عدت الايام يوم وفاق يوم شقاق بنتناقش وكتير مرات بتصل بينا المشاكل درجة بعيدة بس بطبعي م حصل حكيت مشكلة بيني وبينو لزولفي مرة وجن بتحبي انا كنت في المطبخ خليتا في الهول كانت نايمة صحت وحبت مشت للتلفزيون وشكلها جرت اليونت الفاظة وقعت فيها هي م اتعوقت بس جرح بسيط،جنب عينا جا اكرم عمل معاي مشكلة كانو دا غلطي وقت زهجت منو قلت ليهو خلاص جيب لي خدامة تخدم وانا اقعد امسك ليك بتك عشان م تقع ولا تكسر شي جاط،فيني لما وجن بقت تبكي من صوتنا العالي شلتها دخلتها جوة جا قال لي لسة بتكلم معاكي م تتجاهلينيتعال اتكلم معاي بعد تروق وتعرف نفسك بتقول ف شنوانا م سكرانوالله ماف زول قال ليك سكران بس انا م بتناقش مع زول ماقادر يتحكم في صوتو محسسني انها بتك براك انا كمان امها وبخاف عليها اكتر منك لكن القدر المكتوب م بتنط وماحصل ليها شي خطير عشان اكلمك ماهو مصيرك تجي البيت تشوفايوما زعلت منو شديد وهو م حاول يراضيني في نفس اليوم شايفني غلطانه وعايزني اجي اعتذر واتكلم معاهو عادي وانا حلفت م اعتذر لاني م غلطانة كل الشفع ديل بتحصل ليهم حاجات عرضية زي دي هو كل مرة حيقعد يشاكلني يومين زعلانه منو بصحي بعمل ليهو الشاي بخليهو ف مكانو وبمش بجي يشيل وجن يلعبا ويرقدا وبطلع قلت هيي انا مالي بقيت ولا بنتظرو عشان اجهز ليهو اي عشاء بما انو بجي شبعان م حتعب نفسي قررت كدا قفلت المطبخ طلعتي منو الكهربا قطعت مشيت رفعت وجن كانت نايمة رقدتها في الكنبة و بقيت مولعه الفلاش وواقفة جنب الباب بفكر امش لعزيزة ولا اقعد انتظرو الساعه ماشة ل9وهو م جا مامن عاداتو يتاخر كدا م فضل لي الا ابكي فجاة سمعت حركة في الباب بقيت خايفه الباب فتح طوالي صرخت جا ضماني عليهو وقال لي اهدي ي خوافة دا انا زحيت منو مسكني من يدي قال لي الخصام اكتر من 3أيام حرام وبعدين أنا لو م جيت إعتذرت منك إنتي م بتتكلمي معاي يعني البينا هش للدرجة دي طوالي بكيت وقلت ليهو انت الغلطان ورفعت صوتك علي كأنو انت بس البتحبها ومحسسني اني م امها ولا م بخاف عليها أنا م جبتها بالساهل وأي شي بحصل ليها بوجعني قبل يوجعا قال لي آسسف بس أنا بالجد لما شفتها مجروحه اتخيلت لو كان وقع فيها التلفزيون او في يوم حصل ليها حاجة سرو أنا م عندي غيركم م برضي حاجة تحصل ليكم خلو بالكم ياخ انتو كل حياتي حضني وقال لي حقك علي أنا م كان أجوط فيكي سامحينيطيب بس م تعيداحااضر ي ستيمشي رفعانايمة م تصحيها ي الله نومتهامشتاق ليها ياخ الصباح برضو مشيت خليتا نايمةخليها بكرة بالنهار بعمل ليك فيديو كول تتونس معاها 😹خلاص جهزي العشاء انا ح ادوش ونسهر مع بعض بما انها نايمةالكهربا قاطعة انتظر اودي ليك مويةمامشكلة انا بودي مويتي براي انتي اقعدي جنب وجن بعد اطلع من الحمام م تخليها براهاختيت التلفون وطلعت توبي رفعت وجن عشان ارقدا في سريرا طوالي صحت 😫حاولت انوما حلفت كان تنوم 😹جا اكرم لقاها صاحية قال لي خلاص جيبيها ارح جهزي العشا مشو معاي المطبخ جهزتو وقعدنا ناكل واكرم ولا فاضي لي مشغول معاها قلت ليهو جيبا هي شبعانه انت اكل بعد اكلنا دخلت عملت ليهو عصير