After Him

Chapter 7

Chapter 7

Days passed and I'm with Xavier now in front of Samantha. Nag uusap sila tungkol sa interview sa Command sa isang kilalang radio station. Tahimik lang akong nakikinig sa kanila at kung minsan ay nasusulyapan si Lucas sa kasunod na table nag aantay kay Samantha.

"I already told them na it's okay if they'll interview your band without us but they insist," muling napabalik ang aking atensyon sa kanilang dalawa.

Maliit ang aking galaw, iniiwasang mapunta sa akin ang atensyon ng kahit na sino sa kanilang dalawa.

"Well uhm, I can't see anything wrong with that pero kung hindi magiging kumportable ang girlfriend mo mukhang magkakaroon nga ng problema," dugtong ni Samantha sa naunang sinabi.

I faked a cough and look at her, hindi ako sigurado kung guni guni ko lang ba iyon o talagang inismiran niya ako. Bumaling ako kay Xavier na inaantay ang aking tingin, tila nag tatanong sa akin kung ayos lang ba iyon. Ngumiti na lamang ako at pilit itinago ang iritasyon kay Samantha.

"Ayos lang walang problema," tipid na sambit ko na ikinangiti naman ni Xavier.

This is about his career and I should understand the situation.

"Oh that's great, hindi naman pala selosa itong girlfriend mo. Mali siguro ang rinig ng assistant ko na naiinis daw na mag kasama tayo sa trabaho."

Pilit kong itinikom ang aking bibig. Lumingon muli sa akin si Xavier tila naninimbang kung tama ba o hindi ang sinabi ni Samantha.

Eksaherada namang tumawa si Samantha kaya't napabaling kami sa kanya. Tinaasan niya ako ng kilay at tila ba nanunuya pa.

"I was just kidding, and if it's true I understand. That is really understandable," mayabang na sabi niya habang nakatingin sa akin tsaka bumaling kay Xavier na hawak na ngayon ang aking kamay sa lamesa. Parang pinipigilan ang namumuong iritasyon sa akin.

Ngumiti ako sa kaharap, hindi ako makikipag away sa kanya dahil alam kong hindi ako mananalo pero hindi ibig sabihin noon na hahayaan ko siyang ganito sa akin.

"I'm really fine with you being with my boyfriend's band in an interview specially that you're not there as his girlfriend. Andun ka as their handler, hindi naman din tungkol sa relationship n'yong dalawa ang uusisain diba?" nakangiting sambit ko, bakas naman ang iritasyon at pag kabigla sa kanyang mukha. Tinaasan ko siya nang kilay tsaka nag patuloy, "Am I right, Miss?" sambit ko tsaka bahagyang lumapit kay Xavier.

Umirap siya at umismid, hindi maitago ang iritasyon. Lumingon ako kay Xavier at tila hindi siya mapakali. There, alam kong gusto nyo ang isa't isa pero andito ako, I know I deserve their respect kahit bilang tao lang.

Agad namang iniba ni Samantha ang topic at hindi na sinubukan pang mang inis.

Oo Samantha, hinahayaan kong maging bulgar ka pero tingin ko hindi ko na iyon kayang hayaan lagi.

I know I shouldn't be mean because Xavier doesn't love me but I'm his girlfriend. At siguro iyon pa lang sapat na ring dahilan iyon para hindi niya ako ipahiya ng ganito.

Napabaling naman ako sa katabing table ng makita ang seryosong mukha ni Lucas na nakaharap sa kanyang cellphone.

May problema ba sya? O naiinip sa tagal ng meeting ng dalawa?

Nang matapos sila ay agad naman ring nag paalam. Akala ko'y magiging matiwasay na ang aming paguwi ngunit hindi dahil halos manliit ako nang makitang halikan ni Samantha si Xavier sa harap ko tsaka ako tiningnan ng puno ng pagyayabang.

"Opps I couldn't help it," tsaka siya tumalikod tsaka umalis.

Hindi naman nakakilos si Xavier sa aking gilid. Halos manlamig ako nang makitaan siya nang pamumungay ng mata.