااخ م تفصليني أنا قاعد أجهز الكلام العايز أقولو ليك دا من فترة😹😹😹خلاص ي أكرم م مستاهله كل دا بعدين أنا أكتر زولة بتعرفك وحافظاك وعارفاك من عيونك عايز تقول شنو وإنت دايما بتثبت لي بأفعالك حتي لو م قلت لي عشان كدا خليك من التفكير الكتير أهو أنا مبسوطة معاك وعايشة أحلي حياة وماكنت بتمني أكتر من الانا فيهو دا راجل زيك وبحبني وأولاد حلوين زي وجن ومقداد 💙طيب ي ستي المفاجاة جهزي حنسافروينلا مفاجاةطيب بس عرس أخواني بعد شهرين مفروضم تخافي حنجي قبل العرس باسبوعين وحتحضري عرس أخوانك بمزاج أنا حاسب حساب اي شيالله م يحرمني منك بستو ورفعت الصينيه مشيت المطبخ بغسل في العدة جاني قال لي هاك اولادك المزعجين ديلشلت التلفون وفضل محوط يديو في رقبتي وقال لي قولي ليهم جاية اقعدو ساي العصر بوديكم لناس رناد لو م ازعجتو وجن سمعتو قالت ليهو انا ثامعاك شلت التلفون صبحت عليها وقلت ليها وجن م تزعجو امي وخلي بالك من أخوك م يطلع برة تمام أنا أجهز الفطور وبجيكم نمش لعمتو أناسقولي واللهي بت عيب م تحلفي زول انتي م بتصدقي مامابس بابا قالحتجو بعدينم بعدين شويه كداقفلت منها قضينا نص اليوم مع بعض قال لي طولنا م قعدنا سوامشرايك شنو نسافر براناماقدر دا كمان 😹😹اولادك ديل زول بقدر ليهم غيرنا ماف اسي تلقي امي زهجت منهم يلانمش نجيبهماقعدي حبة ياخ نمش ليهم العصرمشيت جهزت الاكل جيت لقيتو نايم وفاتح التلفون رفعتو شايفة خاتي صورة وجن ومقداد في الخلفيه جاني شعور افتح التلفون 😹من حيث الشمار فتحتو لقيت صورتي انا وهو في االخلفيه الاولي تقريبا من يوم العرس م غير الصورة دي كل م يغير تلفونو برجع يختها 7سنة مامل منها بقيت قاعدة جنبو ومحتارة دايما بسمع انو الزواج بمسخ بمرور الزمن وانو الراجل ببقا م مهتم بعد المرة تجيب ليهو كم شافع بس اكرم دايما بحاول يجدد علاقتنا لسه بعاملني كاني عروس بتجيهو لحظات بترمسن لما انا م بتعرف عليهو 😹بتم ليهو شهر شهرين بعزمني مشوار برانا احيانا بجيب لي هدية ولو بسيطة بين فترة وفترة بمشي معاي لاهلي وعندو عادة حلوة بحبها فيهو م بحسسني انو نحن كبرنا او علاقتنا قدمت للان مابجيني داخل يدوفاضيه ان شاءالله يجيب لي تسالي او لبان م حصل يوم جا ساي اسي،ناس وجن اتعلمو الحركة دي منو لو ماشين مكان رغم انها شافعه م بترضي لو م شالت شي في يدها لناس رناد او حتي لو ماشه لناس امي بتقول لي نودي لي امي حلاوة 😹واول م تجي من الروضة بتجيب لمقداد حاجة من هو صغير قبل يتعلم الاكل بتجيب ليهو شيقاعدة جنبو مر علي شريط زكرياتنا كلو كل الايام الحلوة والسيئة كل الحلول والمشاكل راجعت نفسي لقيت انو علاقتنا كل م مر عليها وقت كل م بقت احلي 💙فتحت الاستديو وانا بتصفح م خلا