جيت لقيتو بتصور مع وجن 🌚قال لي تعالي نتصور 😹«اتزوجي ليك راجل بحب التصوير لما تكبرو بعدين حيزكرك بايامكم الحلوة 😹»تاني مرة اتشاكلنا في موضوع تافه جدا جدا انا مشيت ارسم وخليت. التلفون ووجن مع امي إتصل لي كتير بعد وصلت البيت رديت ليهو قال لي كنتي وين انا في السوق عايز اسالك من حاجة مهمة مارديتي لما طلعت جاط وقال لي م تخلي تلفونك وراك انا م جبتو ليك عشان تخلي ف البيت زعلت قلت ليهو انت عارف انا نادرا م اطلع بدونو مرة واحدة عملت لي قومة وقعدة بي سبباإسراء انتي م تفتشي المشاكل أسي أنا م جوطة فيك قلت ليك شيلي التلفون معاك بس م سالتك مشيتي وين ولا عملتي شنوسكتا م رديت ليهو قال لي م تتكلميأقول ليك حاااضر مثلاطيب م تعملي البقولو ليك اعملي الفي راسكزهجت حميت بتي ورجعتا البيت ابيت انتظرو يجي يسوقنا امي قالت لي ماشة بدري ليه ماتنتظريهو يجيك زي كل مرة ولا خلاص بقا م فاضي ليكلالا ي امي م كدا هو بس مشغول الايام دي وقلت والله تاني م امش ارسم زاتو 🌚احمد وصلني طول الطريق بتونس معاي قال لي ان شاءالله م قاعدة تحصل مشاكل بينك وبين اكرملالا عادي نقاشات بسيطة وبتمر كانو م حصل شي سنتين من عرستو يوم جيت شكيت ليك من مشكلةلالا م قصدي بس عشان انا عارف المشاكل بتحصل ف كل البيوت حتي انا وسهي بتحصل معانا قلت اطمن عليكالا م تخاف أكرم م قاعد يخلي مشكلة بينا بحلها ف وقتها امورنا كلها تمام وانتو حاولو تحلو مشاكلكمتمام ربنا يسعدكموصلنا قلت ليهو ادخل اشرب ليك حاجةمستعجل والله مرة تانيةبعد وصلت وعملت غداي ونومت وجن وقعدت احضر اتصل لي قال لي اجهزي جايكم قلت ليهو م ف داعي انا رجعتطيب وطوالي قفلاول م جا قال لي السلام عليكموعليكم السلامجيتي مع منومع احمدوانا مشيت وين لما تخلي احمد يوصلكمافيها شي لو وصلني احمدماعلي اساس ح اجيك المسا الخلاك تجي مع احمد شنورفعت ليهو كبايه الموية وقلت ليهو اقعد واشرب بالاولماعايز جاوبيني علي قدر سؤاليفضلت ساكتة ومادة ليهو المويه في الاخير اضطر يشيلا 😹😹بعد شرب قال لي كدا مرتاحهانا من قبيل مرتاحة انت المضايققعد وقعدت جنبو طلعت ليهو ساعتو ختيتا جنبي قلت ليهو امش اخد ليك دش وصلي المغرب ونتغدا بعداك نتفاهميعني للان م اتغديتيمستنياك 💙ولو انا اتغديتعارفاك م بتاكل يوم تزعلني 😹ماتستاهلي والله زعلتيني منك شديدانت البديتوين بتينايمة جوةاصحيها ولا اخليهاالبريحك وقمت ماشة مسكني من يدي قال لي زعلتياي شاااديد كمانمعليش ياخ وبعدين انتي ليه م قلتي لي مشيتي ترسميعشان م تديني قروش الرسم 😿💔انتي القروش دي بتابي تشيليها مني عايزاني اعمل بيها شنوياقول امي عرس بيها 😹نسيبتي دي كلاما صاح والله مفروض اعرس بيها زااتو بقو كتار بعزوني بي مرة ظابطة🌚ماتنسي تعزمني حنتك احننك بلاي 😌👏باس يدي وقال لي الحنة يحردو ليك انتي بسطيب امش زمن الصلاة جا دخلت المطبخ جهزت الاكل جيت اتوضيت صلينا واكلنا وعدينا يوم حلو ونسينا كل المشاكل(لاتدع المشاكل تنام بينكم 💙✨)هو يغير عليك علشان اتكلمتي مع ولد خالتك بس إنتي ممنوع تغيري علي لمجرد إنو إتكلم مع بت خالة صحبة أختو 🙂
يتبع......
