Unicode
" Jaeminရေချိုးပြီးပြီလား "
မေးနေပေမယ့် အဖြေက ပြန်မလာတာမို့ အိပ်ခန်းဆီသို့ သူလျှောက်လာခဲ့လိုက်သည် ။
'' မဟုတ်ဘူး ဒယ်ဒီ ''
အခန်းထဲကိုသူဝင်လာတော့ ပြတင်းပေါက်နားမှာရပ်ကာ Jaeminဖုန်းပြောနေသည် ။
ညဝတ်အကျီင်္တောင် လဲပြီးနေပြီပဲ ။
'' ဒယ်ဒီ မယုံရင် Injunကိုမေးကြည့်ပါလား ''
လက်ကိုအတင်းလှမ်းဆွဲကာ ဖုန်းကိုလက်ထဲထိုးထည့်ပေးနေသည်မို့ နားနားကပ်ကာ သူနားထောင်လိုက်သည် ။
'' ဟယ်လို အန်ကယ် ''
'' သူတကယ်ကောင်းနေပြီဆိုတာ ဟုတ်လား သား ''
အန်ကယ်အမေးအားမဖြေခင် Jaeminကိုသူမော့ကြည့်လိုက်တော့ ခေါင်းညိတ်ပြနေသည် ။
'' ဟုတ်ကဲ့ အန်ကယ် ''
'' အဲ့ကောင်လေးက အမြဲတမ်းတဇွတ်ထိုးပဲ ''
'' ကျွန်တော်တားတယ် အန်ကယ် ဒါပေမဲ့ ''
ခါးနားကိုရစ်သိုင်းကာ နောက်ကနေ အတင်းဖက်နေတဲ့ Jaeminကြောင့် ဟိုနေရာက ယားသလိုလို ဒီနေရာယားယားသလိုလို ဖြစ်လို့နေတာမို့ စကားတွေတောင် မေ့လျော့ကုန်ပြီ ။
'' သိတယ် သူ့အကြောင်းကို ၊ လုပ်ချင်မိရင် ဇွတ် ''
'' ဟုတ်တယ် အန်ကယ် ၊ သူကတကယ် ဇွတ်တရွတ် ''
လည်တိုင်ကို ခပ်ဖွဖွနမ်းနေသည့် Jaeminအား ရည်ညွှန်းကာ သူထောက်ခံလိုက်သည် ။
'' အသံတွေဘာလို့တုန်နေတာလဲ Injun ''
'' အ ''
'' ဘာဖြစ်လို့လဲ ''
'' ဘာ ဘာမှမဖြစ်ပါဘူး အန်ကယ် ၊ ပုရွတ်ဆိတ်ကိုက်လို့ ''
'' ဖြစ်ရမယ် ဒီကလေးတွေကတော့ ၊ ဒါဆိုလည်း Jaeminကို သေချာနားခိုင်းလိုက်အုန်း ၊ မနက်ကျရင် အန်ကယ့်ဆီလာခဲ့ကြ ''
'' ဟုတ်ကဲ့ အန်ကယ် ''
'' အေး အေး ''
ဖုန်းချသွားမှ Jaeminလက်တွေကို တွန်းကန်ရင်း ရန်တွေ့ဖို့ သူအားယူလိုက်သည် ။
VOUS LISEZ
မျိူးရိုးကအထက်တန်းစား {မ်ိဴးရိုးကအထက္တန္းစား}
Roman d'amourUnicode ကိုယ်ကမင်းကိုသိပ်ချစ်တာ Injunnie••• RenMin💚 Zawgyi ကိုယ္ကမင္းကိုသိပ္ခ်စ္တာ Injunnie••• RenMin💚