لحظة م صورا مرة زعلت لما تلفوني اتفرمط قال لي انتي كيف بتفرطي في زكرياتك انا بعمل ليهم كوبي في قوقل درايف وخاتي نسخه منهم في اللاب وقتها عرفت قدر شنو بتعني ليهو الزكريات ساعه وانا بتصفح بعد خلصت بستو صحا قال لي العصر اذن قلت ليهو ايوانتي ليه م نمتيكنت بشوف الصور والفيديوهات😹😹عرفتي النمط انا غيرتوحتي لو تغيرو ميه مرة ح اعرفو 😹نمطك الواحد داانا اساسا م قفلتو منك بس عشان فيهو اسرار بيوت واحيانا الشفع بشيلوم مشكله قوم صلي عشان نتغدا ونطلع الليله امي بتشرد لي اولادي 😹مشينا لقيت وجن قالو لي لابسة من الضهر ومقداد انتظر زهج نام 😹سقتهم مشينا لناس اناس ورجعنا متاخرين فضلنا اسبوع مع مشي السوق وكدا قلت لامي مسافرين نغير جو قالت لينا الله يسعدكم 😹اول مرة م تشاكل لي اكرم فجاة بقت تحبو 😹😹قبل السفر بيوم جونا ناس اكرام واناس واولادا وجاتني مزدلفة والاء قيلو معاي تاني يوم سافرنا وعشنا أحلي شهر عسل أنا وأولادي 😹وفععلا اكرمني#رسالة للاخوان: -عليكم الله خلو بالكم من أخواتكم العنف والتشدد ممكن يخلي الواحد يرتكب اخطاء كان ممكن تتفادوها لو انتو بتعاملوهم بطريقه أحن لو كنتو بتقعدو معاهم وبتشوفو إحتياجاتهم دا لو أي واحد بهتم بإختو زيما بهتم بصحباتو وحبيباتو أختك دي عندها عليك كل الحق أقعد معاها شوفا عايزة شنو شاركا وأحكي ليها حذرا من الناس بس قول ليها أنا عارفك مابتتغشي دلعا وانت داخل البيت اتكلم معاها بحنيه وانت بترمي ليها ف ملابسك علشان تغسلهم ليك اجدع ليها لبان اي لبان الواحد البجنيه دا بفرحا 💙وانت طالع قول ليها اللبسة دي ظابطة حاول تستشيرا في ملابسك ان شاءالله اي عارفه م ف مواضيع ونشاطات مشتركة بينك وبينها بس ف النهاية هي اختك ومسؤليتك وشرفك المابتلقاهو منك بتفتشو مع غيرك ماتحرما من الطلعه كبت الحريات دا م حاجة كويسة ماتشدد عليها المراقبه بحجة انك بتغلط،وعارف البعملو البنات زيما انت بتغلط،ومتصالح جدا مع اخطاءك خلي ليها مساحتا الخاصه ان شاءالله تبني فيها راكوبة 🌚👋بطل الاستعباد انت م دعم سريع الله خليك واعي واعرف انو هي بت م بتحب يحرموها من شي بتنفسن ي مؤمن والله ممكن تنتحر الموهيم خليكم حبوبين مع أخواتكم خاصة لو أختكم واحدة م تنفسنو بيها ياخ الله يرضي عليكم خلو بالكم منها حرام وحيدة وم عندها زول يفهما ويحس بيها حاولو تعووضوها تمام 😿💔نصيحة للبنات:-ركزي معاي ي حلوة كلنا بنعرف شعور انك داخله الثانوي دا ظابط شديد وفي نوع من الجنتلة في اللبس والحبكانيات دي كلو اوك البسي وافرحي واتجدعي بس في حدود ماقالو ليك حتمشي امريكا كل الحكاية تغير ملابس وزيادة مواد بالعكس حتبقي كبيرة ومسؤلة ونظرة المجتمع ليك حتتغير فخليك قدر المسؤلية م بلومك علي