الصباح صحاني أكرم مع صلاة الصبح قال لي أدخلي جوة أنا ماشي المسجد كنت تعبانة و جسمي مكسر وفترانة شديد يمكن عشان م نمت كويس أخدت لي دش شوية حسيت نفسي كويسة جا لقاني بصلي بعداك مشيت جهزت ليهو قهوتو شرب وطلع عديت اليوم عادي مع اني حاسة نفسي م كويسة بس،م كلمتهم رجعت بيتي الاء اتصلت علي قالت لي التقديم بكرة حيبدا انتظرت اكرم جا بس ماكان علي طبيعتو حتي م سألني بقيت كيف كان مضايق قلت ليهو أجيب ليك العشا قال لي م عايز جا قعد ومسك تلفونو قلت ليهو اكرماهامالك الليلهمافي شي أمور شغل أنا مشغول بشوية حسابات وعايز أعمل كم مكالمة إنتي نوميطيب «رقدت وانا زعلانه منو يعني كل م تحصل ليهو مشاكل في الشغل يجي يتنرفز فيني انا النهار. كلو بكون بعمل في شنو بدون موضوع الليل كلو أسهر إنتظرو يجي بمزاجو يتعامل معاي لو قلت ماشة بيتنا كمان لا مليت وزهجت حتي م عايز يعرف تفاصيل يومي والحاصل معاي »بعد شويه إتصل علي واحد وبقو يتناقشو عاين لي غطاني فاكرني نايمة طفا النور وطلع برة وأنا خلاص حسيت إني ندمانة ومتورطة ف العلاقة دي من أول مشاكل زهجت صراحة إستحملت كتير قارنت حياتي الفاتت أي نعم أخواني م كانو حلوين معاي بس م كنت مضطرة أشتغل النهار كلو عشان ناس،م بقدروني علي الاقل أخواني كانو عارفين انو البيت بدوني م ببقا أمي كانت بتعتمد علي لانها واثقة إني قدر المسؤلية ويعتمد علي كنت مرتاحة بنظم شغلي يوم للغسيل وبكوي بمزاجي مامضطرة أطبخ كل يوم عندي وقت لقرايتي وبقرا رواياتي وبعمل النفسي فيهو بتجيني الاء وتفرق عني الاء لو م جاتني التلفزيون في بقضي يومي كلو فيهو ناس مزدلفة وأسي كل شي إتغير حاسة نفسي مخنوقة شديد وأكرم بقا يهمشني حتي مكالمات نص النهار خلاها كان بجي يطل علي ويشرب القهوة معاي كان حتي لواتاخر بفضل يعتذر مني أما أسي كل شي إتغير طبيعي زهجان ويقول لي مشاكل ف الشغل طيب أنا كمان عندي مشاكل ف البيت بتعكر مزاجي ليه م. إتزاهجت كنت بفصل مشاكل البيت وزمنو ماقصرت ف شي إستحملت كل الظروف الفوق طاقتي هو ليه م بيتنازل شوية علشاني رقدت وخلاص دموعي نزلت الزعلة الحارة البتخنق وبدون م تحس تلقي دموع حارة نزلت منك بس انا عشت إحساسا حكاية ساعة او اكتر هو بيتكلم برة قشيت دموعي وطلعت لقيتو بيتسوك إتهلع لما شافني قال لي إنتي م نمتي قلت ليهو عايزة أشرب موية وراجعة انوم انت م خلصت قال لي خلصت وحسيت ضرسي واجعني علشان كدا عايز اتسوك خفت عليهو بقيت بسالو بي كل لهفة مالك شربت شي بارد ولا اكلت سكر هيج ليك الضرس قال لي م تخافي ح احشي فيهو بندول وحيخف دخلت الحمام وطلعت مشيت أفتش ليهو بندول لقيت باقي السجارة جنب العريشة لحظتا انا بالجد م ح اعرف اوصف ليكم الاحساس الانتابني يعني فوق م انو كسر وعدو لي انو م حيسجر تاني وجا زهجان عذرتو كذب وقال لي،عيان انا فضلت واقفه جنب مكان السجارة جا داخل لقاني عاين لي مسافة دنقرت رفعتها مشيت جدعت باقيها ف الحمام وجيت داخله م سألتو وهو م برر لي طفيت النور ورقدت مغبونة وزعلانه