After Him

Chapter 10

Chapter 10

Lucas assisted me to my room before he proceed to his. Napagusapan naming pagkatapos ng ilang activity ngayon ay tsaka kami ulit mag kikita.

Nakakahiya nga at baka mainip siya pero ang sabi nya ay ayos lang.

Nag bihis ako ng damit na isusuot mamaya, isang  mustard flowy dress ang suot ko at sandals. Matapos kong mag ayos ay lumabas na ako para pumunta sa event area ng resort at duon nakita ang mga katrabaho mula sa iba't ibang department.

Wala akong gaanong kaclose sa kanila kaya tatlong araw akong walang kausap tuwing mag activity. Mabuti na lang pala at sinamahan ako ni Lucas, kahit paano ay hindi ako malulungkot o maiinip.

Opening palang ang nangyari, matapos ang discussion about sa mga activities na gagawin namin para sa sunod araw ay tapos na kami. Bukas ang pinakahectic na sched maging sa pangatlong araw, ngayon ay para ito sa pag pahinga at pag libot namin sa lugar.

I texted Lucas that we're done. Dapat ay kakain kami roon pero nag pasya akong sabay na lang kami ni Lucas.

Ako:

We're done. Where are you?

Habang nag aantay ng reply n'ya ay naupo ako sa isang sun lounger malapit sa pool sa harap ng entrance ng resort.

Nilapitan naman ako ni Miss Marisa kaya ibinaling ko ang atensyon sa kanya.

"Miss Berdin," ngumiti ako sa kanya nang tuluyan siyang makalapit.

"Miss Marisa?"

"Are you really with the," nag aalangang simula nya kaya natawa ako ng bahagya. Type nya ba si Lucas?

"Si Lucas po? Opo kasama ko sya," mas malaki ang ngiti ko sa kanya ngayon. Bigla naman syang hindi mapakali kaya't hindi ko napigilan ang pag angat ng aking kilay. She's got a crush on him that fast?

"Ah kasi Miss Berdin,"

"Hey you're here. You didn't reply on my text," lumapit sa akin si Lucas. Agad naman akong tumingin sa cellphone ko at nakita nga roon ang reply nya. Kapit niya ako sa aking bewang nang bumaling siya kay Miss Marisa kaya napatingin na rin ako.

Namumula ito at mukha nanamang di mapakali. Kunot noo naman akong napatitig sa kanya. Don't tell me she really likes Lucas? Agad?

"Sige Miss Berdin, I'll go ahead. Enjoy the place, Sir. Bye," nag mamadali siyang umalis.

What was that? Ang weird n'ya ha!

"What did she tell you?" marahang tanong ni Lucas nang makaalis na si Miss Marisa.

Ngumiti ako sa kanya at umiling, "She's got a crush on you Lucas," I grinned.

Umismid naman siya sa akin at mas inilapit ako sa kanya. Nasa likod ko siya ngayon kaya para nya akong yakap. Nakatanaw lang kami sa swimming pool na sa dulo ay dagat na rin.

"You hungry?" he asked. Doon ko pa lang naalala na nag desisyon akong sabay na kami kumain.

"Yeah, kumain ka na ba? Hindi na ako roon kumain para sana sabay na tayo," maliit ang boses ko ng sabihin iyon, bahagyang nahiya.

"Okay then let's eat," sambit niya tsaka ako iginaya sa restaurant ng hotel.

Tahimik lang ako habang pinag mamasdan siyang mag order ng aming pagkain. Kung hindi ko alam na driver siya ni Samantha ay iisipin kong mayaman siya. Sa porma niya at sa kung paano niya dalhin ang sarili niya, sa tindig at ganda ng pangangatawan hindi ko maiisip na hindi siya mayaman. Siguro masyadong malaki ang sweldo niya kay Samantha kaya, kayang kaya niya mag waldas ng pera ng ganon lang kadali.