حركات المراهقة دي حاجة نورمال وكل زول حتما حيمر بيها بس وانتي بتتراهقي وعايزة تعيشي حياتك ختي ف بالك حاجتين سمعة اهلك وبرستيجك اي والله برستيجك لانو يوم حتفي علي روحك لما تتزكري غباءك وعوارتك وانتي بتتحنكي من واحد برلوم جامعه 😹او سيد ركشة اي كان م تستعجلو للحب دا ماتفكرو فيهو كتير هو م بصنعو صناعة بجي كدا فجاة فخليك ريلاكس هو انتي حتما حتقعي فيهو فما تلزي روحك وتقعي وقعة سودة عشان لما تحبي م تكون مجرد تجربة لالا ي انتي الحب اكبر من انك تلقي زول يغش عليك بي كلمتين وانتي تقعدي تتكشمي زي العروس «انتو ليه العروس بتتبسم وتتكشم 😹»ماعلينا ماتحبي عشان انتي بت ثانوي ولازم يكون عندك حبيب يقدمك للمدرسة ويجيك نهاية اليوم وتتمشو لما تكملي نعلاتك عويرة انتي ولا عويرة والله بكرة تدخلي الجامعة ويبقي ليك بنفسجي وحتي لو حبيتي اعرفي تحبي منو اختاري راجل راااجل م اي ولد تمام اختاري زول م حباك عشان يقضيها معاك حوامة ويقشر بيك ماتختاري الفاضي شغله ومنشط قرايب واليوم كلو عايز يتونس معاك الدايرك دا بجيك بالباب الونسة والمشاوير دي تضيع زمن ماكتر ولا اقل الدايرك دا بشقي ويتعب عشان يشوفك قدامو منتظراهو بالعشا م بقعد هو ينتظرك جنب المدرسة او في كافتريا الدايرك دا بقفل عليك وبتنازل عن حاجات كتيرة عشانك مايقعد يقول ليك حنسمي اولادنا وحنسافر وهناي وبتاع دا بجيك عديل بقول ليك يام فلانة خلاص هو سمي بتو وحسم الامر 😹😹ماتقولي لي كلهم بتكلمو كدا وبحاولو يثبتو انهم دايرننا لقدام في حاجة اسمها مواقف بتثبت ليك اذا هو عايزك ولا بلعب ماف بت فايت عليها احساس انو بلعبو بيها بس بتحبو تعيشو في الوهم خلي يفصلك بي كلمة كلمتين ومشي بس بينك وبين نفسك انتي ك زوله كبيرة وواعية مابتحسي انو دا حنك ماجايب حقو عليك الله انتي بتفهمي لغه العيون يغلبك تعرفي لو بلعب بيك او عايزك جادي م تتوهمني ياااخ اكيد في حاجات حلوة تشبهك كدا حتحصل معاك لو حكمتي عقلك دا واتصرفتي صاح بلاش ترمي نفسك في الاماكن الغلط،حاجة تانيه اخوانك الاولاد الشفاته الصعبين القافلينها معاك م تفتكري انهم بكرهوك او م بحسو بيك ابدا والله هم بحبوك بس معاقين م بعرفو يعبرو فانتي ابقي احسن منهم وحاولي تكسبيهم الحاجة البمنعوك منها اتجاوزيها ولو كترت الممنوعات ولقيتي انو الموضوع م منطقي ودي حركات كلاب الامن طوالي ثوري 😹كلها كف او كفين استحمليها جا اخوك بتناقش معاك طلعي كل الجواك هو م ح يشتغل بيك في زات مومنت بس بعد يقعد بينو وبين نفسو ضميرو حيأنبو دا شنو حركات تكتميها جواك وتزعلي وتتنفسني ليه قال م زول انتي الكتمان الكتير دا بجيب اخرك يوم اتناقشي قولي ليهو انت مالك مكرهني وقافلا معاي 6/0ياريت اموت وترتاحو