شديد الصباح اول مرة م يصحيني وم بس،كدا طلع بدون م يكلمني صحيت لقيت مصاريفي،ف التسريحة صليت ومشيت لناس،امو افتكرتو لسة م طلع إتفاجأت بي إناس قالت لي الليله صاحية متأخرة ليه أكرم طلع بدون م يشرب قهوتو حاولت م أظهر ليها إنو ف شي،قلت ليها كنت تعبانة وهو قال حيطلع بدري قالت لي أها كم كدا تمام تعالي إشربي الشاي بتاعك قعدت بشرب جاني مجدنونات الخبر والصحةأهلين مجد كلو تمام كيف إنتوالله ماشي الحال أها م إخترتي تقدمي ف أي جامعهلسة م شفت الدليل حتيمشي جاب الدليل وجا قال لي جبتو أمس،وسألت منك قالو لي مشيتي بيتك م حبيت أزعجكقعدت أشوف معاهو أساسا م عارفة أي شي كان رغبتي طب، ف الخرطوم يعني م خاته ف بالي نهائي أي مجال تاني او جامعه غيرا وكنت أمس عايزة أتكلم مع أكرم عن الموضوع دا وحصل الحصل م إتكلمنا عاينت فيهو كلو م إقتنعت بشي،كل المجالات الطبيه م عاجباني نسبتي بتقريني مختبرات وتمريض عالي وأشعة وبصريات وحتي لقيت طب أسنان في جامعات بنفس درجتي بس م مقتنعة قلت ليهو إنت إخترت قال لي،أي إخترت 4رغبات ف الخرطوم و4السودان و2النيلين أدعي يشيلوني في الخرطوم قلت ليهو إن شاءالله ياخأها تختاري عشان نمش،نقدم سوا ولا عندك رايوالله م عارفة كدا لما أشاور أحمد أخوي جات إناس،قعدت جنبي وشالت الدليل قالت لي أحمد دا زمان إنتي عندك زول مسؤل منك أكرم موجود خلي أخوك لي مرتو مارديت ليها أشرت بالقلم علي كم مجال في حدود نسبتي كلهم م عايزاهم قالت لي لو عايزة مجال طبي ديل بنفعو معاك م عايزة وم حاسة نفسك قدرهم شوفي،لغات او مجالات الادارة ديل حلوات وساهلات وبعدين أصلا حضيعي،وقتك في الطب الصعب دا وبكرة حتجيبي ليك شافع شافعين ينسوك الناس،بقرو كيف سكتا م أخدت براي أنا مصرة أسأل أحمد شلت الدليل ومشيت بيتي، إتصلت لامي حسيتا تعبانة من صوتا قلت ليها بجيكي أوديكي المستشفي،أبت لي بس،أنا أصريت أساسا عايزة لي سبب أطلع بيهو من البيت دا 😫لبست واتمكيجت واتصلت لاكرم م رد اتصلت 4مكالمات م رد رسلت ليهو رسالة محتواها انو امي عيانة انا ماشة ليها مشيت كلمت ناس اناس قالو لي خلاص انتظري اكرم يجي يوديك م تمشي براك قلت ليها اقول ليكي امي عيانة حتنتظرني بالمرض بمش براي صغيرة انام كدا ي انتي بس م عايزين نخليك تمشي براك طيب سوقي معاك مجداتصلت لمجد حكيت ليهو قال لي طيب اطلعي لي جنب الظلط،بجيك بالركشة اقدمكطلعت مشيت لقيتو مع صحبو وصلوني للبيت وطلع قروش اداني رفضت اشيل بس حلف لي اشيلهم دخلت لقيت امي محمومة وشكلها ليها كم يوم تعبانة عملت ليها عصير وكويت ليها توبا وطلعنا مشينا المستشفي رقدوها عشان تاخد درب اتصلت لاحمد قال لي هو مشي لسهي عشان يجيبا ليها كم يوم مع اهلا قلت ليهو طيب انت ارجع البيت مهند قال حيجيني اسي قال لي لالا م مشكلة بجيكم بالعربية شوية مهند جا بدون احس لقيت نفسي،بشاكل فيهوانتو وين لما امي،دي،تتعب كدام تجوطي يازولة. إنتي عارفاها م بتتكلم لو عيانة لحد امس بتقول لي كويسةماحبيت اتناقش معاهو تلفوني اتصل دا