Monarch Academy: School of Elemental Powers (Under Editing)

Chapter 3: Stay Away

"If you have any questions, just ask me." Tumayo na si Sir Henry at kinuha ang isang pirasong cigarette sa bulsa niya.

"Ms. Elysse, let's talk." aniya

Kinakabahan akong tumayo bago sinundan si Sir Henry. Sumenyas pa sa akin si Charli na hihintayin niya ako bago kami kumain.

Naabutan kong nakatayo sa hallway si Sir Henry. Binuksan niya ang bintana bago dumungaw at sinindihan ang isang sigarilyo.

"Ano po ang pag uusapan natin?" basag ko sa katahimikan.

"Hindi na ako magtatagal pa at marami pa akong aasikasuhin." Tinapon niya ang hawak niyang sigarilyo.

"Wala bang umaaligid sa'yong kakaiba? O kahit sinong tao nagtangka alamin kung sino ka?" Tumaas ang kilay niya.

Natahimik ako. Agad na pumasok sa isip ko sina Charli at Sky. Wala naman sigurong masama kung sasabihin ko sa kanila kung ano ang kaya ko. Sila na ang nagsabing, pantay pantay kami dito.

"Hindi lahat ng estudyante ay pantay pantay dito. May mga sarili kayong kakayahan at 'yun ang dahilan kung bakit kayo naiiba sa isa't isa." aniya

Kinagat ko ang labi ko. Tila nabasa niya ang iniisip ko.

"Your Mom is still undecided. We can't let you have a training or at least teach you about your abilities. Hintayin pa namin ang sagot ng magulang mo tungkol dito."

"The right thing to do is, stay away sa mga taong nagtatangka alamin kung sino ka. Kung maaari, iwasan mo sila at huwag na kausapin pa."

Ito ang nagpagulo sa isip ko buong araw. Ilang beses akong tinanong ni Charli pero iniiwasan ko ang tanong nito. Pinagkakatiwalaan ko siya pero hindi dapat sa ganitong paraan.

"Tahimik mo naman, something's bothering you?" ani Charli at sumubo ng pagkain.

Umiling ako. "Wala naman. Nasaan pala si Sky?" pag iiba ko.

Nagkibit balikat siya. "Tinawag rin siya pagkaalis mo pero hindi na bumalik."

Tumango ako. Tinapos ko ang pagkain ko na wala akong kinukwento sa kaniya. Ilang araw pa lang kami magkasama ni Charli pero pakiramdam ko ang gaan na ng loob ko sa kaniya.

Narinig ko muli ang familiar na tilian ng mga tao sa Dining Hall. Pakiramdam ko wala ako sa katinuan mag isip. I sighed heavily. Nagpokus ako sa pagkain ko at inubos yon.

May umakbay sa balikat ko. "Hi! Late na ba ako?" tawa niya.

"Tagal mo 'te. Saan ka ba galing?" Umirap si Charli at ngumuso ito, tinuturo ako.

"Seven High thing, miss." sagot niya. Tinapik niya ang binti ko para tumabi.

"Eto kasi si Elysse. Tahimik masyado." pagsumbong niya.

Tumawa ako. I should stop thinking about this. "Uy, hindi ah?"

"Whatever you'll say, alam ko ang totoo." ani Charli at inirapan ako.

Buong oras ng klase kanina ay kinakalabit ako ni Charli para tanungin kung ayos lang ba ako. Hindi ko kasi siya masagot ng direkta kaya nginingitian ko lang siya. Hindi ko rin naman alam kung ano ang sasabihin ko.

Tumaas ang kilay ko. "Alam mo?"

Nagkibit balikat si Sky. "Well, she knows your feelings." aniya

"Paano?" Agad akong kinabahan.

Tumawa si Charli. "Eto naman, seryoso agad 'te? Alam ko lang nararamdaman mo pero hindi ko alam kung ano at bakit. I used my abilities, that's why. I'm sorry." aniya