مني 😹عارفاكم بنات دراما كوين م بتغلبكم كم كلمة حزينة ح يعمل ليك شنو مثلا حيكسر يدك حيتزهج ويفور واخر شي يدق الباب ويطلع 😹انا بعرف حركات الاولاد ديل بعدين براو. بقعد يحن عليك وشويه شوية برخي ليك لكن تتمسكني وتتباكي وتعملي فيها ملكة الاحزان ماف زول بجيب خبرك كن تموتي والله نحن شعب مابراعي للاحاسيس ي اما تقولي ليهم الكلام وتطلبي منهم الاهتمام ي ام قضيها بكي لما يوم دموعك ينتهو 😹رساله للامهات:-انا م عارفة اذا هم قاعدين يقرو قصص ويشوفوالحاصل بس لو يوم انتو بقيتو امهات م تهملو بناتكم خااااسة خاااسة عليكم الله البنات ثم البنات لانهم كائنات لطيفه لزجة مرنة بتسوح وتتبخر لو م اهتمو بيهم 😹جادة معاكم اكتر فصيله حساسه في الكون هم البنات اقل تصرف بأثر فيهم حاولو تكونو قريبين من بناتكم صاحبوهم. واتكلمو معاهم بزوق اعرفو الحاصل عليهم 💙#رسالة_للاصحاب: -قالو انو انتو بجازفو بيكم الحياة فيعني بس لما اصحابكم يحتاجو ليكم خليكم جنبهم اسندوهم انتو ليكم مكانه قدر مكانه الاهل لو تعلمون 💙رجاء خاص ماتخلو اصحابكم براهم انصحوهم لما تشوفوهم بيعملو غلط لو شفتو الحاجة م مناسبه ليهم وعوهم احيانا هم بكونو تحت تأثير الحب م بشوفو الانتو بتشوفو وقالو الاصحاب ي عزة ركايز للارواح لو جات تتهدا 💙🌸#رسالة_للاولادشباب كلمة وغطاها بليزز يعني لو م عايز بت الناس دي لقدام افصلا منها الغلط،مع الناس يمكن انت كنت في حالة نزوة كدا انجرفت ولعبت بيها وعيشتها احلام انت م حتحققهم ليها طلعت بيها العالي وفجاة انتبهت لنفسك لحد الان دا م غلطك تبقي غلطان لما تواصل وانت عارف انك في يوم حتكسررا حتحطم كل الاحلام البنتا معاك حتجرحا وتسبب ليها الم م حتقدر تتعافي منو بالساهل معليش علي كلامي دا بس حيرجع ف اختك طالما انت عملت كدا ف اخت زولانا بحترم جدا الولد الظريف الحناك البدقها ونسة مع اي طرحة لافه بس في حدود م بيربط نفسو بارتباطات ووعود هو ماقدرها اعمل اي شي بس م تكسر بت ناااااااس#رسالة_لاخواتنا_المتزوجات:-طالما انتي اتزوجتيهو بغض النظر لو عن حب او لا حاولي تكوني قدر العلاقة المقدسة دي اهلو حيبقو اهلك بلاش مشاكل الحموات والغتاتات البتحصل انتي اتجاوزي وم تاخدي مواقف طبيعي انتي غريبة عليهم وداخلة تغيري حياتهم مابراك بتضايقي من الوضع هو زاتهم تلفاهم شامين الوضع علشان تتعودي عليهم مشيهم واتعاملي معاهم كانهم ناس بيتكم من البدايه لاتدلعيهم عليك وتعملي فيها دور المرة المثالية وتتراشقي داخله وطالعه من المطبخ عشان تكسبيهم لالا ي انتي الزول م بفوز بقلوب الناس بانو يشتغل ليهم خليك طبيعية تمام قضيايامك الاولي زيك زي اي عروس وبس تبقي من ناس البيت اتصرفي عااادي قسمو الشغله بيناتكم واي