اكرم رديت ليهو جاط،فيني قال لي م كنتي تنتظري ارد ليك عارفاني بكون مشغول قلت ليهو ايوة عارفاك علشان كدا رسلت ليك رسالة شرحت ليك لو كنت شفتها م جطة فيني قال لي وين انتوراجعين علي البيتطيب بجيكمرجعنا لقيت اكرم مع محمد بعد طلعت توبي جهزت الغدا قال لي حتبيتي حبيت سؤالو حب 😒سكتا مسافة قلت ليهو أكيد م ح أخلي أمي في الحالة ديسهي م قاعدة لو إحتاجت شيوإنت عايز بي شنو ناس بيتكم موجودين لو إحتجت شي،ماتردي لي كدا ي إسراءإتلفت بالاتجاه المعاكس وسكتا أساسا أنا زعلانة منو ويجي يتم الناقصالليله بيتي معاها بس بكرة بجي أسوقك وطلع بدون م يمش يقول لامي طالع حتي م انتظر الغداأمي قالت لي راجلك مشي قلت ليها اي قالت لي ومالو م اتغداشكلو متغدي جيت ختيت الاكل وماكان لي نفس،اكل بس اكلت مع امي جاتنا الاء وامها دخلنا جوة غرفتي قالت لي مالك قلت ليها م ف شي مقلقه علي امي بسانام بعرفكانسي اها انتي قدمتيبكرة باذن الله وانتيماعارفة طوالي بديت ابكي بقت تحنس فيني قدر م اتكلمت معاي علشان احكي ليها ابيت قلت ليها بس مضايقة وانو دي م النسبة الكنت بتمناها وماعارفة اقدم شنوبعدها بقت تحنس فيني وتواسينياتونسنا مسافه وبعد هي مشت طلعت مشيت لاحمد سالتو عن موضوع التقديم قال لي يازولة م تقدمي ف حاجة م نفسك فيها ميراث أبوك قاعد نحن نعمل بيهو شنو طوالي أسجل ليك خاص أشري بس علي الجامعة العايزاها وبكرة نمش نسجل ليك عندنا كم بت عايزة تبقا دكتورة تلقائيا لقيت نفسي،بحضنو. وبكيت بقا يحنسني ي بت مالك اتشاكلتي مع اكرممافي شيانتي م بتبكي ساي اتكلمي مالكوالله م ف شي بس انا كنت خايفه من انك م تشتغل بيهههه ي هبلة انا اخوك لو م اشتغلت بيكي الح يشتغل بيك منوربنا يخليك ليجات سهي ماشاءالله البت واخوها خباركم حاضنين بعض التقول جاين من سفرقشيت دموعي وابتسمت ليها وطلعتكنت مشغولة مع امي وموضوع العشا لحدي الساعه 8جات حتي فضيت لنفسي اخدت لي دش وفتحت دولابي عندي بجامة واحدة بس فضلت كل ملابسي شالوهم ناس مزدلفة 😠 «ياخ م تشيلو ملابس الناس البعرسو اسي لو جو راجعين فجاة يلقو ملابس،من وين 😂😂»شلتها ادوشت ولبست جيت اتمسحت وفتحت تلفوني لقيت مكالمة من اناس رجعت ليها سالتني من امي وكدا داخلة الواتس شايفة اكرم خاتي استوري مع صحبو وكاتب فيهو مبروك ح تدبس ي صحبي 😂يمكن هو قايلا بهظار بس انا اخدت الموضوع بجدية يعني هو فاكر العرس ورطة وتدبيسة زعلت شديد طلعت من الواتس ورقدت انا زاتي مصدعة لروحي وتعبانة حاولت انوم بس الساعة 1ونص جااتني صحية اتعودت لمواعيدو 😪«اكل الاشياء حولي مضاءة ولكن قلبي معتم 💔»قدر م حاولت ارجع نوم ماقدرت فتحت تلفوني لقيت مكالمة منو بقيت محتارة ارجع ليهو او لا تاني جاتني مكالمة منو فتحت الخط،سرواهلينمانمتيصحيت قبل شوية بسامك بقت كيفكويسةفضلنا ساكتين مسافةالمصحيك شنو للزمن داجاتني صحية وراجعة انومطيب تصبحي علي خيروانت من اهلوقفلت منو ودموعي م وقفت 😓💔«الليل يبدو أطول مما هو عليه عندما لا تكون بجانبي 💔»
يتبع.....