زول يعمل العليهو م تبقي مسكينة يستغلوك ولااستغلالية عشان يكرهوك قلنا عاادي بتعرفو عاادي دي ولا اشرحا ليكم كمية المشاكل البنسمع بيها عن النسابة دي انا شايفه م ليها اي 60لازمة انتو بس بتحبو تلعبو دور الضحية وتحكو الموضوع بدراما زيادة عن اللزوم فيها شنو لو حماتك عجبا توبك اتعاملي مع الموضوع عادي م تجي تقولي لينا حاقداني وم بتحب تشوف حاجة سمحة عندي مافيها شي لو مسكتك اولادا وهي مشت تشرب الجبنة وبرضو م فيها شي لو قالت ليك الليلة اعملي العشا انامشغولة بكرة انا بشتغل بدلك شايفين لما تنظرو للموضوع بنظرة ايجابية بكون بسيط،كيف ماتكبرو الامورعلاقتك مع اهلو خليها زي علاقتك مع اهل امك 😹اخوانو اعتبريهم زي اخوانك احترميهم الاحترام دا البخليهم يقيفو معاك ويحبوك انتي مسبقا عارفة انو ماف زول برضي ف امو وخاااصة الاولاد فما تغلطي مع امو ومشاكلك مع اهلو خليها طي الكتمان م تحكي بيها لزول ولا حتي ليهو هو 💙نجي للجزء الاهم هو زاتو كيف تتعاملي معاهو اوريك حاجة ختيها ف بالك: -ماف راجل خاين في حاجة اسمها عدم الاكتفاء دي فطرة عندهم انتي م بتلومي عليها ومع فطرتهم دي عندهم حد معين هو لو لقاك بتوفري ليهو اجتياجاتو دي بكتفي كلهم فيهم شباب زايد الراجل م بكبر بحس انو لسة عايز يعيش مرحلة الشباب حتي لو وصل 40عايزة تلومي ناس ال20ديل لسة في بدايه الطريق م تتحججي وتقولي مابتزوج لي واحد عمرو 25حيكون م مسؤل المسؤلية دي حاجة بحسها لما يشوفك بتستاهليها ايوة ممكن يكون عمرو 18بس لو حسا انو البت البحبها دي بتستاهلو هو ممكن يبقي مسؤل ويشقي ويتعب عشانافلما انتي تبقي واعية وفاهمة وم همك تعرسي عشان تستمتعي بالحياة وقتها هو حيعمل المستحيل عشانك كل م شافك صبورة وبتقدري تعبو م بهون عليهو يقصر تجاهك 💙علي قدر م بتتحملي وتثني عليهو وتحسسيهو انو السوبر هيرو تبعك علي قدر م هو بحاول يثبت ليك انو قدر المسؤلية وانك بتستاهلي البعملو ليك 💙كل ما ساعدتي ووقفتي معاهو في اكتر لحظات احتياجو ليك كل ما كبرت مكانتك عندو وبقا م ف سبيل يقارنك مع زول 💙بقدر م انك تتنازلي ليهو وتحسسي انك محتاجة ليهو هو حيركز مع احلامك وطموحاتك وماحيرضي ليك تتنازلي والضعف والاحتياج البحسو منك دا ببيديهو متوفيشن انو يكمل ويواصل علشانك 💙هم بحبو يحسو انهم سند م بحبو يسندوهم 💙بفخرو لما يشوفوك متمسكة بيهم وتحكي عنهم بفخر دي حاجة بتخليهم يتحملو المسؤلية اكتر واكتر عشان يثبت ليك انهم قدر المكانه 💙اهلك قد يكونو م زي اهل راجلك بس بعد كدا حق اهلك م بنفعك بيتكم السمح الموفرين ليك فيهو كل شي دا بتخلي وراك وحيبقي عندك بيت جديد حتي لو بيت اهلو كبير انتي م تعايني لي لما اقول بيتكم قصدي مساحتك الخاصة انتي وهو حتي لو كانت غرفة فاضية من الاثاث انتي امليها حب 💙ماتخجلي كونو راجلك م عندو الرزق من الله اخجلي لما تشوفي م بحاول ولا بتعب عشانك اخجلي لما يكون موفر ليك كل شي الاالحب الفايدة شنو من قروشو لو م قادر يديك شويه وقت م قادر يجي يقول ليك مشتاق ليك انتي تفرحي كونو عندك راجل بشقي ويتعب عشانك بعمل اي شي عشان يحقق ليك احلامك بكون مشغول بيك طول الوقت كل تفكيرو انتي واحتياجاتك تفرحي جدا لانو في واحد بعمل كل الحاجات.دي عشانك مايغشوك ويقولو ليك ماتساعدي بكرة يعرس فيك الا مامالية مركزك والا تكوني م متزوجة راجل عشان لو اخترتي راجل بالجد هو مستحيل يخليك تحتاجي شي ممكن هو يحتاج شي لنفسو يجي العيد م يكسي نفسو بس م بخليك يشقي ويتعب عشان يقريك يشتغل ليل ونهار عشان يوفر ليك ابسط احتياجاتك راجل بحترمك ومهما حصل بينكم م بتسمعي منو كلمة ذل ولا مهانة ماحيتعدي علي اهلك بلسانو مهما كان عصبي وحمقان وبغضب بسرعة هو م حيغلط عليك راجل حنون بسامحك وبعتزر لو غلط عليك بخاف جدا لو حصل ليك اقل مكروه بشتاق ليك وبحس انو حياتو ناقصة بدونك لو غبتي عنو راجل يعني سند وامان 💙حاجة اخيرة: -ماتحكي لزول مهما كان قريب منك مشاكلك مع ناس بيتكم ماتقولي لي حبيبك ولا خطيبك اخوانك وتعاملهم معاك خليهو طي الكتمان 💙علاقاتك مع اصحابك اختاري واحدة مقربة شاركيها همومك م كل الاصحاب بسترو عيوبك علشان كدا خلي امورك طي الكتمام 💙بكرة لو عرستي مشاكلك مع اخواتو ونسوان اخوانو م تحكيها ليهو ممكن ينفر منك ويعتبرك نقناقة وبتاعت مشاكل طبيعي زمان هم عايشين عادي نسوان اخوانو بيناتهم م بجو يحكو ليهو شنو حركات واحدة شالت توبك وحرقتو م يتحرق يومو تما خلاص هو م ح يسالك الحرق التوب منو دا اذا متزكر انو اشتراهو ليك اساسا علشان كدا الموضوع لو م كبير خلي طي الكتمان 💙مشاكلك انتي وهو امك م تحكيها ليها مااي مشكله بتكلمي بيها الناس فيها شنو لو يوم اتناقشتو في موضوع تافهه يعني شنو لو قال ليك م مسؤلة دي وجهة نظرو وقالا في لحظة غضب تمشي تحكي لامك ولا لا صحبتك ابردي م كدا بكرة بتتسامحو وترجعو عادي والناس البتحكي ليهم بمسكوها ليك تاني حتتناقشو وانتي كل م اتناقشتو بتحكي ليهم حيزكروك بالقديم واول كلمة حيقولوها ليك دا القال بحبك دا الكنتي بتساعدي دا الفوتي ناس كويسين واخترتي هو عشان يعمل ليك كدا ودي كلها كلمات سلبية ح تأثر في علاقتكم علشان كدا خلي مشاكاكم طي الكتمان 💙#كسرة -ماتتنازلي عن طموحاتك واحلامك حتي لو كانت كبيرة والواقع م بيسعها اهم شي انك تبذلي كل جهدك م تستسلمي الزواج م معناهو نهاية الحياة بيت وعيال عمرهم العيال مامنعو زول يحلم 💙وربنا يرزقكم المابتهونو عليهو البحبكم وبحاول يسعدكم 💙 💙#تمت بحمدالله
